Isaías 1
1
U sen nojoch keban u caajil Judaa'
1U bóobat t'aano'ob Isaías u paal Amoz je'el bix e'esa'abic ti' tumen Ku tu yo'olal ba'axo'ob bíin úuchuc tu múuch' caajilo'ob Judá yéetel tu caajil Jerusalén, tu kiinilo'ob táan ca'ach u ajawilo'ob Uzías, Jotán, Acaz tu yéetel Ezequías tu múuch' caajil Judá.
2Ca'an yéetel lu'um,
ch'en xiquinte'ex ba'ax cu ya'alic Yuumtzil:
Tin tzéentaj in paalal tac ca j nuucchajo'ob,
ba'ale' leti'obe', j ko'oxchajo'ob ti' u j ma' u'uyaj t'aanilo'ob.
3Wacaxe', cu kaj óoltic u yuumil,
burroe' cu kaj óoltic xan u cúuchil tu'ux cu tzéenta'al tumen u yuumil;
ba'ale' Israel in caajale', ma' tu kaj óoltiquen, cu dzo'ocole' mina'an u na'at.
4¡Yaj yanile'ex sen j keban wíinique'ex,
j keban caaje'ex, u ch'i'ibale'ex loolob wíinico'ob,
u paalale'ex máaco'ob táaj tzeelel u cuxtalo'ob!
Dzo'oc a náachtale'ex ti' Yuumtzil,
dzo'oc a xúunp'attique'ex u quili'ich Kuil Israel,
dzo'oc a dzáique'ex jun tzéelil.
5Te'exe' ch'iiquile'ex ti' u ko'oxil a j ma' u'uyaj t'aane'ex,
ta wíinclile'exe' dzo'oc u p'áatal mina'an tu'ux a ja'adzale'ex.
Láaj xaacal a poole'ex, dzo'oc u p'áatal mina'an a muuke'ex jun puli'.
6Likbal tu ni' a wooque'exe' tac ta poole'exe',
mina'an mix jun xéet' u yutzil a wíinclilex;
láaj yajtaco'ob, ko'okola'ano'ob yéetel tu'utaco'ob;
mix máac dzacmail ti' te'ex, mix máac xan to'omail,
mix cu'ulta'an aceite ti'obi' u ti'al u ch'éenel u ki'ina'amilo'ob.
7Dzo'oc u x tocoy lu'umtal a múuch' caaje'ex,
táan u tóoch'bal u káakil caajale'ex.
tu táan a wiche'ex cu jaanta'al tumen a aj p'eeque'ex, ba'ax a pakmaje'ex.
dzo'oc láaj suut x tocoy lu'umil,
je'el bix p'áatic Sodoma le kiin ca j xu'ulsa'abe'.
8Chéen Sión j p'a'at ma' j tóoca'abi',
bey jun p'éel pasel chúumuc u x péet pachil uvae',
bey jun p'éel máacan chúumuc tu'ux paka'an melone',
chéen tu jun bakpachta'anil tumen le aj p'eeco'.
9Wa ma' úuchic u p'a'atal cuxa'an dze'edzec ti' to'on
tumen u Yuumil tuláacal páajtalile',
bejela'a' dzo'oc ca'ach u p'áatal bey u caajilo'ob Sodoma yéetel Gomorrae'.
Bix u najmal u kulta'al Ku
10Ch'en xiquinte'ex u t'aan Yuumtzil u méektáanile'ex Sodoma,
u caajile'ex Gomorra u'uye'ex ma'alob
ba'ax cu bin u ca'aj u ca'anbes ti' te'ex Ku.
11Yuumtzile' cu ya'alic:
¿Ba'ax u biilal le sen quíimsbil ba'alche'ob ca taasique'ex teno'?
Dzo'oc u náacal in wóol ti' le tóocbil j tamano'ob
yéetel ti' u tzaatzel le j mejen wacaxo'obo';
kaas u lúubul ti' teen u ki'ikel le wacaxo'ob, le j tamano'ob yéetel le j mejen j yuuco'obo'.
12Te'exe' ca taale'ex a táanbesaba'ex tin táan,
¿ba'ale' máax a'al te'ex ca taalaque'ex a xanabcha'ate'ex u táancabil in quili'ich najil?
13Ma' a taasique'ex ti' teen ti'ibil óolo'ob mina'an u tojol;
dzo'oc u náacal in wóol ti' u buudzilo'ob.
Te'exe', ca t'anique'ex caaj u ti'al u kiinbeso'ob u kiinil chichan uj, sábado,
ba'ale' tene', ma' bíin in kam ba'ax cu beetic máaxo'ob kaas u cuxtalo'obi'.
14Kaas u lúubul ti' teen u kiinbesajil chichan luna yéetel le kiinbesajo'ob cu much'icuba'ob u beeto'ob;
¡dzo'oc sen lúubulo'ob teen kaasil,
ma' bíin in ca'a mukyajt u kubico'ob ti' teni'!
15Quéen a líikese'ex a kabe'ex u ti'al a payalchi'exe',
tene' bíin in sut in wich táanxel tu'ux;
quex sen payalchi'inaque'exe', ma' bíin in ch'en xiquinti'.
Ta kabile'ex a quíimsmaje'ex wíinico'ob.
16¡P'o'ex a kaasile'ex!
¡Tzele'ex tin táan a loobile'ex!
¡P'ate'ex a beetique'ex ba'axo'ob kaastac!
17¡Cane'ex a beete'ex ba'ax utz,
dzáa a wóole'ex a beete'ex ba'ax tu beel,
dza'ex áantaj ti' máax yedza'ano',
táan óolte'ex u beeta'al ba'ax tu beel ti' j ma' taata,
áante'ex le x quimen íichamo'!
18Yuumtzile' cu ya'alic:
Co'otene'ex ca c ila'a' buca'aj a p'aaxe'ex.
Quex tumen sen chac jope'en a kebane'exe',
tene' bíin in p'a'at sen sac bey ye'ebe';
quex wa je'el bix nook chac bona'ane', bíin in p'at sen sac bey piidze'.
19Wa ca wóoltique'ex a wu'uye'ex t'aane', bíin a jaante'ex u asab ma'alobil ba'ax cu dzáic lu'um;
20ba'ale' wa ca pechicaba'ex ti' ko'oxil j ma' u'uyaj t'aane'exe',
ma' bíin a jeche'ex le quíimil te j ba'atelo'.
Jach Yuumtzil a'almail.
Chéen Yuumtzil bíin utzquintic u yanil Jerusalén
21¡X pak keban caaj dzo'oc a chuquic béeytal
jach je'el bix jun túul x cáacbache'!
Ca'ache' tuláacal a cajnáalilo'ob cu beetic ba'ax tu beel
no'oja'an xan u cuxtalo'ob ca'achi,
ba'ale' bejela'e', dzo'oc u láaj suuto'ob quíimsaj wíinico'ob.
22Beyech plata ca'ache', ba'ale' bejela'e', dzo'oc a suut u ta' míise',
beyech ma'alob vino ca'ache', ba'ale' bejela'e', dzo'oc a suut ja'il.
23A j méektáano'obe', u yéet bisajbáa j oocolo'ob.
Tuláacalo'ob cu cha'ico'ob u ma'analo'ob
cu caxtico'ob xan bix u dza'abal siibalo'ob ti'ob.
Ma' tu beetico'ob p'is óol tu beel ti' le j ma' yuumo',
ba'ax u ka'aj ti'ob ba'ax cu najmatic le x quimen íichamo'obo'.
24Le t o'olale', u Yuumil tuláacal páajtalil
u mu'uka'anil Israele', cu ya'alic tu jaajil:
¡Way cu náacal tuláacal ba'ale'! Tene' bíin in dzáa u bo'olal in aj p'eeco'ob.
Bíin in sut u jeel u meyaj kaaso'ob.
25Bin in ca'aj in líikes in kab ti' teech u ti'al in tóoquic a ta' míisil;
bin in ca'aj in lukes tuláacal a kaasil.
26Bíin in dzáa tu ca'a téen u aj p'is óolo'ob a caajale'ex je'el bix ca'ache',
bey xan u aj tzol xiquino'ob je'el bix ca j chu'unpaje'.
Le quéen dzo'ococ in beetic beyo', bíin ca'a a'ala'ac ti' teech: U caajil ti'ibil cuxtal, aj ocsaj óol caaj.
27Bíin in jáalkabt u cajnáalilo'ob Sión
yéetel in ti'ibil bejil bey xan yéetel in tocsajil
u ti'al ca suunaco'ob ti' teen.
28Ba'ale', bíin in xe'exe'et' le ko'oxo'ob j ma' u'uyaj t'aano'ob yéetel aj kebano'ob,
máaxo'ob bíin xúun p'atiquene' bíin quíimico'ob.
29Bíin sublacchajaque'ex ti' le béeco'ob yéetel ti' u x péet pachil nicte'ob
le sen utz ta wiche'ex ca'acho'
le tu'ux ca kultaje'ex le beetbil kuobo'.
30Te'exe', beye'ex u le'ob béeco'ob dzo'oc u sen chuchultalo'obe',
beye'ex u x péet pachil nicte'ob ma' teech u jóoyabta'alo'obe'.
31Le máac mu'uka'ane' bíin p'áatac bey sojole',
u meyajo'obe', bíin p'áatac bey u yaach káake':
tu ca'a p'éelal bíin eleco'ob jun páaquili', ma' bíin yanac máax tupiqui'.
Currently Selected:
Isaías 1: MAYABI
Highlight
Share
Copy
Want to have your highlights saved across all your devices? Sign up or sign in
Texto Maya © Sociedades Bíblicas Unidas, 1992
Isaías 1
1
U sen nojoch keban u caajil Judaa'
1U bóobat t'aano'ob Isaías u paal Amoz je'el bix e'esa'abic ti' tumen Ku tu yo'olal ba'axo'ob bíin úuchuc tu múuch' caajilo'ob Judá yéetel tu caajil Jerusalén, tu kiinilo'ob táan ca'ach u ajawilo'ob Uzías, Jotán, Acaz tu yéetel Ezequías tu múuch' caajil Judá.
2Ca'an yéetel lu'um,
ch'en xiquinte'ex ba'ax cu ya'alic Yuumtzil:
Tin tzéentaj in paalal tac ca j nuucchajo'ob,
ba'ale' leti'obe', j ko'oxchajo'ob ti' u j ma' u'uyaj t'aanilo'ob.
3Wacaxe', cu kaj óoltic u yuumil,
burroe' cu kaj óoltic xan u cúuchil tu'ux cu tzéenta'al tumen u yuumil;
ba'ale' Israel in caajale', ma' tu kaj óoltiquen, cu dzo'ocole' mina'an u na'at.
4¡Yaj yanile'ex sen j keban wíinique'ex,
j keban caaje'ex, u ch'i'ibale'ex loolob wíinico'ob,
u paalale'ex máaco'ob táaj tzeelel u cuxtalo'ob!
Dzo'oc a náachtale'ex ti' Yuumtzil,
dzo'oc a xúunp'attique'ex u quili'ich Kuil Israel,
dzo'oc a dzáique'ex jun tzéelil.
5Te'exe' ch'iiquile'ex ti' u ko'oxil a j ma' u'uyaj t'aane'ex,
ta wíinclile'exe' dzo'oc u p'áatal mina'an tu'ux a ja'adzale'ex.
Láaj xaacal a poole'ex, dzo'oc u p'áatal mina'an a muuke'ex jun puli'.
6Likbal tu ni' a wooque'exe' tac ta poole'exe',
mina'an mix jun xéet' u yutzil a wíinclilex;
láaj yajtaco'ob, ko'okola'ano'ob yéetel tu'utaco'ob;
mix máac dzacmail ti' te'ex, mix máac xan to'omail,
mix cu'ulta'an aceite ti'obi' u ti'al u ch'éenel u ki'ina'amilo'ob.
7Dzo'oc u x tocoy lu'umtal a múuch' caaje'ex,
táan u tóoch'bal u káakil caajale'ex.
tu táan a wiche'ex cu jaanta'al tumen a aj p'eeque'ex, ba'ax a pakmaje'ex.
dzo'oc láaj suut x tocoy lu'umil,
je'el bix p'áatic Sodoma le kiin ca j xu'ulsa'abe'.
8Chéen Sión j p'a'at ma' j tóoca'abi',
bey jun p'éel pasel chúumuc u x péet pachil uvae',
bey jun p'éel máacan chúumuc tu'ux paka'an melone',
chéen tu jun bakpachta'anil tumen le aj p'eeco'.
9Wa ma' úuchic u p'a'atal cuxa'an dze'edzec ti' to'on
tumen u Yuumil tuláacal páajtalile',
bejela'a' dzo'oc ca'ach u p'áatal bey u caajilo'ob Sodoma yéetel Gomorrae'.
Bix u najmal u kulta'al Ku
10Ch'en xiquinte'ex u t'aan Yuumtzil u méektáanile'ex Sodoma,
u caajile'ex Gomorra u'uye'ex ma'alob
ba'ax cu bin u ca'aj u ca'anbes ti' te'ex Ku.
11Yuumtzile' cu ya'alic:
¿Ba'ax u biilal le sen quíimsbil ba'alche'ob ca taasique'ex teno'?
Dzo'oc u náacal in wóol ti' le tóocbil j tamano'ob
yéetel ti' u tzaatzel le j mejen wacaxo'obo';
kaas u lúubul ti' teen u ki'ikel le wacaxo'ob, le j tamano'ob yéetel le j mejen j yuuco'obo'.
12Te'exe' ca taale'ex a táanbesaba'ex tin táan,
¿ba'ale' máax a'al te'ex ca taalaque'ex a xanabcha'ate'ex u táancabil in quili'ich najil?
13Ma' a taasique'ex ti' teen ti'ibil óolo'ob mina'an u tojol;
dzo'oc u náacal in wóol ti' u buudzilo'ob.
Te'exe', ca t'anique'ex caaj u ti'al u kiinbeso'ob u kiinil chichan uj, sábado,
ba'ale' tene', ma' bíin in kam ba'ax cu beetic máaxo'ob kaas u cuxtalo'obi'.
14Kaas u lúubul ti' teen u kiinbesajil chichan luna yéetel le kiinbesajo'ob cu much'icuba'ob u beeto'ob;
¡dzo'oc sen lúubulo'ob teen kaasil,
ma' bíin in ca'a mukyajt u kubico'ob ti' teni'!
15Quéen a líikese'ex a kabe'ex u ti'al a payalchi'exe',
tene' bíin in sut in wich táanxel tu'ux;
quex sen payalchi'inaque'exe', ma' bíin in ch'en xiquinti'.
Ta kabile'ex a quíimsmaje'ex wíinico'ob.
16¡P'o'ex a kaasile'ex!
¡Tzele'ex tin táan a loobile'ex!
¡P'ate'ex a beetique'ex ba'axo'ob kaastac!
17¡Cane'ex a beete'ex ba'ax utz,
dzáa a wóole'ex a beete'ex ba'ax tu beel,
dza'ex áantaj ti' máax yedza'ano',
táan óolte'ex u beeta'al ba'ax tu beel ti' j ma' taata,
áante'ex le x quimen íichamo'!
18Yuumtzile' cu ya'alic:
Co'otene'ex ca c ila'a' buca'aj a p'aaxe'ex.
Quex tumen sen chac jope'en a kebane'exe',
tene' bíin in p'a'at sen sac bey ye'ebe';
quex wa je'el bix nook chac bona'ane', bíin in p'at sen sac bey piidze'.
19Wa ca wóoltique'ex a wu'uye'ex t'aane', bíin a jaante'ex u asab ma'alobil ba'ax cu dzáic lu'um;
20ba'ale' wa ca pechicaba'ex ti' ko'oxil j ma' u'uyaj t'aane'exe',
ma' bíin a jeche'ex le quíimil te j ba'atelo'.
Jach Yuumtzil a'almail.
Chéen Yuumtzil bíin utzquintic u yanil Jerusalén
21¡X pak keban caaj dzo'oc a chuquic béeytal
jach je'el bix jun túul x cáacbache'!
Ca'ache' tuláacal a cajnáalilo'ob cu beetic ba'ax tu beel
no'oja'an xan u cuxtalo'ob ca'achi,
ba'ale' bejela'e', dzo'oc u láaj suuto'ob quíimsaj wíinico'ob.
22Beyech plata ca'ache', ba'ale' bejela'e', dzo'oc a suut u ta' míise',
beyech ma'alob vino ca'ache', ba'ale' bejela'e', dzo'oc a suut ja'il.
23A j méektáano'obe', u yéet bisajbáa j oocolo'ob.
Tuláacalo'ob cu cha'ico'ob u ma'analo'ob
cu caxtico'ob xan bix u dza'abal siibalo'ob ti'ob.
Ma' tu beetico'ob p'is óol tu beel ti' le j ma' yuumo',
ba'ax u ka'aj ti'ob ba'ax cu najmatic le x quimen íichamo'obo'.
24Le t o'olale', u Yuumil tuláacal páajtalil
u mu'uka'anil Israele', cu ya'alic tu jaajil:
¡Way cu náacal tuláacal ba'ale'! Tene' bíin in dzáa u bo'olal in aj p'eeco'ob.
Bíin in sut u jeel u meyaj kaaso'ob.
25Bin in ca'aj in líikes in kab ti' teech u ti'al in tóoquic a ta' míisil;
bin in ca'aj in lukes tuláacal a kaasil.
26Bíin in dzáa tu ca'a téen u aj p'is óolo'ob a caajale'ex je'el bix ca'ache',
bey xan u aj tzol xiquino'ob je'el bix ca j chu'unpaje'.
Le quéen dzo'ococ in beetic beyo', bíin ca'a a'ala'ac ti' teech: U caajil ti'ibil cuxtal, aj ocsaj óol caaj.
27Bíin in jáalkabt u cajnáalilo'ob Sión
yéetel in ti'ibil bejil bey xan yéetel in tocsajil
u ti'al ca suunaco'ob ti' teen.
28Ba'ale', bíin in xe'exe'et' le ko'oxo'ob j ma' u'uyaj t'aano'ob yéetel aj kebano'ob,
máaxo'ob bíin xúun p'atiquene' bíin quíimico'ob.
29Bíin sublacchajaque'ex ti' le béeco'ob yéetel ti' u x péet pachil nicte'ob
le sen utz ta wiche'ex ca'acho'
le tu'ux ca kultaje'ex le beetbil kuobo'.
30Te'exe', beye'ex u le'ob béeco'ob dzo'oc u sen chuchultalo'obe',
beye'ex u x péet pachil nicte'ob ma' teech u jóoyabta'alo'obe'.
31Le máac mu'uka'ane' bíin p'áatac bey sojole',
u meyajo'obe', bíin p'áatac bey u yaach káake':
tu ca'a p'éelal bíin eleco'ob jun páaquili', ma' bíin yanac máax tupiqui'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Texto Maya © Sociedades Bíblicas Unidas, 1992