Hecho 28
28
Malta ĩjũa p'ɨrra bɨde tuanana
1Tuá chedak'ari taipa k'awasidama mãɨ ĩjũa p'ɨrra bɨ Malta apataɨt'a. 2Chi mãmapemarã tai ome minachia sõpia p'anasidama. K'oe che nɨbɨ pẽra mãɨnepa k'õresã́ nɨbɨ pẽra ãchia t'ɨpɨ uruapidak'ari taiyá jarasidama t'ɨpɨ k'ãne chedamẽrá. 3Pablopa pak'uru jua jɨrɨ p'ek'oak'ari t'ɨpɨ uruadea bat'a basima. Mãɨne chi wãsiapa taama ochiak'ari Pablo juade k'aa jira beesima. 4Mãɨ taamapa Pablo juade k'aa jira bɨt'a unusidaɨde chi mãɨ ĩjũa p'ɨrra bɨdepemarãpa ara ãchi tuaba jara tuaneesidama: «¡Jãɨ ẽpẽra mĩa peaparipɨ! P'usadepema piuwẽa chok'ae beesimina tachi sãdo wẽrapa#28:4 Tachi sãdo wẽrapa. Chi Maltadepemarãmá, mãɨ chi «Tachi Nepɨra Jĩp'a Ak'ɨparí» sãdo wẽra apachidama. ichi itu chok'ae bapiiwẽma».
5Mãɨne Pablopa taama t'ɨpɨdea jĩnap'et'at'aasima, mãɨne ichi ne baé pasima. 6Ãareaɨrãpa ak'ɨ tuanasidama Pablo ooroi k'awadayá wa mãɨya bɨde piui k'awadayá, maamina mãɨya tãaraa ak'ɨ p'anɨne Pablo mi ãpia pida piawẽa beé pasima. Mãɨpuru ãchia k'ɨ̃risia awara k'ɨ̃risiadak'ari Pablo ak'õre minachia k'awa bɨade a jarasidama.
7Mãɨ ĩjũa p'ɨrra bɨde chi poro chaarea bɨ Publio apachidama. Mãɨ Publiopa tai p'anɨ k'ait'a ĩjũat'a uru basima. Ichia tai ichi tede ewari k'ak'o ũpea sõpia k'ãipisima. 8Mãɨya p'anɨne Publio ak'õre amisuk'ari, k'ɨa nɨbeek'ari, k'ɨdade basima. Mãɨneepuru Pablopa ak'ɨde wãk'ari, ɨt'aa chiidik'ari mãɨne ichi jua ɨ̃rɨ bɨsima. Mãɨne jɨpa beepisima. 9Mãɨpuru waapẽarã k'ɨdade be chedak'ari Pablopa jɨpa beepisima. 10Mãɨ ẽpẽerãpa tai chi minachia k'awa p'anɨrã jĩra pia oosidama. Mãicha p'ãp'orrode batoosidaɨde chi taipa ne newẽa p'ananat'a ãchia ãarea teasidama.
Romanea chedada
11Jedek'o k'ak'o ũpea padak'ari, p'ãp'orro Alejandría p'uurudepemane batoosidama. Mãɨ p'ãp'orro mãɨ ĩjũa p'ɨrra bɨde basima ewari ewãra pẽra. Chi p'ãp'orro k'ũne ãchi sãdo be ume uru basima: aba Cástor apatama, chi abaɨ Polu apatama.#28:11 Chi eda waapẽarã k'art'ade nãɨya bɨ bɨma: Dioscuros. Mãɨpa jara bɨma mãɨ umepema sãdorã mikisu pasit'a. Mãɨ ewaride ẽpẽerãpa ãchi sãdorã p'ãp'orro k'ũne oopachidama. 12Siracusa p'uurudea padak'ari, ewari k'ak'o ũpea mãma p'anasidama. 13Mãmãɨpa p'usa ik'idá k'ait'a wãutade Regio p'uurude pasidama. Norema wãutade nãu ãpɨte p'õat'ɨ nɨbɨ pẽra mãɨ norema Puteoli p'uurude chesidama. 14Mãma taipa chi eda waapẽarã ũpẽarã unusidama. Ãchia taiyá jarasidama ãchi ome tomio aba p'ananamẽrá.
Mãmãɨpa Roma p'uurudea pasidama. 15Ũpẽarã Romanepemarãpa tai wãuta ũrisidaɨde pia pedeade chesidama. Waapẽarã Apio p'uurudea chesidama mãɨnepa waapẽarã Tres Taberna p'uurudea chesidama. Pablopa ãchi unuside Tachi Ak'õrea pia pedeak'ari, ãchi k'orea arapá beesima. 16Roma p'uurudea chedak'ari papaká berã chi mãɨrã chaarea bɨpa chi jɨ̃a nɨp'anɨrã chi mãmapema chaarea bɨa juade teasima, maamina Pablo tuaba te awara bɨde itu beepisima.#28:16 Chi jɨ̃a nɨp'anɨrã chi mãmapema chaarea bɨa juade teasima. Griego pedeade chi eda waapẽarã k'art'ade mãɨ newẽma. Papaká bɨ aba bɨsima ichi ot'ea bamẽrá.
Pablopa Romane be judiorã́ jarada
17Ewari ũpea padak'ari Pablopa Romanepema judiorã chi atepe berã t'ɨ̃pisima. Ãarea ará p'anasidaɨde Pablopa jarasima:
—Ũpẽarã, mɨ mi ãpia pida tachi judiorã́ piawẽa oowẽa basimina, mãɨnepa tachi chõarãenapemarãpa oopataɨ k'orea piawẽa pedeawẽa basimina, mɨ Jerusalene eda jɨ̃a nɨbɨdak'ari maapae romanepemarã juade bɨsidama. 18Romanepemarãpa mɨá minachia idisidaɨde mɨ nepɨra newẽa unusidama, mɨ peadai k'orea. Mãɨne mɨ ãjã́ bɨdayá p'anasidama. 19Maamina judiorãpa mãɨya k'ɨ̃rianaé pasi pẽra, mɨa idisima chi Romanepema chi atepe poro chaarea bɨa mɨ nepɨra ak'ɨmẽrá. Mãɨya ooé pasima ara mɨ p'uurudepemarã nepɨra p'anɨane a jara k'ɨ̃ria bada pẽra. 20Mãɨpuru mɨa mãra unu k'ɨ̃ria basima mãra ome pedeai k'orea. Tachi Ak'õrepa Tachi K'aripaparí teai jarada ãarea israel ĩjũanepemarãpa nɨ p'anɨma.#28:20 Griego pedeade mãɨpa ichiaba jara bɨma: Mɨa ĩjãa bɨma piudarã chok'ae p'irabaridait'a ãarea israel ĩjũanepemarãpa ĩjãa p'anɨ jĩra. Hecho 23:6; 24:15; 26:6-8. Ichi k'orea mɨ nãɨya k'ãnenapa jɨ̃ bɨma.
21Mãɨne ãchia jarasidama:
—Judeadepemarãpa taiyá pɨ k'orea k'art'a tea peedawẽa p'anɨma. Tachi ũpẽarã judiorã abaɨ pida jãmãɨpa chewẽa bɨma pɨ k'orea k'achia pedeai k'orea. 22Maamina taipa k'awa p'anɨma ãarea tuacha jãɨ k'ɨ̃risia chiwidi k'orea piawẽa pedea p'anɨt'a. Mãɨpuru ũri k'ɨ̃ria p'anɨma pɨa sãmaasã́ k'ɨ̃risia bɨt'a.
23Mãɨne ãchia ewari aba bɨsidama. Mãɨ ewari cheside ẽpẽerã minachia Pablo bɨmá cheepɨrɨsidama. Tap'ededa waa k'ewara Pablopa pedea basima Tachi Ak'õrepa ichidirã ichi juade ua bɨ k'orea. Moisepa bɨdadepa mãɨnepa Tachi Ak'õre pari pedeapataɨrãpa bɨdaadadepa jaratea basima Jesude ĩjãanamẽrá. 24Pablopa jarada chi eda waapẽarãpa ĩjãasidama, maamina waapẽarãpa ĩjãanaé pasima. 25Mãɨpuru k'ĩruu pedeadak'ari wãnai k'orea k'ɨ̃risiasidama. Mãɨne Pablopa nãɨya jarasima:
—Tachi Ak'õre Jaorepa mãra chõarãenapemarã́ piarã pedea Tachi Ak'õre pari pedeaparí Isaíadepa nãɨya jarasima:
26“Nãɨ p'uurua nãɨya jarade wãse:
Mãrapa ũri p'anɨmina k'awadaiwẽma. Minachia unu p'anɨmina k'awadaiwẽma.
27Ãchia sõnepa p'ue k'awadawẽma, k'ɨɨrɨdepa ũri k'ɨ̃rianawẽma mãɨnepa taudepa unu k'ɨ̃rianawẽma.
Mãɨya bedaépara ãchia ununai pasima, ũrinai pasima mãɨnepa sõnepa k'awadai pasima.
Maapae mɨne ĩjãanak'ari mɨa ãchi jɨpa beepii pasima”.#Isaía 6:9-10.
28»Nãɨ k'awat'ɨ: Tachi Ak'õrepa tachi k'aripai jara bɨt'a judiorãwẽmá peesima. Ãchia mãɨ pia ũrinaipɨ.
29Pablopa mãɨya jaraside judiorã ãchi tuaba k'ĩruu pedea p'anɨ ãyá wãsidama.#28:29 Griego pedeade chi eda waapẽarã k'art'ade mãɨ versículo newẽma.
30Mãɨya nak'ari Pablo ãyo k'ak'o ume mãma te aba bɨde beesima. Mãɨ te chiparia erreara teapachima mãma bai k'orea. Chi ichi ak'ɨde wãutarã́ ãarea pia pedeapachima. 31Ichia wap'eawẽa pedeapachima Tachi Chipari Jesucristodepa Tachi Ak'õrepa ichidirã ichi juade ua bɨ k'orea. Mãɨne abaɨ pida ichiá ne mãɨya oorãpade a jarak'a pasima.
Currently Selected:
Hecho 28: tdc
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Hecho 28
28
Malta ĩjũa p'ɨrra bɨde tuanana
1Tuá chedak'ari taipa k'awasidama mãɨ ĩjũa p'ɨrra bɨ Malta apataɨt'a. 2Chi mãmapemarã tai ome minachia sõpia p'anasidama. K'oe che nɨbɨ pẽra mãɨnepa k'õresã́ nɨbɨ pẽra ãchia t'ɨpɨ uruapidak'ari taiyá jarasidama t'ɨpɨ k'ãne chedamẽrá. 3Pablopa pak'uru jua jɨrɨ p'ek'oak'ari t'ɨpɨ uruadea bat'a basima. Mãɨne chi wãsiapa taama ochiak'ari Pablo juade k'aa jira beesima. 4Mãɨ taamapa Pablo juade k'aa jira bɨt'a unusidaɨde chi mãɨ ĩjũa p'ɨrra bɨdepemarãpa ara ãchi tuaba jara tuaneesidama: «¡Jãɨ ẽpẽra mĩa peaparipɨ! P'usadepema piuwẽa chok'ae beesimina tachi sãdo wẽrapa#28:4 Tachi sãdo wẽrapa. Chi Maltadepemarãmá, mãɨ chi «Tachi Nepɨra Jĩp'a Ak'ɨparí» sãdo wẽra apachidama. ichi itu chok'ae bapiiwẽma».
5Mãɨne Pablopa taama t'ɨpɨdea jĩnap'et'at'aasima, mãɨne ichi ne baé pasima. 6Ãareaɨrãpa ak'ɨ tuanasidama Pablo ooroi k'awadayá wa mãɨya bɨde piui k'awadayá, maamina mãɨya tãaraa ak'ɨ p'anɨne Pablo mi ãpia pida piawẽa beé pasima. Mãɨpuru ãchia k'ɨ̃risia awara k'ɨ̃risiadak'ari Pablo ak'õre minachia k'awa bɨade a jarasidama.
7Mãɨ ĩjũa p'ɨrra bɨde chi poro chaarea bɨ Publio apachidama. Mãɨ Publiopa tai p'anɨ k'ait'a ĩjũat'a uru basima. Ichia tai ichi tede ewari k'ak'o ũpea sõpia k'ãipisima. 8Mãɨya p'anɨne Publio ak'õre amisuk'ari, k'ɨa nɨbeek'ari, k'ɨdade basima. Mãɨneepuru Pablopa ak'ɨde wãk'ari, ɨt'aa chiidik'ari mãɨne ichi jua ɨ̃rɨ bɨsima. Mãɨne jɨpa beepisima. 9Mãɨpuru waapẽarã k'ɨdade be chedak'ari Pablopa jɨpa beepisima. 10Mãɨ ẽpẽerãpa tai chi minachia k'awa p'anɨrã jĩra pia oosidama. Mãicha p'ãp'orrode batoosidaɨde chi taipa ne newẽa p'ananat'a ãchia ãarea teasidama.
Romanea chedada
11Jedek'o k'ak'o ũpea padak'ari, p'ãp'orro Alejandría p'uurudepemane batoosidama. Mãɨ p'ãp'orro mãɨ ĩjũa p'ɨrra bɨde basima ewari ewãra pẽra. Chi p'ãp'orro k'ũne ãchi sãdo be ume uru basima: aba Cástor apatama, chi abaɨ Polu apatama.#28:11 Chi eda waapẽarã k'art'ade nãɨya bɨ bɨma: Dioscuros. Mãɨpa jara bɨma mãɨ umepema sãdorã mikisu pasit'a. Mãɨ ewaride ẽpẽerãpa ãchi sãdorã p'ãp'orro k'ũne oopachidama. 12Siracusa p'uurudea padak'ari, ewari k'ak'o ũpea mãma p'anasidama. 13Mãmãɨpa p'usa ik'idá k'ait'a wãutade Regio p'uurude pasidama. Norema wãutade nãu ãpɨte p'õat'ɨ nɨbɨ pẽra mãɨ norema Puteoli p'uurude chesidama. 14Mãma taipa chi eda waapẽarã ũpẽarã unusidama. Ãchia taiyá jarasidama ãchi ome tomio aba p'ananamẽrá.
Mãmãɨpa Roma p'uurudea pasidama. 15Ũpẽarã Romanepemarãpa tai wãuta ũrisidaɨde pia pedeade chesidama. Waapẽarã Apio p'uurudea chesidama mãɨnepa waapẽarã Tres Taberna p'uurudea chesidama. Pablopa ãchi unuside Tachi Ak'õrea pia pedeak'ari, ãchi k'orea arapá beesima. 16Roma p'uurudea chedak'ari papaká berã chi mãɨrã chaarea bɨpa chi jɨ̃a nɨp'anɨrã chi mãmapema chaarea bɨa juade teasima, maamina Pablo tuaba te awara bɨde itu beepisima.#28:16 Chi jɨ̃a nɨp'anɨrã chi mãmapema chaarea bɨa juade teasima. Griego pedeade chi eda waapẽarã k'art'ade mãɨ newẽma. Papaká bɨ aba bɨsima ichi ot'ea bamẽrá.
Pablopa Romane be judiorã́ jarada
17Ewari ũpea padak'ari Pablopa Romanepema judiorã chi atepe berã t'ɨ̃pisima. Ãarea ará p'anasidaɨde Pablopa jarasima:
—Ũpẽarã, mɨ mi ãpia pida tachi judiorã́ piawẽa oowẽa basimina, mãɨnepa tachi chõarãenapemarãpa oopataɨ k'orea piawẽa pedeawẽa basimina, mɨ Jerusalene eda jɨ̃a nɨbɨdak'ari maapae romanepemarã juade bɨsidama. 18Romanepemarãpa mɨá minachia idisidaɨde mɨ nepɨra newẽa unusidama, mɨ peadai k'orea. Mãɨne mɨ ãjã́ bɨdayá p'anasidama. 19Maamina judiorãpa mãɨya k'ɨ̃rianaé pasi pẽra, mɨa idisima chi Romanepema chi atepe poro chaarea bɨa mɨ nepɨra ak'ɨmẽrá. Mãɨya ooé pasima ara mɨ p'uurudepemarã nepɨra p'anɨane a jara k'ɨ̃ria bada pẽra. 20Mãɨpuru mɨa mãra unu k'ɨ̃ria basima mãra ome pedeai k'orea. Tachi Ak'õrepa Tachi K'aripaparí teai jarada ãarea israel ĩjũanepemarãpa nɨ p'anɨma.#28:20 Griego pedeade mãɨpa ichiaba jara bɨma: Mɨa ĩjãa bɨma piudarã chok'ae p'irabaridait'a ãarea israel ĩjũanepemarãpa ĩjãa p'anɨ jĩra. Hecho 23:6; 24:15; 26:6-8. Ichi k'orea mɨ nãɨya k'ãnenapa jɨ̃ bɨma.
21Mãɨne ãchia jarasidama:
—Judeadepemarãpa taiyá pɨ k'orea k'art'a tea peedawẽa p'anɨma. Tachi ũpẽarã judiorã abaɨ pida jãmãɨpa chewẽa bɨma pɨ k'orea k'achia pedeai k'orea. 22Maamina taipa k'awa p'anɨma ãarea tuacha jãɨ k'ɨ̃risia chiwidi k'orea piawẽa pedea p'anɨt'a. Mãɨpuru ũri k'ɨ̃ria p'anɨma pɨa sãmaasã́ k'ɨ̃risia bɨt'a.
23Mãɨne ãchia ewari aba bɨsidama. Mãɨ ewari cheside ẽpẽerã minachia Pablo bɨmá cheepɨrɨsidama. Tap'ededa waa k'ewara Pablopa pedea basima Tachi Ak'õrepa ichidirã ichi juade ua bɨ k'orea. Moisepa bɨdadepa mãɨnepa Tachi Ak'õre pari pedeapataɨrãpa bɨdaadadepa jaratea basima Jesude ĩjãanamẽrá. 24Pablopa jarada chi eda waapẽarãpa ĩjãasidama, maamina waapẽarãpa ĩjãanaé pasima. 25Mãɨpuru k'ĩruu pedeadak'ari wãnai k'orea k'ɨ̃risiasidama. Mãɨne Pablopa nãɨya jarasima:
—Tachi Ak'õre Jaorepa mãra chõarãenapemarã́ piarã pedea Tachi Ak'õre pari pedeaparí Isaíadepa nãɨya jarasima:
26“Nãɨ p'uurua nãɨya jarade wãse:
Mãrapa ũri p'anɨmina k'awadaiwẽma. Minachia unu p'anɨmina k'awadaiwẽma.
27Ãchia sõnepa p'ue k'awadawẽma, k'ɨɨrɨdepa ũri k'ɨ̃rianawẽma mãɨnepa taudepa unu k'ɨ̃rianawẽma.
Mãɨya bedaépara ãchia ununai pasima, ũrinai pasima mãɨnepa sõnepa k'awadai pasima.
Maapae mɨne ĩjãanak'ari mɨa ãchi jɨpa beepii pasima”.#Isaía 6:9-10.
28»Nãɨ k'awat'ɨ: Tachi Ak'õrepa tachi k'aripai jara bɨt'a judiorãwẽmá peesima. Ãchia mãɨ pia ũrinaipɨ.
29Pablopa mãɨya jaraside judiorã ãchi tuaba k'ĩruu pedea p'anɨ ãyá wãsidama.#28:29 Griego pedeade chi eda waapẽarã k'art'ade mãɨ versículo newẽma.
30Mãɨya nak'ari Pablo ãyo k'ak'o ume mãma te aba bɨde beesima. Mãɨ te chiparia erreara teapachima mãma bai k'orea. Chi ichi ak'ɨde wãutarã́ ãarea pia pedeapachima. 31Ichia wap'eawẽa pedeapachima Tachi Chipari Jesucristodepa Tachi Ak'õrepa ichidirã ichi juade ua bɨ k'orea. Mãɨne abaɨ pida ichiá ne mãɨya oorãpade a jarak'a pasima.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.