Números 21
21
Nas buꞌyiꞌ jämꞌtyeꞌ Moisés
4Israeltyiꞌ vóshiꞌ in sacjeꞌ in, yạjquibajte muꞌ mụcuꞌ in Hor, chụiꞌ mọmoꞌ tyeban in Mar Jäijnäsve in paj qui jam muꞌyaꞌ jịjcaij in Edomyaꞌ. Majmiyaꞌ in jayejjotaqui jedyeꞌ in ĉúti in, jam dyich buꞌyi in, 5ñiñete muꞌyaꞌ Jenꞌ in judyeyaꞌ Moisés. Yi in:
—¿Junꞌ dash jiꞌshuptiĉaꞌ Egiptoĉantyiꞌ tsun jiquej miꞌin paj qui úyaꞌ säñi tsun cäjyasĉan jac? Mijam méquiꞌ ojñiꞌ ọ́yaꞌ, mijam säcsedyeꞌ tsun, mạyedyeꞌches mọmoꞌ säcsedyeꞌ jebeiꞌ tsun, aty jeñeꞌ tsun aty jam junꞌ coñinꞌyi mạꞌjeꞌ tsun —yi in.
6Ayoꞌ qui juteyeyacsi anic ferdyeꞌtumtyiꞌ nas, anic daiꞌ in, caraꞌvacsi muꞌin muntyiꞌ in, daiꞌ säñi in. 7Ĉọcte qui in muꞌ Moisés, jéte in:
—Anic därsiꞌ juchaj tsun ĉaĉaij na ñiñete Ayoꞌ tsun judyeyaꞌ mi chimeꞌ ñiñeyac. Cọdyeme Ayoꞌ tsundyes paj qui muꞌ jịꞌjobacseban nas in.
Anicdye meꞌ muꞌ Moisés cọdaqui Jenꞌcheꞌ paj qui muꞌ vayacjeyacsebi juchaj muntyis in.
8Ayoꞌ jajiti muꞌ Moisés:
—Jämꞌtyevaꞌ yiris nas buꞌyis yódyeijdyemꞌ nas u. Cheꞌve raꞌ yụꞌtyem soncheꞌ paj qui jorojĉan nạijyiꞌ. Meꞌ qui raꞌ tsanꞌ jacaravꞌtity jụijyaꞌ in, mọꞌ qui raꞌ cạveꞌ in mọꞌ nas buꞌyis, chat qui raꞌ jiꞌjiyaqui in jam qui säñi in.
9Meꞌdye muꞌ Moisés jämꞌtyeꞌ mọꞌ yiris nas buꞌyis cobre, cheꞌve yụꞌtyeꞌ soncheꞌ. Jụꞌñity chuc jacaravꞌtity in muꞌ nas mọꞌ qui cạvebanꞌ in nas buꞌyis jämꞌtacdyeꞌ, chat qui jiꞌjiyaqui in ĉätinꞌdyeꞌ nassiꞌ.
Currently Selected:
Números 21: CAS
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
