Inug ne si nwḭ̀yḛ̀ 21
21
Anatì njə̀m imbə̀ʼ ikaŋ àbɔ̀ŋɔ feg tì isəg feg
1Mə ya si bàd ikaŋ àbɔ̀ŋɔ feg bə̀ bàd isəg feg. Ikaŋ àbɔ̀ŋɔ mbègtog tì isəg mbègtog ya fə nim. Igyi tìbà ya fə bə̀ nim. 2Mə ya bàd aben ìzḛzḛ ne ya nɔ̀ʼi abə Ŋwiye swìʼi tì ikaŋ àbɔ̀ŋɔ. Aben ìzḛzḛ ze ya Jèrusalèm feg. Mbi fə tangi aməd wì yaʼ icheg ne mbe ghìyə̀ ngwèn igun àyi igən ne mbe ghò ni chà abə inɔm məd. 3Mə ya bə̀ zug gì ne dùwə̀ ane atən ifɔn ze. Gì ze yaya gha, “Mbə̀ nḛ, amad anìŋ, Ŋwiye ya fə se chùghə yi abɔ̀ʼ bəd. Ane, mbɔb biri si yaʼ bəd Ŋwiye. Ŋwiye zìye, ne yaʼi ìwɔb Ŋwiye, biri chughi tì inɔb. 4Wì biri fug məsi məjìm ane àzɔb aghə. Chəyi bəd biri ywiri ku kə̀ dèg kə̀ chwḛ məsi kə̀ zug tibuʼ imbə̀ʼ icheg ne inug inun fə chè.”
5Məd we ne ya chughi igun atən ifɔn ze ya gha, “Mbə̀ nḛ, mə tàngi ighi ijìm ane mbi feg!” Wì ya bə̀ ghà inum gha, “Àghò ŋwaʼra anug azo̰ imbə̀ʼ icheg ne inug mbo̰ ya inug tesiʼ ne tì bəd bḛ.”
6Wì ya ghà inum gha, “Inug ijìm fə mèg, Mo ya Iko bə̀ yaʼ Ìnwḭ. Mo ya Wə̀d mbègtog bə̀ yaʼ Wə̀d ne si nwìyḛ̀. Mə biri nàʼ mənib ane àdùrì ze ne mənib məd mbe nàʼà ìtḛ̀ abə wə̀d we ne adɔʼ mənib ze ko aməd. Wì biri niŋ kwàʼ ako ne chəyi wì nàʼi ikab. 7Wə̀d ne bà̰ inug tibɔ̀ŋ biri jəg ighi mbo̰ ijìm. Mə biri yaʼ Ŋwiye məd, məd bə̀ yaʼ ìmə ŋwan. 8Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”
Anatì njə̀m imbə̀ʼ Jèrusalèm feg
9Angirə̀ mɔ̀ʼɔ abɔ̀ʼ mbè angirə̀ mbe ìsàmbe ne ya nyimi ikaŋ mbe ìsàmbe ne ngəʼ ka ka te ìsàmbe ne si nwḭ̀yḛ̀ ya sweghi inga, ya yèʼe ghà inum gha, “Yeʼe, mə biri chwi àyi igən we ne yaʼi iweg Ŋwan njə̀g ine.” 10Azwighi ya nyi inga inum. Ane, angirə̀ we ya si niŋ amə tì kɔʼ ghò ikaŋ iwum kyen mɔ̀ʼɔ ne ya taŋ sà ikaŋ. Wì ya pè angu, chwi Jèrusalèm, aben ìzḛzḛ ne Ŋwiye we swìye ikaŋ àbɔ̀ŋɔ. 11Ìzḛzḛ njandi njandi Ŋwiye yaya zùʼə inga aben ze. Aben ze yaya zùʼə njànda icheg ndəŋ àka inun bə̀ zùʼə njànda icheg jaspà. Aben ze yaya bə̀ zḛ icheg kristà. 12Aben kyen ze ya bèrì ikam kyen ne ya taŋ sà ikaŋ. Ikam we ya bèrì tinuʼ ikam ìghum chɔ̀b ibe. Mbè angirə̀ ìghum chɔ̀b ibe mbe yaya kyèʼrè tinuʼ ikam te. Mbi ya ŋwàʼrì tikum tinəbi mə̀Izre te ìghum chɔ̀b ibe igun tinuʼ ikam te. 13Tinuʼ ikam titad ya yaʼ ane aba ze ne nyùmə̀ we dùwə̀, titad yaʼ ane aba ze akɔʼɔ, titad yaʼ ane aba ze achɔŋɔ, titad yaʼ ane aba ze ne nyùmə̀ we fḛ̀.
14Mbi ya zèg ati ane ateg ìghum chɔ̀b ibe bɔm ikam we. Mbi ya bə̀ ŋwàʼrì tikum bədtɔm Ŋwan njə̀g mbe ìghum chɔ̀b ibe igun ateg ze. 15Angirə̀ we ne ya ghàmi inum ya bèrì mbàŋì ne mbi tangi ane gol, ne mbe mə̀grə̀ ighi angu. Wì ya bèrì ni mə̀grì aben ze, mə̀grì tinuʼ ikam te bə̀ mə̀grì iba ikam mbe. 16Aben ze ya bèrì iba ikwè ne yaʼi andəŋ andəŋ. Mbi ya faŋ bə̀ sà andəŋ andəŋ. Angirə̀ we ya mə̀grì aben ze ane ìmbàŋì we, bàd gha ze ya sà mə̀kilometà chuʼ tibe tì aki akwè. Iba ikam mbe ya yaʼ andəŋ andəŋ ni sà tì ni faŋ fɔrɔ ni sà ikaŋ. 17Angirə̀ we ya bə̀ mə̀grì ikam ane ikye aben we, ane, bàd gha ze ya sà ikaŋ mə̀metà ìghum tìfughə chɔ̀b tìfughə. Wì ya mə̀grì icheg ne bəd mbe mə̀grì ighi. 18Mbi ya tangi ikam we ane jaspà. Mbi ya bɔm aben ze məyi ane gol. Gol we yaya zḛ icheg manə̀m ne tì wə̀d bàd ighi ne yaʼi anjìm ìzin. 19Mbi ya zì ighi ngwèn igun ati ikam we ane aku ateg àka inun ajìm. Ateg mbègtog ya jaspà. Àze ne pè ane ibe ya sàfi. Àze ne pè ane itad ya àgatè. Àze ne pè ane ikwè ya emeràd. 20Àze ne pè ane ita̰ ya onigs. Àze ne pè ane tìfughə ya kànelìyàn. Àze ne pè ane ìsàmbe ya krisolìd. Àze ne pè ane ìfàmi ya berìl. Àze ne pè ane àbɔg ya topàs. Àze ne pè ane ìghum ya krisopràs. Àze ne pè ane ìghum chɔ̀b imɔʼ ya jasìn. Àze ne pè ane ìghum chɔ̀b ibe ya ametìst. 21Tinuʼ ikam te ìghum chɔ̀b ibe ya yaʼ mə̀pə ìghum chɔ̀b ibe. Inuʼ ikam imɔʼ ya mbi tangi ane pə imɔʼ. Mbi ya tangi inɔnjì kyen we inga ikye aben we məyi ane gol ne zḛ ŋwaŋ. Gol we ya yaʼ icheg manə̀m ne tì wə̀d bàd ighi ne yaʼi anjìm ìzin.
22Mə ya bàd gha chəyi mbàn Ŋwiye ya yaʼi inga ikye aben we imbə̀ʼ icheg ne mbàn Ŋwiye məd ya Anɔŋisəg Ŋwiyekɔʼ tì Ŋwan njə̀g. 23Chəyi aben ze ya ywirì kə̀b gha nyùmə̀ kə̀ iməg ywirì zuʼ igun məd imbə̀ʼ icheg ne ìzḛzḛ njandi njandi yaya dùwə̀ ane Ŋwiye zùʼə zḛ isiŋi ijìm. Ŋwan njə̀g yaya bə̀ zùʼə icheg anam. 24Bəd inga iben ijìm biri se yḛ̀ ane ìzḛzḛ we ne zùʼə inga ikye aben we. Məfɔn mbe igun isəg biri niŋ ìmbɔb ighi àka inun ijìm ghò inga ikye aben we. 25Chəyi mbi biri nɔ̀ʼ wùbì tinuʼ ikam te ane aben ze ka. Chəyi bə̀ yi izimi yaʼi ane asiŋi ze. 26Bəd inga iben ijìm biri niŋ ighi ijìm tì ighi ighumni ijìm inga isəg ijìm ghò inga aben ze. 27Chəyi aghi mɔ̀ʼɔ ne chəyi ze zḛ biri nɔʼ nyi inga aben ze, kə̀ àkə wə̀d ne ghìyə̀ inug ne nàʼà tìnìrètog, kə̀ wə̀d ne ghà inug ako. À ya məyi bəd mbe ne mbi ŋwaʼri ìtɔb tikum inga àŋwàʼrì Ŋwan njə̀g ze ne mbi ŋwaʼri tikum bəd mbe ne biri jəg ìtḛ̀ biri nyi inga aben ze.
Currently Selected:
Inug ne si nwḭ̀yḛ̀ 21: MBTP
Highlight
Copy
Compare
Share
Want to have your highlights saved across all your devices? Sign up or sign in
© 2019 CABTAL
Inug ne si nwḭ̀yḛ̀ 21
21
Anatì njə̀m imbə̀ʼ ikaŋ àbɔ̀ŋɔ feg tì isəg feg
1Mə ya si bàd ikaŋ àbɔ̀ŋɔ feg bə̀ bàd isəg feg. Ikaŋ àbɔ̀ŋɔ mbègtog tì isəg mbègtog ya fə nim. Igyi tìbà ya fə bə̀ nim. 2Mə ya bàd aben ìzḛzḛ ne ya nɔ̀ʼi abə Ŋwiye swìʼi tì ikaŋ àbɔ̀ŋɔ. Aben ìzḛzḛ ze ya Jèrusalèm feg. Mbi fə tangi aməd wì yaʼ icheg ne mbe ghìyə̀ ngwèn igun àyi igən ne mbe ghò ni chà abə inɔm məd. 3Mə ya bə̀ zug gì ne dùwə̀ ane atən ifɔn ze. Gì ze yaya gha, “Mbə̀ nḛ, amad anìŋ, Ŋwiye ya fə se chùghə yi abɔ̀ʼ bəd. Ane, mbɔb biri si yaʼ bəd Ŋwiye. Ŋwiye zìye, ne yaʼi ìwɔb Ŋwiye, biri chughi tì inɔb. 4Wì biri fug məsi məjìm ane àzɔb aghə. Chəyi bəd biri ywiri ku kə̀ dèg kə̀ chwḛ məsi kə̀ zug tibuʼ imbə̀ʼ icheg ne inug inun fə chè.”
5Məd we ne ya chughi igun atən ifɔn ze ya gha, “Mbə̀ nḛ, mə tàngi ighi ijìm ane mbi feg!” Wì ya bə̀ ghà inum gha, “Àghò ŋwaʼra anug azo̰ imbə̀ʼ icheg ne inug mbo̰ ya inug tesiʼ ne tì bəd bḛ.”
6Wì ya ghà inum gha, “Inug ijìm fə mèg, Mo ya Iko bə̀ yaʼ Ìnwḭ. Mo ya Wə̀d mbègtog bə̀ yaʼ Wə̀d ne si nwìyḛ̀. Mə biri nàʼ mənib ane àdùrì ze ne mənib məd mbe nàʼà ìtḛ̀ abə wə̀d we ne adɔʼ mənib ze ko aməd. Wì biri niŋ kwàʼ ako ne chəyi wì nàʼi ikab. 7Wə̀d ne bà̰ inug tibɔ̀ŋ biri jəg ighi mbo̰ ijìm. Mə biri yaʼ Ŋwiye məd, məd bə̀ yaʼ ìmə ŋwan. 8Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”
Anatì njə̀m imbə̀ʼ Jèrusalèm feg
9Angirə̀ mɔ̀ʼɔ abɔ̀ʼ mbè angirə̀ mbe ìsàmbe ne ya nyimi ikaŋ mbe ìsàmbe ne ngəʼ ka ka te ìsàmbe ne si nwḭ̀yḛ̀ ya sweghi inga, ya yèʼe ghà inum gha, “Yeʼe, mə biri chwi àyi igən we ne yaʼi iweg Ŋwan njə̀g ine.” 10Azwighi ya nyi inga inum. Ane, angirə̀ we ya si niŋ amə tì kɔʼ ghò ikaŋ iwum kyen mɔ̀ʼɔ ne ya taŋ sà ikaŋ. Wì ya pè angu, chwi Jèrusalèm, aben ìzḛzḛ ne Ŋwiye we swìye ikaŋ àbɔ̀ŋɔ. 11Ìzḛzḛ njandi njandi Ŋwiye yaya zùʼə inga aben ze. Aben ze yaya zùʼə njànda icheg ndəŋ àka inun bə̀ zùʼə njànda icheg jaspà. Aben ze yaya bə̀ zḛ icheg kristà. 12Aben kyen ze ya bèrì ikam kyen ne ya taŋ sà ikaŋ. Ikam we ya bèrì tinuʼ ikam ìghum chɔ̀b ibe. Mbè angirə̀ ìghum chɔ̀b ibe mbe yaya kyèʼrè tinuʼ ikam te. Mbi ya ŋwàʼrì tikum tinəbi mə̀Izre te ìghum chɔ̀b ibe igun tinuʼ ikam te. 13Tinuʼ ikam titad ya yaʼ ane aba ze ne nyùmə̀ we dùwə̀, titad yaʼ ane aba ze akɔʼɔ, titad yaʼ ane aba ze achɔŋɔ, titad yaʼ ane aba ze ne nyùmə̀ we fḛ̀.
14Mbi ya zèg ati ane ateg ìghum chɔ̀b ibe bɔm ikam we. Mbi ya bə̀ ŋwàʼrì tikum bədtɔm Ŋwan njə̀g mbe ìghum chɔ̀b ibe igun ateg ze. 15Angirə̀ we ne ya ghàmi inum ya bèrì mbàŋì ne mbi tangi ane gol, ne mbe mə̀grə̀ ighi angu. Wì ya bèrì ni mə̀grì aben ze, mə̀grì tinuʼ ikam te bə̀ mə̀grì iba ikam mbe. 16Aben ze ya bèrì iba ikwè ne yaʼi andəŋ andəŋ. Mbi ya faŋ bə̀ sà andəŋ andəŋ. Angirə̀ we ya mə̀grì aben ze ane ìmbàŋì we, bàd gha ze ya sà mə̀kilometà chuʼ tibe tì aki akwè. Iba ikam mbe ya yaʼ andəŋ andəŋ ni sà tì ni faŋ fɔrɔ ni sà ikaŋ. 17Angirə̀ we ya bə̀ mə̀grì ikam ane ikye aben we, ane, bàd gha ze ya sà ikaŋ mə̀metà ìghum tìfughə chɔ̀b tìfughə. Wì ya mə̀grì icheg ne bəd mbe mə̀grì ighi. 18Mbi ya tangi ikam we ane jaspà. Mbi ya bɔm aben ze məyi ane gol. Gol we yaya zḛ icheg manə̀m ne tì wə̀d bàd ighi ne yaʼi anjìm ìzin. 19Mbi ya zì ighi ngwèn igun ati ikam we ane aku ateg àka inun ajìm. Ateg mbègtog ya jaspà. Àze ne pè ane ibe ya sàfi. Àze ne pè ane itad ya àgatè. Àze ne pè ane ikwè ya emeràd. 20Àze ne pè ane ita̰ ya onigs. Àze ne pè ane tìfughə ya kànelìyàn. Àze ne pè ane ìsàmbe ya krisolìd. Àze ne pè ane ìfàmi ya berìl. Àze ne pè ane àbɔg ya topàs. Àze ne pè ane ìghum ya krisopràs. Àze ne pè ane ìghum chɔ̀b imɔʼ ya jasìn. Àze ne pè ane ìghum chɔ̀b ibe ya ametìst. 21Tinuʼ ikam te ìghum chɔ̀b ibe ya yaʼ mə̀pə ìghum chɔ̀b ibe. Inuʼ ikam imɔʼ ya mbi tangi ane pə imɔʼ. Mbi ya tangi inɔnjì kyen we inga ikye aben we məyi ane gol ne zḛ ŋwaŋ. Gol we ya yaʼ icheg manə̀m ne tì wə̀d bàd ighi ne yaʼi anjìm ìzin.
22Mə ya bàd gha chəyi mbàn Ŋwiye ya yaʼi inga ikye aben we imbə̀ʼ icheg ne mbàn Ŋwiye məd ya Anɔŋisəg Ŋwiyekɔʼ tì Ŋwan njə̀g. 23Chəyi aben ze ya ywirì kə̀b gha nyùmə̀ kə̀ iməg ywirì zuʼ igun məd imbə̀ʼ icheg ne ìzḛzḛ njandi njandi yaya dùwə̀ ane Ŋwiye zùʼə zḛ isiŋi ijìm. Ŋwan njə̀g yaya bə̀ zùʼə icheg anam. 24Bəd inga iben ijìm biri se yḛ̀ ane ìzḛzḛ we ne zùʼə inga ikye aben we. Məfɔn mbe igun isəg biri niŋ ìmbɔb ighi àka inun ijìm ghò inga ikye aben we. 25Chəyi mbi biri nɔ̀ʼ wùbì tinuʼ ikam te ane aben ze ka. Chəyi bə̀ yi izimi yaʼi ane asiŋi ze. 26Bəd inga iben ijìm biri niŋ ighi ijìm tì ighi ighumni ijìm inga isəg ijìm ghò inga aben ze. 27Chəyi aghi mɔ̀ʼɔ ne chəyi ze zḛ biri nɔʼ nyi inga aben ze, kə̀ àkə wə̀d ne ghìyə̀ inug ne nàʼà tìnìrètog, kə̀ wə̀d ne ghà inug ako. À ya məyi bəd mbe ne mbi ŋwaʼri ìtɔb tikum inga àŋwàʼrì Ŋwan njə̀g ze ne mbi ŋwaʼri tikum bəd mbe ne biri jəg ìtḛ̀ biri nyi inga aben ze.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019 CABTAL