Mateyu 6
6
Isambilizyo kuvyankumbu
1Chenjelani alyakuti mutize muwachita imilimo yinu imizima iyankumbu palwenze ukuti awantu wawalole vino mukuchita. Ndi mukulanjizya imilimo yinu imizima palwenze wowonye, ye mutalilambulwa ichilambu nu Monsi winu uwamwiyulu.
2Achaleka ndi ukupa umusaluke ichintu chimwi, utize uwayilanjizya kwechino ukuchita, ndivino wakachenjezya wakachita mumisolo namung'anda zyakupepela. Wakachita wowonye vwile alyakuti awantu wawawanzye. 3Ukuwa uwala pano ukwavwa umusaluke uwasochelela alyakuti nanti achiwuza chakonye chitize chimanye, 4uleka achiwa achankama yako. Ngapano Umonsi wako, wino akalola vino ukuchita munkama, ayize akulambule.
Isambilizyo lyamipepele
(Luka 11:2-4)
5Pano mukupepa, mutize muwachita ndivino wakachenjezya wakachita! Wakunda ukwimilila nukupepa mumafunku yamisolo namung'anda zyakupepela alyakuti walolwa nawantu wonsi. Yizukani choo! Wapochelela ichilambu chawo chonsi lyankani. 6Ukuwa wenji uwala pano ukupepa, uyinjila mung'anda uyiyala ichisakati, nga upepa ku Monsi wako, wino ali ukuvwame. Ngapano Umonsi wako wino akalola vino ukuchitanga munkama, akulambule.
7Namumapepo yinu mutize muwataka amazwi chitaketake, ndivino wano watamanya Leza wakachita, wano wakakwelengania wakuti Leza angivwa muno amapepo yawo amatali. 8Mutize mukolane nawo; Umonsi winu wino wamanya lyankani vyonsi vino mwasowelwa napa no mutani mumulenge, aliwalambula. 9Achaleka fwandi muwapepa wonye-woo muwati,
Tata witu wamwiyulu:
Izina lyako itele lichindikwe;
10uwufumu wako wize;
ukulonda kwako kuchitwe munsi ndivino mwiyulu:
11Utupe sweswe ichakulya chilelo.
12Ututetele sweswe ukuwifya kwitu,
ndivino naswe tukatetela wano wakawifya kwesweswe.
13Utize uwatutwala mukwelezwa, ukuwa utupulumusye ku Muwipe.
14Amuno ndi mukatetela wanji kuwuwipe wawo wuno wawachita, namwenye Umonsi winu wino ali mwiyulu aliwatetela. 15Ukuwa ndi musinakutetela wanji kukuwifya kwawo, namwenye Umonsi winu uwamwiyulu ataliwatetela.
Ukukana ukulya umwenzo
16Achaleka pano mukukana ukulya umwenzo mutize muwayilanjizya impumi mfwilimane ndivino wakachenjezya wakachita. Weni wakwikalanga nimpumi mfwilimane ukuti walolwe nawantu kuno watalile chimwi. Yizukani choo! Wapochelela ichilambu chawo chonsi lyankani. 17Muwala ndi mutalile chimwi amusamba kuminso amusakula ninyele zinu, 18alyakuti awantu wanji watize wamanye ndi muli ninzala—suka Umonsi winunye wenga-nsu, wino ali ukuvwame, awino amanye. Ngapano Umonsi winu, wino akalola vino mukachita munkama, awalambule.
Insawo yamwiyulu
(Luka 12:33-34)
19Mutize muwayisengulila insawo yinu munsi moo, muno akawunguzi nimiloso vikakonona, muno nawang'o wakalepula ing'anda awiwa. 20Ukuwa yisengulilanji insawo yinu mwiyulu, muno akawunguzi nanti amiloso vitanga vyonone, nawang'o watanga walepule winjile wiwe. 21Amuno penye umwezo wako wukukunjililanga kuno kuli insawo yako.
Ulukozyo lwamuwili
22Aminso ayali nyale yamuwili. Ndi aminso yako yalichete, umuwili wako wonsi wukulanga wuli-mpe; 23nd'aminso yako yasichete, umuwili wako wukulanga wuli mumfinzi. Achaleka ndi ukuswepa kuno kuli mwewewe amfinzi, ye imfinzinye yo yo yakula wuli!
E Leza ninsawo
(Luka 16:13; 12:22-31)
24Pasi wino angawombela imfumu ziwili; angalele apate yonga akunde imbuye; pamwi achindike yonga akwelengule imbuye. Mutanga muwombele Leza mbali nukuwombela indalama.
25Achaleka nkuwanena nkuti, Mutize muwapechela ivyakulya nivyakung'wa ukuti muwe nuwumi, nant'avyakuzwala kumiwili yinu. Amuno wuzye uwumi wutakula walusya ichakulya? Nawo umuwili wuzye wutakula walusya ivizwalo? 26Simutele mulole ivinyunyi vino vikapapuka: visitanda, nant'akusinza ukuti vilonge munkoma; ukuwa a Monsi winu uwamwiyulu awino akavisayila! Wuzye mutakula uwuzi mwalusya ivinyunyi? 27Ngaweweni pakwe mwemwe wino angayonjelezezya imyaka weliwe wenga alange akuyisunga?
28Ngafwandi amuno chani chino mukupechela ivizwalo? Mutele mulole vino amaluwa yalonde yakakula; yasiwomba nant'akuyizwika. 29Ukuwa nkuwanena nkuti nanti we Solomon inye, nukuchindama kwakwe konsi, atalinji nivizwalo viyembe ndivino iluwa limwi ilyakwe yanye-yaa. 30We Leza awino akazwika isote—isotenye lino likulanga lilipo ilelo, mutondo alisowa napano lyaya, alisuumabilwa mumulilo. Wuzye atanga azwike mwemwemwe alutilizye, oko mwe wisuwilo tichi-mwe? 31Achaleka mutize muwasakamala muwati Nga ichakulyachafuma-kwi? nant'akuti nganawang'wa chani? pamwi nzwale chani? 32(Vyonsinye avino imintamanya Leza ikapechela.) Umonsi winu uwamwiyulu wamanya kuno mwasowelwa vyonsinye vyoo. 33Achaleka fwandi, ukulusye mutele muvwambe Uwufumu wakwe nukulonda kwakwe, ngapano aliwonjelezya vyonsinye vyoo. 34Achaleka mutize muwapechela ivyamutondo; amuno umutondo wukayipechela uwenecho wonga. Chisi achizima ukonjelezya intazi kuntazi mbuye izyamutondo kuzyilelo.
Currently Selected:
Mateyu 6: WWN82
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Mateyu 6
6
Isambilizyo kuvyankumbu
1Chenjelani alyakuti mutize muwachita imilimo yinu imizima iyankumbu palwenze ukuti awantu wawalole vino mukuchita. Ndi mukulanjizya imilimo yinu imizima palwenze wowonye, ye mutalilambulwa ichilambu nu Monsi winu uwamwiyulu.
2Achaleka ndi ukupa umusaluke ichintu chimwi, utize uwayilanjizya kwechino ukuchita, ndivino wakachenjezya wakachita mumisolo namung'anda zyakupepela. Wakachita wowonye vwile alyakuti awantu wawawanzye. 3Ukuwa uwala pano ukwavwa umusaluke uwasochelela alyakuti nanti achiwuza chakonye chitize chimanye, 4uleka achiwa achankama yako. Ngapano Umonsi wako, wino akalola vino ukuchita munkama, ayize akulambule.
Isambilizyo lyamipepele
(Luka 11:2-4)
5Pano mukupepa, mutize muwachita ndivino wakachenjezya wakachita! Wakunda ukwimilila nukupepa mumafunku yamisolo namung'anda zyakupepela alyakuti walolwa nawantu wonsi. Yizukani choo! Wapochelela ichilambu chawo chonsi lyankani. 6Ukuwa wenji uwala pano ukupepa, uyinjila mung'anda uyiyala ichisakati, nga upepa ku Monsi wako, wino ali ukuvwame. Ngapano Umonsi wako wino akalola vino ukuchitanga munkama, akulambule.
7Namumapepo yinu mutize muwataka amazwi chitaketake, ndivino wano watamanya Leza wakachita, wano wakakwelengania wakuti Leza angivwa muno amapepo yawo amatali. 8Mutize mukolane nawo; Umonsi winu wino wamanya lyankani vyonsi vino mwasowelwa napa no mutani mumulenge, aliwalambula. 9Achaleka fwandi muwapepa wonye-woo muwati,
Tata witu wamwiyulu:
Izina lyako itele lichindikwe;
10uwufumu wako wize;
ukulonda kwako kuchitwe munsi ndivino mwiyulu:
11Utupe sweswe ichakulya chilelo.
12Ututetele sweswe ukuwifya kwitu,
ndivino naswe tukatetela wano wakawifya kwesweswe.
13Utize uwatutwala mukwelezwa, ukuwa utupulumusye ku Muwipe.
14Amuno ndi mukatetela wanji kuwuwipe wawo wuno wawachita, namwenye Umonsi winu wino ali mwiyulu aliwatetela. 15Ukuwa ndi musinakutetela wanji kukuwifya kwawo, namwenye Umonsi winu uwamwiyulu ataliwatetela.
Ukukana ukulya umwenzo
16Achaleka pano mukukana ukulya umwenzo mutize muwayilanjizya impumi mfwilimane ndivino wakachenjezya wakachita. Weni wakwikalanga nimpumi mfwilimane ukuti walolwe nawantu kuno watalile chimwi. Yizukani choo! Wapochelela ichilambu chawo chonsi lyankani. 17Muwala ndi mutalile chimwi amusamba kuminso amusakula ninyele zinu, 18alyakuti awantu wanji watize wamanye ndi muli ninzala—suka Umonsi winunye wenga-nsu, wino ali ukuvwame, awino amanye. Ngapano Umonsi winu, wino akalola vino mukachita munkama, awalambule.
Insawo yamwiyulu
(Luka 12:33-34)
19Mutize muwayisengulila insawo yinu munsi moo, muno akawunguzi nimiloso vikakonona, muno nawang'o wakalepula ing'anda awiwa. 20Ukuwa yisengulilanji insawo yinu mwiyulu, muno akawunguzi nanti amiloso vitanga vyonone, nawang'o watanga walepule winjile wiwe. 21Amuno penye umwezo wako wukukunjililanga kuno kuli insawo yako.
Ulukozyo lwamuwili
22Aminso ayali nyale yamuwili. Ndi aminso yako yalichete, umuwili wako wonsi wukulanga wuli-mpe; 23nd'aminso yako yasichete, umuwili wako wukulanga wuli mumfinzi. Achaleka ndi ukuswepa kuno kuli mwewewe amfinzi, ye imfinzinye yo yo yakula wuli!
E Leza ninsawo
(Luka 16:13; 12:22-31)
24Pasi wino angawombela imfumu ziwili; angalele apate yonga akunde imbuye; pamwi achindike yonga akwelengule imbuye. Mutanga muwombele Leza mbali nukuwombela indalama.
25Achaleka nkuwanena nkuti, Mutize muwapechela ivyakulya nivyakung'wa ukuti muwe nuwumi, nant'avyakuzwala kumiwili yinu. Amuno wuzye uwumi wutakula walusya ichakulya? Nawo umuwili wuzye wutakula walusya ivizwalo? 26Simutele mulole ivinyunyi vino vikapapuka: visitanda, nant'akusinza ukuti vilonge munkoma; ukuwa a Monsi winu uwamwiyulu awino akavisayila! Wuzye mutakula uwuzi mwalusya ivinyunyi? 27Ngaweweni pakwe mwemwe wino angayonjelezezya imyaka weliwe wenga alange akuyisunga?
28Ngafwandi amuno chani chino mukupechela ivizwalo? Mutele mulole vino amaluwa yalonde yakakula; yasiwomba nant'akuyizwika. 29Ukuwa nkuwanena nkuti nanti we Solomon inye, nukuchindama kwakwe konsi, atalinji nivizwalo viyembe ndivino iluwa limwi ilyakwe yanye-yaa. 30We Leza awino akazwika isote—isotenye lino likulanga lilipo ilelo, mutondo alisowa napano lyaya, alisuumabilwa mumulilo. Wuzye atanga azwike mwemwemwe alutilizye, oko mwe wisuwilo tichi-mwe? 31Achaleka mutize muwasakamala muwati Nga ichakulyachafuma-kwi? nant'akuti nganawang'wa chani? pamwi nzwale chani? 32(Vyonsinye avino imintamanya Leza ikapechela.) Umonsi winu uwamwiyulu wamanya kuno mwasowelwa vyonsinye vyoo. 33Achaleka fwandi, ukulusye mutele muvwambe Uwufumu wakwe nukulonda kwakwe, ngapano aliwonjelezya vyonsinye vyoo. 34Achaleka mutize muwapechela ivyamutondo; amuno umutondo wukayipechela uwenecho wonga. Chisi achizima ukonjelezya intazi kuntazi mbuye izyamutondo kuzyilelo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.