Levítico 1
1
Jiꞌcoꞌshayacdyes Jenꞌdyes
1Ayoꞌ jafaijti muꞌ Moisés, acaꞌĉan tute p̂eyete mọꞌ tinates. Yiꞌ jajiti:
2—Jéyacseva Israeltyiꞌ vóshiꞌ in: "Tuyetinte Ayoꞌ jụijyaꞌ miꞌin mọꞌ cuꞌdyeꞌ, meꞌ tsanꞌ vaca meꞌ tsanꞌ oveca, meꞌ tsanꞌ chivo, meꞌ meꞌ raꞌ tupuj tuyetinte.
3Jiꞌcoꞌshayacdyedyes jụijyaꞌ mọꞌ cuꞌdyeꞌ vaca, jemoñeꞌ sonꞌ tsimꞌtac, mijam raꞌ jụꞌñity. Muꞌyaꞌ raꞌ yụꞌtac chụiꞌdyeꞌyaꞌ Jenꞌsiꞌ acaꞌ muꞌ, mọꞌ tinates, paj qui muꞌ Ayoꞌ jụjjete. 4Muꞌ muntyiꞌ tuyetety yụꞌtyeyeꞌ raꞌ un muꞌ joꞌnoꞌcheꞌ cuꞌdyes, yódyesdyemꞌ raꞌ jiꞌcoꞌshayac o, chat qui raꞌ muꞌ Jenꞌ jụjtyeꞌ mọꞌ tuyetes, paj qui muꞌ vayacjepte juchaj muꞌ. 5Chat qui raꞌ muꞌ ujaiꞌ cuꞌdyeꞌ Ayoꞌsiꞌyaꞌ vej muꞌ. Muꞌin cudyitity Jenꞌcheꞌ in, Aaróntyiꞌ ạvaꞌ muꞌ, muꞌin raꞌ jịꞌĉoyete Ayoꞌ in cuꞌdyes chäsh mọꞌ, chat qui raꞌ vacjeꞌ jiꞌcoꞌshayacdyeꞌcheꞌ mọꞌyaꞌ in, mọꞌ chụiꞌdyeꞌyaꞌ buꞌyis fajcheꞌ judyeyaꞌ ovemun cọtoij."
Currently Selected:
Levítico 1: CAS
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
