К Ефесянам 4
4
Ухпықат Христосым Югусиқӣ
1Анусимиңлъяӷа̄гуңа қаюҳлъяк қыпҳа̄скыхка Атанық. Кияӷныӷым накмикыхкақӣси лъңанун югулюси; тама̄кын апалъюқлъюку кайымамси кияҳтысқылъюси Кияӷныӷым кияҳтысқысюлъҳатун. 2Ӣўлың қусывыхлъюси, якумаңилъиқыхпынаси, нуқынъыҳтулюси, тугуклъӣтулъюси пиниқылъыҳқун. 3Кияӷныӷым Таӷныӷахкынка қырңуӷуткақӣси ныкыхмылъыҳқун. Ынка̄м нанӷӣқуҳлъяхтык ӣўлың кияҳтык таўатын. 4Ата̄сӣгуқ югусиқ, ата̄сӣгуклъю Таӷныӷак, катам таўатын ата̄симун сиӷималъыӷмун Кияӷныӷым тахсиӷӣси. 5Ата̄сӣгуқ Атанық, ата̄сӣгуқ ухпықилъық, ата̄сӣгуқ крестиӷылъық. 6Ата̄сӣгуқ Кияӷнық, Атака̄т ся̄м тамаҳа̄н. Лъңан иглыӷутңўа̄ сяңўа̄ тамаҳа̄н, тамаҳа̄нитуқ, сямытуқлъю алңунак.
7Христосым тамаҳа̄мта тӯныхкақӣлъю тунусямың қыпҳақани писқылъюку. Тӯныхкақӣ та̄кут тунусят тӯньюкылъыӷмитун. 8Тама̄кын апалъюқлъюку Акузитни Игақыхкани игақыхка̄лӷӣ:
«Маюӷақңами ӯсқалъыӷмун тугукақӣ угля̄пихлъыӷӣт ўаяқат,
югытлъю тунусялиқуқақӣ».
9Сямың писӣўа: «Маюқа̄гуқ»? Хўатын писӣгуқ, сивуклъюни укика̄гуқ сямавык асилиӷныӷанун нунам. 10Ынка̄м лъңа та̄на укикақ сямавык, лъңаңӯқ ата̄сиқ та̄на маюқақ памавык иңьяӷлюки қилягыт, имиӷналюку сяңўа̄ қамахлъюку наю̄тңалъыӷминың. 11Лъңаңӯқ тунусялиқуқақ югнун: иляңи апостолыңулюки, иляңи ӯкналиқистыңулюки, иляңи евангелистыңулюки, иляңи юӷаҳтыңулюки, апыҳтуӷистыңулюкилъю. 12Та̄кут тунусялиткақӣ апыҳтӣсқылъюки Кияӷныӷым юги лъңитнун қыпҳа̄тысқылъюку лъңа. Кияӷнық таўатын пика̄гуқ лъңитнун ныкыфтысқылъюку Христосым югусӣ. 13Та̄на қыпҳақақ нагныҳлъықуқ кынляңа ата̄сӣҳтылъымнъун ухпықилъымтыхун, лӣсимакылъымтыхунлъю Иӷныӷа Кияӷныӷым. Та̄хкын аңтанӣтңўа̄ӷлюта Христосытун лъӣҳлъықукут. 14Ынка̄м таӷнуҳаҳа̄наниҳлъықукут. Тама̄кын апалъюқлъюку пӯҳтысна̄нӷитукут югнун тымңимың апыҳтуӷилъҳитхун. Апыҳтуӷилъҳит ануқыстунлъю, имаҳлъюгыстунлъю аюқут нӯхта̄талӷӣт югның. Тама̄кут пыҳқинылӷӣт, иқлъыңалӷӣт югыт, иқлъыңатың ипасюгниҳсяӷақӣт маӷьяҳқуныҳлъюхналюки югыт. 15Итупилъ акузиткылътыху ипапилъық пиниқылъыҳқун, ынка̄м ўата Христосытун лъӣҳлъықукут сялъымтыхун тамаҳа̄кун. Христос на̄сқуқа̄т ухпықат. 16Ухпықани югусиқӣлъю Христосым. Лъңакун ӣңунаӷми югусиқ қырңуӷутка̄гуқлъю, нувыша̄тка̄гуқлъю югусим ивалюңакун. Қамахлъютың налиӷныӷыт қыпҳанъыӷмыхни қыпҳалъыҳқамыгыстун, та̄ўа югусиқ нагўа̄қуқ, икнақуҳсяӷақуқлъю пиниқылъыҳқун.
Уңувалъыӷраӷақ Христосыкун
17Ынка̄ңам Атанӷым а̄тҳакун хўатын пӣмсилъю, кылыңася̄ӷамсилъю: кияҳтыхпынасиңам язычнигыт кияҳта̄лъҳистун. Сюмыҳтаӷалъҳит сясӣнӷилңӯгут, 18умьюгӣтлъю лӣгикиңигалңӯгут. Илятңанӷитут уңувалъыӷмун Кияӷныӷым тӯныхка̄нун, қаюҳлъяк налъюкңўа̄ӷа̄т, пиныҳлъюгӯтлъю. 19Талўа кайңуюгьяҳқа̄нанӣма̄т; атуқақӣтлъю сяңўа̄т алңунак сыӷлыӷыт югусимың пиюкыхкӣт. Нагныӷусюгақӣт қамахлъюки сыӷлыӷыт нуқытутыхпынаки.
20Иўырңа тама̄кут лӣтылъҳитаси Христосым апыҳтӯсӣтның! 21Нагақупыста̄қақаҳси лъңа, қаюҳлъяк малихся̄ҳтыкыхкаңиси. Ынка̄м апыҳтуқа̄гуси ипа апыҳтӯся̄мның Иисусым. 22Хўатын апыҳтуқақӣси: сыӷлыӷыт пиюкылъыҳпыси пӯҳлъықӣсилъю, на̄фқылъықӣсилъю. Тама̄кын апалъюқлъюку пыхтыки наңаӷнылюсилъю, кияҳта̄лъқысяқысилъю. 23Итупилъ таӷныӷам нутаҳлъики умьюгаси. 24Ынка̄м атуқитыху наңаӷныӷраӷаҳси қаюҳлъяк Кияӷныӷым улимакақа̄ лъмитун аюқлъюку: ылъқуӷутңапӣглюку, аглыӷнаӷлюкулъю.
25Ынка̄м иқлъыңиқнаниҳтыгңам! Итупилъ ӣўлың апыҳтыху ипапилъық иляхпысинун, қаюҳлъяк қамахлъюта налиӷнықуӷӣлъю Христосым югусӣн. 26Сякшитык иўырңа сыӷлыҳқыхпынаси. Сиқинық тывиҳтыстыхпына̄н паниның сякшитңулюси. 27Талўа туӷныӷақ пилъыҳқалитыхпына̄н нанӷӣқусқылъюси сыӷлыҳқылъыӷмун. 28Тыглыгнӣҳта тыглыгнаниӷли. Итупилъ қыпҳаӷли алъхыӷусяҳқа̄люни аклъюкыхкаминың, тӯнияҳқа̄ҳлъықуқлъю аклъюкилӷӣнун. 29Акузиткихпынаси сыӷлыӷмың. Итупилъ алыҳқуҳтыки пинитун югыт аклъюкилъҳитни. Пинилӷӣт акузитыт кайымьяҳқақӣт, аныӷныҳқысяҳқақӣт нагалъҳӣт. 30Қивӷустыхпынакыклъю Аглыӷналӷӣк Таӷныӷакык Кияӷныӷым. Таӷныӷагминың налъюнӣқақӣси лъми пикналюси. Таўатын пика̄гуқ лъпысинун лӣсимакысқылъюку итымулъықӣси сыӷлыҳқылъыҳпысиның Итымутылъҳым Аӷныӷа ка̄скан. 31Пыхтыху угумикыра̄қ, сякша̄, сякша̄ҳлъяк, юпиҳқаӷа̄тақ, сыӷлықӯқ, қамахлъюкилъю сыӷлыӷыт. 32Йыӷлыги наңлъыхтаҳтык, нафуҳтаҳтык иляхпысинун, сыӷывутулъюсилъю, катам Кияӷныӷым сыӷывуткақыхкаңиси Христосыкун.
Currently Selected:
К Ефесянам 4: ess2
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
К Ефесянам 4
4
Ухпықат Христосым Югусиқӣ
1Анусимиңлъяӷа̄гуңа қаюҳлъяк қыпҳа̄скыхка Атанық. Кияӷныӷым накмикыхкақӣси лъңанун югулюси; тама̄кын апалъюқлъюку кайымамси кияҳтысқылъюси Кияӷныӷым кияҳтысқысюлъҳатун. 2Ӣўлың қусывыхлъюси, якумаңилъиқыхпынаси, нуқынъыҳтулюси, тугуклъӣтулъюси пиниқылъыҳқун. 3Кияӷныӷым Таӷныӷахкынка қырңуӷуткақӣси ныкыхмылъыҳқун. Ынка̄м нанӷӣқуҳлъяхтык ӣўлың кияҳтык таўатын. 4Ата̄сӣгуқ югусиқ, ата̄сӣгуклъю Таӷныӷак, катам таўатын ата̄симун сиӷималъыӷмун Кияӷныӷым тахсиӷӣси. 5Ата̄сӣгуқ Атанық, ата̄сӣгуқ ухпықилъық, ата̄сӣгуқ крестиӷылъық. 6Ата̄сӣгуқ Кияӷнық, Атака̄т ся̄м тамаҳа̄н. Лъңан иглыӷутңўа̄ сяңўа̄ тамаҳа̄н, тамаҳа̄нитуқ, сямытуқлъю алңунак.
7Христосым тамаҳа̄мта тӯныхкақӣлъю тунусямың қыпҳақани писқылъюку. Тӯныхкақӣ та̄кут тунусят тӯньюкылъыӷмитун. 8Тама̄кын апалъюқлъюку Акузитни Игақыхкани игақыхка̄лӷӣ:
«Маюӷақңами ӯсқалъыӷмун тугукақӣ угля̄пихлъыӷӣт ўаяқат,
югытлъю тунусялиқуқақӣ».
9Сямың писӣўа: «Маюқа̄гуқ»? Хўатын писӣгуқ, сивуклъюни укика̄гуқ сямавык асилиӷныӷанун нунам. 10Ынка̄м лъңа та̄на укикақ сямавык, лъңаңӯқ ата̄сиқ та̄на маюқақ памавык иңьяӷлюки қилягыт, имиӷналюку сяңўа̄ қамахлъюку наю̄тңалъыӷминың. 11Лъңаңӯқ тунусялиқуқақ югнун: иляңи апостолыңулюки, иляңи ӯкналиқистыңулюки, иляңи евангелистыңулюки, иляңи юӷаҳтыңулюки, апыҳтуӷистыңулюкилъю. 12Та̄кут тунусялиткақӣ апыҳтӣсқылъюки Кияӷныӷым юги лъңитнун қыпҳа̄тысқылъюку лъңа. Кияӷнық таўатын пика̄гуқ лъңитнун ныкыфтысқылъюку Христосым югусӣ. 13Та̄на қыпҳақақ нагныҳлъықуқ кынляңа ата̄сӣҳтылъымнъун ухпықилъымтыхун, лӣсимакылъымтыхунлъю Иӷныӷа Кияӷныӷым. Та̄хкын аңтанӣтңўа̄ӷлюта Христосытун лъӣҳлъықукут. 14Ынка̄м таӷнуҳаҳа̄наниҳлъықукут. Тама̄кын апалъюқлъюку пӯҳтысна̄нӷитукут югнун тымңимың апыҳтуӷилъҳитхун. Апыҳтуӷилъҳит ануқыстунлъю, имаҳлъюгыстунлъю аюқут нӯхта̄талӷӣт югның. Тама̄кут пыҳқинылӷӣт, иқлъыңалӷӣт югыт, иқлъыңатың ипасюгниҳсяӷақӣт маӷьяҳқуныҳлъюхналюки югыт. 15Итупилъ акузиткылътыху ипапилъық пиниқылъыҳқун, ынка̄м ўата Христосытун лъӣҳлъықукут сялъымтыхун тамаҳа̄кун. Христос на̄сқуқа̄т ухпықат. 16Ухпықани югусиқӣлъю Христосым. Лъңакун ӣңунаӷми югусиқ қырңуӷутка̄гуқлъю, нувыша̄тка̄гуқлъю югусим ивалюңакун. Қамахлъютың налиӷныӷыт қыпҳанъыӷмыхни қыпҳалъыҳқамыгыстун, та̄ўа югусиқ нагўа̄қуқ, икнақуҳсяӷақуқлъю пиниқылъыҳқун.
Уңувалъыӷраӷақ Христосыкун
17Ынка̄ңам Атанӷым а̄тҳакун хўатын пӣмсилъю, кылыңася̄ӷамсилъю: кияҳтыхпынасиңам язычнигыт кияҳта̄лъҳистун. Сюмыҳтаӷалъҳит сясӣнӷилңӯгут, 18умьюгӣтлъю лӣгикиңигалңӯгут. Илятңанӷитут уңувалъыӷмун Кияӷныӷым тӯныхка̄нун, қаюҳлъяк налъюкңўа̄ӷа̄т, пиныҳлъюгӯтлъю. 19Талўа кайңуюгьяҳқа̄нанӣма̄т; атуқақӣтлъю сяңўа̄т алңунак сыӷлыӷыт югусимың пиюкыхкӣт. Нагныӷусюгақӣт қамахлъюки сыӷлыӷыт нуқытутыхпынаки.
20Иўырңа тама̄кут лӣтылъҳитаси Христосым апыҳтӯсӣтның! 21Нагақупыста̄қақаҳси лъңа, қаюҳлъяк малихся̄ҳтыкыхкаңиси. Ынка̄м апыҳтуқа̄гуси ипа апыҳтӯся̄мның Иисусым. 22Хўатын апыҳтуқақӣси: сыӷлыӷыт пиюкылъыҳпыси пӯҳлъықӣсилъю, на̄фқылъықӣсилъю. Тама̄кын апалъюқлъюку пыхтыки наңаӷнылюсилъю, кияҳта̄лъқысяқысилъю. 23Итупилъ таӷныӷам нутаҳлъики умьюгаси. 24Ынка̄м атуқитыху наңаӷныӷраӷаҳси қаюҳлъяк Кияӷныӷым улимакақа̄ лъмитун аюқлъюку: ылъқуӷутңапӣглюку, аглыӷнаӷлюкулъю.
25Ынка̄м иқлъыңиқнаниҳтыгңам! Итупилъ ӣўлың апыҳтыху ипапилъық иляхпысинун, қаюҳлъяк қамахлъюта налиӷнықуӷӣлъю Христосым югусӣн. 26Сякшитык иўырңа сыӷлыҳқыхпынаси. Сиқинық тывиҳтыстыхпына̄н паниның сякшитңулюси. 27Талўа туӷныӷақ пилъыҳқалитыхпына̄н нанӷӣқусқылъюси сыӷлыҳқылъыӷмун. 28Тыглыгнӣҳта тыглыгнаниӷли. Итупилъ қыпҳаӷли алъхыӷусяҳқа̄люни аклъюкыхкаминың, тӯнияҳқа̄ҳлъықуқлъю аклъюкилӷӣнун. 29Акузиткихпынаси сыӷлыӷмың. Итупилъ алыҳқуҳтыки пинитун югыт аклъюкилъҳитни. Пинилӷӣт акузитыт кайымьяҳқақӣт, аныӷныҳқысяҳқақӣт нагалъҳӣт. 30Қивӷустыхпынакыклъю Аглыӷналӷӣк Таӷныӷакык Кияӷныӷым. Таӷныӷагминың налъюнӣқақӣси лъми пикналюси. Таўатын пика̄гуқ лъпысинун лӣсимакысқылъюку итымулъықӣси сыӷлыҳқылъыҳпысиның Итымутылъҳым Аӷныӷа ка̄скан. 31Пыхтыху угумикыра̄қ, сякша̄, сякша̄ҳлъяк, юпиҳқаӷа̄тақ, сыӷлықӯқ, қамахлъюкилъю сыӷлыӷыт. 32Йыӷлыги наңлъыхтаҳтык, нафуҳтаҳтык иляхпысинун, сыӷывутулъюсилъю, катам Кияӷныӷым сыӷывуткақыхкаңиси Христосыкун.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.