P'ilipense 3
3
Aba Cristodepuru ĩjãanai p'anɨ
1Mãɨ awara ũpẽarã, Tachi Chiparidepa arapá p'anat'ɨ. Mɨa nãɨ pedea naena bɨdamina, sẽk'ama abarik'a mãicha bɨi k'orea. Mãɨya k'aripaipɨ nemietá oopidaemaapa.
2Ẽpẽrarã usa jĩra berã k'orea jĩrak'aua p'anat'ɨ ãchia nemietá oopata pẽra. Ãchia jarateapatama ɨmɨk'ĩra k'ak'ua tauchaadai p'anɨ, ẽpẽrarã Tachi Ak'õreneerã p'ananai k'orea.#3:2 Ãchia jarateapatama ɨmɨk'ĩra k'ak'ua tauchaadai p'anɨ, ẽpẽrarã Tachi Ak'õreneerã p'ananai k'orea. Griego pedeade nãɨya bɨ bɨma: chi t'õopataɨrã. 3Maamina tachit'u chi piarã tauchaadaadarãpɨ.#3:3 Chi piarã tauchaadaadarãpɨ. Mãɨ pedea jara bɨma tachi Tachi Ak'õre p'uurupɨ. Naena israel ĩjũanepemarãpa jõma ãchi ɨmɨk'ĩra k'ak'ua tauchaapachidama k'awapidai k'orea ãchi Tachi Ak'õre p'uuru pasit'a. Tachiapuru Tachi Ak'õre Jaoredepa ichiá pia pedeapatama. Mãɨnepa Jesucristopa tachi k'orea ooda pia jarapatama. Tachia nãɨ k'ak'ua k'orea Tachi Ak'õrepa tachi jĩp'a p'anɨ unui k'ɨ̃risiadak'ama. 4Mɨa nãɨ k'ak'ua k'orea mãɨya k'ɨ̃risia bai bɨmina mãɨya k'ɨ̃risiak'ama. Piarã abaɨpa ichi k'ak'ua k'orea Tachi Ak'õrepa jĩp'a unui k'ɨ̃risia bɨpɨra, ichi k'aepẽra mɨa atepe mãɨya p'ue k'ɨ̃risia bai bɨma. 5Mɨ t'õk'ari ewari ocho pa bɨde mɨ k'ak'ua tauchaasidama. Mɨ israel ĩjũanepemapɨ, Benjaminepa chedapɨ. Mɨ chõarãenapemarã Hebreorã pasima. P'ariseo pasi pẽra mɨa Moisepa bɨda jĩrak'aua oopachima. 6Mɨa mãɨ judiorãpa oopachidaɨt'a ãarea minachia ũri bapachi pẽra chi Cristode ĩjãapataɨrã ẽp'ẽ wãpachima ãchi piawẽa ooi k'orea. Mãɨ judiorãpa oopachidaɨt'a jõma oo bapachi pẽra mi ãpia pida mɨ k'orea k'achia pedeadawẽa baipɨ.
7Maamina Cristode ĩjãa bɨ pẽra nejõma mɨa pia unu bada naapae pia unuk'ama. 8Piarã mɨ Chipari Jesucristo k'await'a ne ãarea k'aepẽra atepe piipará bɨma. Mɨa naena k'ɨ̃risia bada, mãɨ ãarea ichi k'orea itu bɨsima. Jõma mãɨ nejarra jĩra unu bɨma, Cristo unui k'orea 9mãɨnepa ichi ome bai k'orea. Mɨ ichi ome bɨwẽma chi Moisepa bɨdadepa, mãɨpari mãɨya bɨma Cristopa ichi Ak'õre pedea ook'ari, tachi k'orea piuda pẽra. Mɨa Cristode ĩjãa bɨ pẽra, Tachi Ak'õrepa mɨ ichi ome uru bɨma. 10Mɨa Cristo minachia k'awa k'ɨ̃ria bɨma. Ichi Tachi Ak'õre jua chaareadepa chok'ae p'irabarisima. Mɨ ara mãɨ jua chaareadepa ichi ome p'ɨrrɨa k'ɨ̃ria bɨma. Mãɨpuru ichi minachia mĩana jĩra mɨ mĩa k'ɨ̃ria bɨma, mãɨnepa ichi piuda jĩra piui k'ɨ̃ria bɨma. 11Mãɨya k'ɨ̃ria bɨma Tachi Ak'õrepa mɨ chok'ae p'irabaripii pẽra.
12Mɨa jarawẽa bɨma mɨ abaeda mãɨya bɨt'a. Mãɨnepa jarawẽa bɨma mɨ abaeda jĩp'a bɨt'a. Maamina mãɨya bai k'orea mɨ idiapaedepa naa wãruma Jesucristopa mɨ mãɨ k'orea atada pẽra. 13Ũpẽarã, mɨa jarawẽa bɨma mɨ piarã mãɨya bɨt'a maamina mɨa nãɨ oo bɨma: mɨa naena oo badat'a k'ɨ̃risia atuak'ari naa p'ira wãruma, Cristo jĩra bai k'orea. 14P'ira wãruma mãɨ chi tauchaa bɨmá pai k'orea, Jesucristodepa nepia pajãnepema atai k'orea, Tachi Ak'õrepa t'ɨ̃na pẽra.
15Jõma tachi Cristo minachia k'awa berãpa mãɨ jĩra k'ɨ̃risiadai p'anɨma. Mãrapa k'ĩra awara k'ɨ̃risia p'anɨpɨra, Tachi Ak'õrepa sãmaasã́ k'ɨ̃risiadai p'anɨt'a k'awapiipɨ. 16Maamina tachia k'awadada jõma oodai p'anɨma.
17Ũpẽarã, mɨ jĩra p'anat'ɨ. Mãra t'ãena nipasidaɨde taipa unupisidama sãmaasã́ p'ananai p'anɨ. Ũpẽarã mãɨya berã paara nipat'ɨ. 18Mɨa nãɨ bari k'ak'o minachia mãrá jarasima mãɨnepa jẽa bɨpa mãicha jararuma: chok'ará ẽpẽrarãpa ãchia oo p'anɨnepa unupipatama chi Cristo k'urusude piuda k'orea pedea k'ɨ̃rianak'aɨt'a. 19Mãɨpuru piuutade Tachi Ak'õrepa ãchi minachia ɨtɨaipɨ. Ãchi k'ak'uapa k'ɨ̃ria bɨt'a chi ãchi ak'õrepɨ.#3:19 Ãchi k'ak'uapa k'ɨ̃ria bɨt'a chi ãchi ak'õrepɨ. Griego pedeade nãɨya bɨ bɨma: ãchi bi, ãchi ak'õrepɨ. K'ĩra p'era oo p'anɨ k'orea pia pedeapatama. Abapuru nãɨ ĩjũanepema k'ɨ̃risiapatama. 20Maamina tachi pajãnepemarãpɨ. Tachi K'aripaparí mãmãɨpa cheit'a nɨ p'anɨma. Ichi Tachi Chipari Jesucristopɨ. 21Ichi cherude tachi k'ak'ua piui bɨ k'ĩra awara ook'ari, mãɨne ichi k'ak'ua jĩra minachia pia beeipɨ. Ichi jua chaareadepa mãɨya ooipɨ. Mãɨ jua chaareadepa ichia nejõma p'ueipɨ.
Currently Selected:
P'ilipense 3: tdc
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
P'ilipense 3
3
Aba Cristodepuru ĩjãanai p'anɨ
1Mãɨ awara ũpẽarã, Tachi Chiparidepa arapá p'anat'ɨ. Mɨa nãɨ pedea naena bɨdamina, sẽk'ama abarik'a mãicha bɨi k'orea. Mãɨya k'aripaipɨ nemietá oopidaemaapa.
2Ẽpẽrarã usa jĩra berã k'orea jĩrak'aua p'anat'ɨ ãchia nemietá oopata pẽra. Ãchia jarateapatama ɨmɨk'ĩra k'ak'ua tauchaadai p'anɨ, ẽpẽrarã Tachi Ak'õreneerã p'ananai k'orea.#3:2 Ãchia jarateapatama ɨmɨk'ĩra k'ak'ua tauchaadai p'anɨ, ẽpẽrarã Tachi Ak'õreneerã p'ananai k'orea. Griego pedeade nãɨya bɨ bɨma: chi t'õopataɨrã. 3Maamina tachit'u chi piarã tauchaadaadarãpɨ.#3:3 Chi piarã tauchaadaadarãpɨ. Mãɨ pedea jara bɨma tachi Tachi Ak'õre p'uurupɨ. Naena israel ĩjũanepemarãpa jõma ãchi ɨmɨk'ĩra k'ak'ua tauchaapachidama k'awapidai k'orea ãchi Tachi Ak'õre p'uuru pasit'a. Tachiapuru Tachi Ak'õre Jaoredepa ichiá pia pedeapatama. Mãɨnepa Jesucristopa tachi k'orea ooda pia jarapatama. Tachia nãɨ k'ak'ua k'orea Tachi Ak'õrepa tachi jĩp'a p'anɨ unui k'ɨ̃risiadak'ama. 4Mɨa nãɨ k'ak'ua k'orea mãɨya k'ɨ̃risia bai bɨmina mãɨya k'ɨ̃risiak'ama. Piarã abaɨpa ichi k'ak'ua k'orea Tachi Ak'õrepa jĩp'a unui k'ɨ̃risia bɨpɨra, ichi k'aepẽra mɨa atepe mãɨya p'ue k'ɨ̃risia bai bɨma. 5Mɨ t'õk'ari ewari ocho pa bɨde mɨ k'ak'ua tauchaasidama. Mɨ israel ĩjũanepemapɨ, Benjaminepa chedapɨ. Mɨ chõarãenapemarã Hebreorã pasima. P'ariseo pasi pẽra mɨa Moisepa bɨda jĩrak'aua oopachima. 6Mɨa mãɨ judiorãpa oopachidaɨt'a ãarea minachia ũri bapachi pẽra chi Cristode ĩjãapataɨrã ẽp'ẽ wãpachima ãchi piawẽa ooi k'orea. Mãɨ judiorãpa oopachidaɨt'a jõma oo bapachi pẽra mi ãpia pida mɨ k'orea k'achia pedeadawẽa baipɨ.
7Maamina Cristode ĩjãa bɨ pẽra nejõma mɨa pia unu bada naapae pia unuk'ama. 8Piarã mɨ Chipari Jesucristo k'await'a ne ãarea k'aepẽra atepe piipará bɨma. Mɨa naena k'ɨ̃risia bada, mãɨ ãarea ichi k'orea itu bɨsima. Jõma mãɨ nejarra jĩra unu bɨma, Cristo unui k'orea 9mãɨnepa ichi ome bai k'orea. Mɨ ichi ome bɨwẽma chi Moisepa bɨdadepa, mãɨpari mãɨya bɨma Cristopa ichi Ak'õre pedea ook'ari, tachi k'orea piuda pẽra. Mɨa Cristode ĩjãa bɨ pẽra, Tachi Ak'õrepa mɨ ichi ome uru bɨma. 10Mɨa Cristo minachia k'awa k'ɨ̃ria bɨma. Ichi Tachi Ak'õre jua chaareadepa chok'ae p'irabarisima. Mɨ ara mãɨ jua chaareadepa ichi ome p'ɨrrɨa k'ɨ̃ria bɨma. Mãɨpuru ichi minachia mĩana jĩra mɨ mĩa k'ɨ̃ria bɨma, mãɨnepa ichi piuda jĩra piui k'ɨ̃ria bɨma. 11Mãɨya k'ɨ̃ria bɨma Tachi Ak'õrepa mɨ chok'ae p'irabaripii pẽra.
12Mɨa jarawẽa bɨma mɨ abaeda mãɨya bɨt'a. Mãɨnepa jarawẽa bɨma mɨ abaeda jĩp'a bɨt'a. Maamina mãɨya bai k'orea mɨ idiapaedepa naa wãruma Jesucristopa mɨ mãɨ k'orea atada pẽra. 13Ũpẽarã, mɨa jarawẽa bɨma mɨ piarã mãɨya bɨt'a maamina mɨa nãɨ oo bɨma: mɨa naena oo badat'a k'ɨ̃risia atuak'ari naa p'ira wãruma, Cristo jĩra bai k'orea. 14P'ira wãruma mãɨ chi tauchaa bɨmá pai k'orea, Jesucristodepa nepia pajãnepema atai k'orea, Tachi Ak'õrepa t'ɨ̃na pẽra.
15Jõma tachi Cristo minachia k'awa berãpa mãɨ jĩra k'ɨ̃risiadai p'anɨma. Mãrapa k'ĩra awara k'ɨ̃risia p'anɨpɨra, Tachi Ak'õrepa sãmaasã́ k'ɨ̃risiadai p'anɨt'a k'awapiipɨ. 16Maamina tachia k'awadada jõma oodai p'anɨma.
17Ũpẽarã, mɨ jĩra p'anat'ɨ. Mãra t'ãena nipasidaɨde taipa unupisidama sãmaasã́ p'ananai p'anɨ. Ũpẽarã mãɨya berã paara nipat'ɨ. 18Mɨa nãɨ bari k'ak'o minachia mãrá jarasima mãɨnepa jẽa bɨpa mãicha jararuma: chok'ará ẽpẽrarãpa ãchia oo p'anɨnepa unupipatama chi Cristo k'urusude piuda k'orea pedea k'ɨ̃rianak'aɨt'a. 19Mãɨpuru piuutade Tachi Ak'õrepa ãchi minachia ɨtɨaipɨ. Ãchi k'ak'uapa k'ɨ̃ria bɨt'a chi ãchi ak'õrepɨ.#3:19 Ãchi k'ak'uapa k'ɨ̃ria bɨt'a chi ãchi ak'õrepɨ. Griego pedeade nãɨya bɨ bɨma: ãchi bi, ãchi ak'õrepɨ. K'ĩra p'era oo p'anɨ k'orea pia pedeapatama. Abapuru nãɨ ĩjũanepema k'ɨ̃risiapatama. 20Maamina tachi pajãnepemarãpɨ. Tachi K'aripaparí mãmãɨpa cheit'a nɨ p'anɨma. Ichi Tachi Chipari Jesucristopɨ. 21Ichi cherude tachi k'ak'ua piui bɨ k'ĩra awara ook'ari, mãɨne ichi k'ak'ua jĩra minachia pia beeipɨ. Ichi jua chaareadepa mãɨya ooipɨ. Mãɨ jua chaareadepa ichia nejõma p'ueipɨ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.