Tashches Timoteodyes 4
4
Muꞌin cäjsis jiꞌchäyitidyeꞌ jịꞌchiyacsity in
1Jenꞌsiꞌ Ạꞌedyeꞌ muꞌ jorojĉan jísinꞌ yiꞌ ayijyaꞌ jadyiquis tupudyeꞌ, pạrej raꞌ muꞌyaꞌ in farajjebibajte in Jenꞌsiꞌ p̂eyacdyeꞌ muꞌ, sọyos qui raꞌ jiꞌchäyitidyeꞌ seꞌvebibanꞌ in judyeyaꞌ väñädyeꞌ seꞌvebanꞌ in. 2Mọꞌ raꞌ jiꞌchäyitidyeꞌ tuyacsi in muꞌin fibiꞌnaquity väväjñity in. Yäcäj buꞌban raꞌ ĉojtyiꞌ muꞌin, jeñej raꞌ muquety ĉojtyiꞌ muꞌin, mijam damꞌ ĉọ́qui juchaj muꞌin. 3Muꞌin meꞌtyity in mọꞌ raꞌ jịꞌchiyacsi in paj qui jam vämi in, judyeyaꞌ chimeꞌ paj qui jam jebeiꞌ in pạrej säcsedyeꞌ in. Mọꞌ anic vaꞌves jiꞌchäyitidyeꞌ, muꞌ qui namꞌ Jenꞌ jämꞌtyeꞌ säcsedyeꞌ paj qui tsun tupuj jebejaꞌ tsun anicjejaty Jenꞌ, chị́yepjaty tsun rụijsis p̂eyacdyeꞌ muꞌ, judyeyaꞌ yoshoropaij jéja Jenꞌ säcsedyedyes tsun. 4Räj jämꞌtacdyeꞌ Jenꞌsiꞌ muꞌ anic jämꞌsiꞌ in, jam tupuj äcäijjepja, tupuj jebejaꞌ mọmoꞌ, yoshoropaij jéja Jenꞌ jụijyaꞌ jibitidyedyes tsun, 5ĉaĉaij na muꞌdye Jenꞌ p̂eyacdyeꞌyaꞌ muꞌ räj jämꞌ yụꞌtyeꞌ jibitidyes tsundyes, räj jämꞌ shupquiꞌ tsundyes cọdacdyeꞌyaꞌ Jenꞌcheꞌ tsun, yoshoropaij jéja jụijyaꞌ Jenꞌ säcsedyedyes tsun.
Junꞌ chuc tupuj úñejaꞌ Jesucristodyesiꞌ
6Mi jịꞌchiyacsi jụijyaꞌ ọij jiꞌchäyitidyeꞌ muꞌin vojity in, meꞌ raꞌ chat anic jämꞌtyiꞌ úñity Jesucristoty shupqui mi. Meꞌ raꞌ yejĉoij p̂eyeꞌ mi ọij rụijsis p̂eyacdyeꞌ Jenꞌsiꞌ muꞌ, mọꞌ cäc̣häꞌchuptes mi, mọꞌ jeñej buꞌyiꞌ yiris säcsedyeꞌ, paj qui meꞌ p̂añi ĉojtyiꞌĉan mi.
7Jam qui na ramꞌ dyijtucsebiban mi urucyas p̂eyacdyeꞌ muntyis muꞌin, mọꞌ nash fibis jacches dyijyedyeꞌ mọmoꞌ p̂eyeꞌ in. Damꞌdye jämꞌ jiꞌfercata ĉụiꞌ paj qui Jenꞌdyes bäꞌyi mi. 8Jiꞌfercaĉaꞌ aꞌ jụijyaꞌ tsun, mọꞌ raꞌ ñútyisinꞌ q̂uinꞌ tsun. Jiꞌfercaĉaꞌ ạꞌedyeꞌ jụijyaꞌ tsun, mọꞌ nash dadamꞌ mọjoꞌchaꞌ ñútyisinꞌ paj qui Jenꞌdyes bäꞌjaꞌ q̂uinꞌ, jadyicve qui na ramꞌ chimeꞌ Jenꞌyaꞌ raꞌ bäꞌjaꞌ tsun. 9Anic rụijsis ọij p̂eyacdyeꞌ, q̂uinꞌ tsun tupuj anicjejaꞌ. 10Tsun Jenꞌcheꞌ ĉútiĉaꞌ, muꞌ jam jụꞌñisĉan mạyedyeꞌ säñity, muꞌ nash Jiꞌc̣honsinꞌtyiꞌ räj muntyiꞌ tsun, jụꞌñity chuc anicyejaty tsun. Mọꞌdyes tsun jiꞌfercatiĉaꞌ paj qui carijtaĉaꞌ Jenꞌdyes.
11Jịꞌchiyacseva ọij jiꞌchäyitidyeꞌ, jéyacseva paj qui jämꞌ seꞌveꞌ in judyeyaꞌ paj qui chiqueꞌ chimeꞌ in. 12Meꞌ tsanꞌ meꞌ nanaty mi, yi raꞌ mi paj qui jam äcäijjin in muꞌin anicjetety Jenꞌ in. Mi qui namꞌ jemoñeꞌ rụij bäꞌyi muꞌinyaꞌ in paj qui tupuj cäc̣häꞌchutyin in. Rụij raꞌ p̂eyaqui mi, mạꞌjeyacseva bäꞌva, jam raꞌ farajjeꞌ anicyedyeꞌ mi, jämꞌtujcavaꞌ mọmoꞌ, meꞌ raꞌ bäꞌyi mi tupuj qui muꞌin cäc̣häꞌchutyin in. 13Junꞌ quiꞌ chuc ventyecyeyaꞌ yụ, yejĉova p̂eyepme Jenꞌsiꞌ sánacdyeꞌ muꞌ muꞌinsiꞌyaꞌ vej muꞌin, meꞌ raꞌ jịꞌchiyacsim, mijam raꞌ chimeꞌ farajjeꞌ voroꞌyedyeꞌ mi. 14Yejĉova dyijtuvaꞌ carijtacdyeꞌ Jenꞌdyes mi paj qui jam fibiꞌ shupquiꞌ mọꞌ carijtacdyedyes ferdyeꞌ, mọꞌ soꞌminsiꞌ Jenꞌ. Mọꞌ soꞌminsiꞌ jiquej yoquiꞌdyemꞌ p̂eyaquiyaꞌ jiquej u in muꞌin jasoꞌmitity p̂eyacdyeꞌ Jenꞌ in judyeyaꞌ tocoꞌjinyaꞌ unyaꞌ jiquej in muꞌin ĉọjcacsity anicjetety Jenꞌ in.
15Yejĉova dyijtuvaꞌ carijtacdyeꞌ Jenꞌdyes, jam raꞌ méquiꞌ farajjem, paj cavin yoctyiꞌ in junꞌ chuc p̂añi Jenꞌdyes mi. 16Jämꞌ raꞌ ĉujcati ĉụiꞌ mi, rụij raꞌ jịꞌchiyacsi mi. Meꞌ raꞌ jụijyaꞌ mi, c̣hoñi raꞌ mi räjtumdye muꞌintum in seꞌvibuntyiꞌtum jiꞌchäyitidyeꞌ mi.
Currently Selected:
Tashches Timoteodyes 4: CAS
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Tashches Timoteodyes 4
4
Muꞌin cäjsis jiꞌchäyitidyeꞌ jịꞌchiyacsity in
1Jenꞌsiꞌ Ạꞌedyeꞌ muꞌ jorojĉan jísinꞌ yiꞌ ayijyaꞌ jadyiquis tupudyeꞌ, pạrej raꞌ muꞌyaꞌ in farajjebibajte in Jenꞌsiꞌ p̂eyacdyeꞌ muꞌ, sọyos qui raꞌ jiꞌchäyitidyeꞌ seꞌvebibanꞌ in judyeyaꞌ väñädyeꞌ seꞌvebanꞌ in. 2Mọꞌ raꞌ jiꞌchäyitidyeꞌ tuyacsi in muꞌin fibiꞌnaquity väväjñity in. Yäcäj buꞌban raꞌ ĉojtyiꞌ muꞌin, jeñej raꞌ muquety ĉojtyiꞌ muꞌin, mijam damꞌ ĉọ́qui juchaj muꞌin. 3Muꞌin meꞌtyity in mọꞌ raꞌ jịꞌchiyacsi in paj qui jam vämi in, judyeyaꞌ chimeꞌ paj qui jam jebeiꞌ in pạrej säcsedyeꞌ in. Mọꞌ anic vaꞌves jiꞌchäyitidyeꞌ, muꞌ qui namꞌ Jenꞌ jämꞌtyeꞌ säcsedyeꞌ paj qui tsun tupuj jebejaꞌ tsun anicjejaty Jenꞌ, chị́yepjaty tsun rụijsis p̂eyacdyeꞌ muꞌ, judyeyaꞌ yoshoropaij jéja Jenꞌ säcsedyedyes tsun. 4Räj jämꞌtacdyeꞌ Jenꞌsiꞌ muꞌ anic jämꞌsiꞌ in, jam tupuj äcäijjepja, tupuj jebejaꞌ mọmoꞌ, yoshoropaij jéja Jenꞌ jụijyaꞌ jibitidyedyes tsun, 5ĉaĉaij na muꞌdye Jenꞌ p̂eyacdyeꞌyaꞌ muꞌ räj jämꞌ yụꞌtyeꞌ jibitidyes tsundyes, räj jämꞌ shupquiꞌ tsundyes cọdacdyeꞌyaꞌ Jenꞌcheꞌ tsun, yoshoropaij jéja jụijyaꞌ Jenꞌ säcsedyedyes tsun.
Junꞌ chuc tupuj úñejaꞌ Jesucristodyesiꞌ
6Mi jịꞌchiyacsi jụijyaꞌ ọij jiꞌchäyitidyeꞌ muꞌin vojity in, meꞌ raꞌ chat anic jämꞌtyiꞌ úñity Jesucristoty shupqui mi. Meꞌ raꞌ yejĉoij p̂eyeꞌ mi ọij rụijsis p̂eyacdyeꞌ Jenꞌsiꞌ muꞌ, mọꞌ cäc̣häꞌchuptes mi, mọꞌ jeñej buꞌyiꞌ yiris säcsedyeꞌ, paj qui meꞌ p̂añi ĉojtyiꞌĉan mi.
7Jam qui na ramꞌ dyijtucsebiban mi urucyas p̂eyacdyeꞌ muntyis muꞌin, mọꞌ nash fibis jacches dyijyedyeꞌ mọmoꞌ p̂eyeꞌ in. Damꞌdye jämꞌ jiꞌfercata ĉụiꞌ paj qui Jenꞌdyes bäꞌyi mi. 8Jiꞌfercaĉaꞌ aꞌ jụijyaꞌ tsun, mọꞌ raꞌ ñútyisinꞌ q̂uinꞌ tsun. Jiꞌfercaĉaꞌ ạꞌedyeꞌ jụijyaꞌ tsun, mọꞌ nash dadamꞌ mọjoꞌchaꞌ ñútyisinꞌ paj qui Jenꞌdyes bäꞌjaꞌ q̂uinꞌ, jadyicve qui na ramꞌ chimeꞌ Jenꞌyaꞌ raꞌ bäꞌjaꞌ tsun. 9Anic rụijsis ọij p̂eyacdyeꞌ, q̂uinꞌ tsun tupuj anicjejaꞌ. 10Tsun Jenꞌcheꞌ ĉútiĉaꞌ, muꞌ jam jụꞌñisĉan mạyedyeꞌ säñity, muꞌ nash Jiꞌc̣honsinꞌtyiꞌ räj muntyiꞌ tsun, jụꞌñity chuc anicyejaty tsun. Mọꞌdyes tsun jiꞌfercatiĉaꞌ paj qui carijtaĉaꞌ Jenꞌdyes.
11Jịꞌchiyacseva ọij jiꞌchäyitidyeꞌ, jéyacseva paj qui jämꞌ seꞌveꞌ in judyeyaꞌ paj qui chiqueꞌ chimeꞌ in. 12Meꞌ tsanꞌ meꞌ nanaty mi, yi raꞌ mi paj qui jam äcäijjin in muꞌin anicjetety Jenꞌ in. Mi qui namꞌ jemoñeꞌ rụij bäꞌyi muꞌinyaꞌ in paj qui tupuj cäc̣häꞌchutyin in. Rụij raꞌ p̂eyaqui mi, mạꞌjeyacseva bäꞌva, jam raꞌ farajjeꞌ anicyedyeꞌ mi, jämꞌtujcavaꞌ mọmoꞌ, meꞌ raꞌ bäꞌyi mi tupuj qui muꞌin cäc̣häꞌchutyin in. 13Junꞌ quiꞌ chuc ventyecyeyaꞌ yụ, yejĉova p̂eyepme Jenꞌsiꞌ sánacdyeꞌ muꞌ muꞌinsiꞌyaꞌ vej muꞌin, meꞌ raꞌ jịꞌchiyacsim, mijam raꞌ chimeꞌ farajjeꞌ voroꞌyedyeꞌ mi. 14Yejĉova dyijtuvaꞌ carijtacdyeꞌ Jenꞌdyes mi paj qui jam fibiꞌ shupquiꞌ mọꞌ carijtacdyedyes ferdyeꞌ, mọꞌ soꞌminsiꞌ Jenꞌ. Mọꞌ soꞌminsiꞌ jiquej yoquiꞌdyemꞌ p̂eyaquiyaꞌ jiquej u in muꞌin jasoꞌmitity p̂eyacdyeꞌ Jenꞌ in judyeyaꞌ tocoꞌjinyaꞌ unyaꞌ jiquej in muꞌin ĉọjcacsity anicjetety Jenꞌ in.
15Yejĉova dyijtuvaꞌ carijtacdyeꞌ Jenꞌdyes, jam raꞌ méquiꞌ farajjem, paj cavin yoctyiꞌ in junꞌ chuc p̂añi Jenꞌdyes mi. 16Jämꞌ raꞌ ĉujcati ĉụiꞌ mi, rụij raꞌ jịꞌchiyacsi mi. Meꞌ raꞌ jụijyaꞌ mi, c̣hoñi raꞌ mi räjtumdye muꞌintum in seꞌvibuntyiꞌtum jiꞌchäyitidyeꞌ mi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'