Jäqui'ves Timoteodyes 1
1
Tashches voryedyeꞌ Pablos
1Yụ Pablo jutactyiꞌ Jesucristoty muꞌ, muꞌ Jenꞌ ĉụiꞌsiꞌyaꞌ dyijyedyeꞌ muꞌ meꞌ yuꞌtyin jiquej yụ paj qui meꞌ voroꞌtacsi yụ muntyiꞌ in judyeyaꞌ jéyacsi yụ junꞌ chuc raꞌ Jenꞌyaꞌ bäꞌyi in muꞌin Jesucristoty in, ĉaĉaij na meꞌ yiꞌ Jenꞌsiꞌ p̂eyacdyeꞌ muꞌ. 2Mídyes sáñeꞌ yụ ọij p̂eyacdyeꞌ Timoteo,#1:2 Úñedyeꞌ 16:1 mi jeñej buꞌyi mạꞌjeyacdyety ạvaꞌ yụ. Yụ cọdyete Jenꞌ muꞌ Ạvatusinꞌtyiꞌ tsun judyeyaꞌ muꞌ Cristo Jesús Ayoꞌ tsun, paj qui muꞌ ñịbeꞌjitidyes soꞌmin mi, paj qui ñịbeꞌ ĉun mi judyeyaꞌ paj qui chimeꞌ soꞌmin maꞌjodyeꞌ ĉojtyiꞌĉandyes mi.
Pablo jéte Timoteo paj yejĉoij cäc̣häꞌchute Jenꞌ
3Räjĉan cọdaqui Jenꞌcheꞌ yụ mídyes, mạij judyeyaꞌ tsedyedyeꞌ, judyeyaꞌ jämꞌtyiꞌtum ĉojtyiꞌ yụ carijtaqui yụ Jenꞌdyes, yojdyemꞌ vóshiꞌvun jiquej u yụ in. Cọdaqui Jenꞌcheꞌ jụijyaꞌ yụ, mídyesmun yoshoropaij jéte Jenꞌ yụ. 4Yụ dyijtubadyeye junꞌ chuc mi táristum vorjitactim jiquej, mọꞌdyes anic fer mạꞌjeꞌ cạvebadyeye paj qui maꞌjobanve yụ. 5Chimeꞌdye fer dyijtuye junꞌ chuc mi rụij anicyi Jenꞌcheꞌ, yojdyemꞌ jäyeꞌ um Loida, tashcheꞌ anicyiꞌ, judyeyaꞌ tseꞌ chimeꞌ mi Eunice. Meꞌdyes mi chimeꞌ chị́yeye anicyi mi Jenꞌcheꞌ.
6Mọꞌdyes yụ jéye, jiꞌfercaca ĉụiꞌsiꞌ ĉojtyiꞌĉansiꞌ ferdyeꞌ mi, mọꞌ carijtacdyedyes soꞌminsiꞌ mi muꞌ Jenꞌ, yoquiꞌdyemꞌ yụ tocoꞌjeyeyaꞌ mi jiquej u unyaꞌ yụ. 7Jeshaꞌ, muꞌ Jenꞌ jam yuꞌsinꞌ paj qui quijnacdyeꞌtum bäꞌjaꞌ tsun. Muꞌ soꞌmisinꞌ paj qui ferdyeꞌtum bäꞌjaꞌ tsun, judyeyaꞌ paj qui mạꞌjeyacsejaty bäꞌjaꞌ chimeꞌ judyeyaꞌ jämꞌ ĉujcatiĉaꞌ chimeꞌ tsun, meꞌ meꞌ yuꞌsinꞌ. 8Jam raꞌ tsị́cadyeꞌtum jiꞌjäctem Ayoꞌ tsun, mijam raꞌ tsị́cadyeꞌtum jiꞌjicdyiꞌ yụ mi. Meꞌ tsanꞌ ĉäꞌräij yụ Ayodyes tsun, jam raꞌ mọꞌ tsícatyibutim. Yejĉova carijtaca Jenꞌdyes, meꞌ raꞌ tsanꞌ mímun chimeꞌ ñịbeꞌ cạveꞌ voroꞌyedyeꞌyam, jam qui na ramꞌ farajjeꞌ mi. Muꞌ qui raꞌ Jenꞌ soꞌmin ferdyeꞌ mi tupuj qui dyichchuti mi. 9Muꞌ nash jiꞌc̣honsinꞌ tsun judyeyaꞌ fayisinꞌ tsun paj qui yuꞌsinꞌ muꞌdyety tsun. Muꞌ jiꞌc̣honsinꞌ tsun, jam qui namꞌ ĉụiꞌsiꞌyaꞌ jämꞌyedyeꞌ tsun, junꞌ chuc jämꞌ bäꞌjaꞌ, muꞌ jiꞌc̣honsinꞌ ñịbeꞌjitidyesyaꞌ muꞌ ĉaĉaij na mọꞌ mạꞌjeꞌ muꞌ ĉụiꞌsiꞌyaꞌ dyijyedyeꞌ muꞌ. Jambiꞌdyemꞌ jämꞌse ọij jac jiquej, muꞌ Jenꞌ aty tạꞌcaty dyijyi junꞌ chuc raꞌ ñịbeꞌjisinꞌ Jesucristoyaꞌ. 10Q̂uinꞌ chat aty jiꞌcaviyisinꞌ ñịbeꞌjitidyes muꞌ, yoquiꞌdyemꞌ atsijyaꞌ muꞌ Cristo Jesús jiquej u, muꞌ Jiꞌc̣honsinꞌtyiꞌ tsun. Muꞌ jiꞌpeñeꞌ mọꞌ sänꞌdyeꞌ paj qui aty jam mọꞌ meꞌtaquiꞌ, judyeyaꞌ chimeꞌ muꞌ jiꞌcaviyisinꞌ junꞌ chuc tupuj räjĉan Jenꞌyaꞌ bäꞌjaꞌ tsun, aty raꞌ jam quivij sänjajshaꞌ. Jämꞌsiꞌ p̂eyacdyeꞌ muꞌ mọꞌ jísinꞌ tsun.
11Muꞌdye Jenꞌ yuꞌtyin yụ paj qui jutactyiꞌ yụ judyeyaꞌ jutin yụ paj qui yụ voroꞌtacsi ọij jämꞌsiꞌ p̂eyacdyeꞌ muꞌ, paj qui yụ jịꞌchiyacsi muntyiꞌ in. 12Mọꞌdyes yụ ñịbeꞌ jiꞌcavin yụ in muꞌsidyes p̂eyacdyedyes muꞌ. Meꞌ tsanꞌ meꞌ cạveꞌ yụ, jam qui namꞌ otejjiti yụ, ĉaĉaij na yụ chị́yete muꞌ Jesucristo, muꞌcheꞌ ĉúti yụ. Chị́yete yụ muꞌ nash ferdyeꞌtumtyiꞌ, muꞌ tupuj ñutsjeꞌ mọꞌ p̂eyacdyeꞌ soꞌminsiꞌ yụ, mọꞌ raꞌ jam tätsiꞌ yejĉoiꞌ raꞌ junꞌ quiꞌ chuc ayij jadyiquis tupudyeꞌ.
13Jämꞌ raꞌ cäc̣häꞌchuiꞌ mi ọij rụijsis p̂eyacdyeꞌ, jam raꞌ cäj jịꞌchiyacsi mi mọꞌ jiꞌchäyitidyeꞌ jịꞌchiyeyes yụ. Jam raꞌ farajjeꞌ anicyedyeꞌ mi, yejĉova mạꞌjeyacseva chimeꞌ, meꞌ yuꞌsinꞌ tsun ĉaĉaij na Jesucristoty tsun. 14Nọ́tacdyeꞌyaꞌ raꞌ Jenꞌsiꞌ Ạꞌedyeꞌ muꞌ, mọꞌ ĉojtyiꞌĉan bäꞌyis tsun, mọꞌ jämꞌ ĉọjcavaꞌ mọjoꞌchas jämꞌsiꞌ p̂eyacdyeꞌ soꞌminsiꞌ Jenꞌ, mọꞌ jeñej buꞌyiꞌ yiris yaꞌiꞌsiꞌ jedyeꞌ. Muꞌsiꞌyaꞌ ferdyeꞌ ĉọjcavaꞌ paj jam yocve shupquiꞌ.
15Chịj mi junꞌ chuc muꞌin anicjetety Jenꞌ in Asiaĉan bäꞌyity in, räj muꞌin yacchun yụ in, aty jam cạ̈näꞌñibun yụ in. Meꞌdye muꞌ chimeꞌ Figelo judyeyaꞌ Hermógenes aty yacchun yụ in, aty jam penꞌdyetun yụ in. 16Muꞌ na Onesíforo jam muꞌ meꞌ, pucmun jiĉun yuꞌtyin yụ. Meꞌ tsanꞌ ĉäꞌräij yụ, muꞌ qui namꞌ jam damꞌ tsị́catyin yụ. Mọꞌdyes yụ cọdyete Ayoꞌ tsun muꞌdyes, judyeyaꞌ muꞌsiꞌyaty acaꞌ in, paj qui muꞌ Jenꞌ ñịbeꞌ jaĉuti. 17Venchuij úĉan Romaĉan jiquej, muꞌ quivvaꞌquin yụ junꞌ quiꞌ chuc daquin yụ.
18Yụ cọdyete Ayoꞌ tsun paj qui muꞌ ñịbeꞌ ĉọ́te, aty ayijyaꞌ mọꞌ tupudyeꞌ aty muꞌ jịꞌcäts yụꞌtacsiyaꞌ juchadyeꞌyaꞌ muntyis in. Chịj tyuꞌ um junꞌtum quiꞌ muꞌ Onesíforo ñútyin yụ jiquej Efesoĉandyemꞌ bäꞌyiyaꞌ jiquej yụ.
Currently Selected:
Jäqui'ves Timoteodyes 1: CAS
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Jäqui'ves Timoteodyes 1
1
Tashches voryedyeꞌ Pablos
1Yụ Pablo jutactyiꞌ Jesucristoty muꞌ, muꞌ Jenꞌ ĉụiꞌsiꞌyaꞌ dyijyedyeꞌ muꞌ meꞌ yuꞌtyin jiquej yụ paj qui meꞌ voroꞌtacsi yụ muntyiꞌ in judyeyaꞌ jéyacsi yụ junꞌ chuc raꞌ Jenꞌyaꞌ bäꞌyi in muꞌin Jesucristoty in, ĉaĉaij na meꞌ yiꞌ Jenꞌsiꞌ p̂eyacdyeꞌ muꞌ. 2Mídyes sáñeꞌ yụ ọij p̂eyacdyeꞌ Timoteo,#1:2 Úñedyeꞌ 16:1 mi jeñej buꞌyi mạꞌjeyacdyety ạvaꞌ yụ. Yụ cọdyete Jenꞌ muꞌ Ạvatusinꞌtyiꞌ tsun judyeyaꞌ muꞌ Cristo Jesús Ayoꞌ tsun, paj qui muꞌ ñịbeꞌjitidyes soꞌmin mi, paj qui ñịbeꞌ ĉun mi judyeyaꞌ paj qui chimeꞌ soꞌmin maꞌjodyeꞌ ĉojtyiꞌĉandyes mi.
Pablo jéte Timoteo paj yejĉoij cäc̣häꞌchute Jenꞌ
3Räjĉan cọdaqui Jenꞌcheꞌ yụ mídyes, mạij judyeyaꞌ tsedyedyeꞌ, judyeyaꞌ jämꞌtyiꞌtum ĉojtyiꞌ yụ carijtaqui yụ Jenꞌdyes, yojdyemꞌ vóshiꞌvun jiquej u yụ in. Cọdaqui Jenꞌcheꞌ jụijyaꞌ yụ, mídyesmun yoshoropaij jéte Jenꞌ yụ. 4Yụ dyijtubadyeye junꞌ chuc mi táristum vorjitactim jiquej, mọꞌdyes anic fer mạꞌjeꞌ cạvebadyeye paj qui maꞌjobanve yụ. 5Chimeꞌdye fer dyijtuye junꞌ chuc mi rụij anicyi Jenꞌcheꞌ, yojdyemꞌ jäyeꞌ um Loida, tashcheꞌ anicyiꞌ, judyeyaꞌ tseꞌ chimeꞌ mi Eunice. Meꞌdyes mi chimeꞌ chị́yeye anicyi mi Jenꞌcheꞌ.
6Mọꞌdyes yụ jéye, jiꞌfercaca ĉụiꞌsiꞌ ĉojtyiꞌĉansiꞌ ferdyeꞌ mi, mọꞌ carijtacdyedyes soꞌminsiꞌ mi muꞌ Jenꞌ, yoquiꞌdyemꞌ yụ tocoꞌjeyeyaꞌ mi jiquej u unyaꞌ yụ. 7Jeshaꞌ, muꞌ Jenꞌ jam yuꞌsinꞌ paj qui quijnacdyeꞌtum bäꞌjaꞌ tsun. Muꞌ soꞌmisinꞌ paj qui ferdyeꞌtum bäꞌjaꞌ tsun, judyeyaꞌ paj qui mạꞌjeyacsejaty bäꞌjaꞌ chimeꞌ judyeyaꞌ jämꞌ ĉujcatiĉaꞌ chimeꞌ tsun, meꞌ meꞌ yuꞌsinꞌ. 8Jam raꞌ tsị́cadyeꞌtum jiꞌjäctem Ayoꞌ tsun, mijam raꞌ tsị́cadyeꞌtum jiꞌjicdyiꞌ yụ mi. Meꞌ tsanꞌ ĉäꞌräij yụ Ayodyes tsun, jam raꞌ mọꞌ tsícatyibutim. Yejĉova carijtaca Jenꞌdyes, meꞌ raꞌ tsanꞌ mímun chimeꞌ ñịbeꞌ cạveꞌ voroꞌyedyeꞌyam, jam qui na ramꞌ farajjeꞌ mi. Muꞌ qui raꞌ Jenꞌ soꞌmin ferdyeꞌ mi tupuj qui dyichchuti mi. 9Muꞌ nash jiꞌc̣honsinꞌ tsun judyeyaꞌ fayisinꞌ tsun paj qui yuꞌsinꞌ muꞌdyety tsun. Muꞌ jiꞌc̣honsinꞌ tsun, jam qui namꞌ ĉụiꞌsiꞌyaꞌ jämꞌyedyeꞌ tsun, junꞌ chuc jämꞌ bäꞌjaꞌ, muꞌ jiꞌc̣honsinꞌ ñịbeꞌjitidyesyaꞌ muꞌ ĉaĉaij na mọꞌ mạꞌjeꞌ muꞌ ĉụiꞌsiꞌyaꞌ dyijyedyeꞌ muꞌ. Jambiꞌdyemꞌ jämꞌse ọij jac jiquej, muꞌ Jenꞌ aty tạꞌcaty dyijyi junꞌ chuc raꞌ ñịbeꞌjisinꞌ Jesucristoyaꞌ. 10Q̂uinꞌ chat aty jiꞌcaviyisinꞌ ñịbeꞌjitidyes muꞌ, yoquiꞌdyemꞌ atsijyaꞌ muꞌ Cristo Jesús jiquej u, muꞌ Jiꞌc̣honsinꞌtyiꞌ tsun. Muꞌ jiꞌpeñeꞌ mọꞌ sänꞌdyeꞌ paj qui aty jam mọꞌ meꞌtaquiꞌ, judyeyaꞌ chimeꞌ muꞌ jiꞌcaviyisinꞌ junꞌ chuc tupuj räjĉan Jenꞌyaꞌ bäꞌjaꞌ tsun, aty raꞌ jam quivij sänjajshaꞌ. Jämꞌsiꞌ p̂eyacdyeꞌ muꞌ mọꞌ jísinꞌ tsun.
11Muꞌdye Jenꞌ yuꞌtyin yụ paj qui jutactyiꞌ yụ judyeyaꞌ jutin yụ paj qui yụ voroꞌtacsi ọij jämꞌsiꞌ p̂eyacdyeꞌ muꞌ, paj qui yụ jịꞌchiyacsi muntyiꞌ in. 12Mọꞌdyes yụ ñịbeꞌ jiꞌcavin yụ in muꞌsidyes p̂eyacdyedyes muꞌ. Meꞌ tsanꞌ meꞌ cạveꞌ yụ, jam qui namꞌ otejjiti yụ, ĉaĉaij na yụ chị́yete muꞌ Jesucristo, muꞌcheꞌ ĉúti yụ. Chị́yete yụ muꞌ nash ferdyeꞌtumtyiꞌ, muꞌ tupuj ñutsjeꞌ mọꞌ p̂eyacdyeꞌ soꞌminsiꞌ yụ, mọꞌ raꞌ jam tätsiꞌ yejĉoiꞌ raꞌ junꞌ quiꞌ chuc ayij jadyiquis tupudyeꞌ.
13Jämꞌ raꞌ cäc̣häꞌchuiꞌ mi ọij rụijsis p̂eyacdyeꞌ, jam raꞌ cäj jịꞌchiyacsi mi mọꞌ jiꞌchäyitidyeꞌ jịꞌchiyeyes yụ. Jam raꞌ farajjeꞌ anicyedyeꞌ mi, yejĉova mạꞌjeyacseva chimeꞌ, meꞌ yuꞌsinꞌ tsun ĉaĉaij na Jesucristoty tsun. 14Nọ́tacdyeꞌyaꞌ raꞌ Jenꞌsiꞌ Ạꞌedyeꞌ muꞌ, mọꞌ ĉojtyiꞌĉan bäꞌyis tsun, mọꞌ jämꞌ ĉọjcavaꞌ mọjoꞌchas jämꞌsiꞌ p̂eyacdyeꞌ soꞌminsiꞌ Jenꞌ, mọꞌ jeñej buꞌyiꞌ yiris yaꞌiꞌsiꞌ jedyeꞌ. Muꞌsiꞌyaꞌ ferdyeꞌ ĉọjcavaꞌ paj jam yocve shupquiꞌ.
15Chịj mi junꞌ chuc muꞌin anicjetety Jenꞌ in Asiaĉan bäꞌyity in, räj muꞌin yacchun yụ in, aty jam cạ̈näꞌñibun yụ in. Meꞌdye muꞌ chimeꞌ Figelo judyeyaꞌ Hermógenes aty yacchun yụ in, aty jam penꞌdyetun yụ in. 16Muꞌ na Onesíforo jam muꞌ meꞌ, pucmun jiĉun yuꞌtyin yụ. Meꞌ tsanꞌ ĉäꞌräij yụ, muꞌ qui namꞌ jam damꞌ tsị́catyin yụ. Mọꞌdyes yụ cọdyete Ayoꞌ tsun muꞌdyes, judyeyaꞌ muꞌsiꞌyaty acaꞌ in, paj qui muꞌ Jenꞌ ñịbeꞌ jaĉuti. 17Venchuij úĉan Romaĉan jiquej, muꞌ quivvaꞌquin yụ junꞌ quiꞌ chuc daquin yụ.
18Yụ cọdyete Ayoꞌ tsun paj qui muꞌ ñịbeꞌ ĉọ́te, aty ayijyaꞌ mọꞌ tupudyeꞌ aty muꞌ jịꞌcäts yụꞌtacsiyaꞌ juchadyeꞌyaꞌ muntyis in. Chịj tyuꞌ um junꞌtum quiꞌ muꞌ Onesíforo ñútyin yụ jiquej Efesoĉandyemꞌ bäꞌyiyaꞌ jiquej yụ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'