Profet Sekaraea 12
12
Lord ginauna fakarhini Jerusalem
1Kaisei nogna cheke profet:
Cheke igne mei funugna ka Lord eigna Israel. Lord mae ihei teke edi maloa ghe nauthoglu igne, mana neke tusu lao nakarha na ka naikno, neke cheke eghu, 2“Iara ginauna eni namono Jerusalem igne mala jateula kapu te fodu ka waen ra eghu, eghuteuna keha kantri te au faligoho igre ginauna koꞌu tagna. Ke leghu, mare ginauna nolo jateula mae te koꞌu te thaviru ra eghu. Eghuteuna kate mei mare te kegra faligohoni Jerusalem te mala magra na, mare ginauna jaola lithuidi keha namono Juda mala magra ka mare. 3Nu ka narane tuana, kate loku fodu kantri te gnafa ka nauthoglu igne te mala mei magra Jerusalem, iara ginauna eni Jerusalem mala jateula kaisei thina te thofno tahu fara ra eghu. Mare te gnafa na, mare fariuriu tughani thina igne nu mare ginauna ghoreho kolho thedi tagna. 4Ka narane tuana, iara ginauna edi nodi hose te gnafa mare te mala mhaghu bobolo, eghuteuna mae te mala chari ka hose igre, ginauna fagoigoli phaꞌudi re. Nu iara ginauna famane reireghi fakelidi nogu naiknodi Juda, mala theome tangomana mare te goigonidi mare na. Nodi naoka mare igre iara ginauna edi nodi hose te gnafa mare tuare mala dofu. 5Eghuteuna kate filoni vikegna Juda glepo igne, mare ginauna cheke eghu, ‘Lord, nodi God, mae ihei te au nolaghi fateote'o igne mala toghodi naiknodi Jerusalem mala kegra heta!’
6“Ka narane tuana, mae mala baubtudi Juda igre ginauna jateula baket aean te fodu ka khaꞌaghi te au ke lamna bukrei gaju mala kuki, ba jateula gaju khaꞌaghi te ngaja te nhako fahui buburu te thofno moja fara ra eghu. Jateula tuana eghu mare ginauna thofno goigonidi fara kantri te gnafa ka vido te gnafa. Nu Jerusalem ginauna au fakeli kolho ka nodi vido re.
7“Iara Lord iara ginauna toghodi soldia di Juda mala kulu uluni magra na, eghuteuna ke leghu iara ginauna toghoni tharaknagna Devet nei naiknodi Jerusalem mala uluni magra na. Iara ginauna eni igne, mala laseni mae biꞌodi Jerusalem igre te theome tangomana te haghe te salaꞌudi keha naiknodi Juda. 8Ka narane tuana, iara ginauna jateula kaisei greoreo eghu mala reireghi fakelidi naikno te au Jerusalem. Neubane glaꞌe fara keha ka mare, nu iara ginauna kafe tusu lao nanheta ka mare mala nheta mare jateula King Devet tifa ia eghu. Eghuteuna mare ka tharakna gna King Devet, ginauna jateula God eghu ka mare, nei jateula nogu engel iara Lord mae ihei te batudi fabrahu mare. 9Ka narane tuana, naiknodi keha kantri te magnahaghei magra Jerusalem, iara ginauna goigonidi mare gnafa.”
Naiknodi Israel ginauna diꞌanagnafa nei tanhi
10Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na. 11Ka narane tuana, naiknodi Jerusalem ginauna tanhi fara, jateula teke tifa ia eghu, naiknore tanhi ka namono Hadad-Rimon ka sare rhegna namono Megido. 12-14Tharakna te gnafa ka kantri tuana, ginauna tanhi fara. Tharakna gna King Devet, nei tharakna ka thugna Natan, nei ka vikegna Livae, nei ka tharakna thugna Simei, nei keha tharakna la ngau, ginauna tanhi fabrahu. Mae nalhaꞌu re ginauna tanhi ka kaisei vido, eghuteuna goro gaꞌase re ka keha vido delei.
Currently Selected:
Profet Sekaraea 12: mrn
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators , Inc. All rights reserved.
Profet Sekaraea 12
12
Lord ginauna fakarhini Jerusalem
1Kaisei nogna cheke profet:
Cheke igne mei funugna ka Lord eigna Israel. Lord mae ihei teke edi maloa ghe nauthoglu igne, mana neke tusu lao nakarha na ka naikno, neke cheke eghu, 2“Iara ginauna eni namono Jerusalem igne mala jateula kapu te fodu ka waen ra eghu, eghuteuna keha kantri te au faligoho igre ginauna koꞌu tagna. Ke leghu, mare ginauna nolo jateula mae te koꞌu te thaviru ra eghu. Eghuteuna kate mei mare te kegra faligohoni Jerusalem te mala magra na, mare ginauna jaola lithuidi keha namono Juda mala magra ka mare. 3Nu ka narane tuana, kate loku fodu kantri te gnafa ka nauthoglu igne te mala mei magra Jerusalem, iara ginauna eni Jerusalem mala jateula kaisei thina te thofno tahu fara ra eghu. Mare te gnafa na, mare fariuriu tughani thina igne nu mare ginauna ghoreho kolho thedi tagna. 4Ka narane tuana, iara ginauna edi nodi hose te gnafa mare te mala mhaghu bobolo, eghuteuna mae te mala chari ka hose igre, ginauna fagoigoli phaꞌudi re. Nu iara ginauna famane reireghi fakelidi nogu naiknodi Juda, mala theome tangomana mare te goigonidi mare na. Nodi naoka mare igre iara ginauna edi nodi hose te gnafa mare tuare mala dofu. 5Eghuteuna kate filoni vikegna Juda glepo igne, mare ginauna cheke eghu, ‘Lord, nodi God, mae ihei te au nolaghi fateote'o igne mala toghodi naiknodi Jerusalem mala kegra heta!’
6“Ka narane tuana, mae mala baubtudi Juda igre ginauna jateula baket aean te fodu ka khaꞌaghi te au ke lamna bukrei gaju mala kuki, ba jateula gaju khaꞌaghi te ngaja te nhako fahui buburu te thofno moja fara ra eghu. Jateula tuana eghu mare ginauna thofno goigonidi fara kantri te gnafa ka vido te gnafa. Nu Jerusalem ginauna au fakeli kolho ka nodi vido re.
7“Iara Lord iara ginauna toghodi soldia di Juda mala kulu uluni magra na, eghuteuna ke leghu iara ginauna toghoni tharaknagna Devet nei naiknodi Jerusalem mala uluni magra na. Iara ginauna eni igne, mala laseni mae biꞌodi Jerusalem igre te theome tangomana te haghe te salaꞌudi keha naiknodi Juda. 8Ka narane tuana, iara ginauna jateula kaisei greoreo eghu mala reireghi fakelidi naikno te au Jerusalem. Neubane glaꞌe fara keha ka mare, nu iara ginauna kafe tusu lao nanheta ka mare mala nheta mare jateula King Devet tifa ia eghu. Eghuteuna mare ka tharakna gna King Devet, ginauna jateula God eghu ka mare, nei jateula nogu engel iara Lord mae ihei te batudi fabrahu mare. 9Ka narane tuana, naiknodi keha kantri te magnahaghei magra Jerusalem, iara ginauna goigonidi mare gnafa.”
Naiknodi Israel ginauna diꞌanagnafa nei tanhi
10Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na. 11Ka narane tuana, naiknodi Jerusalem ginauna tanhi fara, jateula teke tifa ia eghu, naiknore tanhi ka namono Hadad-Rimon ka sare rhegna namono Megido. 12-14Tharakna te gnafa ka kantri tuana, ginauna tanhi fara. Tharakna gna King Devet, nei tharakna ka thugna Natan, nei ka vikegna Livae, nei ka tharakna thugna Simei, nei keha tharakna la ngau, ginauna tanhi fabrahu. Mae nalhaꞌu re ginauna tanhi ka kaisei vido, eghuteuna goro gaꞌase re ka keha vido delei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators , Inc. All rights reserved.