Mateyu 5
5
Isambilizyo lyapamwamba
1Yesu ala walola amawumba akwela pamwamba, ayikala pansi. Awasambilizi wakwe awaya kweweliwe, 2atalika awawasambilizya:
Ulongo lwakusimichila
(Luka 6:20-23)
3Awalongo awano wayimanya kuno wasaluka mumyezo;
amuno Uwufumu wamwiyulu awawo!
4Awalongo awakulosya;
Leza aliwasansamusya!
5Awalongo al;
amuno weni walipochelela chino Leza walayilizya!
6Awalongo awano wakulondesya ukuchita ukulonda kwakwe Leza;
Leza aliwikusya!
7Awalongoawankumbu;
amuno Leza aliwafwila inkumbu!
8Awalongo awaswepe mumyezo; weni walilola Leza!
9Awalongo awano wakaleta umutende muwantu;
Leza aliwawita akuti awanakwe!
10Awalongo awano wakuyimba muno wakachita ukulonda kwakwe Leza;
Uwufumu wamwiyulu awawo!
11Mwewalongo pano wawasoweka, swinya wawayimvya, wawavwanjila nivintu vyonsi iviwipe uwufi wutupu muno mukankonka nene. 12Muwawa nichimwemwe muwazewela nkaninye amuno ichilambu chinu ichikulu chili mwiyulu. Amuno avino wayimvizye nawatumwa wano wawatanjilizile.
Umuchele nulukozyo
(Marko 9:50; Luka 14:34-35)
13Mwemuchele wamunsi. Ukuwa ndi umuchele wasukuka, pasi chimwi chino chingawunovya. Ye wutachiwanga awuzima kwekamwi, achaleka wukasumbwa kunzi awulyatanjilwa nawantu.
14Mwekuwala kwansi. Akaya kano kazengwa papela pamulundu katanga kafiswe. 15Pasi wino akakozya ulukozyo alukupika mulweso; ukuwa akaluwika apatumpuke, pano lungawalila wonsi wano wali mung'anda. 16Avino lekani ukuwala kwinu kuwale pankolelo pawantu, alyakuti walole imilimo yinu imizima nga wachindika Umonsi winu mwiyulu.
Imisambilizizye yamasundo
17Mutize muwakwelengania muwati niza konona amasundo yakwe Musa nimisambilizizye yawatumwa. Ntiza konona, ukuwa niza ukuti imisambilizizye yawn ifiswe. 18Yizukani choo! Pano iyulu ninsi vichili vyalandalila, akawaliko konga nanti akansongo konga katalizimanjika kumwi kwisundo—visuke ivintu vyonsi vize vizimanjike. 19Achaleka wensi wino wiza wakana ukutontela lyonga ilyamasundo yaa amatichitichi, wasambilizya nawanji wowonye, aliwa amutichi nkani mu Wufumu wamwiyulu. Ukuwa wino wiza wayatontela wasambilizya ukuchita wowonye aliwa amukulu mu Wufumu wamwiyulu. 20Nkuwanena nkuti mutanga mwinjile mu Wufumu wamwiyulu nawanda suka ndi mwasuwilwa mwachita vino Leza akulonda mwalusya awasambilizya wamasundo na Wafalisi.
Uwusoche kuvyakuvitwa
21Mwivwa kuno chavwanzilwe kuwantu ichakuti, Utakoma; wensi wino wiza wakoma aliwa numulandu. 22Ukuwa kanonzi nkuwanena nkuti wensi wino wiza wavitilwa umunyina alipanzwa; nawensi wino wiza wanena umunyina wati, Weliwese-we! Alitwalwa pipembo lyamilandu; nawensi wino wiza wanena umunyina wati watumpisya aliwa muwulwani wakusumbilwa mwilungu lyamulilo. 23Achaleka ndi ukufima ichawila chako kwe Leza pakavuwa swinya ukwizuka kuno umwinaso wakutinsyania, 24usya ichawila chako pankolelo pakavuwa uwapita nanti kuzinguluka amuya amulanjililana numwinaso; ngapano unyoka uya ufima ichawila chako pakavuwa.
25Ndiwumwi akulonda ukukulongola ukutiakutwalekwipembolyamilandu, pakutalika amutela amwivwana, pano mutani muye kwipembo; ngapano muli pipembonye akulemeke kwekapanzya, nawe akulemeke kumusilikali, akusumbile mung'anda yavingololo. 26Nkukunena nkuti ulilanga uli momonye usuke ulipe nakakopala kakupelelechezyanye.
Uwusoche kuvyawuzelele
27Mwivwa kuno chavwangwa chati, Utazeleluka. 28Ukuwa nenji nkuwanena nkuti: wensi wino akulolechesya umwanachi nukumukumbuchila ukuti awe awakwe atela wazeleluka kali mumwezo wakwe. 29Ndi ilinso lyako ilyandilo likukupunuzya, ulifolowola! Achizima kwewewe ukusowelwa ichawi chimwi kumuwili wako ukulusye ukuwa numuwili wako wonsi usumbilwe mwilungu lyamulilo. 30Swinya ndi ikasa lyako ilyandilo likukupunuzya, uliputula ulisumba ulifumya kun'uli! Achizima kwewewe ukusowelwa ichawi chimwi kumwili wako ukulusye ukuwa numuwili wako wonsi usumbilwe mwilungu lyamulilo.
Uwusoche kuvyakutayana kwawung'anda
(Mateyu 19:9; Marko 10:11-12; Luka 16:18)
31Swinya chavwanzilwe ukuti, Wensi wino wiza wawinga umuchi wazipila amupa kalata wakulekana. 32Ukuwa kanonzi nkuwanena nkuti: ndi umonsi wawinga umuchi, numwanachinye weyo walinji amutekane, alitela akumuzelelusya ndachino waya watwalwa swinya; numonsi wino wamutwala nawenye atela akuzeleluka.
Imisambilizizye kuvilapo
33Swinya mvivwa kuno chavwanzilwe kali ichakuti, Utavulungania chino walayilizya, ukuwa uwafisya ivilapo vyako ku Mfumu e Leza. 34Ukuwa kanonzi nkuwanena nkuti, pano mukulayilizya mutize muwalapa; mutize muwalapa iyulu, amuno andulu yakwe Leza; 35nanti amusili, amuno achitambalilo chamanama yakwe; nanti we Yerusalemu, amuno akaya ka Mfumu nkulu. 36Nanti akulapa umutwe wako, amuno utanga upilule ulunyele lwako lumwi luwe alutiswe pamwi alutifi. 37Ukuwa muwati, Eta pamwi Awe—chino chalusya vyonye-vyoo achitela chafuma ku Muwipe.
Uwusoche kuvyakulandula
(Luka 6:29-30)
38Mwivwa kuno chavwanzilwe ukuti, Ilinso aviyana nilinso liwuye, ilino nilino liwuye. 39Ukuwa kanonzi nkuwanena nkuti: mutize muwalandula wumwi wino akuwawifya. Ndi wumwi wakupama kwitama lyako ilyandilo, uleka akupama nakwitama lyakwe kamaninye. 40Ndi wumwi akasi akutwale kwipembo lyamilandu muno alilaya lyako, umutayila numwinjilonye. 41Ndi umusilikali wumwi ikandi wakufyeneneka ukumusendela ichiya chakwe umulundu wonga, umusendela nawunjinye. 42Ndiwumwi wakulenga chimwi, umupa; ndiwumwi akulonda ukwazima chimwi, umwazima.
Ukukunda awalwani
(Luka 6:27-28, 32-36)
43Mwivwa vino chavwanzilwe ukuti, Uwakunda iviwuza vyako, uwapata awalwani wako. 44Ukuwa kanonzi nkuwanena nkuti, kundanji awalwani winu, swinya nawano wakuwayimvya muwawapepela, 45alyakuti muwe mwe wa Monsi winu wino ali mwiyulu. Amuno akaleka ilanzi likuwalila awawipe nawazima, swinya akaleka imvula itonyelela kuwazima nakuwawipenye. 46Ngafwandi Leza angawalambula wuli ndimwakunda wano wawakunda watupunye? Ngavino nawakasonchezya wamusonko wakachita wowonye! 47Wuzye ndi mukavwanzyania nawano mwakundana watupu, nga yemwachita chizima-chi? Ngavino nawano watamanya Leza-nye wakachita wowonye! 48Mule muwe mwewalungamane—ndivino Umonsi winu uwamwiyulu amulungamane.
Currently Selected:
Mateyu 5: WWN82
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Mateyu 5
5
Isambilizyo lyapamwamba
1Yesu ala walola amawumba akwela pamwamba, ayikala pansi. Awasambilizi wakwe awaya kweweliwe, 2atalika awawasambilizya:
Ulongo lwakusimichila
(Luka 6:20-23)
3Awalongo awano wayimanya kuno wasaluka mumyezo;
amuno Uwufumu wamwiyulu awawo!
4Awalongo awakulosya;
Leza aliwasansamusya!
5Awalongo al;
amuno weni walipochelela chino Leza walayilizya!
6Awalongo awano wakulondesya ukuchita ukulonda kwakwe Leza;
Leza aliwikusya!
7Awalongoawankumbu;
amuno Leza aliwafwila inkumbu!
8Awalongo awaswepe mumyezo; weni walilola Leza!
9Awalongo awano wakaleta umutende muwantu;
Leza aliwawita akuti awanakwe!
10Awalongo awano wakuyimba muno wakachita ukulonda kwakwe Leza;
Uwufumu wamwiyulu awawo!
11Mwewalongo pano wawasoweka, swinya wawayimvya, wawavwanjila nivintu vyonsi iviwipe uwufi wutupu muno mukankonka nene. 12Muwawa nichimwemwe muwazewela nkaninye amuno ichilambu chinu ichikulu chili mwiyulu. Amuno avino wayimvizye nawatumwa wano wawatanjilizile.
Umuchele nulukozyo
(Marko 9:50; Luka 14:34-35)
13Mwemuchele wamunsi. Ukuwa ndi umuchele wasukuka, pasi chimwi chino chingawunovya. Ye wutachiwanga awuzima kwekamwi, achaleka wukasumbwa kunzi awulyatanjilwa nawantu.
14Mwekuwala kwansi. Akaya kano kazengwa papela pamulundu katanga kafiswe. 15Pasi wino akakozya ulukozyo alukupika mulweso; ukuwa akaluwika apatumpuke, pano lungawalila wonsi wano wali mung'anda. 16Avino lekani ukuwala kwinu kuwale pankolelo pawantu, alyakuti walole imilimo yinu imizima nga wachindika Umonsi winu mwiyulu.
Imisambilizizye yamasundo
17Mutize muwakwelengania muwati niza konona amasundo yakwe Musa nimisambilizizye yawatumwa. Ntiza konona, ukuwa niza ukuti imisambilizizye yawn ifiswe. 18Yizukani choo! Pano iyulu ninsi vichili vyalandalila, akawaliko konga nanti akansongo konga katalizimanjika kumwi kwisundo—visuke ivintu vyonsi vize vizimanjike. 19Achaleka wensi wino wiza wakana ukutontela lyonga ilyamasundo yaa amatichitichi, wasambilizya nawanji wowonye, aliwa amutichi nkani mu Wufumu wamwiyulu. Ukuwa wino wiza wayatontela wasambilizya ukuchita wowonye aliwa amukulu mu Wufumu wamwiyulu. 20Nkuwanena nkuti mutanga mwinjile mu Wufumu wamwiyulu nawanda suka ndi mwasuwilwa mwachita vino Leza akulonda mwalusya awasambilizya wamasundo na Wafalisi.
Uwusoche kuvyakuvitwa
21Mwivwa kuno chavwanzilwe kuwantu ichakuti, Utakoma; wensi wino wiza wakoma aliwa numulandu. 22Ukuwa kanonzi nkuwanena nkuti wensi wino wiza wavitilwa umunyina alipanzwa; nawensi wino wiza wanena umunyina wati, Weliwese-we! Alitwalwa pipembo lyamilandu; nawensi wino wiza wanena umunyina wati watumpisya aliwa muwulwani wakusumbilwa mwilungu lyamulilo. 23Achaleka ndi ukufima ichawila chako kwe Leza pakavuwa swinya ukwizuka kuno umwinaso wakutinsyania, 24usya ichawila chako pankolelo pakavuwa uwapita nanti kuzinguluka amuya amulanjililana numwinaso; ngapano unyoka uya ufima ichawila chako pakavuwa.
25Ndiwumwi akulonda ukukulongola ukutiakutwalekwipembolyamilandu, pakutalika amutela amwivwana, pano mutani muye kwipembo; ngapano muli pipembonye akulemeke kwekapanzya, nawe akulemeke kumusilikali, akusumbile mung'anda yavingololo. 26Nkukunena nkuti ulilanga uli momonye usuke ulipe nakakopala kakupelelechezyanye.
Uwusoche kuvyawuzelele
27Mwivwa kuno chavwangwa chati, Utazeleluka. 28Ukuwa nenji nkuwanena nkuti: wensi wino akulolechesya umwanachi nukumukumbuchila ukuti awe awakwe atela wazeleluka kali mumwezo wakwe. 29Ndi ilinso lyako ilyandilo likukupunuzya, ulifolowola! Achizima kwewewe ukusowelwa ichawi chimwi kumuwili wako ukulusye ukuwa numuwili wako wonsi usumbilwe mwilungu lyamulilo. 30Swinya ndi ikasa lyako ilyandilo likukupunuzya, uliputula ulisumba ulifumya kun'uli! Achizima kwewewe ukusowelwa ichawi chimwi kumwili wako ukulusye ukuwa numuwili wako wonsi usumbilwe mwilungu lyamulilo.
Uwusoche kuvyakutayana kwawung'anda
(Mateyu 19:9; Marko 10:11-12; Luka 16:18)
31Swinya chavwanzilwe ukuti, Wensi wino wiza wawinga umuchi wazipila amupa kalata wakulekana. 32Ukuwa kanonzi nkuwanena nkuti: ndi umonsi wawinga umuchi, numwanachinye weyo walinji amutekane, alitela akumuzelelusya ndachino waya watwalwa swinya; numonsi wino wamutwala nawenye atela akuzeleluka.
Imisambilizizye kuvilapo
33Swinya mvivwa kuno chavwanzilwe kali ichakuti, Utavulungania chino walayilizya, ukuwa uwafisya ivilapo vyako ku Mfumu e Leza. 34Ukuwa kanonzi nkuwanena nkuti, pano mukulayilizya mutize muwalapa; mutize muwalapa iyulu, amuno andulu yakwe Leza; 35nanti amusili, amuno achitambalilo chamanama yakwe; nanti we Yerusalemu, amuno akaya ka Mfumu nkulu. 36Nanti akulapa umutwe wako, amuno utanga upilule ulunyele lwako lumwi luwe alutiswe pamwi alutifi. 37Ukuwa muwati, Eta pamwi Awe—chino chalusya vyonye-vyoo achitela chafuma ku Muwipe.
Uwusoche kuvyakulandula
(Luka 6:29-30)
38Mwivwa kuno chavwanzilwe ukuti, Ilinso aviyana nilinso liwuye, ilino nilino liwuye. 39Ukuwa kanonzi nkuwanena nkuti: mutize muwalandula wumwi wino akuwawifya. Ndi wumwi wakupama kwitama lyako ilyandilo, uleka akupama nakwitama lyakwe kamaninye. 40Ndi wumwi akasi akutwale kwipembo lyamilandu muno alilaya lyako, umutayila numwinjilonye. 41Ndi umusilikali wumwi ikandi wakufyeneneka ukumusendela ichiya chakwe umulundu wonga, umusendela nawunjinye. 42Ndiwumwi wakulenga chimwi, umupa; ndiwumwi akulonda ukwazima chimwi, umwazima.
Ukukunda awalwani
(Luka 6:27-28, 32-36)
43Mwivwa vino chavwanzilwe ukuti, Uwakunda iviwuza vyako, uwapata awalwani wako. 44Ukuwa kanonzi nkuwanena nkuti, kundanji awalwani winu, swinya nawano wakuwayimvya muwawapepela, 45alyakuti muwe mwe wa Monsi winu wino ali mwiyulu. Amuno akaleka ilanzi likuwalila awawipe nawazima, swinya akaleka imvula itonyelela kuwazima nakuwawipenye. 46Ngafwandi Leza angawalambula wuli ndimwakunda wano wawakunda watupunye? Ngavino nawakasonchezya wamusonko wakachita wowonye! 47Wuzye ndi mukavwanzyania nawano mwakundana watupu, nga yemwachita chizima-chi? Ngavino nawano watamanya Leza-nye wakachita wowonye! 48Mule muwe mwewalungamane—ndivino Umonsi winu uwamwiyulu amulungamane.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.