Tashches Timoteodyes 5
5
Junꞌ chuc raꞌ bäꞌyi Timoteo anicjetetytum Jenꞌ in
1Ishoꞌmuntyiꞌ in juchajĉan jụijyaꞌ bäꞌyi in, jam raꞌ fạraꞌnacdyeꞌtum jéyacsi mi, jemoñeꞌ jämꞌyedyeꞌtum jéyacsi mi, yojdyemꞌ ĉụiꞌtyiꞌ jenꞌ u mi, meꞌ raꞌ mi. Muꞌin na nanamuntyiꞌ in jéyacsi ram yojdyemꞌ ĉụiꞌtyiꞌ vojity u mi. 2Mọꞌin na ishoꞌmunsiꞌ in, jeñej raꞌ ĉụiꞌsiꞌ tseꞌ mi, meꞌ raꞌ jämꞌjeyacsi mi. Mọꞌin na nanamunsiꞌ p̂en in jämꞌjeyacsi ram yojdyemꞌ ĉụiꞌsiꞌ vojiꞌ u mi, jämꞌsiꞌtum raꞌ dyijyedyeꞌ cạvacsi mi, meꞌ raꞌ cạvacsi mi muꞌin anicjetety Jenꞌ in.
3Chimeꞌdye mọꞌin säntaquis vämtyiꞌ in, dạ̈räs chätidyeꞌ jụijyaꞌ in, mọꞌin raꞌ jemoñeꞌ nọ́tacsi mi. 4Muꞌyaꞌ jụijyaꞌ ạvaꞌ mọꞌ judyeyaꞌ jäyeꞌ mọꞌ, tupuj muꞌin nọ́tyebanꞌ in. Mọꞌ mọjoꞌchaꞌ jemonac muꞌindyes in paj qui muꞌin nọ́taqui in ĉụiꞌtyiꞌ jenꞌ muꞌin judyeyaꞌ tseꞌ muꞌin, meꞌ raꞌ muꞌin jịꞌcaꞌñebanꞌ in junꞌ chuc jiꞌp̂anac jiquej in. Mọꞌ maꞌjotyeꞌ Jenꞌ paj qui meꞌ yụꞌbanꞌ in. 5Mọꞌin na säntaquis vämtyiꞌ in, dạ̈räs chätidyeꞌ jụijyaꞌ, mọꞌin ĉútis qui namꞌ Jenꞌcheꞌ jụijyaꞌ in judyeyaꞌ yejĉoiꞌ cọdaquis in jedyeꞌ chuc jemoñeꞌ in, mạij judyeyaꞌ tsedyedyeꞌ meꞌ cọdaquiꞌ Jenꞌcheꞌ in, mọꞌin tupuj nọ́tac in. 6Ĉụiꞌ qui namꞌ maꞌjotyibunꞌ jụijyaꞌ in, meꞌsis in jeñej säñis shupquiꞌ in Jenꞌsiꞌyaꞌ vej muꞌ. 7Jéyacseva ọij jiꞌchäyitidyeꞌ mọꞌin säntaquis vämtyiꞌ in, räjtumdye chätidyeꞌ mọꞌin, paj qui jam jụꞌñiiꞌ bäꞌyiꞌ in muntyisyaꞌ vej muꞌin. 8Muꞌin anicjetety Jenꞌ in jemoñeꞌ nọ́taqui in ĉụiꞌtyiꞌ chätidyeꞌ mọꞌin, dadamꞌ muꞌin yirisyaꞌ acaꞌ bäꞌyity in. Jam meꞌ nọ́taqui jụijyaꞌ in, muꞌin farajjebibajte in Jenꞌsiꞌ p̂eyacdyeꞌ muꞌ, dadamꞌ qui mujuꞌchaꞌ vaꞌve bäꞌyi in jam rụij, uyaꞌyaꞌ qui muꞌin in jam anicjetety Jenꞌ in.
Jiꞌsañitis in säntaquis vämtyiꞌ in
9Jambiꞌ chum raꞌ sánacsebim tịj mọꞌin säntaquiꞌsiꞌ vämtyiꞌ in, jemoñeꞌ tashcheꞌ chum cạvacsi mi junꞌ chuc bäꞌyiꞌ in, areꞌ jämꞌ in, areꞌ jam. Jụꞌñis chuc chaꞌsheꞌsiꞌ jäbän quiꞌtac yómodyeꞌ tyitiꞌsiꞌ in, mọꞌin mọmoꞌ raꞌ tupuj jiꞌsañitiꞌ in. Jemoñeꞌ yirity mọmoꞌ vämtyiꞌ mọꞌ jiquej 10judyeyaꞌ chị́yacsi in jämꞌ carijtaquis Jenꞌdyes in, judyeyaꞌ jämꞌ bäꞌyis jämꞌ jiꞌp̂anaquis ĉụiꞌtyiꞌ ạvaꞌ mọꞌ judyeyaꞌ jiꞌdyäcacsis acaꞌĉan, judyeyaꞌ chịꞌ nọ́tacsis muꞌin anicjetety Jenꞌ in judyeyaꞌ muꞌin ñịbeꞌ bäꞌyity in, meꞌ nọ́tacsiꞌ jämꞌ bäꞌyiꞌ mọꞌ. Tyi chuc meꞌ carijtacaques jiquej in mọꞌin tupuj jiꞌsañitiꞌ in.
11Mọꞌin na tacaꞌ nanamunsiꞌ in säntaquis vämtyiꞌ in, mọꞌin raꞌ jam tupuj jiꞌsañitiꞌ in. Vatyquej raꞌ fer cuvij mạꞌjeꞌ vämebanꞌ in. Meꞌ jụijyaꞌ in aty farajjeyaquiꞌ p̂eyacdyeꞌ mọꞌin yụꞌtyeyetes Cristo jiquej in. 12Meꞌ jụijyaꞌ in juchaj raꞌ shupquiꞌ mọꞌin ĉaĉaij na jam jịꞌcätsaquiꞌ in ĉụiꞌsiꞌ p̂eyacdyeꞌ mọꞌin yụꞌtyeyetes Cristo jiquej in. 13Jam mọꞌ mọmoꞌ, vatyquej itŝiꞌ carijtacdyeꞌ bäꞌbanꞌyaꞌ in, vatyquej raꞌ paiꞌ sosobacjobanꞌ in judyeyaꞌ paiꞌ p̂eyacsiꞌ muntyiꞌ in yoctyisyaꞌ dyijyedyeꞌ in, junaꞌ ĉụiꞌ jiꞌc̣hamꞌdyiꞌ in yoctyisĉan dyijyedyeꞌ in. Jam jämꞌ meꞌ bäꞌyis in. 14Damꞌdye jämꞌ yụ mạꞌjeꞌ paj qui mọꞌin tacaꞌ nanamunsiꞌ p̂en in säntaquis vämtyiꞌ in paj qui mọꞌin vämebanꞌ in, paj qui ạvaꞌyebanꞌ in judyeyaꞌ jämꞌ carijtaquiꞌ in ĉụiꞌsiꞌĉan acaꞌ mọꞌin. Meꞌ jam jụꞌñiꞌ bäꞌyiꞌ jụijyaꞌ in, muꞌin fạ́queptety in Jenꞌsiꞌ p̂eyacdyeꞌ muꞌ jam qui tupuj ñinacsi in. 15Pạrej mọꞌyaꞌ säntaquis vämtyiꞌ in penjanꞌ in cäc̣häꞌchubajte Satanás in.
16Mọꞌyaꞌ qui namꞌ ĉụiꞌsiꞌ chätidyeꞌ jụijyaꞌ mọꞌin säntaquiꞌsiꞌ vämtyiꞌ in, tupuj mọꞌindye mọmoꞌ nọ́tyebanꞌ in, paj qui jam muꞌin soꞌmacsi in anicjetety Jenꞌ in, mọꞌin chat dạ̈räs chätidyeꞌ jụijyaꞌ in, mọꞌin chat tupuj nọ́tacsi mi ĉaĉaij na itŝij tyi nọ́tacsi in.
Junꞌ buty bäꞌyi anicjetetytum Jenꞌ in
17Jemoñeꞌ miꞌin jämꞌ yaꞌitacsi muꞌin ĉọjcacsity anicjetety Jenꞌ in, muꞌin jämꞌ carijtaquity in. Muꞌin dadamꞌ feryaij meꞌchuiꞌtyiꞌ in Jenꞌsiꞌ p̂eyacdyeꞌ muꞌ, voroꞌyi in judyeyaꞌ jịꞌchiyacsi in, muꞌin raꞌ mujuꞌchaꞌ nọ́tacsi miꞌin. 18Mọꞌdye p̂eyeꞌ sánacdyeꞌ yaꞌitacdyeꞌ muꞌin, yiꞌ: "Jam raꞌ sapbitinte vóyes chụꞌ muꞌ, muꞌ yútyevaꞌcaquity trivo, paj muꞌmun damꞌjete chimeꞌ", yiꞌ. Yocsiꞌ sánacdyeꞌ chiyiꞌdye: "Muꞌin carijtaquity in paj soꞌmac bijodyeꞌ in", yiꞌ sánacdyeꞌ.#5:18 Mateos 10:10
19Chimeꞌdye yirity mọmoꞌ muꞌyaꞌ jiꞌmeꞌte juchadyeꞌyaꞌ jụijyaꞌ muꞌ ĉọjcacsity anicjetety Jenꞌ, jam raꞌ chiquebitem p̂eyacdyeꞌ muꞌ, vatyquej raꞌ jam anicsis jụijyaꞌ mọꞌ jiꞌmeꞌtacdyeꞌ. Muꞌyaꞌ na jụijyaꞌ päräꞌ judyeyaꞌ chibin jiꞌmeꞌtety in, q̂uinꞌdyemꞌ raꞌ seꞌvepte p̂eyacdyeꞌ mi. 20Pạrej muꞌyaꞌ ĉọjcacsity anicjetety Jenꞌ in juchaij jụijyaꞌ in, jemoñeꞌ fạraꞌjeyacsim muꞌinsiꞌyaꞌ vej muꞌin anicjetetyyaꞌ Jenꞌ in, paj qui räj yoctyiꞌ ĉọjcacsity in cạvete in paj qui muꞌin quijñeꞌ juchaj in, paj qui jam meꞌ bäꞌyi in.
21Ọij p̂eyacdyeꞌ yụ soꞌmeye Jenꞌsiꞌyaꞌ vej muꞌ judyeyaꞌ Jesucristosyaꞌ chimeꞌ, judyeyaꞌ muꞌinsiꞌ vej muꞌin Jenꞌtyiꞌyaꞌ anjer muꞌ. Muꞌinsiꞌyaꞌ vej muꞌin fer yụ jéye paj qui chäquibutim ọij p̂eyacdyeꞌ q̂uinꞌ yụ. Cäts raꞌ cạvacsim räj muntyiꞌ in, jam raꞌ yoc yoc cạvacsi mi, meꞌ tsanꞌ penꞌdyeꞌ mi meꞌ tsanꞌ jam, cäts raꞌ cạvacsi mi. 22Chimeꞌdye jam raꞌ cavintum yụꞌtacsim muꞌin carijtaquity raꞌ Jenꞌdyes in, tashcheꞌ chum raꞌ jämꞌ cạvacsi mi junꞌ chuc bäꞌyi in. Meꞌ cavintum yụꞌtacsi jụijyaꞌ mi, areꞌĉa mi jiꞌmeꞌtyin muꞌsiꞌ juchaj mọꞌyaꞌ jụijyaꞌ muꞌ. Jämꞌ ĉujcata ĉụiꞌ mi.
23Jam raꞌ ojñiꞌ mọmoꞌ tyeij mi, chimeꞌ raꞌ vino damꞌjeꞌ mi, paj qui pịñituti voꞌcoĉan mi ĉaĉaij na yụ chị́yeye pucmun japacjoij mi.
24Pạrej mọꞌyaꞌ muntyis juchaj q̂uinꞌ muꞌin aty tashiꞌ jorojĉanyiꞌ muꞌin, jambiꞌdyemꞌ vaꞌtacdyeꞌ soꞌmac in. Yoctyis na juchaj muꞌin jam meꞌ muꞌin, jambiꞌ tashiꞌ jorojĉan joiꞌ muꞌin, jäquiꞌve raꞌ chị́yac muꞌin. 25Meꞌdye q̂uinꞌ muꞌin pạrej aty jorojĉanyiꞌ jämꞌsiꞌ dyijyedyeꞌ muꞌin, pạrej na jambiꞌ, jäquiꞌvedye raꞌ räj nạijyiꞌ muꞌin, jam raꞌ yejĉoiꞌ jumĉan muꞌin.
Currently Selected:
Tashches Timoteodyes 5: CAS
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Tashches Timoteodyes 5
5
Junꞌ chuc raꞌ bäꞌyi Timoteo anicjetetytum Jenꞌ in
1Ishoꞌmuntyiꞌ in juchajĉan jụijyaꞌ bäꞌyi in, jam raꞌ fạraꞌnacdyeꞌtum jéyacsi mi, jemoñeꞌ jämꞌyedyeꞌtum jéyacsi mi, yojdyemꞌ ĉụiꞌtyiꞌ jenꞌ u mi, meꞌ raꞌ mi. Muꞌin na nanamuntyiꞌ in jéyacsi ram yojdyemꞌ ĉụiꞌtyiꞌ vojity u mi. 2Mọꞌin na ishoꞌmunsiꞌ in, jeñej raꞌ ĉụiꞌsiꞌ tseꞌ mi, meꞌ raꞌ jämꞌjeyacsi mi. Mọꞌin na nanamunsiꞌ p̂en in jämꞌjeyacsi ram yojdyemꞌ ĉụiꞌsiꞌ vojiꞌ u mi, jämꞌsiꞌtum raꞌ dyijyedyeꞌ cạvacsi mi, meꞌ raꞌ cạvacsi mi muꞌin anicjetety Jenꞌ in.
3Chimeꞌdye mọꞌin säntaquis vämtyiꞌ in, dạ̈räs chätidyeꞌ jụijyaꞌ in, mọꞌin raꞌ jemoñeꞌ nọ́tacsi mi. 4Muꞌyaꞌ jụijyaꞌ ạvaꞌ mọꞌ judyeyaꞌ jäyeꞌ mọꞌ, tupuj muꞌin nọ́tyebanꞌ in. Mọꞌ mọjoꞌchaꞌ jemonac muꞌindyes in paj qui muꞌin nọ́taqui in ĉụiꞌtyiꞌ jenꞌ muꞌin judyeyaꞌ tseꞌ muꞌin, meꞌ raꞌ muꞌin jịꞌcaꞌñebanꞌ in junꞌ chuc jiꞌp̂anac jiquej in. Mọꞌ maꞌjotyeꞌ Jenꞌ paj qui meꞌ yụꞌbanꞌ in. 5Mọꞌin na säntaquis vämtyiꞌ in, dạ̈räs chätidyeꞌ jụijyaꞌ, mọꞌin ĉútis qui namꞌ Jenꞌcheꞌ jụijyaꞌ in judyeyaꞌ yejĉoiꞌ cọdaquis in jedyeꞌ chuc jemoñeꞌ in, mạij judyeyaꞌ tsedyedyeꞌ meꞌ cọdaquiꞌ Jenꞌcheꞌ in, mọꞌin tupuj nọ́tac in. 6Ĉụiꞌ qui namꞌ maꞌjotyibunꞌ jụijyaꞌ in, meꞌsis in jeñej säñis shupquiꞌ in Jenꞌsiꞌyaꞌ vej muꞌ. 7Jéyacseva ọij jiꞌchäyitidyeꞌ mọꞌin säntaquis vämtyiꞌ in, räjtumdye chätidyeꞌ mọꞌin, paj qui jam jụꞌñiiꞌ bäꞌyiꞌ in muntyisyaꞌ vej muꞌin. 8Muꞌin anicjetety Jenꞌ in jemoñeꞌ nọ́taqui in ĉụiꞌtyiꞌ chätidyeꞌ mọꞌin, dadamꞌ muꞌin yirisyaꞌ acaꞌ bäꞌyity in. Jam meꞌ nọ́taqui jụijyaꞌ in, muꞌin farajjebibajte in Jenꞌsiꞌ p̂eyacdyeꞌ muꞌ, dadamꞌ qui mujuꞌchaꞌ vaꞌve bäꞌyi in jam rụij, uyaꞌyaꞌ qui muꞌin in jam anicjetety Jenꞌ in.
Jiꞌsañitis in säntaquis vämtyiꞌ in
9Jambiꞌ chum raꞌ sánacsebim tịj mọꞌin säntaquiꞌsiꞌ vämtyiꞌ in, jemoñeꞌ tashcheꞌ chum cạvacsi mi junꞌ chuc bäꞌyiꞌ in, areꞌ jämꞌ in, areꞌ jam. Jụꞌñis chuc chaꞌsheꞌsiꞌ jäbän quiꞌtac yómodyeꞌ tyitiꞌsiꞌ in, mọꞌin mọmoꞌ raꞌ tupuj jiꞌsañitiꞌ in. Jemoñeꞌ yirity mọmoꞌ vämtyiꞌ mọꞌ jiquej 10judyeyaꞌ chị́yacsi in jämꞌ carijtaquis Jenꞌdyes in, judyeyaꞌ jämꞌ bäꞌyis jämꞌ jiꞌp̂anaquis ĉụiꞌtyiꞌ ạvaꞌ mọꞌ judyeyaꞌ jiꞌdyäcacsis acaꞌĉan, judyeyaꞌ chịꞌ nọ́tacsis muꞌin anicjetety Jenꞌ in judyeyaꞌ muꞌin ñịbeꞌ bäꞌyity in, meꞌ nọ́tacsiꞌ jämꞌ bäꞌyiꞌ mọꞌ. Tyi chuc meꞌ carijtacaques jiquej in mọꞌin tupuj jiꞌsañitiꞌ in.
11Mọꞌin na tacaꞌ nanamunsiꞌ in säntaquis vämtyiꞌ in, mọꞌin raꞌ jam tupuj jiꞌsañitiꞌ in. Vatyquej raꞌ fer cuvij mạꞌjeꞌ vämebanꞌ in. Meꞌ jụijyaꞌ in aty farajjeyaquiꞌ p̂eyacdyeꞌ mọꞌin yụꞌtyeyetes Cristo jiquej in. 12Meꞌ jụijyaꞌ in juchaj raꞌ shupquiꞌ mọꞌin ĉaĉaij na jam jịꞌcätsaquiꞌ in ĉụiꞌsiꞌ p̂eyacdyeꞌ mọꞌin yụꞌtyeyetes Cristo jiquej in. 13Jam mọꞌ mọmoꞌ, vatyquej itŝiꞌ carijtacdyeꞌ bäꞌbanꞌyaꞌ in, vatyquej raꞌ paiꞌ sosobacjobanꞌ in judyeyaꞌ paiꞌ p̂eyacsiꞌ muntyiꞌ in yoctyisyaꞌ dyijyedyeꞌ in, junaꞌ ĉụiꞌ jiꞌc̣hamꞌdyiꞌ in yoctyisĉan dyijyedyeꞌ in. Jam jämꞌ meꞌ bäꞌyis in. 14Damꞌdye jämꞌ yụ mạꞌjeꞌ paj qui mọꞌin tacaꞌ nanamunsiꞌ p̂en in säntaquis vämtyiꞌ in paj qui mọꞌin vämebanꞌ in, paj qui ạvaꞌyebanꞌ in judyeyaꞌ jämꞌ carijtaquiꞌ in ĉụiꞌsiꞌĉan acaꞌ mọꞌin. Meꞌ jam jụꞌñiꞌ bäꞌyiꞌ jụijyaꞌ in, muꞌin fạ́queptety in Jenꞌsiꞌ p̂eyacdyeꞌ muꞌ jam qui tupuj ñinacsi in. 15Pạrej mọꞌyaꞌ säntaquis vämtyiꞌ in penjanꞌ in cäc̣häꞌchubajte Satanás in.
16Mọꞌyaꞌ qui namꞌ ĉụiꞌsiꞌ chätidyeꞌ jụijyaꞌ mọꞌin säntaquiꞌsiꞌ vämtyiꞌ in, tupuj mọꞌindye mọmoꞌ nọ́tyebanꞌ in, paj qui jam muꞌin soꞌmacsi in anicjetety Jenꞌ in, mọꞌin chat dạ̈räs chätidyeꞌ jụijyaꞌ in, mọꞌin chat tupuj nọ́tacsi mi ĉaĉaij na itŝij tyi nọ́tacsi in.
Junꞌ buty bäꞌyi anicjetetytum Jenꞌ in
17Jemoñeꞌ miꞌin jämꞌ yaꞌitacsi muꞌin ĉọjcacsity anicjetety Jenꞌ in, muꞌin jämꞌ carijtaquity in. Muꞌin dadamꞌ feryaij meꞌchuiꞌtyiꞌ in Jenꞌsiꞌ p̂eyacdyeꞌ muꞌ, voroꞌyi in judyeyaꞌ jịꞌchiyacsi in, muꞌin raꞌ mujuꞌchaꞌ nọ́tacsi miꞌin. 18Mọꞌdye p̂eyeꞌ sánacdyeꞌ yaꞌitacdyeꞌ muꞌin, yiꞌ: "Jam raꞌ sapbitinte vóyes chụꞌ muꞌ, muꞌ yútyevaꞌcaquity trivo, paj muꞌmun damꞌjete chimeꞌ", yiꞌ. Yocsiꞌ sánacdyeꞌ chiyiꞌdye: "Muꞌin carijtaquity in paj soꞌmac bijodyeꞌ in", yiꞌ sánacdyeꞌ.#5:18 Mateos 10:10
19Chimeꞌdye yirity mọmoꞌ muꞌyaꞌ jiꞌmeꞌte juchadyeꞌyaꞌ jụijyaꞌ muꞌ ĉọjcacsity anicjetety Jenꞌ, jam raꞌ chiquebitem p̂eyacdyeꞌ muꞌ, vatyquej raꞌ jam anicsis jụijyaꞌ mọꞌ jiꞌmeꞌtacdyeꞌ. Muꞌyaꞌ na jụijyaꞌ päräꞌ judyeyaꞌ chibin jiꞌmeꞌtety in, q̂uinꞌdyemꞌ raꞌ seꞌvepte p̂eyacdyeꞌ mi. 20Pạrej muꞌyaꞌ ĉọjcacsity anicjetety Jenꞌ in juchaij jụijyaꞌ in, jemoñeꞌ fạraꞌjeyacsim muꞌinsiꞌyaꞌ vej muꞌin anicjetetyyaꞌ Jenꞌ in, paj qui räj yoctyiꞌ ĉọjcacsity in cạvete in paj qui muꞌin quijñeꞌ juchaj in, paj qui jam meꞌ bäꞌyi in.
21Ọij p̂eyacdyeꞌ yụ soꞌmeye Jenꞌsiꞌyaꞌ vej muꞌ judyeyaꞌ Jesucristosyaꞌ chimeꞌ, judyeyaꞌ muꞌinsiꞌ vej muꞌin Jenꞌtyiꞌyaꞌ anjer muꞌ. Muꞌinsiꞌyaꞌ vej muꞌin fer yụ jéye paj qui chäquibutim ọij p̂eyacdyeꞌ q̂uinꞌ yụ. Cäts raꞌ cạvacsim räj muntyiꞌ in, jam raꞌ yoc yoc cạvacsi mi, meꞌ tsanꞌ penꞌdyeꞌ mi meꞌ tsanꞌ jam, cäts raꞌ cạvacsi mi. 22Chimeꞌdye jam raꞌ cavintum yụꞌtacsim muꞌin carijtaquity raꞌ Jenꞌdyes in, tashcheꞌ chum raꞌ jämꞌ cạvacsi mi junꞌ chuc bäꞌyi in. Meꞌ cavintum yụꞌtacsi jụijyaꞌ mi, areꞌĉa mi jiꞌmeꞌtyin muꞌsiꞌ juchaj mọꞌyaꞌ jụijyaꞌ muꞌ. Jämꞌ ĉujcata ĉụiꞌ mi.
23Jam raꞌ ojñiꞌ mọmoꞌ tyeij mi, chimeꞌ raꞌ vino damꞌjeꞌ mi, paj qui pịñituti voꞌcoĉan mi ĉaĉaij na yụ chị́yeye pucmun japacjoij mi.
24Pạrej mọꞌyaꞌ muntyis juchaj q̂uinꞌ muꞌin aty tashiꞌ jorojĉanyiꞌ muꞌin, jambiꞌdyemꞌ vaꞌtacdyeꞌ soꞌmac in. Yoctyis na juchaj muꞌin jam meꞌ muꞌin, jambiꞌ tashiꞌ jorojĉan joiꞌ muꞌin, jäquiꞌve raꞌ chị́yac muꞌin. 25Meꞌdye q̂uinꞌ muꞌin pạrej aty jorojĉanyiꞌ jämꞌsiꞌ dyijyedyeꞌ muꞌin, pạrej na jambiꞌ, jäquiꞌvedye raꞌ räj nạijyiꞌ muꞌin, jam raꞌ yejĉoiꞌ jumĉan muꞌin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'