Jäqui'ves Timoteodyes 2
2
Väc̣häꞌtyity Jesucristoty
1Timoteo, mi jeñej buꞌyi ĉụiꞌtyiꞌ ạvaꞌ yụ, yụ jéye sóñiꞌyeva Jesucristostum ferdyeꞌ muꞌ, mọꞌ ñịbeꞌjitidyes soꞌminsiꞌ. 2Jiꞌchäyitidyeꞌ jéyes yụ jiquej muntyisyaꞌ vej muꞌin, mọꞌdye jịꞌchiyacseva jụꞌñity chuc jịꞌcätseꞌtyiꞌ in mọꞌ jiꞌchäyitidyeꞌ, tupuj qui muꞌin jịꞌchiyacsi yoctyiꞌ muntyiꞌ chimeꞌ in.
3Meꞌ raꞌ tsanꞌ ñịbedyes jịꞌĉojtyeꞌ mi p̂eyacdyedyes, dyichchuti qui na raꞌ mọmoꞌ mi. Meꞌ raꞌ mi jeñej chiquetety väc̣häꞌtyity Jesucristoty muꞌ, meꞌ buꞌyi raꞌ mi. 4Yirity väc̣häꞌtyity chucsi jụijyaꞌ muꞌ, jam ĉụiꞌsiꞌ dyijyedyeꞌ dyijtuqui, ayos mọmoꞌ dyijyedyeꞌ dyijtupte, muꞌdyes mọmoꞌ carijtaqui, meꞌ buꞌyi muꞌ paj qui ayoꞌ jamaꞌjotyiti. 5Chimeꞌdye muꞌ majmaijtyiꞌ muntyiꞌ jemoñeꞌ meꞌ muꞌ majmaij cäc̣häꞌchuiꞌ junꞌ chuc mọꞌ majmadyes p̂eyacdyeꞌ mọꞌ majmadyeꞌĉan, jam meꞌ jụijyaꞌ muꞌ, jam raꞌ junꞌ muꞌ bijoij, peñi raꞌ. 6Meꞌdye chimeꞌ muꞌ quịjoijtyiꞌ muntyiꞌ, fer carijtaqui jụijyaꞌ muꞌ quịjodyeꞌĉan, muꞌ tashcheꞌ jebeiꞌ quịjodyeꞌĉansiꞌ sicdyeꞌ muꞌ. 7Dyijtuvaꞌ jämꞌ ọij p̂eyacdyeꞌ q̂uinꞌ, chat qui raꞌ Ayoꞌ tsun soꞌmin dyijyedyedyes mi, meꞌ raꞌ chat chicacsi mi.
8Dyijtume räjĉan muꞌ Jesucristo, vóshiꞌ Davidvuntyiꞌ muꞌ, muꞌ vañinyebantyiꞌ säñityiꞌ jiquej, muꞌ p̂eijte mọꞌ p̂eyacdyeꞌ voroꞌtacsis yụ. 9P̂eyacdyedyes ñịbeꞌ jiꞌcavin yụ in, mọꞌdyes q̂uinꞌ ĉäꞌräij yụ, jeñej buꞌyi ac̣hiꞌyity muntyiꞌ yụ, meꞌ buꞌyi shupqui yụ. Meꞌ tsanꞌ meꞌ ĉäꞌräij yụ, judyeyaꞌ saptac cadenayaꞌ yụ, Jenꞌsiꞌ qui namꞌ p̂eyacdyeꞌ muꞌ jam junꞌ ĉäꞌräiꞌ muꞌ, yejĉoiꞌ mọꞌ carijtaquiꞌ. 10Mọꞌdyes yụ meꞌ tsanꞌ ñịbeꞌ jiꞌcavin yụ in p̂eyacdyedyes, yejĉoij qui namꞌ yụ dyichchutidyeꞌtum voroꞌtacsi muꞌin tsimꞌtactyiꞌ Jenꞌtyiꞌ muꞌ, paj qui muꞌin chimeꞌ c̣hoñi in Jesucristoyaꞌ in, paj qui Jenꞌyaꞌ bäꞌyi in, räjĉan penꞌdyetute in muꞌcheꞌ mạijquedyeꞌĉan muꞌ.
11Anic rụijsis ọij p̂eyacdyeꞌ yiꞌ:
Sänjaꞌ tsun Cristotum jiquej,
chimuꞌtumdye qui raꞌ bäꞌjaꞌ tsun.
12Dyichchutiĉaꞌ bäꞌjaꞌ jụijyaꞌ tsun,
ayoꞌbuꞌjaꞌ raꞌ muꞌtum.
Ticameja jụijyaꞌ muꞌ,
jam jiꞌjäcja jụijyaꞌ,
meꞌdye raꞌ muꞌ chimeꞌ ticamisinꞌ.#2:12 Mateos 10:33
13Meꞌ tsanꞌ jam chiqueja jụijyaꞌ tsun,
muꞌ na raꞌ yejĉoij jịꞌcätsaqui ĉụiꞌsiꞌ p̂eyacdyeꞌ muꞌ,
muꞌsiꞌ jam junꞌ yocve shupquiꞌ dyijyedyeꞌ muꞌ, yiꞌ sánacdyeꞌ.
Muꞌ jämꞌ carijtaquity Jenꞌdyes
14Quivij jéyacsebada muꞌin anicjetety Jenꞌ in ọij jiꞌchäyitidyeꞌ, jéyacseva Ayoꞌsiꞌyaꞌ vej muꞌ paj qui jam chutidyeij in urucyasyaꞌ p̂eyacdyeꞌ muꞌin. Meꞌ jụijyaꞌ in mọꞌ raꞌ jam damꞌ nọ́tacsiꞌ, dadamꞌ raꞌ ac̣hiꞌtacsiꞌ Jenꞌdyes in muꞌin seꞌveꞌtyiꞌ in. 15Yụꞌtyevaꞌ ferdyeꞌ mi paj qui maꞌjotyin mi muꞌ Jenꞌ junꞌ chuc bäꞌyi mi. Jämꞌ carijtaca muꞌdyes, rụij jịꞌchiyacseva rụijsis p̂eyacdyeꞌ Jenꞌsiꞌ muꞌ, meꞌ raꞌ jam tsị́cataqui carijtacdyeꞌ mi. 16Meijyeva fibis mọꞌ p̂eyacdyeꞌ mọꞌ moc̣has muꞌin, mọꞌ shọijtacdyeꞌ mọmoꞌ jam jedyedyes, mọꞌ jiꞌyacchuyacsis Jenꞌyaꞌ muꞌin seꞌveꞌtyiꞌ in, dadamꞌ qui ac̣hiꞌ bäꞌban in. 17Mọꞌ nash p̂eyacdyeꞌ muꞌin daiꞌ ac̣hiꞌtacsiꞌ muntyiꞌ in, jeñej buꞌyiꞌ yämꞌdyis japacjodyeꞌ, ac̣hiꞌtacsiꞌ muꞌin seꞌveꞌtyiꞌ in, meꞌ buꞌyiꞌ shupquiꞌ mọꞌ. Joꞌmes p̂eyacdyeꞌ jịꞌchiyacsi in muꞌ Himeneo judyeyaꞌ muꞌ Fileto, 18muꞌin aty vaꞌve jịjcaij in, farajjeꞌ in mọꞌ rụijsis p̂eyacdyeꞌ. Cäj qui jịꞌchiyacsi in, yi in: "A nash tsạꞌebajshaꞌ ạꞌedyeꞌĉan tsun, aty raꞌ jam vañinyebanꞌ aꞌ tsun sänjaꞌyaꞌ", yi in. Pạrej seꞌvacsebi p̂eyacdyeꞌ muꞌin mọꞌdyes qui anicjeyacsebi in ọij vaꞌves p̂eyacdyeꞌ muꞌin. 19Muꞌ Jenꞌ yụꞌtyeꞌ jeñej buꞌyiꞌ yiris jämꞌchuquis anicjetetydyes in, muꞌcheꞌ buꞌyi in aty jam yäcänyi in mijam yocve dyijyeban in. Mọꞌ jämꞌchuquis meꞌchuiꞌ cac̣htacdyeꞌ p̂eyacdyeꞌ mọꞌ yiꞌ: "Muꞌ Ayoꞌ tsun anic jämꞌ chị́yaqui ĉụiꞌtyiꞌ muntyiꞌ muꞌ", judyeyaꞌ yiꞌ chimeꞌ: "Tyi chuc cạpte in Jesucristos tịj muꞌ jemoñeꞌ räj farajjeyaqui aꞌc̣his dyijyedyeꞌ muꞌin", yiꞌ p̂eyacdyeꞌ.
20Därsiꞌĉan acaꞌ mọꞌyaꞌ yịjyi jedyeꞌ yuꞌtidyes in. Pạrej oro jämꞌtyeꞌ in judyeyaꞌ plata in, chimeꞌ mọꞌĉan son jämꞌtyeꞌ in, judyeyaꞌ pirij chimeꞌ. Pạrej mọꞌĉan jäjämunsiꞌ yụꞌtaquis jämꞌsiꞌ jedyeꞌ in. Yocsiꞌ na jam meꞌ in, pạrej aꞌc̣hisdyes mọꞌin in. 21Meꞌdye tsun chimeꞌ, farajjejaꞌ jụijyaꞌ räj aꞌc̣his dyijyedyeꞌ tsun, yojdyemꞌ jämꞌsiꞌ yụꞌtidyes o anic jämꞌ c̣hiconꞌtacsiꞌ, meꞌ buꞌjaꞌ raꞌ shupquejaꞌ tsun. Meꞌ raꞌ chat Ayodyes shupquejaꞌ tupuj tsun úñejaꞌ muꞌdyes, jụꞌñis ĉụiꞌ mọmoꞌ carijtacdyeꞌ soꞌmisinꞌ jụijyaꞌ.
22Ĉaꞌjoyevaꞌ aꞌc̣his dyijyedyeꞌ nanamuntyis in. Ferdyeꞌ yụꞌtaca paj qui rụij bäꞌyi mi, paj qui yejĉoij cäc̣häꞌchute Jenꞌ mi, judyeyaꞌ paj qui yoctyiꞌ mạꞌjeyacsi mi, judyeyaꞌ paj qui räjtum jämꞌjiti bäꞌyi mi muꞌintum in rụijtyitytum ĉojtyiꞌ cäc̣häꞌchutety Ayoꞌ in. 23Jam qui na ramꞌ cäc̣häꞌchucsebim mọꞌ fibis p̂eyacdyeꞌ chutidyes muntyis muꞌin, mọꞌ nash jam dyijyedyeꞌtumsiꞌ p̂eyacdyeꞌ, jịꞌfajcacsis mọmoꞌ muntyiꞌ shupquiꞌ. 24Jeshaꞌ muꞌ yirity úñity jụijyaꞌ Ayoty tsun jam jemoñeꞌ chuti yoctyiꞌtum. Damꞌdye jämꞌ, jämꞌyedyeꞌ jịꞌcaveyacsi räjtumdye muꞌin in. Jemoñeꞌ rụij chịj jịꞌchiyacsi p̂eyacdyeꞌ in judyeyaꞌ raꞌ dyichyedyeꞌtum chimeꞌ jịꞌchiyacsi, paj meꞌ meꞌ bäꞌyi yụꞌtactyiꞌ Ayoꞌtyiꞌ in. 25Chimeꞌdye jemoñeꞌ jäjämꞌtum vortacsi miꞌin muꞌin fạ́quety jiꞌchäyitidyeꞌ in, vatyquej raꞌ muꞌ Jenꞌ soꞌmacsi dyijyedyeꞌ paj qui dyijyeban juchajcheꞌ in paj qui jụjjebanꞌ in rụijsis p̂eyacdyeꞌ Jenꞌsiꞌ muꞌ, 26paj qui tsạꞌi ĉojtyiꞌĉan in, judyeyaꞌ paj qui shupqui in Sọyosĉantyiꞌ jibej in, ĉaĉaij na mọꞌ Sọyoꞌ tạꞌbaiꞌ jiquej judyeyaꞌ bächäcsiꞌ junꞌ chuc mạꞌjeꞌ muꞌ, meꞌ buꞌyiꞌ dyijyedyeꞌ yụꞌtyeyacsi.
Currently Selected:
Jäqui'ves Timoteodyes 2: CAS
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Jäqui'ves Timoteodyes 2
2
Väc̣häꞌtyity Jesucristoty
1Timoteo, mi jeñej buꞌyi ĉụiꞌtyiꞌ ạvaꞌ yụ, yụ jéye sóñiꞌyeva Jesucristostum ferdyeꞌ muꞌ, mọꞌ ñịbeꞌjitidyes soꞌminsiꞌ. 2Jiꞌchäyitidyeꞌ jéyes yụ jiquej muntyisyaꞌ vej muꞌin, mọꞌdye jịꞌchiyacseva jụꞌñity chuc jịꞌcätseꞌtyiꞌ in mọꞌ jiꞌchäyitidyeꞌ, tupuj qui muꞌin jịꞌchiyacsi yoctyiꞌ muntyiꞌ chimeꞌ in.
3Meꞌ raꞌ tsanꞌ ñịbedyes jịꞌĉojtyeꞌ mi p̂eyacdyedyes, dyichchuti qui na raꞌ mọmoꞌ mi. Meꞌ raꞌ mi jeñej chiquetety väc̣häꞌtyity Jesucristoty muꞌ, meꞌ buꞌyi raꞌ mi. 4Yirity väc̣häꞌtyity chucsi jụijyaꞌ muꞌ, jam ĉụiꞌsiꞌ dyijyedyeꞌ dyijtuqui, ayos mọmoꞌ dyijyedyeꞌ dyijtupte, muꞌdyes mọmoꞌ carijtaqui, meꞌ buꞌyi muꞌ paj qui ayoꞌ jamaꞌjotyiti. 5Chimeꞌdye muꞌ majmaijtyiꞌ muntyiꞌ jemoñeꞌ meꞌ muꞌ majmaij cäc̣häꞌchuiꞌ junꞌ chuc mọꞌ majmadyes p̂eyacdyeꞌ mọꞌ majmadyeꞌĉan, jam meꞌ jụijyaꞌ muꞌ, jam raꞌ junꞌ muꞌ bijoij, peñi raꞌ. 6Meꞌdye chimeꞌ muꞌ quịjoijtyiꞌ muntyiꞌ, fer carijtaqui jụijyaꞌ muꞌ quịjodyeꞌĉan, muꞌ tashcheꞌ jebeiꞌ quịjodyeꞌĉansiꞌ sicdyeꞌ muꞌ. 7Dyijtuvaꞌ jämꞌ ọij p̂eyacdyeꞌ q̂uinꞌ, chat qui raꞌ Ayoꞌ tsun soꞌmin dyijyedyedyes mi, meꞌ raꞌ chat chicacsi mi.
8Dyijtume räjĉan muꞌ Jesucristo, vóshiꞌ Davidvuntyiꞌ muꞌ, muꞌ vañinyebantyiꞌ säñityiꞌ jiquej, muꞌ p̂eijte mọꞌ p̂eyacdyeꞌ voroꞌtacsis yụ. 9P̂eyacdyedyes ñịbeꞌ jiꞌcavin yụ in, mọꞌdyes q̂uinꞌ ĉäꞌräij yụ, jeñej buꞌyi ac̣hiꞌyity muntyiꞌ yụ, meꞌ buꞌyi shupqui yụ. Meꞌ tsanꞌ meꞌ ĉäꞌräij yụ, judyeyaꞌ saptac cadenayaꞌ yụ, Jenꞌsiꞌ qui namꞌ p̂eyacdyeꞌ muꞌ jam junꞌ ĉäꞌräiꞌ muꞌ, yejĉoiꞌ mọꞌ carijtaquiꞌ. 10Mọꞌdyes yụ meꞌ tsanꞌ ñịbeꞌ jiꞌcavin yụ in p̂eyacdyedyes, yejĉoij qui namꞌ yụ dyichchutidyeꞌtum voroꞌtacsi muꞌin tsimꞌtactyiꞌ Jenꞌtyiꞌ muꞌ, paj qui muꞌin chimeꞌ c̣hoñi in Jesucristoyaꞌ in, paj qui Jenꞌyaꞌ bäꞌyi in, räjĉan penꞌdyetute in muꞌcheꞌ mạijquedyeꞌĉan muꞌ.
11Anic rụijsis ọij p̂eyacdyeꞌ yiꞌ:
Sänjaꞌ tsun Cristotum jiquej,
chimuꞌtumdye qui raꞌ bäꞌjaꞌ tsun.
12Dyichchutiĉaꞌ bäꞌjaꞌ jụijyaꞌ tsun,
ayoꞌbuꞌjaꞌ raꞌ muꞌtum.
Ticameja jụijyaꞌ muꞌ,
jam jiꞌjäcja jụijyaꞌ,
meꞌdye raꞌ muꞌ chimeꞌ ticamisinꞌ.#2:12 Mateos 10:33
13Meꞌ tsanꞌ jam chiqueja jụijyaꞌ tsun,
muꞌ na raꞌ yejĉoij jịꞌcätsaqui ĉụiꞌsiꞌ p̂eyacdyeꞌ muꞌ,
muꞌsiꞌ jam junꞌ yocve shupquiꞌ dyijyedyeꞌ muꞌ, yiꞌ sánacdyeꞌ.
Muꞌ jämꞌ carijtaquity Jenꞌdyes
14Quivij jéyacsebada muꞌin anicjetety Jenꞌ in ọij jiꞌchäyitidyeꞌ, jéyacseva Ayoꞌsiꞌyaꞌ vej muꞌ paj qui jam chutidyeij in urucyasyaꞌ p̂eyacdyeꞌ muꞌin. Meꞌ jụijyaꞌ in mọꞌ raꞌ jam damꞌ nọ́tacsiꞌ, dadamꞌ raꞌ ac̣hiꞌtacsiꞌ Jenꞌdyes in muꞌin seꞌveꞌtyiꞌ in. 15Yụꞌtyevaꞌ ferdyeꞌ mi paj qui maꞌjotyin mi muꞌ Jenꞌ junꞌ chuc bäꞌyi mi. Jämꞌ carijtaca muꞌdyes, rụij jịꞌchiyacseva rụijsis p̂eyacdyeꞌ Jenꞌsiꞌ muꞌ, meꞌ raꞌ jam tsị́cataqui carijtacdyeꞌ mi. 16Meijyeva fibis mọꞌ p̂eyacdyeꞌ mọꞌ moc̣has muꞌin, mọꞌ shọijtacdyeꞌ mọmoꞌ jam jedyedyes, mọꞌ jiꞌyacchuyacsis Jenꞌyaꞌ muꞌin seꞌveꞌtyiꞌ in, dadamꞌ qui ac̣hiꞌ bäꞌban in. 17Mọꞌ nash p̂eyacdyeꞌ muꞌin daiꞌ ac̣hiꞌtacsiꞌ muntyiꞌ in, jeñej buꞌyiꞌ yämꞌdyis japacjodyeꞌ, ac̣hiꞌtacsiꞌ muꞌin seꞌveꞌtyiꞌ in, meꞌ buꞌyiꞌ shupquiꞌ mọꞌ. Joꞌmes p̂eyacdyeꞌ jịꞌchiyacsi in muꞌ Himeneo judyeyaꞌ muꞌ Fileto, 18muꞌin aty vaꞌve jịjcaij in, farajjeꞌ in mọꞌ rụijsis p̂eyacdyeꞌ. Cäj qui jịꞌchiyacsi in, yi in: "A nash tsạꞌebajshaꞌ ạꞌedyeꞌĉan tsun, aty raꞌ jam vañinyebanꞌ aꞌ tsun sänjaꞌyaꞌ", yi in. Pạrej seꞌvacsebi p̂eyacdyeꞌ muꞌin mọꞌdyes qui anicjeyacsebi in ọij vaꞌves p̂eyacdyeꞌ muꞌin. 19Muꞌ Jenꞌ yụꞌtyeꞌ jeñej buꞌyiꞌ yiris jämꞌchuquis anicjetetydyes in, muꞌcheꞌ buꞌyi in aty jam yäcänyi in mijam yocve dyijyeban in. Mọꞌ jämꞌchuquis meꞌchuiꞌ cac̣htacdyeꞌ p̂eyacdyeꞌ mọꞌ yiꞌ: "Muꞌ Ayoꞌ tsun anic jämꞌ chị́yaqui ĉụiꞌtyiꞌ muntyiꞌ muꞌ", judyeyaꞌ yiꞌ chimeꞌ: "Tyi chuc cạpte in Jesucristos tịj muꞌ jemoñeꞌ räj farajjeyaqui aꞌc̣his dyijyedyeꞌ muꞌin", yiꞌ p̂eyacdyeꞌ.
20Därsiꞌĉan acaꞌ mọꞌyaꞌ yịjyi jedyeꞌ yuꞌtidyes in. Pạrej oro jämꞌtyeꞌ in judyeyaꞌ plata in, chimeꞌ mọꞌĉan son jämꞌtyeꞌ in, judyeyaꞌ pirij chimeꞌ. Pạrej mọꞌĉan jäjämunsiꞌ yụꞌtaquis jämꞌsiꞌ jedyeꞌ in. Yocsiꞌ na jam meꞌ in, pạrej aꞌc̣hisdyes mọꞌin in. 21Meꞌdye tsun chimeꞌ, farajjejaꞌ jụijyaꞌ räj aꞌc̣his dyijyedyeꞌ tsun, yojdyemꞌ jämꞌsiꞌ yụꞌtidyes o anic jämꞌ c̣hiconꞌtacsiꞌ, meꞌ buꞌjaꞌ raꞌ shupquejaꞌ tsun. Meꞌ raꞌ chat Ayodyes shupquejaꞌ tupuj tsun úñejaꞌ muꞌdyes, jụꞌñis ĉụiꞌ mọmoꞌ carijtacdyeꞌ soꞌmisinꞌ jụijyaꞌ.
22Ĉaꞌjoyevaꞌ aꞌc̣his dyijyedyeꞌ nanamuntyis in. Ferdyeꞌ yụꞌtaca paj qui rụij bäꞌyi mi, paj qui yejĉoij cäc̣häꞌchute Jenꞌ mi, judyeyaꞌ paj qui yoctyiꞌ mạꞌjeyacsi mi, judyeyaꞌ paj qui räjtum jämꞌjiti bäꞌyi mi muꞌintum in rụijtyitytum ĉojtyiꞌ cäc̣häꞌchutety Ayoꞌ in. 23Jam qui na ramꞌ cäc̣häꞌchucsebim mọꞌ fibis p̂eyacdyeꞌ chutidyes muntyis muꞌin, mọꞌ nash jam dyijyedyeꞌtumsiꞌ p̂eyacdyeꞌ, jịꞌfajcacsis mọmoꞌ muntyiꞌ shupquiꞌ. 24Jeshaꞌ muꞌ yirity úñity jụijyaꞌ Ayoty tsun jam jemoñeꞌ chuti yoctyiꞌtum. Damꞌdye jämꞌ, jämꞌyedyeꞌ jịꞌcaveyacsi räjtumdye muꞌin in. Jemoñeꞌ rụij chịj jịꞌchiyacsi p̂eyacdyeꞌ in judyeyaꞌ raꞌ dyichyedyeꞌtum chimeꞌ jịꞌchiyacsi, paj meꞌ meꞌ bäꞌyi yụꞌtactyiꞌ Ayoꞌtyiꞌ in. 25Chimeꞌdye jemoñeꞌ jäjämꞌtum vortacsi miꞌin muꞌin fạ́quety jiꞌchäyitidyeꞌ in, vatyquej raꞌ muꞌ Jenꞌ soꞌmacsi dyijyedyeꞌ paj qui dyijyeban juchajcheꞌ in paj qui jụjjebanꞌ in rụijsis p̂eyacdyeꞌ Jenꞌsiꞌ muꞌ, 26paj qui tsạꞌi ĉojtyiꞌĉan in, judyeyaꞌ paj qui shupqui in Sọyosĉantyiꞌ jibej in, ĉaĉaij na mọꞌ Sọyoꞌ tạꞌbaiꞌ jiquej judyeyaꞌ bächäcsiꞌ junꞌ chuc mạꞌjeꞌ muꞌ, meꞌ buꞌyiꞌ dyijyedyeꞌ yụꞌtyeyacsi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'