Hecho 27
27
Pablo Roma p'uurudea wãna
1Mãɨ ewaride chi poro chaarea bɨpa tai Italia tuadea wãnai p'anɨane a jarak'ari, Pablo mãɨnepa chi eda waapẽarã jɨ̃a nɨp'anana, mãɨrã Julio juade bɨsima. Mãɨ Julio papaká berã chi Augusto apataɨdepema chi mãɨrã chaarea pasima. 2Maapae tai p'ãp'orro Adramitio p'uurudepemane batoodak'ari wãsidama. Mãɨ p'ãp'orro Asia tuade p'uurucha wãru pasima. Ũpẽa Aristarco Macedonia tuadepema tai ome wãsima. Ichi Tesalónica p'uurudepema pasima.
3Norema Sidón p'uurude pasidama. Mãɨne Juliopa sõpiadepa Pablo ichi ũpẽarã jĩra p'anɨmá itu wãpisima ichi ne newẽa bɨt'a mãɨ teadamẽrá. 4Maapae Sidonepa wãnak'ari Chipre ĩjũa p'ɨrra bɨ k'ait'a wãsidama, chi nãupa p'ãp'orro k'ĩramá jãrap'ua nɨbasidepa. 5Cilicia tua k'ĩrari mãɨnepa Panp'ília k'ĩrari p'usade wãnak'ari Liciadepema Mira p'uurudea chesidama.
6Mãma papaká berã chi mãɨrã chaarea bɨpa awara p'ãp'orro Alejandría p'uurudepema unusima. Mãɨ p'ãp'orro Italia tuadea wãru pasima. Tai ichi ome mãɨ p'ãp'orrode batoodak'ari wãsidama. 7Ewari minachia pa bɨde pik'ã́ wãsidama nãu k'ĩramá p'õat'ɨ nɨbada pẽra. Chi t'aju basima Gnido k'ĩrari padai k'orea. Wapida nãu minachia p'õat'ɨ nɨbɨ pẽra Creta ĩjũa p'ɨrra bɨ ik'idá wãsidama Salmona k'ĩrari. 8P'usa ik'idá mĩa wãpodosidaɨde Lasea p'uuru k'ait'a Bueno Puerto apataɨmá pasidama.
9Minachia tãaraauta pẽra judiorã Tachi Ak'õrene k'ɨ̃risiadayá nek'odak'apɨ́ ewari wãyá pa basima. Mãɨ ewaridepa p'usade wãi k'achia bapachima.#27:9 Mãɨ arapaapataɨ ewari chi Tachi Ak'õrepa ẽpẽerãpa nemietá oopataɨt'a k'ɨ̃risia atuai ewaripɨ. Levítico 16:1-34; 23:26-32. Ãyocha septiembrede baeparima. Septiembredepa febrerodea mãɨ ewari minachia ewãrapachidepa, p'ue p'ãp'orrode p'usade wãnak'a pasima. Mãɨpuru Pablopa chi poro chaarea p'anɨrã́ jarasima waa wãpidaemaapa. 10Nãɨya jarasima: «Poro chaarearã, mɨa k'awa bɨma tachi waa wãnaipɨra k'achiade wãnait'a. P'ãp'orro ãriipɨ, chi mãrapa ateewãuta neet'á ãarea atuadaipɨ,#27:10 Mãɨ p'ãp'orro Alejandría p'uurudepema trigo minachia ateewãpachima Romanea. mãɨnepa tachi sida piudaipɨ».
11Maamina papaká berã chi mãɨrã chaarea bɨpa Pablo pedea ũrié pasima. Mãɨyawẽapuru chi p'ãp'orro ateewãparí mãɨnepa chi p'ãp'orro chipari pedeat'u ĩjãasima. 12Mãɨ p'ãp'orro jɨ̃pataɨmá piawẽa basima, mãɨ ewari ewãra nɨbɨde mãma nɨnai k'orea. Mãɨpuru chi ẽpẽerã minachia p'anɨrãmá pia basima P'enice p'uurudea wãnait'a mãma chi ewari ewãra nɨbɨt'a nɨnai k'orea. Mãɨ p'uuru sida Creta ĩjũa p'ɨrra bɨde bɨma. Mãmãɨpa unupachidama k'ĩraripema estarik'a mãɨnepa ãpɨteapema estarik'a.#27:12 Mãmãɨpa unupachidama k'ĩraripema estarik'a mãɨnepa ãpɨteapema estarik'a. Griego pedeade nãɨya bɨ bɨma: mãmãɨpa occidente unupatama. Chi eda waapẽarã k'art'ade nãɨya bɨ bɨma: occidente k'aepẽra oriente.
Nãu minachia che nɨbɨpa p'ãp'orro ãyá ateewãna
13Mãɨne nãu ãpɨtepa pik'ã́ p'õat'ɨ nɨbeek'ari, pia wãnai k'ɨ̃risiasidama. Chi jiorro p'ãp'orro jõe uru nɨbeeparí ɨt'aa jiradak'ari Creta ĩjũa p'ɨrra bɨ ik'idá wãsidama. 14Maamina tãaraawẽane nãu minachia Euroclidó apataɨ chi ĩjũa p'ɨrra bɨdepa minachia p'õat'ɨ nɨbeesima. 15Mãɨpa chi p'ãp'orro ãyá ateewãsima. Chi p'ãp'orro k'ũ p'ue ará jĩp'a bɨdawẽ pẽra nãua itu ateepisidama. 16Ĩjũa ãpia p'ɨrra bɨ Clauda apataɨ ãpɨte wãsidaɨde mãɨne nãu ɨbɨa p'õat'ɨwẽa beesima.#27:16 Griego pedeade Cauda ichiaba «Clauda» apatama. Mãɨne chi japa ãpia bɨt'a toeda jɨ̃ nɨbada p'ãp'orrode ɨt'aa jirasidama, maamina chi t'aju basima. 17Mãɨ chi japa ãpia bɨt'a eda bɨdak'ari, chi p'ãp'orro jɨ̃k'arapa ãarea pia pɨra jɨ̃sidama, ãripidaemaapa. Mãɨne wap'ea p'anasidama ipu Sirte ɨ̃rɨ p'aneenait'a. Mãɨpuru p'ãp'orrode p'aru ɨt'ɨ jira bɨpataɨ edá bɨdak'ari itu nãua ateepisidama.#27:17 P'ãp'orrode p'aru ɨt'ɨ jira bɨpataɨ. Griego pedeade mãɨ pia ũrinawẽma. 18Norema nãu wapida minachia p'õat'ɨ nɨbasima. Mãɨpuru chi p'ãp'orrode mimiapataɨrãpa neet'á ateewãutat'a toedá amaak'oasidama p'ãp'orro wẽsã́ beemẽrá. 19Nãu wapida minachia p'õat'ɨ nɨbɨ pẽra, ewari ũpeaɨde ara ãchi juapa#27:19 Ara ãchi juapa. Chi eda waapẽarã k'art'ade griego pedeade bɨ bɨma: ara tachi juapa. chi p'ãp'orrodepema chi ne chɨk'ɨa berã toedá amaak'oasidama. 20Mãɨya p'anɨne ewari minachia ɨmata mãɨnepa k'ãk'ãi ununawẽa p'anasidama. Mãɨ iu mietá wapida che bɨẽra waa p'ananai k'ɨ̃risiadaé pasima.
21Ewari k'ak'o minachia tai nek'odawẽa p'anasima. Mãɨpuru Pablo ãarea t'ãena bai nɨbeek'ari jarasima:
—Ẽpẽerã, mɨa mãrá jarasima Creta ĩjũa p'ɨrra bɨdepa wãpidaemaapa. Mɨ pedea ĩjãananaapara nãɨ nepɨrade p'ananaiwẽ pasima mãɨnepa ne atuadaiwẽ pasima. 22Maamina ne minachia k'ɨ̃risiarãt'ɨ. Nãɨ p'ãp'orro ãarea ãriimina aba pida piudaiwẽma. 23Mɨ Tachi Ak'õrenepɨ. Ichide ĩjãa bɨma. Teamasi chi ichia ɨt'aripa peeda mɨk'á bai nɨbeek'ari, 24mɨá jarasima: “Ne wap'earãse, Pablo. Pɨ Romanepema chi atepe poro chaarea bɨ k'ĩrari pedeai bɨma. Pɨ k'orea Tachi Ak'õrepa ãareaɨrã nãɨ p'ãp'orrode wãutat'a itu piupiiwẽma”. 25Mãɨpuru, ẽpẽerã, sõpia p'anat'ɨ. Mɨa ĩjãa bɨma Tachi Ak'õrepa ooit'a, chi ɨt'aripa peedapa mɨá jarada jĩra. 26Maamina paritua ĩjũa p'ɨrra bɨde mãɨ ipude wãnai p'anɨma».
P'ãp'orro ãrina
27Tomio ume parude Adriático p'usade ũu wãsidama. Mãɨ ewate teamasi estarik'a chi p'ãp'orrode mimiapataɨrãpa k'ɨ̃risiasidama ĩjũa k'ait'a pa p'anɨt'a. 28Jɨ̃k'aradepa chi p'usa edá chaasidaɨde juachama veinte basima. Wawá wãutade mãicha chaasidama. Mãɨne juachama quince basima. 29P'ẽyamá t'ĩunai wap'ea p'anɨ pẽra, chi p'ãp'orro ãtaudepa jiorro jõe uru nɨbeeparí k'ĩmari edá t'aa peesidama. Maapae minachia wap'ea p'anɨpa ɨt'aa chiidi p'anasidama isapea ãsã papidai k'orea.#27:29 Isapea ãsã papidai k'orea. Griego pedeade mãɨ ichiaba jara bɨma minachia k'ɨ̃risia pará p'anɨne nɨ p'anasidama isapea ewarimẽrá. 30Mãɨya p'anɨne p'ãp'orrode mimiapataɨrã p'ãp'orrodepa mĩruwãnai k'ɨ̃risiasidama. Mãɨpuru chi japa ãpia bɨt'a edá jirapodosidama chi k'ũne jiorro p'ãp'orro jõe uru nɨbeeparí edá jira peedai mãɨya k'ɨ̃risiapidai k'orea. 31Maamina Pablopa papaká berã chi mãɨrã chaarea bɨa mãɨnepa chi ichidí papaká berã́ jarasima: «Jãɨrã p'ãp'orrode p'aneenaepɨra mãra p'ue k'aripadaiwẽma».
32Mãɨpuru papaká berãpa japa jɨ̃ bɨ jɨ̃k'ara t'ɨa k'õnak'ari p'usadea edá baepisidama.
33Ãsã papodode Pablopa ãareaɨrã́ nek'odamẽrá jarasima: «Tachi sãit'a atua p'anɨ pẽra tomio ume mãra nek'odawẽa p'anɨma. 34Mɨa chichupuria idiruma nek'odamẽrá. Mãɨya k'ak'ua chaarea p'aneenaipɨ pia choadai k'orea. Aba pida piuiwẽma».#27:34 Aba pida piuiwẽma. Griego pedeade nãɨya bɨ bɨma: mãra puda mi ãpia pida atuaiwẽma.
35Mãɨya jarak'ari Pablopa p'ana juade atak'ari ãareaɨrã k'ĩrari Tachi Ak'õrea sõpia bɨade asima. Maapae p'ana t'oet'aak'oak'ari k'osima. 36Mãɨ unuutade ãareaɨrã sõpia p'aneenak'ari nek'osidama. 37Tai p'ãp'orrode ẽpẽerã 276 p'anasidama.#27:37 276. Griego pedeade chi eda waapẽarã k'art'ade nãɨya bɨ bɨma: 76. 38Ãchi jãwaanak'ari trigo p'usade bat'a peek'oasidama p'ãp'orro wẽsãamẽrá.
39Ãsã paside ãchia ĩjũa unusidama maamina k'awadaé pasima sãma p'anɨt'a. Mãɨ ĩjũane senia jĩra to ik'idá ununak'ari, k'ɨ̃risiasidama p'uedaipɨra, chi p'ãp'orro mãɨ ipu ik'idá bari ũu bɨdait'a. 40Mãɨpuru chi jiorro p'ãp'orro jõe uru nɨbeeparí jɨ̃k'ara t'ɨak'õk'oadak'ari p'usade t'aa peesidama. Mãɨnepa chi p'ãp'orrode juadepa pɨrabari ateewãparí jɨ̃ bada ẽrasidama. Maapae chi k'ũne p'aru ɨt'ɨ jira bɨpataɨ ɨt'aa jirasidama nãupa ipudea ateewãmẽrá. 41Maamina ik'idá pai naena, chi p'ãp'orro k'ũ ipu minachia bɨmá t'ĩune wãk'ari ipude eda joa beesima. Mãɨya bɨde p'usa t'awa ɨbɨa cherupa chi p'ãp'orro ãtau ãripodosima.
42Mãɨne papaká berãpa chi eda jɨ̃a nɨberã peadai k'ɨ̃risiasidama aba pida ũu wãnak'ari mĩrupidaemaapa. 43Maamina papaká berã chi mãɨrã chaarea bɨpa Pablo k'aripayá bada pẽra, mãɨrã itu k'enapié pasima. Mãɨpari ãarea chi k'ui k'awa berã naa p'usadea edá jĩitɨpisima ipudea ũu wãnamẽrá. 44Chi waapẽarã p'ãp'orrode ne beada wa pak'urude ɨ̃rɨ ũu wãpisima. Mãɨya ãareaɨrã tuá pia jõnawẽa wãsidama.
Currently Selected:
Hecho 27: tdc
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Hecho 27
27
Pablo Roma p'uurudea wãna
1Mãɨ ewaride chi poro chaarea bɨpa tai Italia tuadea wãnai p'anɨane a jarak'ari, Pablo mãɨnepa chi eda waapẽarã jɨ̃a nɨp'anana, mãɨrã Julio juade bɨsima. Mãɨ Julio papaká berã chi Augusto apataɨdepema chi mãɨrã chaarea pasima. 2Maapae tai p'ãp'orro Adramitio p'uurudepemane batoodak'ari wãsidama. Mãɨ p'ãp'orro Asia tuade p'uurucha wãru pasima. Ũpẽa Aristarco Macedonia tuadepema tai ome wãsima. Ichi Tesalónica p'uurudepema pasima.
3Norema Sidón p'uurude pasidama. Mãɨne Juliopa sõpiadepa Pablo ichi ũpẽarã jĩra p'anɨmá itu wãpisima ichi ne newẽa bɨt'a mãɨ teadamẽrá. 4Maapae Sidonepa wãnak'ari Chipre ĩjũa p'ɨrra bɨ k'ait'a wãsidama, chi nãupa p'ãp'orro k'ĩramá jãrap'ua nɨbasidepa. 5Cilicia tua k'ĩrari mãɨnepa Panp'ília k'ĩrari p'usade wãnak'ari Liciadepema Mira p'uurudea chesidama.
6Mãma papaká berã chi mãɨrã chaarea bɨpa awara p'ãp'orro Alejandría p'uurudepema unusima. Mãɨ p'ãp'orro Italia tuadea wãru pasima. Tai ichi ome mãɨ p'ãp'orrode batoodak'ari wãsidama. 7Ewari minachia pa bɨde pik'ã́ wãsidama nãu k'ĩramá p'õat'ɨ nɨbada pẽra. Chi t'aju basima Gnido k'ĩrari padai k'orea. Wapida nãu minachia p'õat'ɨ nɨbɨ pẽra Creta ĩjũa p'ɨrra bɨ ik'idá wãsidama Salmona k'ĩrari. 8P'usa ik'idá mĩa wãpodosidaɨde Lasea p'uuru k'ait'a Bueno Puerto apataɨmá pasidama.
9Minachia tãaraauta pẽra judiorã Tachi Ak'õrene k'ɨ̃risiadayá nek'odak'apɨ́ ewari wãyá pa basima. Mãɨ ewaridepa p'usade wãi k'achia bapachima.#27:9 Mãɨ arapaapataɨ ewari chi Tachi Ak'õrepa ẽpẽerãpa nemietá oopataɨt'a k'ɨ̃risia atuai ewaripɨ. Levítico 16:1-34; 23:26-32. Ãyocha septiembrede baeparima. Septiembredepa febrerodea mãɨ ewari minachia ewãrapachidepa, p'ue p'ãp'orrode p'usade wãnak'a pasima. Mãɨpuru Pablopa chi poro chaarea p'anɨrã́ jarasima waa wãpidaemaapa. 10Nãɨya jarasima: «Poro chaarearã, mɨa k'awa bɨma tachi waa wãnaipɨra k'achiade wãnait'a. P'ãp'orro ãriipɨ, chi mãrapa ateewãuta neet'á ãarea atuadaipɨ,#27:10 Mãɨ p'ãp'orro Alejandría p'uurudepema trigo minachia ateewãpachima Romanea. mãɨnepa tachi sida piudaipɨ».
11Maamina papaká berã chi mãɨrã chaarea bɨpa Pablo pedea ũrié pasima. Mãɨyawẽapuru chi p'ãp'orro ateewãparí mãɨnepa chi p'ãp'orro chipari pedeat'u ĩjãasima. 12Mãɨ p'ãp'orro jɨ̃pataɨmá piawẽa basima, mãɨ ewari ewãra nɨbɨde mãma nɨnai k'orea. Mãɨpuru chi ẽpẽerã minachia p'anɨrãmá pia basima P'enice p'uurudea wãnait'a mãma chi ewari ewãra nɨbɨt'a nɨnai k'orea. Mãɨ p'uuru sida Creta ĩjũa p'ɨrra bɨde bɨma. Mãmãɨpa unupachidama k'ĩraripema estarik'a mãɨnepa ãpɨteapema estarik'a.#27:12 Mãmãɨpa unupachidama k'ĩraripema estarik'a mãɨnepa ãpɨteapema estarik'a. Griego pedeade nãɨya bɨ bɨma: mãmãɨpa occidente unupatama. Chi eda waapẽarã k'art'ade nãɨya bɨ bɨma: occidente k'aepẽra oriente.
Nãu minachia che nɨbɨpa p'ãp'orro ãyá ateewãna
13Mãɨne nãu ãpɨtepa pik'ã́ p'õat'ɨ nɨbeek'ari, pia wãnai k'ɨ̃risiasidama. Chi jiorro p'ãp'orro jõe uru nɨbeeparí ɨt'aa jiradak'ari Creta ĩjũa p'ɨrra bɨ ik'idá wãsidama. 14Maamina tãaraawẽane nãu minachia Euroclidó apataɨ chi ĩjũa p'ɨrra bɨdepa minachia p'õat'ɨ nɨbeesima. 15Mãɨpa chi p'ãp'orro ãyá ateewãsima. Chi p'ãp'orro k'ũ p'ue ará jĩp'a bɨdawẽ pẽra nãua itu ateepisidama. 16Ĩjũa ãpia p'ɨrra bɨ Clauda apataɨ ãpɨte wãsidaɨde mãɨne nãu ɨbɨa p'õat'ɨwẽa beesima.#27:16 Griego pedeade Cauda ichiaba «Clauda» apatama. Mãɨne chi japa ãpia bɨt'a toeda jɨ̃ nɨbada p'ãp'orrode ɨt'aa jirasidama, maamina chi t'aju basima. 17Mãɨ chi japa ãpia bɨt'a eda bɨdak'ari, chi p'ãp'orro jɨ̃k'arapa ãarea pia pɨra jɨ̃sidama, ãripidaemaapa. Mãɨne wap'ea p'anasidama ipu Sirte ɨ̃rɨ p'aneenait'a. Mãɨpuru p'ãp'orrode p'aru ɨt'ɨ jira bɨpataɨ edá bɨdak'ari itu nãua ateepisidama.#27:17 P'ãp'orrode p'aru ɨt'ɨ jira bɨpataɨ. Griego pedeade mãɨ pia ũrinawẽma. 18Norema nãu wapida minachia p'õat'ɨ nɨbasima. Mãɨpuru chi p'ãp'orrode mimiapataɨrãpa neet'á ateewãutat'a toedá amaak'oasidama p'ãp'orro wẽsã́ beemẽrá. 19Nãu wapida minachia p'õat'ɨ nɨbɨ pẽra, ewari ũpeaɨde ara ãchi juapa#27:19 Ara ãchi juapa. Chi eda waapẽarã k'art'ade griego pedeade bɨ bɨma: ara tachi juapa. chi p'ãp'orrodepema chi ne chɨk'ɨa berã toedá amaak'oasidama. 20Mãɨya p'anɨne ewari minachia ɨmata mãɨnepa k'ãk'ãi ununawẽa p'anasidama. Mãɨ iu mietá wapida che bɨẽra waa p'ananai k'ɨ̃risiadaé pasima.
21Ewari k'ak'o minachia tai nek'odawẽa p'anasima. Mãɨpuru Pablo ãarea t'ãena bai nɨbeek'ari jarasima:
—Ẽpẽerã, mɨa mãrá jarasima Creta ĩjũa p'ɨrra bɨdepa wãpidaemaapa. Mɨ pedea ĩjãananaapara nãɨ nepɨrade p'ananaiwẽ pasima mãɨnepa ne atuadaiwẽ pasima. 22Maamina ne minachia k'ɨ̃risiarãt'ɨ. Nãɨ p'ãp'orro ãarea ãriimina aba pida piudaiwẽma. 23Mɨ Tachi Ak'õrenepɨ. Ichide ĩjãa bɨma. Teamasi chi ichia ɨt'aripa peeda mɨk'á bai nɨbeek'ari, 24mɨá jarasima: “Ne wap'earãse, Pablo. Pɨ Romanepema chi atepe poro chaarea bɨ k'ĩrari pedeai bɨma. Pɨ k'orea Tachi Ak'õrepa ãareaɨrã nãɨ p'ãp'orrode wãutat'a itu piupiiwẽma”. 25Mãɨpuru, ẽpẽerã, sõpia p'anat'ɨ. Mɨa ĩjãa bɨma Tachi Ak'õrepa ooit'a, chi ɨt'aripa peedapa mɨá jarada jĩra. 26Maamina paritua ĩjũa p'ɨrra bɨde mãɨ ipude wãnai p'anɨma».
P'ãp'orro ãrina
27Tomio ume parude Adriático p'usade ũu wãsidama. Mãɨ ewate teamasi estarik'a chi p'ãp'orrode mimiapataɨrãpa k'ɨ̃risiasidama ĩjũa k'ait'a pa p'anɨt'a. 28Jɨ̃k'aradepa chi p'usa edá chaasidaɨde juachama veinte basima. Wawá wãutade mãicha chaasidama. Mãɨne juachama quince basima. 29P'ẽyamá t'ĩunai wap'ea p'anɨ pẽra, chi p'ãp'orro ãtaudepa jiorro jõe uru nɨbeeparí k'ĩmari edá t'aa peesidama. Maapae minachia wap'ea p'anɨpa ɨt'aa chiidi p'anasidama isapea ãsã papidai k'orea.#27:29 Isapea ãsã papidai k'orea. Griego pedeade mãɨ ichiaba jara bɨma minachia k'ɨ̃risia pará p'anɨne nɨ p'anasidama isapea ewarimẽrá. 30Mãɨya p'anɨne p'ãp'orrode mimiapataɨrã p'ãp'orrodepa mĩruwãnai k'ɨ̃risiasidama. Mãɨpuru chi japa ãpia bɨt'a edá jirapodosidama chi k'ũne jiorro p'ãp'orro jõe uru nɨbeeparí edá jira peedai mãɨya k'ɨ̃risiapidai k'orea. 31Maamina Pablopa papaká berã chi mãɨrã chaarea bɨa mãɨnepa chi ichidí papaká berã́ jarasima: «Jãɨrã p'ãp'orrode p'aneenaepɨra mãra p'ue k'aripadaiwẽma».
32Mãɨpuru papaká berãpa japa jɨ̃ bɨ jɨ̃k'ara t'ɨa k'õnak'ari p'usadea edá baepisidama.
33Ãsã papodode Pablopa ãareaɨrã́ nek'odamẽrá jarasima: «Tachi sãit'a atua p'anɨ pẽra tomio ume mãra nek'odawẽa p'anɨma. 34Mɨa chichupuria idiruma nek'odamẽrá. Mãɨya k'ak'ua chaarea p'aneenaipɨ pia choadai k'orea. Aba pida piuiwẽma».#27:34 Aba pida piuiwẽma. Griego pedeade nãɨya bɨ bɨma: mãra puda mi ãpia pida atuaiwẽma.
35Mãɨya jarak'ari Pablopa p'ana juade atak'ari ãareaɨrã k'ĩrari Tachi Ak'õrea sõpia bɨade asima. Maapae p'ana t'oet'aak'oak'ari k'osima. 36Mãɨ unuutade ãareaɨrã sõpia p'aneenak'ari nek'osidama. 37Tai p'ãp'orrode ẽpẽerã 276 p'anasidama.#27:37 276. Griego pedeade chi eda waapẽarã k'art'ade nãɨya bɨ bɨma: 76. 38Ãchi jãwaanak'ari trigo p'usade bat'a peek'oasidama p'ãp'orro wẽsãamẽrá.
39Ãsã paside ãchia ĩjũa unusidama maamina k'awadaé pasima sãma p'anɨt'a. Mãɨ ĩjũane senia jĩra to ik'idá ununak'ari, k'ɨ̃risiasidama p'uedaipɨra, chi p'ãp'orro mãɨ ipu ik'idá bari ũu bɨdait'a. 40Mãɨpuru chi jiorro p'ãp'orro jõe uru nɨbeeparí jɨ̃k'ara t'ɨak'õk'oadak'ari p'usade t'aa peesidama. Mãɨnepa chi p'ãp'orrode juadepa pɨrabari ateewãparí jɨ̃ bada ẽrasidama. Maapae chi k'ũne p'aru ɨt'ɨ jira bɨpataɨ ɨt'aa jirasidama nãupa ipudea ateewãmẽrá. 41Maamina ik'idá pai naena, chi p'ãp'orro k'ũ ipu minachia bɨmá t'ĩune wãk'ari ipude eda joa beesima. Mãɨya bɨde p'usa t'awa ɨbɨa cherupa chi p'ãp'orro ãtau ãripodosima.
42Mãɨne papaká berãpa chi eda jɨ̃a nɨberã peadai k'ɨ̃risiasidama aba pida ũu wãnak'ari mĩrupidaemaapa. 43Maamina papaká berã chi mãɨrã chaarea bɨpa Pablo k'aripayá bada pẽra, mãɨrã itu k'enapié pasima. Mãɨpari ãarea chi k'ui k'awa berã naa p'usadea edá jĩitɨpisima ipudea ũu wãnamẽrá. 44Chi waapẽarã p'ãp'orrode ne beada wa pak'urude ɨ̃rɨ ũu wãpisima. Mãɨya ãareaɨrã tuá pia jõnawẽa wãsidama.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.