Profet Sekaraea 13
13
1“Ka narane tuana, iara ginauna tothora kaisei famane glokha khoꞌu, ranghini tharaknagna Devet nei naiknodi Jerusalem mala tangomana mare apu te klino ka tathagu iara na eidi nakhibodi re nei keha glepo te fathonadi mare.
2“Jaola ka narane tuana, iara ginauna atha fadelei mumuju blahi te gnafa ka glose igne, mala theome tangomana naiknore teke ghathodi nanghadi re. Iara ginauna ngolhi fajifladi profet chaichaghi te kilodi thedi nogna profet God nu theome tutuani, baludi iheire te magnahaghei fara te mala tarai ka mumuju blahi igre. 3Eghuteuna jame kaisei mae chekeni koba nogna cheke na neke mei funu ka God teuna, kmagna nei idogna teu mana igre repa ginauna cheke eghu ka mana, ‘Iagho mala lehe, naugna iagho ne cheke nigho themu ne kaisei mae profet tutuani, nu iagho chaghi kolho.’ Ka narane tuanala mana na cheke eghu, kmagna nei idogna teu mana igre repa ginauna faleheni ka naflahi.
4“Ka narane tuana, mae profet te gnafa igre ginauna mamaja nodi fara eigna mifi teke filoni mana na. Theo kaisei ka mare nate pipichi nogna pohe profet te mala chaghidi naiknore, te mala ghathoni mana kaisei mae profet teuna. 5Mana ginauna cheke eghu, “Iara theome kaisei profet. Iara mae mala loku ka nagare kolho, eghuteuna igne nogu gloku iara funu suagu ghilei mae biꞌo gognaro na.” 6Eghuteuna glahu kaisei mae cheke eghu, “Nu glafidi thubu fei gagaromu iagho are, neke unha sarea?” Jame te eghuna, mana ginauna chaghi eghu, “Glafi igre iara fnera ka nodi suga mae kheragu iara.”
Mae mala reireghi sipu ginauna lehe eghuteuna sipure ginauna tei tafri
7Lord mae ihei te au nolaghi fateote'o igne, mana ne cheke eghu,
“Nogu naflahi mala magra iara! Iagho tarabana mala magra ka kheragu iara mae ihei te reireghi nogu sipu iara gre.
Iagho faleheni mana, eghuteuna sipu igre ginauna tei tafri.
Iara ginauna jaola magra ka nogu sipu ikodi iara gre.
8Heva heva ke lamnagna glose igne,
jame thilo mae, phei ginauna lehe,
eghuteuna kaisei kolho nate karha na.
9Eghuteuna iheire te karha teure, iara ginauna kafe paradi hui, mala tangomana mare te klino ka tathagu iara na.
Ginauna na jateula mae te gahu silva nei gol ka khaꞌaghi te mala koko thona ra eghu.
Aonu mare ginauna tarai mei ka iara,
iara ginauna tangomana te nomhidi mare na.
Eghuteuna iara ginauna cheke eghu, ‘Naikno igre nogu iara.’
Eghuteuna mare ginauna cheke eghu, ‘Lord na nomi God ghehati.’ ”
Currently Selected:
Profet Sekaraea 13: mrn
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators , Inc. All rights reserved.
Profet Sekaraea 13
13
1“Ka narane tuana, iara ginauna tothora kaisei famane glokha khoꞌu, ranghini tharaknagna Devet nei naiknodi Jerusalem mala tangomana mare apu te klino ka tathagu iara na eidi nakhibodi re nei keha glepo te fathonadi mare.
2“Jaola ka narane tuana, iara ginauna atha fadelei mumuju blahi te gnafa ka glose igne, mala theome tangomana naiknore teke ghathodi nanghadi re. Iara ginauna ngolhi fajifladi profet chaichaghi te kilodi thedi nogna profet God nu theome tutuani, baludi iheire te magnahaghei fara te mala tarai ka mumuju blahi igre. 3Eghuteuna jame kaisei mae chekeni koba nogna cheke na neke mei funu ka God teuna, kmagna nei idogna teu mana igre repa ginauna cheke eghu ka mana, ‘Iagho mala lehe, naugna iagho ne cheke nigho themu ne kaisei mae profet tutuani, nu iagho chaghi kolho.’ Ka narane tuanala mana na cheke eghu, kmagna nei idogna teu mana igre repa ginauna faleheni ka naflahi.
4“Ka narane tuana, mae profet te gnafa igre ginauna mamaja nodi fara eigna mifi teke filoni mana na. Theo kaisei ka mare nate pipichi nogna pohe profet te mala chaghidi naiknore, te mala ghathoni mana kaisei mae profet teuna. 5Mana ginauna cheke eghu, “Iara theome kaisei profet. Iara mae mala loku ka nagare kolho, eghuteuna igne nogu gloku iara funu suagu ghilei mae biꞌo gognaro na.” 6Eghuteuna glahu kaisei mae cheke eghu, “Nu glafidi thubu fei gagaromu iagho are, neke unha sarea?” Jame te eghuna, mana ginauna chaghi eghu, “Glafi igre iara fnera ka nodi suga mae kheragu iara.”
Mae mala reireghi sipu ginauna lehe eghuteuna sipure ginauna tei tafri
7Lord mae ihei te au nolaghi fateote'o igne, mana ne cheke eghu,
“Nogu naflahi mala magra iara! Iagho tarabana mala magra ka kheragu iara mae ihei te reireghi nogu sipu iara gre.
Iagho faleheni mana, eghuteuna sipu igre ginauna tei tafri.
Iara ginauna jaola magra ka nogu sipu ikodi iara gre.
8Heva heva ke lamnagna glose igne,
jame thilo mae, phei ginauna lehe,
eghuteuna kaisei kolho nate karha na.
9Eghuteuna iheire te karha teure, iara ginauna kafe paradi hui, mala tangomana mare te klino ka tathagu iara na.
Ginauna na jateula mae te gahu silva nei gol ka khaꞌaghi te mala koko thona ra eghu.
Aonu mare ginauna tarai mei ka iara,
iara ginauna tangomana te nomhidi mare na.
Eghuteuna iara ginauna cheke eghu, ‘Naikno igre nogu iara.’
Eghuteuna mare ginauna cheke eghu, ‘Lord na nomi God ghehati.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators , Inc. All rights reserved.