Inug ne si nwḭ̀yḛ̀ 20
20
Anatì njə̀m imbə̀ʼ tituʼ chuʼ ifibì
1Mə ya bàd angirə̀ ne ya swiʼi tikaŋ àbɔ̀ŋɔ. Wì ya nyimi afiʼì ane ichug ibighi kyen we ne chəyi ìnwḭ. Wì ya bə̀ nyìmi chen kyen mɔ̀ʼɔ. 2Wì ya gwì tìsɔ̀ʼ jo ze te aneg ne ya Debrə̀ kə̀ Sàtàn kɔd ane tituʼ chuʼ ifibì. 3Angirə̀ we ya màʼ tìsɔ̀ʼ jo ze inga ibighi kyen we ne chəyi ìnwḭ si fèni ichug ibighi, bə̀ zì aneni ni chwi gha imbə̀ʼ wə̀d mɔ̀ʼɔ fìʼe yi. Wì ya ghì ane ni gha imbə̀ʼ zì tàmba yi bəd ne yaʼi igun isəg anene tituʼ te chuʼ ifibì ti chè. Nyumə̀ we mə̀ chè, mbi biri sàŋì aməd ane iki nyumə̀ mɔ̀ʼɔ.
4Mə ya bàd itən ifɔn ne bəd mbe ne mbi ya nàʼi ika inɔb ni saʼ bəd ya chughi igun. Mə ya bə̀ bàd bəd mbe ne mbi ya sɔpi ìmbɔb itog imbə̀ʼ icheg ne mbɔb mbe bḛ Yeso fɔrɔ imbə̀ʼ icheg ne mbɔb mbe ghàmà Ìngam Ŋwiye. Chəyi bəd mbo̰ ya ghumni nyam kyen ze kə̀ ghumni aghi-ŋwiye məd. Chəyi mbi ya bə̀ niŋ aneni aməd igun ìmbɔb ikəŋi isi kə̀ igun ìmbɔb ibo. Mbi ya zweme ane iwu bə̀ tùmbì iben tì Kristo ane tituʼ chuʼ ifibì. 5Chəyi àbùʼì bəd ze ne ya fə ku ya zweme ane iwu anene ghò pè ane nyumə̀ ne tituʼ te chuʼ ifibì fə mèghi. Aŋa ya ighəm mbègtog ne bəd zweme ane iwu. 6Ŋwiye zì àbɔrɔ̀bɔd igun bəd mbe ne biri zweme ane iwu inga ighəm mbègtog gho̰. Wì biri bə ghì mbi chughi inga ìzḛzḛ. Chəyi iwu ne pè ane ibe beri ika igun inɔb. Mbɔb biri si yaʼ bəd mbàn Ŋwiye tì Kristo bə̀ se tùmbə̀ isəg tì Kristo ane tituʼ chuʼ ifibì.
Anatì njə̀m imbə̀ʼ asiŋi ne Sàtàn biri nwḭ̀yḛ̀ angu
7Anyumə̀ ne tituʼ te chuʼ ifibì biri fə chè, mbi biri chì Sàtàn inga ndəŋ məd. 8Wì biri dù ghò tàmbi bəd inga iben ijìm mbe ne yaʼi igun isəg, ane ya Gɔg tì Magɔ̀g. Wì biri feti awɔb ghì mbi fɔti màʼ ibid. Inun bəd mbe ne wì ya feti ya nɔʼ kwàʼ icheg tìsiwaŋ ne yaʼi angò igyi tìbà. 9Bəd mbo̰ ya yèn igun isəg ijìm ghò kad asiŋi ze ne bəd Kristo ya yaʼi angu. À ya asiŋi ne Ŋwiye ya taŋ kɔ̀ŋ. Si ya gha, iywid ya dù ikaŋ àbɔ̀ŋɔ tɔ̀n bəd Gɔg tì Magɔ̀g. 10Mbi ya màʼ Debrə̀ we ne yaya tàmba bəd inga iywid kyen we ne bère tì sɔfɔ̀. À ya inga angu ne mbi ya bə màʼ nyam kyen ze fɔrɔ wə̀dkə̀n we ne ghà inug ako. Mbi biri chə awɔb inga angu ineg ijìm kwàʼ ane ighə̀m imɔʼ.
Anatì njə̀m imbə̀ʼ isɔb isaʼi ne si nwḭ̀yḛ̀
11Mə ya bàd atən ifɔn kyen mɔ̀ʼɔ ne fu fu fɔrɔ wə̀d ne ya chughi igun. Ìseg fɔrɔ ikaŋ àbɔ̀ŋɔ ya kye ibo imbìghè. Chəyi wə̀d mɔ̀ʼɔ ne ya ywìrè bàrà ìseg fɔrɔ àbɔ̀ŋɔ. 12Mə ya bàd bəd ne ya fə ku, mbi kwa kwa fɔrɔ mbi kyen kyen. Mbi ya təm imbìghè abə atən ifɔn ze. Mbi ya fìʼì ìŋwàʼrì. Mbi ya bə̀ fìʼì àŋwàʼrì ndəŋ. À ya àŋwàʼrì ne tikum bəd mbe ne biri jəg ìtḛ̀ yaʼi inga. Mbi ya saʼ bəd mbe ne ya fə ku icheg ne ìtɔb tìghinùg ya chwi inga ìŋwàʼrì mbe. 13Bəd mbe ne ya ku inga igyi tìbà ya zweme ane iwu. Iwu fɔrɔ aben iwu bəd ya sàŋì iwu bəd mbe ne ya yaʼi angu gha mbe zweme. Ŋwiye ya saʼ wə̀d imɔʼ imɔʼ icheg ne ìtɔb tìghinùg ya chwi. 14Ane, mbi ya màʼ iwu fɔrɔ aben iwu bəd inga atəŋ iywid kyen. Atəŋ iywid kyen ze ya iwu we ne pè ane ibe. 15Wə̀d ne chəyi mbi ya bàri ikum məd inga àŋwàʼrì abɔ̀ʼ bəd mbe ne biri jəg ìtḛ̀, mbi ya màʼ aməd inga atəŋ iywid kyen ze.
Currently Selected:
Inug ne si nwḭ̀yḛ̀ 20: MBTP
Highlight
Copy
Compare
Share
Want to have your highlights saved across all your devices? Sign up or sign in
© 2019 CABTAL
Inug ne si nwḭ̀yḛ̀ 20
20
Anatì njə̀m imbə̀ʼ tituʼ chuʼ ifibì
1Mə ya bàd angirə̀ ne ya swiʼi tikaŋ àbɔ̀ŋɔ. Wì ya nyimi afiʼì ane ichug ibighi kyen we ne chəyi ìnwḭ. Wì ya bə̀ nyìmi chen kyen mɔ̀ʼɔ. 2Wì ya gwì tìsɔ̀ʼ jo ze te aneg ne ya Debrə̀ kə̀ Sàtàn kɔd ane tituʼ chuʼ ifibì. 3Angirə̀ we ya màʼ tìsɔ̀ʼ jo ze inga ibighi kyen we ne chəyi ìnwḭ si fèni ichug ibighi, bə̀ zì aneni ni chwi gha imbə̀ʼ wə̀d mɔ̀ʼɔ fìʼe yi. Wì ya ghì ane ni gha imbə̀ʼ zì tàmba yi bəd ne yaʼi igun isəg anene tituʼ te chuʼ ifibì ti chè. Nyumə̀ we mə̀ chè, mbi biri sàŋì aməd ane iki nyumə̀ mɔ̀ʼɔ.
4Mə ya bàd itən ifɔn ne bəd mbe ne mbi ya nàʼi ika inɔb ni saʼ bəd ya chughi igun. Mə ya bə̀ bàd bəd mbe ne mbi ya sɔpi ìmbɔb itog imbə̀ʼ icheg ne mbɔb mbe bḛ Yeso fɔrɔ imbə̀ʼ icheg ne mbɔb mbe ghàmà Ìngam Ŋwiye. Chəyi bəd mbo̰ ya ghumni nyam kyen ze kə̀ ghumni aghi-ŋwiye məd. Chəyi mbi ya bə̀ niŋ aneni aməd igun ìmbɔb ikəŋi isi kə̀ igun ìmbɔb ibo. Mbi ya zweme ane iwu bə̀ tùmbì iben tì Kristo ane tituʼ chuʼ ifibì. 5Chəyi àbùʼì bəd ze ne ya fə ku ya zweme ane iwu anene ghò pè ane nyumə̀ ne tituʼ te chuʼ ifibì fə mèghi. Aŋa ya ighəm mbègtog ne bəd zweme ane iwu. 6Ŋwiye zì àbɔrɔ̀bɔd igun bəd mbe ne biri zweme ane iwu inga ighəm mbègtog gho̰. Wì biri bə ghì mbi chughi inga ìzḛzḛ. Chəyi iwu ne pè ane ibe beri ika igun inɔb. Mbɔb biri si yaʼ bəd mbàn Ŋwiye tì Kristo bə̀ se tùmbə̀ isəg tì Kristo ane tituʼ chuʼ ifibì.
Anatì njə̀m imbə̀ʼ asiŋi ne Sàtàn biri nwḭ̀yḛ̀ angu
7Anyumə̀ ne tituʼ te chuʼ ifibì biri fə chè, mbi biri chì Sàtàn inga ndəŋ məd. 8Wì biri dù ghò tàmbi bəd inga iben ijìm mbe ne yaʼi igun isəg, ane ya Gɔg tì Magɔ̀g. Wì biri feti awɔb ghì mbi fɔti màʼ ibid. Inun bəd mbe ne wì ya feti ya nɔʼ kwàʼ icheg tìsiwaŋ ne yaʼi angò igyi tìbà. 9Bəd mbo̰ ya yèn igun isəg ijìm ghò kad asiŋi ze ne bəd Kristo ya yaʼi angu. À ya asiŋi ne Ŋwiye ya taŋ kɔ̀ŋ. Si ya gha, iywid ya dù ikaŋ àbɔ̀ŋɔ tɔ̀n bəd Gɔg tì Magɔ̀g. 10Mbi ya màʼ Debrə̀ we ne yaya tàmba bəd inga iywid kyen we ne bère tì sɔfɔ̀. À ya inga angu ne mbi ya bə màʼ nyam kyen ze fɔrɔ wə̀dkə̀n we ne ghà inug ako. Mbi biri chə awɔb inga angu ineg ijìm kwàʼ ane ighə̀m imɔʼ.
Anatì njə̀m imbə̀ʼ isɔb isaʼi ne si nwḭ̀yḛ̀
11Mə ya bàd atən ifɔn kyen mɔ̀ʼɔ ne fu fu fɔrɔ wə̀d ne ya chughi igun. Ìseg fɔrɔ ikaŋ àbɔ̀ŋɔ ya kye ibo imbìghè. Chəyi wə̀d mɔ̀ʼɔ ne ya ywìrè bàrà ìseg fɔrɔ àbɔ̀ŋɔ. 12Mə ya bàd bəd ne ya fə ku, mbi kwa kwa fɔrɔ mbi kyen kyen. Mbi ya təm imbìghè abə atən ifɔn ze. Mbi ya fìʼì ìŋwàʼrì. Mbi ya bə̀ fìʼì àŋwàʼrì ndəŋ. À ya àŋwàʼrì ne tikum bəd mbe ne biri jəg ìtḛ̀ yaʼi inga. Mbi ya saʼ bəd mbe ne ya fə ku icheg ne ìtɔb tìghinùg ya chwi inga ìŋwàʼrì mbe. 13Bəd mbe ne ya ku inga igyi tìbà ya zweme ane iwu. Iwu fɔrɔ aben iwu bəd ya sàŋì iwu bəd mbe ne ya yaʼi angu gha mbe zweme. Ŋwiye ya saʼ wə̀d imɔʼ imɔʼ icheg ne ìtɔb tìghinùg ya chwi. 14Ane, mbi ya màʼ iwu fɔrɔ aben iwu bəd inga atəŋ iywid kyen. Atəŋ iywid kyen ze ya iwu we ne pè ane ibe. 15Wə̀d ne chəyi mbi ya bàri ikum məd inga àŋwàʼrì abɔ̀ʼ bəd mbe ne biri jəg ìtḛ̀, mbi ya màʼ aməd inga atəŋ iywid kyen ze.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019 CABTAL