P'ilemón 1
1
Pablopa nãɨ k'art'ade naa bɨda
1Mɨ Pablopɨ. Jesucristo k'orea eda serra bɨma. Tachi ũpẽa Timoteo nãma bɨma. Ũpẽa P'ilemón, taipa pɨ k'ɨ̃ria p'anɨma. Pɨa tai jĩra Tachi Ak'õrepa oo bɨt'a oo bɨ pẽra mɨa nãɨ k'art'a pɨ pae bɨruma. 2Mãɨnepa bɨruma jõma ũpẽarã pɨ tede ará nɨbeepataɨrã pae, tachi ũpẽawẽra Ap'ia pae mãɨnepa tachi ũpẽa Arquipo pae. Arquipopa tai ome Tachi Ak'õrepa oo bɨt'a choa mimiaparima papaká bɨ jĩra. 3Mɨa k'ɨ̃ria bɨma Tachi Pajãnepema Ak'õrepa#3 Tachi Pajãnepema Ak'õrepa. K'ãp'ũra pedeade bɨ bɨma: Dios el Padre. mãɨnepa Tachi Chipari Jesucristo ãchi piadepa mãra k'aripa p'ananamẽrá mãɨnepa ne k'ɨ̃risiadawẽa bapi p'ananamẽrá.
Ũpẽa Onésimo k'orea Pablopa chichupuria idida
4Mɨa Tachi Ak'õrea ɨt'aa chiidirucha sõpia bɨade aparima pɨ k'orea. 5Mɨa ũrisima pɨa Tachi Chipari Jesude ĩjãa bɨt'a mãɨnepa jõma ẽpẽrarã Tachi Ak'õrenepemarã k'ɨ̃ria bɨt'a. 6Mɨa Tachi Ak'õrea ɨt'aa chiidi bɨma Cristode ĩjãapataɨrã ome pɨ minachia pia bamẽrá.#6 Cristode ĩjãapataɨrã ome pɨ minachia pia bamẽrá. Waapẽarãmá mãɨpa jara bɨma: «Cristode ĩjãa bɨdepa pɨ ichi ẽpẽrarã ome minachia pia bamẽrá». Mãɨya jõma nepia tachia Jesucristodepa uru p'anɨt'a pɨa minachia k'awaipɨ. 7Ũpẽa, pɨa ẽpẽrarã Tachi Ak'õrenepemarã k'ɨ̃rianepa sõpiapida pẽra mɨ sida#7 Mɨ sida. Waapẽarã k'art'ade bɨ bɨma: tai sida. arapaapisima mãɨnepa minachia sõpia nipapisima.
8Mãɨ k'orea pɨá idiruma mɨa jararut'a oomẽrá. Cristodepa mɨa, pɨá mãɨ p'ue oopi bɨmina, mãɨya oopiiwẽma. 9Mãɨpari mɨa chichupuria idiruma pɨa k'ɨ̃rianepa mãɨya oomẽrá. Mɨ Pablo chõa k'eesima, mãɨnepa naapae Jesucristo k'orea eda serra uru p'anɨma. 10Mɨa chichupuria idiruma pɨ pae pari mimiaparí Onésimo k'orea. Ichi mɨ warra jĩra bɨma. Mɨ nãma eda serra bɨde ichia mɨnepa Cristode ĩjãana pẽra mɨ warra jĩra beesima. 11Naena pɨ pae pari mimiaparí piawẽa basima, maamina idiapae chi pɨ pae pari mimiaparí pia beesima. Mãɨya ichia pɨ pae pia mimiaipɨ mãɨnepa mɨ pia k'aripaipɨ.
12Ichi pɨmá jĩitea peeruma. Mɨa ichi minachia k'ɨ̃ria bɨma. Mɨ chupuria ichi pia uru base mɨa uru bada jĩra.#12 Griego pedeade mãɨ versículo t'aju bɨma. 13Chi pedea pia Cristo k'orea mɨ eda serra bɨde ichi pɨ pari mɨ ome uru ba k'ɨ̃ria basima. 14Maamina pɨa pia bɨade aiwẽ pada pẽra, mɨa oo k'ɨ̃riaé pasima. Mɨa chichupuria idi bɨma pɨá jok'ae oopade awẽt'a, mãɨpari k'ɨ̃ria bɨma pɨchiapuru mãɨya oo k'ɨ̃ria bait'a.
15Tãaraawẽa bɨma pɨ pae pari mimiaparí Onésimo pɨ ome bada mĩruwãna. ¿Mãɨya wãsiék'ãra, ichi jĩitea wãrune pɨa ewaricha uru bamẽrá? 16Maamina ichit'a pɨ pae pari mimiaparí jĩra uru baiwẽa bɨma, mãɨpari mãɨ k'aepẽra atepe piipará uru bai bɨma. Cristo k'orea pɨ ũpẽa pẽra k'ɨ̃rianepa uru bai bɨma. Mɨa ichi minachia k'ɨ̃ria bɨma, maamina mãɨ k'aepẽra pɨa ichi pia atepe k'ɨ̃riai pia bɨma, pɨ pae pari mimiaparí pẽra mãɨnepa Tachi Chipari k'orea pɨ ũpẽa pẽra.
17Pɨmá, tachia Tachi Ak'õre pae abarik'a oo p'anɨpɨra, Onesimoa pia pedease mɨá pia pedearu jĩra. 18Ichia pɨ paritua piawẽa oosira wa tee paraasira, jarase mɨa pɨá jõmasã́ teait'a. 19Ara mɨ juapa nãɨya bɨruma: ichi tee pará bada mɨa teaipɨ. ¡K'ɨ̃risiase, mɨnepa Cristode ĩjãana pẽra pɨa mɨá tee pará bɨt'a! 20Ũpẽa, Tachi Chipari k'orea mɨa chichupuria idi bɨt'a oose. Tachi Cristo k'orea ũpẽarã pẽra mɨ sõ arapaapise.
21Mɨa mãɨya bɨruma k'awa bɨ pẽra pɨa mɨ pedea ĩjãait'a. K'awa bɨma mɨa jara bɨ k'aepẽra atepe pia ooit'a. 22Mãɨ awara mɨa k'ɨ̃risia bɨma mãrapa Tachi Ak'õrea ɨt'aa chiidi p'anɨnepa mɨ eda serra uru p'anɨnepa awara wãit'a. Mãɨya mɨ mãramá p'ue wãipɨ. Mãɨpuru mɨ pae te yaa uru base.
Pablopa nãɨ k'art'ade k'aadea bɨda
23Ũpẽa Epap'ra Jesucristo k'orea mɨ ome eda serra bɨma. Ichia pɨá pia bapade a bɨma. 24Marcopa, Aristarcopa, Demapa mãɨnepa Luca pida pɨá pia bapade a p'anɨma. Ãchia mɨ ome Tachi Ak'õrepa oo bɨt'a oo p'anɨma.
25Mɨa k'ɨ̃ria bɨma Tachi Chipari Jesucristopa ichi sõpiadepa mãra k'aripa bait'a.#25 Mãra. Griego pedeade nãɨya bɨ bɨma: mãra jaore.
Currently Selected:
P'ilemón 1: tdc
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
