2 Timoteo 4
4
1Jesucristo cheipɨ ichidirã ichi juade ua bai k'orea. Mãɨne ẽpẽrarã chok'ae be mãɨnepa piudada nepɨra ak'ɨipɨ. Mãɨpuru Jesucristo k'ĩrari mãɨnepa Tachi Ak'õre k'ĩrari mɨa nãɨ pedea jararuma pɨa oomẽrá: 2Tachi Ak'õre Pedea jaratea base. Ẽpẽrarãpa ũri k'ɨ̃ria p'anɨne mãɨnepa ũri k'ɨ̃riawẽa p'anɨne jarateai k'orea base. Piawẽa oo be jĩp'a oo k'awapise. Nemietá oo be ɨtɨase. Mãɨnepa ũpẽarã k'aripase pia ĩjãanamẽrá. Jõma choa bɨdepa, jĩrak'aua jaratea bɨdepa mãɨya oose. 3Ewari parude ẽpẽrarãpa chi piarã pedea ũri k'ɨ̃rianawẽa p'ananaipɨ. Mãɨpari ãchia k'ɨ̃ria p'anɨnea wãnaipɨ. Mãɨpuru jarateapataɨrã chok'ará jɨrɨdaipɨ ãchia ũri k'ɨ̃ria p'anɨt'a jarateadamẽrá. 4Chi pedea piarãpẽa ũrinai itu bɨdak'ari, maapae chõarãenapema nepɨrade p'aneenaipɨ. 5Maamina pɨt'u ne ãareaɨne k'ĩra jĩp'a base. Jõma nepɨra bɨde choa base. Pedea pia Cristo k'orea jaratea base. Jõma pɨa Tachi Ak'õre pae ooi bɨ jĩp'a oo base.
6Tãaraawẽane mɨ peadaipɨ.#4:6 Tãaraawẽane mɨ peadaipɨ. Griego pedeade nãɨya bɨ bɨma: Mɨ uvaba Tachi Ak'õre pae wea teauta jĩra bɨma. Mãɨ ewaride uvaba wea teapachima Tachi Ak'õre tede ichi Pedeade bɨda jĩra. Mãɨ pedeadepa Pablopa k'awapi basima tãaraawẽa bɨde ẽpẽrarãpa ichi Cristo k'orea peadait'a. Número 28:7. Mɨ piui ewari ara k'ait'a bɨma. 7Mɨa Tachi Ak'õre pae ooi bada jõma oosima pia chõona jĩra. Mɨa Cristo itu bɨwẽa bɨma. Jõma jĩp'a oosima p'iraparí jĩra. 8Naapae mɨa jĩp'a oo bɨ k'orea Tachi Chiparipa mɨ pae poro jũra jɨ̃parí uru bɨma.#4:8 Mãɨ ewaride poro jũra jɨ̃parí teapachidama chi atepe isapea p'iraparia. Ichia jĩp'a ak'ɨpari pẽra mãɨ poro jũra jɨ̃parí mɨá teaipɨ ichia ak'ɨrude. Maamina mɨá puru teaiwẽma, mãɨpari jõma ichi chei ewari unu k'ɨ̃ria berã́ teaipɨ.
Pablopa jarada Timoteo chemẽrá
9Isapea mɨ ak'ɨde chese. 10Ũpẽa Cresente Galacia tuadea wã basima. Tito Dalmacia tuadea wã basima. Mãɨ awara ũpẽa Demapa chi ne nãɨ ĩjũanepema minachia k'ɨ̃riana pẽra mɨ itu bɨk'ari Tesalónica p'uurudea wãsima. 11Ũpẽa Lucat'u mɨ ome bɨma. Pɨ cherude ũpẽa Marco jɨrɨde wãk'ari enemeese.#4:11 Marco. Hecho 13:5; 13:13; 15:36-40. Mɨa Tachi Ak'õre pae oo bɨ ichia k'aripai bɨma. 12Ũpẽa Tík'ik'o mɨa Ep'esodea peesima. 13Pɨ cherude mɨ anamari jɨ̃parí enemeese. Mãɨ Troa p'uurude, ũpẽa Carpo tede beesima. Mãɨnepa mɨ k'art'a enemeese. Chi mɨa atepe k'ɨ̃ria bɨt'a enemeese, chi ãnimara ede bɨ bet'a.
14Alejandro chi jiorro ne ooparipa mɨ piawẽa ooda k'orea Tachi Chiparipa ɨtɨaipɨ. 15Ichi ome jĩrak'aua base. Tachia jaratea p'anɨ k'orea ichia minachia k'achia pedeasima.
16Ara mɨchi k'orea chi nepɨra ak'ɨpataɨrã k'ĩrari pedeaside abaɨ pida mɨ k'orea pedeadaé pasima k'aripai k'orea. Mãɨpari jõmãɨrãpa mɨ itu bɨsidama. Mɨa k'ɨ̃riawẽma mãɨ k'orea Tachi Ak'õre k'ĩrari mãɨrã nepɨra pará p'anɨane amẽrá. 17Maamina Tachi Chipari mɨ ome basima. Ichia mɨ jua chaarea beepisima ichi pedea jaramẽrá. Mãɨya jõma judiorãwẽa ará p'anɨpa ũrisidama. Mãɨne Tachi Chiparipa mɨ imama it'aedepema k'aripasima. 18Ichia jõma mɨ piawẽa ooutadepema k'aripaipɨ. Mɨ pia ak'ɨk'ari, pajãnea ateewãipɨ ichidirã ichi juade ua bɨmá. Ewaricha ichiá minachia pia pedeadai p'anɨma. Mãɨya beese.
Pablopa k'aadea bɨda
19Mɨa ũpẽa Aquilá mãɨnepa Priscá pia p'anapade a jara peeruma. Ara mãɨ jĩra ũpẽa Onesíp'oro ẽpẽrarã́ jarase. 20Ũpẽa Erasto Corinto p'uurude beesima. Ũpẽa Tróp'imo k'ɨdade beeda pẽra, mɨa ichi Mileto p'uurude ameesima. 21Ewãra pai naena isapea chese. Ũpẽarã Eubulopa, Pudentepa, Linopa, Claudiapa mãɨnepa jõma ũpẽarãpa pɨ pia bapade a jara peeutama.
22Mɨa k'ɨ̃ria bɨma Tachi Chipari Jesucristo pɨ ome bait'a mãɨnepa Tachi Ak'õrepa ichi sõpiadepa mãra k'aripa bai. Mãɨya beese.#4:22 Mãɨya beese. Griego pedeade chi eda waapẽarã k'art'ade mãɨ newẽma.
Currently Selected:
2 Timoteo 4: tdc
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
2 Timoteo 4
4
1Jesucristo cheipɨ ichidirã ichi juade ua bai k'orea. Mãɨne ẽpẽrarã chok'ae be mãɨnepa piudada nepɨra ak'ɨipɨ. Mãɨpuru Jesucristo k'ĩrari mãɨnepa Tachi Ak'õre k'ĩrari mɨa nãɨ pedea jararuma pɨa oomẽrá: 2Tachi Ak'õre Pedea jaratea base. Ẽpẽrarãpa ũri k'ɨ̃ria p'anɨne mãɨnepa ũri k'ɨ̃riawẽa p'anɨne jarateai k'orea base. Piawẽa oo be jĩp'a oo k'awapise. Nemietá oo be ɨtɨase. Mãɨnepa ũpẽarã k'aripase pia ĩjãanamẽrá. Jõma choa bɨdepa, jĩrak'aua jaratea bɨdepa mãɨya oose. 3Ewari parude ẽpẽrarãpa chi piarã pedea ũri k'ɨ̃rianawẽa p'ananaipɨ. Mãɨpari ãchia k'ɨ̃ria p'anɨnea wãnaipɨ. Mãɨpuru jarateapataɨrã chok'ará jɨrɨdaipɨ ãchia ũri k'ɨ̃ria p'anɨt'a jarateadamẽrá. 4Chi pedea piarãpẽa ũrinai itu bɨdak'ari, maapae chõarãenapema nepɨrade p'aneenaipɨ. 5Maamina pɨt'u ne ãareaɨne k'ĩra jĩp'a base. Jõma nepɨra bɨde choa base. Pedea pia Cristo k'orea jaratea base. Jõma pɨa Tachi Ak'õre pae ooi bɨ jĩp'a oo base.
6Tãaraawẽane mɨ peadaipɨ.#4:6 Tãaraawẽane mɨ peadaipɨ. Griego pedeade nãɨya bɨ bɨma: Mɨ uvaba Tachi Ak'õre pae wea teauta jĩra bɨma. Mãɨ ewaride uvaba wea teapachima Tachi Ak'õre tede ichi Pedeade bɨda jĩra. Mãɨ pedeadepa Pablopa k'awapi basima tãaraawẽa bɨde ẽpẽrarãpa ichi Cristo k'orea peadait'a. Número 28:7. Mɨ piui ewari ara k'ait'a bɨma. 7Mɨa Tachi Ak'õre pae ooi bada jõma oosima pia chõona jĩra. Mɨa Cristo itu bɨwẽa bɨma. Jõma jĩp'a oosima p'iraparí jĩra. 8Naapae mɨa jĩp'a oo bɨ k'orea Tachi Chiparipa mɨ pae poro jũra jɨ̃parí uru bɨma.#4:8 Mãɨ ewaride poro jũra jɨ̃parí teapachidama chi atepe isapea p'iraparia. Ichia jĩp'a ak'ɨpari pẽra mãɨ poro jũra jɨ̃parí mɨá teaipɨ ichia ak'ɨrude. Maamina mɨá puru teaiwẽma, mãɨpari jõma ichi chei ewari unu k'ɨ̃ria berã́ teaipɨ.
Pablopa jarada Timoteo chemẽrá
9Isapea mɨ ak'ɨde chese. 10Ũpẽa Cresente Galacia tuadea wã basima. Tito Dalmacia tuadea wã basima. Mãɨ awara ũpẽa Demapa chi ne nãɨ ĩjũanepema minachia k'ɨ̃riana pẽra mɨ itu bɨk'ari Tesalónica p'uurudea wãsima. 11Ũpẽa Lucat'u mɨ ome bɨma. Pɨ cherude ũpẽa Marco jɨrɨde wãk'ari enemeese.#4:11 Marco. Hecho 13:5; 13:13; 15:36-40. Mɨa Tachi Ak'õre pae oo bɨ ichia k'aripai bɨma. 12Ũpẽa Tík'ik'o mɨa Ep'esodea peesima. 13Pɨ cherude mɨ anamari jɨ̃parí enemeese. Mãɨ Troa p'uurude, ũpẽa Carpo tede beesima. Mãɨnepa mɨ k'art'a enemeese. Chi mɨa atepe k'ɨ̃ria bɨt'a enemeese, chi ãnimara ede bɨ bet'a.
14Alejandro chi jiorro ne ooparipa mɨ piawẽa ooda k'orea Tachi Chiparipa ɨtɨaipɨ. 15Ichi ome jĩrak'aua base. Tachia jaratea p'anɨ k'orea ichia minachia k'achia pedeasima.
16Ara mɨchi k'orea chi nepɨra ak'ɨpataɨrã k'ĩrari pedeaside abaɨ pida mɨ k'orea pedeadaé pasima k'aripai k'orea. Mãɨpari jõmãɨrãpa mɨ itu bɨsidama. Mɨa k'ɨ̃riawẽma mãɨ k'orea Tachi Ak'õre k'ĩrari mãɨrã nepɨra pará p'anɨane amẽrá. 17Maamina Tachi Chipari mɨ ome basima. Ichia mɨ jua chaarea beepisima ichi pedea jaramẽrá. Mãɨya jõma judiorãwẽa ará p'anɨpa ũrisidama. Mãɨne Tachi Chiparipa mɨ imama it'aedepema k'aripasima. 18Ichia jõma mɨ piawẽa ooutadepema k'aripaipɨ. Mɨ pia ak'ɨk'ari, pajãnea ateewãipɨ ichidirã ichi juade ua bɨmá. Ewaricha ichiá minachia pia pedeadai p'anɨma. Mãɨya beese.
Pablopa k'aadea bɨda
19Mɨa ũpẽa Aquilá mãɨnepa Priscá pia p'anapade a jara peeruma. Ara mãɨ jĩra ũpẽa Onesíp'oro ẽpẽrarã́ jarase. 20Ũpẽa Erasto Corinto p'uurude beesima. Ũpẽa Tróp'imo k'ɨdade beeda pẽra, mɨa ichi Mileto p'uurude ameesima. 21Ewãra pai naena isapea chese. Ũpẽarã Eubulopa, Pudentepa, Linopa, Claudiapa mãɨnepa jõma ũpẽarãpa pɨ pia bapade a jara peeutama.
22Mɨa k'ɨ̃ria bɨma Tachi Chipari Jesucristo pɨ ome bait'a mãɨnepa Tachi Ak'õrepa ichi sõpiadepa mãra k'aripa bai. Mãɨya beese.#4:22 Mãɨya beese. Griego pedeade chi eda waapẽarã k'art'ade mãɨ newẽma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.