P'ilipense 4
4
1Mãɨ k'orea mɨ ũpẽarã, mɨa jarada jĩra Tachi Chiparide minachia ĩjãa p'anat'ɨ. Mɨa mãra minachia k'ɨ̃ria bɨma mãɨnepa unu k'ɨ̃ria bɨma. Mãra k'orea mɨ minachia arapá bɨma. Mãrat'u mɨ arapaapipataɨpɨ.#4:1 Mãrat'u mɨ arapaapipataɨpɨ. Griego pedeade nãɨya bɨ bɨma: mãra mɨ poro jũra jɨ̃paripɨ.
Pablopa ũpẽarã́ oopida
2Mɨa ũpẽawẽra Evodia mãɨnepa ũpẽawẽra Sintik'ea chichupuria idiruma chi pia pedeadamẽrá Tachi Chipari Jesucristo ome p'anɨ pẽra. 3Ichiaba pɨ, chi mɨ ome Tachi Ak'õrepa oo bɨt'a ooparí, mɨa pɨá idiruma mãɨ ũpẽawẽrarã k'aripamẽrá. Ãchi, Clemente ome mãɨnepa waapẽarã sida mɨ ome minachia mimiasidama, chi pedea pia Cristo k'orea k'awapidai k'orea. Jõma ãchi t'ɨ̃ Tachi Ak'õrepa ichi ewaricha chok'ae p'ananai k'art'ade bɨ bɨma.
4Tachi Chipari Jesucristo ome p'anɨ pẽra ewaricha arapá p'anat'ɨ. Mɨa mãicha jararuma: ¡Arapá p'anat'ɨ! 5Mãra ẽpẽrarã paara pia p'anɨt'a, jõmãɨrã́ unupit'ɨ. Tachi Chipari chei ewari k'ait'a bɨma.
6Ne paritua k'orea minachia k'ɨ̃risiarãt'ɨ, mãɨpari Tachi Ak'õrea ɨt'aa chiidit'ɨ, ichiá chichupuria idit'ɨ, mãɨnepa nejõma k'orea pia bɨade at'ɨ. 7Mãɨpa Tachi Ak'õrepa mãra sõ mãɨnepa mãra k'ɨ̃risiat'a ne k'ɨ̃risiawẽa p'anapiipɨ Jesucristo ome p'anɨ pẽra. Mãɨ ne k'ɨ̃risiawẽa bait'a ẽpẽrarãpa ãchi tuaba p'ue k'awadaiwẽma.
8Mãɨ awara ũpẽarã, jõma piarãnepema, nejõma tachia pia bɨt'a unupataɨdepema, jõma jĩp'a bɨdepema, jõma nemietaawẽa bɨdepema, jõmãɨrãpa k'ɨ̃riapataɨdepema, jõma chi piipará bayade a p'anɨnepema, nejõma piadepema mãɨnepa nejõma tachia pia jarapataɨdepema k'ɨ̃risia p'anat'ɨ. 9Mɨa jarateada, chi mãrapa mɨnepa k'awadada, mɨnepa ũrinana mãɨnepa ununana jõma oo p'anat'ɨ. Mãɨne Tachi Ak'õre mãra ome baipɨ mãɨnepa mãra ne k'ɨ̃risiawẽa bɨipɨ.
Ũpẽarãpa ne tea peedada k'orea Pablopa pia bɨade ada
10Tachi Chiparidepa mɨ minachia arapá bɨma, mãrapa mɨ k'ɨ̃risia p'anɨnepa mãicha ne tea peesida pẽra. Mãɨ mãrapa naena oo k'ɨ̃ria p'ananamina p'ue oodaé pasima. 11Mãɨya jarawẽa bɨma mɨ nenea bɨ pẽra. Ne ãareaɨne mɨa k'awasima mãɨya ne k'ɨ̃risiawẽa bait'a, ara mɨa ne uru bɨdepa. 12Nenea bɨde mãɨnepa ne minachia uru bɨde, sãmaasã́ bai k'awa bɨma. Mɨa k'awasima parituade sãmaasã́ ne k'ɨ̃risiawẽa bait'a, ne jãwaa bɨde mãɨnepa jarra bɨde; ne minachia uru bɨde mãɨnepa newẽa bɨde. 13Cristodepa jõma p'ue ooipɨ ichia mɨ chaareapii bɨ pẽra. 14Maamina mɨa mãrá pia bɨade aruma, mɨ minachia mĩa bɨde k'aripadada pẽra. Piarã mãrapa pia oosidama.
15Ũpẽarã P'ilipodepemarã, mãrapa k'awa p'anɨma chi pedea pia Cristo k'orea naa ĩjãasidaɨde mɨ Macedonia tuadepa tua awaraɨdea jarateade wãside, ũpẽarã waapẽarã p'uurudepemarãpa mɨá ne tea peedaé pasima. Aba mãrapuru mɨá mãɨyasidama.#Hecho 18:5. 16Mɨ Tesalónica p'uurude baside mãrapa bari k'ak'o minachia ne tea peesidama k'aripadai k'orea. 17Mɨa idiwẽa bɨma mãrapa ne tea peedamẽrá, mãɨpari k'ɨ̃ria bɨma pia oo p'anɨ k'orea Tachi Ak'õrepa mãra pia k'aripait'a. 18Nejõma mãrapa ũpẽa Epap'rodito ome tea peedada mɨa jitasima. Mãɨpuru ne minachia uru bɨma. Mãɨpa mɨ pia baipɨ. Mãrapa tea peedada, k'era p'iumá Tachi Ak'õrea teada jĩra bɨma. Mãɨ Tachi Ak'õrepa pia unu bɨma. 19Piarã jõma mãrapa newẽa p'anɨt'a, mɨ Pajãnepema Ak'õrepa nejõma pia uru bɨdepema Jesucristodepa teaipɨ. 20Mãɨpuru ewaricha Tachi Pajãnepema Ak'õrea pia pedeadai p'anɨma. Mãɨya beese.
Pablopa k'aadea bɨda
21Jõma ẽpẽrarã Tachi Ak'õrenepemarã Jesucristo ome berã́ pia p'anapadade a jarat'ɨ. Ũpẽarã mɨ ome p'anɨ pida pia p'anapadade a jara p'anɨma. 22Jõma ẽpẽrarã Tachi Ak'õrenepemarã nãmapemarãpa pia p'anapadade a jara p'anɨma. Ũpẽarã chi Romanepema chi atepe poro chaarea bɨ pae mimiapataɨrãpa mãɨya jara p'anɨma.
23Mɨa k'ɨ̃ria bɨma Tachi Chipari Jesucristopa ichi sõpiadepa mãra k'aripa bait'a.#4:23 Griego pedeade chi eda waapẽarã k'art'ade nãɨ bɨ bɨma: Mãɨya beese.
Currently Selected:
P'ilipense 4: tdc
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
P'ilipense 4
4
1Mãɨ k'orea mɨ ũpẽarã, mɨa jarada jĩra Tachi Chiparide minachia ĩjãa p'anat'ɨ. Mɨa mãra minachia k'ɨ̃ria bɨma mãɨnepa unu k'ɨ̃ria bɨma. Mãra k'orea mɨ minachia arapá bɨma. Mãrat'u mɨ arapaapipataɨpɨ.#4:1 Mãrat'u mɨ arapaapipataɨpɨ. Griego pedeade nãɨya bɨ bɨma: mãra mɨ poro jũra jɨ̃paripɨ.
Pablopa ũpẽarã́ oopida
2Mɨa ũpẽawẽra Evodia mãɨnepa ũpẽawẽra Sintik'ea chichupuria idiruma chi pia pedeadamẽrá Tachi Chipari Jesucristo ome p'anɨ pẽra. 3Ichiaba pɨ, chi mɨ ome Tachi Ak'õrepa oo bɨt'a ooparí, mɨa pɨá idiruma mãɨ ũpẽawẽrarã k'aripamẽrá. Ãchi, Clemente ome mãɨnepa waapẽarã sida mɨ ome minachia mimiasidama, chi pedea pia Cristo k'orea k'awapidai k'orea. Jõma ãchi t'ɨ̃ Tachi Ak'õrepa ichi ewaricha chok'ae p'ananai k'art'ade bɨ bɨma.
4Tachi Chipari Jesucristo ome p'anɨ pẽra ewaricha arapá p'anat'ɨ. Mɨa mãicha jararuma: ¡Arapá p'anat'ɨ! 5Mãra ẽpẽrarã paara pia p'anɨt'a, jõmãɨrã́ unupit'ɨ. Tachi Chipari chei ewari k'ait'a bɨma.
6Ne paritua k'orea minachia k'ɨ̃risiarãt'ɨ, mãɨpari Tachi Ak'õrea ɨt'aa chiidit'ɨ, ichiá chichupuria idit'ɨ, mãɨnepa nejõma k'orea pia bɨade at'ɨ. 7Mãɨpa Tachi Ak'õrepa mãra sõ mãɨnepa mãra k'ɨ̃risiat'a ne k'ɨ̃risiawẽa p'anapiipɨ Jesucristo ome p'anɨ pẽra. Mãɨ ne k'ɨ̃risiawẽa bait'a ẽpẽrarãpa ãchi tuaba p'ue k'awadaiwẽma.
8Mãɨ awara ũpẽarã, jõma piarãnepema, nejõma tachia pia bɨt'a unupataɨdepema, jõma jĩp'a bɨdepema, jõma nemietaawẽa bɨdepema, jõmãɨrãpa k'ɨ̃riapataɨdepema, jõma chi piipará bayade a p'anɨnepema, nejõma piadepema mãɨnepa nejõma tachia pia jarapataɨdepema k'ɨ̃risia p'anat'ɨ. 9Mɨa jarateada, chi mãrapa mɨnepa k'awadada, mɨnepa ũrinana mãɨnepa ununana jõma oo p'anat'ɨ. Mãɨne Tachi Ak'õre mãra ome baipɨ mãɨnepa mãra ne k'ɨ̃risiawẽa bɨipɨ.
Ũpẽarãpa ne tea peedada k'orea Pablopa pia bɨade ada
10Tachi Chiparidepa mɨ minachia arapá bɨma, mãrapa mɨ k'ɨ̃risia p'anɨnepa mãicha ne tea peesida pẽra. Mãɨ mãrapa naena oo k'ɨ̃ria p'ananamina p'ue oodaé pasima. 11Mãɨya jarawẽa bɨma mɨ nenea bɨ pẽra. Ne ãareaɨne mɨa k'awasima mãɨya ne k'ɨ̃risiawẽa bait'a, ara mɨa ne uru bɨdepa. 12Nenea bɨde mãɨnepa ne minachia uru bɨde, sãmaasã́ bai k'awa bɨma. Mɨa k'awasima parituade sãmaasã́ ne k'ɨ̃risiawẽa bait'a, ne jãwaa bɨde mãɨnepa jarra bɨde; ne minachia uru bɨde mãɨnepa newẽa bɨde. 13Cristodepa jõma p'ue ooipɨ ichia mɨ chaareapii bɨ pẽra. 14Maamina mɨa mãrá pia bɨade aruma, mɨ minachia mĩa bɨde k'aripadada pẽra. Piarã mãrapa pia oosidama.
15Ũpẽarã P'ilipodepemarã, mãrapa k'awa p'anɨma chi pedea pia Cristo k'orea naa ĩjãasidaɨde mɨ Macedonia tuadepa tua awaraɨdea jarateade wãside, ũpẽarã waapẽarã p'uurudepemarãpa mɨá ne tea peedaé pasima. Aba mãrapuru mɨá mãɨyasidama.#Hecho 18:5. 16Mɨ Tesalónica p'uurude baside mãrapa bari k'ak'o minachia ne tea peesidama k'aripadai k'orea. 17Mɨa idiwẽa bɨma mãrapa ne tea peedamẽrá, mãɨpari k'ɨ̃ria bɨma pia oo p'anɨ k'orea Tachi Ak'õrepa mãra pia k'aripait'a. 18Nejõma mãrapa ũpẽa Epap'rodito ome tea peedada mɨa jitasima. Mãɨpuru ne minachia uru bɨma. Mãɨpa mɨ pia baipɨ. Mãrapa tea peedada, k'era p'iumá Tachi Ak'õrea teada jĩra bɨma. Mãɨ Tachi Ak'õrepa pia unu bɨma. 19Piarã jõma mãrapa newẽa p'anɨt'a, mɨ Pajãnepema Ak'õrepa nejõma pia uru bɨdepema Jesucristodepa teaipɨ. 20Mãɨpuru ewaricha Tachi Pajãnepema Ak'õrea pia pedeadai p'anɨma. Mãɨya beese.
Pablopa k'aadea bɨda
21Jõma ẽpẽrarã Tachi Ak'õrenepemarã Jesucristo ome berã́ pia p'anapadade a jarat'ɨ. Ũpẽarã mɨ ome p'anɨ pida pia p'anapadade a jara p'anɨma. 22Jõma ẽpẽrarã Tachi Ak'õrenepemarã nãmapemarãpa pia p'anapadade a jara p'anɨma. Ũpẽarã chi Romanepema chi atepe poro chaarea bɨ pae mimiapataɨrãpa mãɨya jara p'anɨma.
23Mɨa k'ɨ̃ria bɨma Tachi Chipari Jesucristopa ichi sõpiadepa mãra k'aripa bait'a.#4:23 Griego pedeade chi eda waapẽarã k'art'ade nãɨ bɨ bɨma: Mãɨya beese.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.