К Ефесянам 5
5
Кияҳта̄лъық Ниӷугми
1Кияӷныӷым лъпыси авақутақутаңаның пиниқитыху, аюқысиӷаҳтыху. 2Кияҳта̄лъыси а̄ҳқутақыстыки пиниқылъыӷмун, катам Христосым пиниқыхкаңилъю, туқуматкыхкақыхкаңилъю. Туқулъҳа тыпкыхтатун тунусятун аюқуқ Кияӷныӷмун, аҳқутңӯқлъю лъңанун.
3Лъпыси Кияӷныӷым юкыхкаңиси, ынка̄м китумун алңунак алъянӣҳтыстыңунифқа̄фси, налиӷмың алңунак блудыстыңунифқафси, налиӷмың пакигнӣҳтыңунифқа̄фси. Тама̄кут сыӷлыӷӯт ынка̄м Кияӷныӷым югита пияҳқақынӷитӣт. 4Кайңусяӷа̄тыхпынаси, тымңитхўамың акузиткыхпынаси, налиӷмың амьюӷа̄ӷуткыхпынаси. Итупилъ игамсиқаюгвиксяҳқақаҳси Кияӷнық. 5Налъюнықнаҳӣтуқ уна: Кина алңунак пагисяҳқӣтуқ Атаныҳпагулъҳани Христосымлъю, Кияӷныӷымлъю сыӷлыҳқылӷӣ алъянӣӷмың, алңунак блудникыӷмың, налиӷмың пакигнӣӷмың. (Пакигныӷыт манигуҳтыңӯт кияӷныңлъяқанун.)
6Югнун пӯҳтыстыхпынаси уңипа̄скаңиси тама̄кут сыӷлыҳқылъҳыт сыӷлыӷунӷинъилюки. Иўырңа таўатылңӯт сыӷлыҳқылъҳыт Кияӷнық сякша̄стыҳлъягақа̄т қа̄ткунъыӷилңӯт лъңанун. 7Тама̄кын апалъюқлъюку илятыхпынаси таўатылңуӷнун югнун. 8Югыстун аюқсяҳтуси кияҳлъыҳӣт мамлыгми, иўырңа ма̄тын кияҳтыңъӯси ниӷугми қаюҳлъяк Атанӷым пикыхкаңиси. Ынка̄м кияҳтык югыстун ниӷугмылңуӷыстун. 9(Қаюҳлъяк кияҳныҳпысини ниӷугми пиниҳтыстақӣси, ылъқуӷутңастақӣси, ипаңустақӣси.) 10Лӣнъақитыхулъю сяңўа̄ ыфқуӷналӷӣ Атаныӷмун. 11Илятқаҳтаҳпынаси югнун сятңунӷилңуӷмың пилӷӣнун мамлыгми. Итупилъ лӣгикыстыкӣ таўатын пилъҳит сыӷлыӷӯт. 12Кайңунапихтут талўа акузиткысяҳқа̄лютың тама̄кут пӣқыхкаңит аксяқлъюку. 13Иўырңа қамахтыңъўа̄ӷлютың алӣҳтыкумың ниӷугмун, та̄ўа натытыҳпига̄таңи хўатыҳлъюўа̄қ алӣҳлъықут, қаюҳлъяк сяңўа̄ қамахлъюни ниӷугым ысҳаӷьяҳқа̄ҳтыслъықа̄. 14Тама̄кын апалъюқлъюку югыт пика̄гут:
«Қавалӷӣми, таҳтуҳа̄тын.
Уңува̄ туқулъыӷмың ынка̄м Христосым кукыхлъықа̄тын».
15Ынка̄м кылыңалюси кияҳтык. Пыҳқинӷунӷилңуӷыстун кияҳтыхпынаси; итупилъ пыҳқинӷыстун кияҳтык. 16Пинитун атуқитыху тамаҳа̄н пилъыҳқаҳси қаюҳлъяк аӷныӷни ма̄тын югыт сыӷлытун пӣқут. 17Тама̄кын апалъюқлъюку налъюфқа̄фси, иўырңа лӣгикитыху сяңўа̄ Атанӷым писқысюлъҳа лъпысинун.
18Сю̄мыхпынаси виномың қаюҳлъяк на̄фқылъықӣси. Иўырңа имиҳтык Таӷныӷагның, 19алыҳқӯтақлъюси акузитаңитның псалмыт, иляга̄тыт, таӷныӷакунлъю иляга̄тның. Илягаӷақитык иляга̄тныңлъю, псалмыныңлъю Атаныӷмун, усюқилъылиӷлюси илюхпысигун. 20А̄тҳакун Атанымта Иисус Христосым, игамсиқаюгвикумаңинаҳтыху Кияӷнық Атаңа ся̄м тамаҳа̄н.
Нулиҳытлъю, Угитлъю
21Малиҳқутақңалюси иляхпысинун қаюҳлъяк сӣвакңукыси Христос.
22Нулӣӷни, малиҳқутақлъюси угихпысинун катам Атаныӷмун пилӷӣстун. 23Қаюҳлъяк уги на̄сқуқа̄ нулиҳан катам Христос на̄сқуқыхкаңат ухпықат. Христос Югулиӷистыка̄т ухпықат; лъңан югусиқӣ. 24Катам ухпықат малиҳқутақылъҳистун Христосымун, таўатыҳпигақ сялъыҳқун тамаҳа̄кун нулиҳыт малиҳқутақсяҳқа̄гут угимыхнун.
25Угини, пиниқлъюки нулӣси катам Христосым пиниқылъҳатун ухпықат. Пиниқыпихтыкақӣ рыпалъ туқуматкыхкақӣ. 26Ухпықат аглыӷнаҳсяқақӣ аҳтуӷьяҳқа̄нӷилъҳакун акузитми, пылюңиҳсяқақӣлъю аӷвиглюки мыҳқун. 27Христос таўатын пика̄гуқ а̄ңггунъалюки ухпықат лъңанун катам пиниӷналӷӣтун угӣӷнақылӷӣтун. Туқука̄гуқ ухпықат тагнықшӣтысқылъюки, уңлъыврыгӣтысқылъюки налиӷмың сямың алңунак афкуйӣтысқылъюки. Ынка̄м нулӣҳқа̄ аглыӷнаҳлъықуқ, авутңилъықуқлъю. 28Угим пиниқсяҳқақа̄ нулӣни пиниқылъыӷмитун югусини. Уги пиниқилӷӣ нулӣӷминың лъңаның пиниқңӯқ. 29Китум алңунак угумикигата̄ лъми катам югусини. Йыӷлыги ныӷыстақа̄лъю, афлъыңакақа̄лъю, катам таўатын Христосым пӣқылъҳатун ухпықанун, 30қаюҳлъяк налиӷнықуӷӣлъю лъңан югусӣн. 31Акузитни Игақыхкани хўатын игақңа̄қ: «Тама̄кын апалъюқлъюку югым унилъықа̄к атанилъю, на̄нилъю илянъалюни нулӣӷминун. Ынка̄м нулиҳқулъҳӣк ата̄сӣҳлъықук». 32Та̄м Акузитым Игақыхкам қайвиҳта̄ мыгнунапихлъыҳӣ ипапилъық: Христосылъю, ухпықатлъю ата̄сӣгут. 33Иўырңа та̄на лъпысинунлъю аюқуқ: тамаҳаӷми угим пиниқыпыста̄ӷьяҳқақа̄ нулӣни лъми катам пиниқылӷӣстун. Тамаҳаӷмилъю нулиҳым сӣваксяҳқақа̄ угини.
Currently Selected:
К Ефесянам 5: ess2
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
К Ефесянам 5
5
Кияҳта̄лъық Ниӷугми
1Кияӷныӷым лъпыси авақутақутаңаның пиниқитыху, аюқысиӷаҳтыху. 2Кияҳта̄лъыси а̄ҳқутақыстыки пиниқылъыӷмун, катам Христосым пиниқыхкаңилъю, туқуматкыхкақыхкаңилъю. Туқулъҳа тыпкыхтатун тунусятун аюқуқ Кияӷныӷмун, аҳқутңӯқлъю лъңанун.
3Лъпыси Кияӷныӷым юкыхкаңиси, ынка̄м китумун алңунак алъянӣҳтыстыңунифқа̄фси, налиӷмың алңунак блудыстыңунифқафси, налиӷмың пакигнӣҳтыңунифқа̄фси. Тама̄кут сыӷлыӷӯт ынка̄м Кияӷныӷым югита пияҳқақынӷитӣт. 4Кайңусяӷа̄тыхпынаси, тымңитхўамың акузиткыхпынаси, налиӷмың амьюӷа̄ӷуткыхпынаси. Итупилъ игамсиқаюгвиксяҳқақаҳси Кияӷнық. 5Налъюнықнаҳӣтуқ уна: Кина алңунак пагисяҳқӣтуқ Атаныҳпагулъҳани Христосымлъю, Кияӷныӷымлъю сыӷлыҳқылӷӣ алъянӣӷмың, алңунак блудникыӷмың, налиӷмың пакигнӣӷмың. (Пакигныӷыт манигуҳтыңӯт кияӷныңлъяқанун.)
6Югнун пӯҳтыстыхпынаси уңипа̄скаңиси тама̄кут сыӷлыҳқылъҳыт сыӷлыӷунӷинъилюки. Иўырңа таўатылңӯт сыӷлыҳқылъҳыт Кияӷнық сякша̄стыҳлъягақа̄т қа̄ткунъыӷилңӯт лъңанун. 7Тама̄кын апалъюқлъюку илятыхпынаси таўатылңуӷнун югнун. 8Югыстун аюқсяҳтуси кияҳлъыҳӣт мамлыгми, иўырңа ма̄тын кияҳтыңъӯси ниӷугми қаюҳлъяк Атанӷым пикыхкаңиси. Ынка̄м кияҳтык югыстун ниӷугмылңуӷыстун. 9(Қаюҳлъяк кияҳныҳпысини ниӷугми пиниҳтыстақӣси, ылъқуӷутңастақӣси, ипаңустақӣси.) 10Лӣнъақитыхулъю сяңўа̄ ыфқуӷналӷӣ Атаныӷмун. 11Илятқаҳтаҳпынаси югнун сятңунӷилңуӷмың пилӷӣнун мамлыгми. Итупилъ лӣгикыстыкӣ таўатын пилъҳит сыӷлыӷӯт. 12Кайңунапихтут талўа акузиткысяҳқа̄лютың тама̄кут пӣқыхкаңит аксяқлъюку. 13Иўырңа қамахтыңъўа̄ӷлютың алӣҳтыкумың ниӷугмун, та̄ўа натытыҳпига̄таңи хўатыҳлъюўа̄қ алӣҳлъықут, қаюҳлъяк сяңўа̄ қамахлъюни ниӷугым ысҳаӷьяҳқа̄ҳтыслъықа̄. 14Тама̄кын апалъюқлъюку югыт пика̄гут:
«Қавалӷӣми, таҳтуҳа̄тын.
Уңува̄ туқулъыӷмың ынка̄м Христосым кукыхлъықа̄тын».
15Ынка̄м кылыңалюси кияҳтык. Пыҳқинӷунӷилңуӷыстун кияҳтыхпынаси; итупилъ пыҳқинӷыстун кияҳтык. 16Пинитун атуқитыху тамаҳа̄н пилъыҳқаҳси қаюҳлъяк аӷныӷни ма̄тын югыт сыӷлытун пӣқут. 17Тама̄кын апалъюқлъюку налъюфқа̄фси, иўырңа лӣгикитыху сяңўа̄ Атанӷым писқысюлъҳа лъпысинун.
18Сю̄мыхпынаси виномың қаюҳлъяк на̄фқылъықӣси. Иўырңа имиҳтык Таӷныӷагның, 19алыҳқӯтақлъюси акузитаңитның псалмыт, иляга̄тыт, таӷныӷакунлъю иляга̄тның. Илягаӷақитык иляга̄тныңлъю, псалмыныңлъю Атаныӷмун, усюқилъылиӷлюси илюхпысигун. 20А̄тҳакун Атанымта Иисус Христосым, игамсиқаюгвикумаңинаҳтыху Кияӷнық Атаңа ся̄м тамаҳа̄н.
Нулиҳытлъю, Угитлъю
21Малиҳқутақңалюси иляхпысинун қаюҳлъяк сӣвакңукыси Христос.
22Нулӣӷни, малиҳқутақлъюси угихпысинун катам Атаныӷмун пилӷӣстун. 23Қаюҳлъяк уги на̄сқуқа̄ нулиҳан катам Христос на̄сқуқыхкаңат ухпықат. Христос Югулиӷистыка̄т ухпықат; лъңан югусиқӣ. 24Катам ухпықат малиҳқутақылъҳистун Христосымун, таўатыҳпигақ сялъыҳқун тамаҳа̄кун нулиҳыт малиҳқутақсяҳқа̄гут угимыхнун.
25Угини, пиниқлъюки нулӣси катам Христосым пиниқылъҳатун ухпықат. Пиниқыпихтыкақӣ рыпалъ туқуматкыхкақӣ. 26Ухпықат аглыӷнаҳсяқақӣ аҳтуӷьяҳқа̄нӷилъҳакун акузитми, пылюңиҳсяқақӣлъю аӷвиглюки мыҳқун. 27Христос таўатын пика̄гуқ а̄ңггунъалюки ухпықат лъңанун катам пиниӷналӷӣтун угӣӷнақылӷӣтун. Туқука̄гуқ ухпықат тагнықшӣтысқылъюки, уңлъыврыгӣтысқылъюки налиӷмың сямың алңунак афкуйӣтысқылъюки. Ынка̄м нулӣҳқа̄ аглыӷнаҳлъықуқ, авутңилъықуқлъю. 28Угим пиниқсяҳқақа̄ нулӣни пиниқылъыӷмитун югусини. Уги пиниқилӷӣ нулӣӷминың лъңаның пиниқңӯқ. 29Китум алңунак угумикигата̄ лъми катам югусини. Йыӷлыги ныӷыстақа̄лъю, афлъыңакақа̄лъю, катам таўатын Христосым пӣқылъҳатун ухпықанун, 30қаюҳлъяк налиӷнықуӷӣлъю лъңан югусӣн. 31Акузитни Игақыхкани хўатын игақңа̄қ: «Тама̄кын апалъюқлъюку югым унилъықа̄к атанилъю, на̄нилъю илянъалюни нулӣӷминун. Ынка̄м нулиҳқулъҳӣк ата̄сӣҳлъықук». 32Та̄м Акузитым Игақыхкам қайвиҳта̄ мыгнунапихлъыҳӣ ипапилъық: Христосылъю, ухпықатлъю ата̄сӣгут. 33Иўырңа та̄на лъпысинунлъю аюқуқ: тамаҳаӷми угим пиниқыпыста̄ӷьяҳқақа̄ нулӣни лъми катам пиниқылӷӣстун. Тамаҳаӷмилъю нулиҳым сӣваксяҳқақа̄ угини.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.