Isaías 2
2
Yuumtzile' bíin u beet u yantal jéedzel ti' múuch' caajo'ob
(Miq 1.1-3)
1Lelo'oba', u bóobat t'aano'ob Isaías u paal Amoz, je'el bix tu kamjilac ti' Yuumtzil u ti'al ca u dzáa ojéeltbil ba'axo'ob cu taal u kiinil ti' Judá yéetel ti' Jerusalén.
2Ti' le kiino'ob cu taalo'obo', bíin ma'alob jéedzec le witz tu'ux yaan u kulnaj Yuumtzil.
Leti' bíin asab ca'anal witzac ti' tuláacal witz.
Bíin talaco'ob ti' tuláacal múuch' caajo'ob;
3ya'abcach caajo'ob bíin kuchuco'ob xíimbaltic, táan u ya'alico'ob:
Co'otene'ex, na'acaco'on tu witz Yuumtzil,
tu kulnaj u Ku Jacob, u ti'al ca u ye'es to'on u beelo'ob
u ti'al ca c xíimbaltej.
Tumen Sión bíin jóokoc u ca'anbesaj Yuumtzil,
Jerusalén bíin taalac u t'aan.
4Yuumtzil bíin u táan óolt ba'atel tuláacal caajo'ob,
leti' bíin a'alic ba'ax caajil si'ipilchaja'an, ba'ax ma'.
Leti'obe' bíin u suto'ob u x ca'a mat yej máascabo'obe' u nu'uculil meyaj
u lóomte'obe' bíin u suto'ob lóobche'il.
Mix jun p'éel caaj bíin u ch'a'a u nu'ucul u ba'atel u ti'al u bin u ba'atelt yaanal caaj,
mix bíin kabéetchajac u yúuchul ca'anbesaj u ti'al ba'ateli'.
5¡U caajale'ex Jacob cone'ex j xíimbal tu beelil u sáasil Yuumtzil!
U jaadzil j nonoj báilo'ob
6Yuumtzil, teche' dzo'oc a xúunp'attic a caajal,
dzo'oc a xúunp'attic u caajal Jacob;
le múuch' caajo'obo', chuup yéetel j wáayo'ob j lakin u taalbalo'ob,
chuup yéetel j na'ato'ob je'el bix le j filisteob cu bisicuba'ob yéetel j táanxel lu'umilo'obo'.
7Le caajo'obo' chuup yéetel oro, plata bey xan yéetel ya'abcach ayikalilo'ob;
le caajo', chuup yéetel tzíimino'ob bey xan yéetel ya'abcach bolano'ob.
8¡Ba'ale' chuup xan yéetel beetbil kuob!
U cajnáalilo'ob le caajo' cu kultico'ob le kuob tu beetajo'ob tu kabilo'ob.
9Dzo'oc u pajic u subtalo'ob,
dzo'oc xan u mixba'alcunticuba'ob.
¡Ma' a sa'atsic u si'ipilo'ob!
10Le máaco'obo', bíin u dzotuba'ob tu yaan nucuch tuunicho'ob,
tu yáanal lu'um;
bíin u ta'acbesuba'ob tu táan u sajbe'entzilil Yuumtzil,
tu táan u sac jome'enil u tzicbe'enil.
11Le j ca'anal icho'obe', bíin chinlac u yicho'ob;
le máaxo'ob cu yu'ubicuba'ob noj ba'alo'obe', bíin t'ona'anquinta'aco'ob.
Chéen Yuumtzil bíin u ye'es u nojochil ti' le kiino',
12tumen le kiino' Yuumtzil u Yuumil tuláacal páajtalile'
bíin u ye'es ba'ax bíin u beet ti' tuláacal máac ca'anal u ich yéetel dzu'uy u pucsi'ikal, ti' tuláacal máax cu yu'ubicubáa nonoj ba'al, u ti'al ca u t'ona'anquinte;
13ti' tuláacal le máaxo'ob cu tuculticuba'ob beyo'ob u kuulche'ilo'ob Líbano, sen ca'analtaco'ob, beyo'ob u béequilo'ob Basane';
14ti' tuláacal le máaxo'ob cu tuculticuba'ob ca'analtaco'ob beyo'ob ca'anal witzo'obe',
15ti' tuláacal le máaxo'ob cu tuculticuba'ob beyo'ob j ca'anal pu'uco'obe' wa quex beyo'ob j piimpim tuulumo'obe',
16ti' le máaxo'ob cu tucultico'ob beyo'ob u cheemil Tarsis
wa beyo'ob qui'ichquelem cheemo'obe'.
17Le j ca'anal icho'ob yéetel nonojbáilo'obo', bíin t'onquinta'aco'ob jun puli'.
Chéen Yuumtzil bíin u ye'es u nojochil ti' le kiino',
18bíin u xu'uls tuláacal beetbil kuob.
19Le quéen líikic Yuumtzil u ti'al u chup lu'um yéetel sajaquil,
wíinico'obe', bíin u chokuba'ob tu áactunilo'ob nucuch tuunicho'ob,
tu joolilo'ob lu'um;
bíin u ta'acbesuba'ob ti' u sajacbe'enil Yuumtzil,
tu yo'olal u sac jome'enil u tzicbe'enil.
20Ti' le kiino', wíinique', bíin u pul u beetbil kuob
ti' ch'o'ob yéetel ti' soodzo'ob,
le beetbil kuob oro yéetel plata u ca'ajo'ob
tu beetaj tu kabil u ti'al u kulto'ob.
21bíin u chokubáa cáap nucuch tuunicho'ob,
ichil u áactunilo'ob cháaltuno'ob
u ti'al u ta'acbesicuba'ob ti' u sajbe'entzil táan Yuumtzil,
tu táan u sac jome'enil u tzicbe'enil,
le kiin bíin líikic u ti'al u chup tu yéetel sajbe'enil lu'um.
22P'at a wocsic a wóole'ex ti' wíinic,
tumen jach jun p'íit u biilal.
U cuxtal wíinique' chéen bey jun p'éel múus ike'.
Currently Selected:
Isaías 2: MAYABI
Highlight
Share
Copy
Want to have your highlights saved across all your devices? Sign up or sign in
Texto Maya © Sociedades Bíblicas Unidas, 1992
Isaías 2
2
Yuumtzile' bíin u beet u yantal jéedzel ti' múuch' caajo'ob
(Miq 1.1-3)
1Lelo'oba', u bóobat t'aano'ob Isaías u paal Amoz, je'el bix tu kamjilac ti' Yuumtzil u ti'al ca u dzáa ojéeltbil ba'axo'ob cu taal u kiinil ti' Judá yéetel ti' Jerusalén.
2Ti' le kiino'ob cu taalo'obo', bíin ma'alob jéedzec le witz tu'ux yaan u kulnaj Yuumtzil.
Leti' bíin asab ca'anal witzac ti' tuláacal witz.
Bíin talaco'ob ti' tuláacal múuch' caajo'ob;
3ya'abcach caajo'ob bíin kuchuco'ob xíimbaltic, táan u ya'alico'ob:
Co'otene'ex, na'acaco'on tu witz Yuumtzil,
tu kulnaj u Ku Jacob, u ti'al ca u ye'es to'on u beelo'ob
u ti'al ca c xíimbaltej.
Tumen Sión bíin jóokoc u ca'anbesaj Yuumtzil,
Jerusalén bíin taalac u t'aan.
4Yuumtzil bíin u táan óolt ba'atel tuláacal caajo'ob,
leti' bíin a'alic ba'ax caajil si'ipilchaja'an, ba'ax ma'.
Leti'obe' bíin u suto'ob u x ca'a mat yej máascabo'obe' u nu'uculil meyaj
u lóomte'obe' bíin u suto'ob lóobche'il.
Mix jun p'éel caaj bíin u ch'a'a u nu'ucul u ba'atel u ti'al u bin u ba'atelt yaanal caaj,
mix bíin kabéetchajac u yúuchul ca'anbesaj u ti'al ba'ateli'.
5¡U caajale'ex Jacob cone'ex j xíimbal tu beelil u sáasil Yuumtzil!
U jaadzil j nonoj báilo'ob
6Yuumtzil, teche' dzo'oc a xúunp'attic a caajal,
dzo'oc a xúunp'attic u caajal Jacob;
le múuch' caajo'obo', chuup yéetel j wáayo'ob j lakin u taalbalo'ob,
chuup yéetel j na'ato'ob je'el bix le j filisteob cu bisicuba'ob yéetel j táanxel lu'umilo'obo'.
7Le caajo'obo' chuup yéetel oro, plata bey xan yéetel ya'abcach ayikalilo'ob;
le caajo', chuup yéetel tzíimino'ob bey xan yéetel ya'abcach bolano'ob.
8¡Ba'ale' chuup xan yéetel beetbil kuob!
U cajnáalilo'ob le caajo' cu kultico'ob le kuob tu beetajo'ob tu kabilo'ob.
9Dzo'oc u pajic u subtalo'ob,
dzo'oc xan u mixba'alcunticuba'ob.
¡Ma' a sa'atsic u si'ipilo'ob!
10Le máaco'obo', bíin u dzotuba'ob tu yaan nucuch tuunicho'ob,
tu yáanal lu'um;
bíin u ta'acbesuba'ob tu táan u sajbe'entzilil Yuumtzil,
tu táan u sac jome'enil u tzicbe'enil.
11Le j ca'anal icho'obe', bíin chinlac u yicho'ob;
le máaxo'ob cu yu'ubicuba'ob noj ba'alo'obe', bíin t'ona'anquinta'aco'ob.
Chéen Yuumtzil bíin u ye'es u nojochil ti' le kiino',
12tumen le kiino' Yuumtzil u Yuumil tuláacal páajtalile'
bíin u ye'es ba'ax bíin u beet ti' tuláacal máac ca'anal u ich yéetel dzu'uy u pucsi'ikal, ti' tuláacal máax cu yu'ubicubáa nonoj ba'al, u ti'al ca u t'ona'anquinte;
13ti' tuláacal le máaxo'ob cu tuculticuba'ob beyo'ob u kuulche'ilo'ob Líbano, sen ca'analtaco'ob, beyo'ob u béequilo'ob Basane';
14ti' tuláacal le máaxo'ob cu tuculticuba'ob ca'analtaco'ob beyo'ob ca'anal witzo'obe',
15ti' tuláacal le máaxo'ob cu tuculticuba'ob beyo'ob j ca'anal pu'uco'obe' wa quex beyo'ob j piimpim tuulumo'obe',
16ti' le máaxo'ob cu tucultico'ob beyo'ob u cheemil Tarsis
wa beyo'ob qui'ichquelem cheemo'obe'.
17Le j ca'anal icho'ob yéetel nonojbáilo'obo', bíin t'onquinta'aco'ob jun puli'.
Chéen Yuumtzil bíin u ye'es u nojochil ti' le kiino',
18bíin u xu'uls tuláacal beetbil kuob.
19Le quéen líikic Yuumtzil u ti'al u chup lu'um yéetel sajaquil,
wíinico'obe', bíin u chokuba'ob tu áactunilo'ob nucuch tuunicho'ob,
tu joolilo'ob lu'um;
bíin u ta'acbesuba'ob ti' u sajacbe'enil Yuumtzil,
tu yo'olal u sac jome'enil u tzicbe'enil.
20Ti' le kiino', wíinique', bíin u pul u beetbil kuob
ti' ch'o'ob yéetel ti' soodzo'ob,
le beetbil kuob oro yéetel plata u ca'ajo'ob
tu beetaj tu kabil u ti'al u kulto'ob.
21bíin u chokubáa cáap nucuch tuunicho'ob,
ichil u áactunilo'ob cháaltuno'ob
u ti'al u ta'acbesicuba'ob ti' u sajbe'entzil táan Yuumtzil,
tu táan u sac jome'enil u tzicbe'enil,
le kiin bíin líikic u ti'al u chup tu yéetel sajbe'enil lu'um.
22P'at a wocsic a wóole'ex ti' wíinic,
tumen jach jun p'íit u biilal.
U cuxtal wíinique' chéen bey jun p'éel múus ike'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Texto Maya © Sociedades Bíblicas Unidas, 1992