2 Timoteo 3
3
K'aadeapema ewaride ẽpẽrarã mietá p'ananaipɨ
1Chi k'aadeapema ewaride ne k'achia baei bɨt'a, pɨa mãɨ k'awa bai bɨma. 2Ẽpẽrarãpa ne ãarea ara ãchi pae k'ɨ̃rianaipɨ, erreara awaa p'ananaipɨ, ãchi pia beade adaipɨ, chi atepe bɨ jĩra k'ɨ̃risiadaipɨ, chĩara k'orea k'achia pedeadaipɨ, ãchi ak'õre mãɨnepa nae pedea ĩjãanak'á p'ananaipɨ, ãchi k'ariparu ẽpẽrá sõpia bɨade adak'á p'ananaipɨ, mãɨnepa Tachi Ak'õre wap'eadak'á p'ananaipɨ. 3Waapẽarã k'ɨ̃rianak'á p'ananaipɨ, k'ĩra chupuriadak'á p'ananaipɨ, waapẽarã ẽk'arra ãpɨte pedea k'achia jara p'ananaipɨ, nemietá oodai k'orea p'ue itu bɨdak'á p'ananaipɨ, ãnimara jĩra k'ĩruu p'ananaipɨ, mãɨnepa nejõma pia be itu bɨdaipɨ. 4Ãchi k'õp'ãero ichi nek'ĩramá juade bɨdaipɨ nemietá oomẽrá. Ne k'ɨ̃risiadawẽa ne paritua oo p'ananaipɨ. Jõmãɨrã k'aepẽra chi ne k'awa atepe beadayade adaipɨ. Ãchit'u arapá chi k'ɨ̃ria p'ananaipɨ Tachi Ak'õre k'ɨ̃ria p'anɨ k'aepẽra. 5Tachi Ak'õrene ĩjãapataɨrã jĩra p'ananaipɨ maamina itu bɨdaiwẽma Tachi Ak'õrepa ichi jua chaareadepa ãchi jĩp'a bɨmẽrá. Makɨɨrã ome ará barãse.
6Mãɨ ẽpẽrarã techa sea jara wãpatama chi wẽerã t'ajuwẽa be mãɨnepa nemietá minachia oopataɨ be p'uedai k'orea. Mãɨ wẽerãpa ãarea nemietá oo k'ɨ̃ria bɨdepa paritua ĩjãapatama. 7Mãɨ wẽerã ewaricha ne k'awapodo p'anɨma, maamina chi piarã pedea p'ue k'awadak'ama. 8Jãɨrã ẽpẽrarãpa chi piarã pedea itu bɨpatama. Jane apataɨ mãɨnepa Jambre apataɨ jĩra oopatama, chi Moisé pedea itu bɨsidaɨt'a.#3:8 Jane mãɨnepa Jambre Egitodepema ne k'awapataɨrã pasima. Éxodo 7:10-12. Ãchi k'ɨ̃risia k'achia k'ɨ̃risiapatama mãɨnepa Cristode piarã ĩjãanak'ama. 9Maamina ãchia oo p'anɨ pia baiwẽma. Jõmãɨrãpa ãchi k'ɨ̃risiawẽa be ãarea k'awadaipɨ Moisé ewaride Jane mãɨnepa Jambre mãɨyanana jĩra.#3:9 Janepa mãɨnepa Jambre pida jõma p'ue oodaé pasima Moisepa Tachi Ak'õrenepa ooda jĩra. Mãɨya jõmãɨrãpa k'awasidama ãchi seapataɨrãpɨ. Éxodo 8:16-19.
Pablopa Timoteoa ũraana
10Maamina pɨa nãɨ ãarea jõma minachia k'awa bɨma: mɨa jaratea bɨt'a, mɨ nipaparit'a, mɨa oo k'ɨ̃ria bɨt'a, mɨa Cristode ĩjãa bɨt'a, mɨa jõmãɨrã ome choa bɨt'a, mɨa waapẽarã k'ɨ̃ria uru bɨt'a, mɨ ne ãareane sẽwẽa choa bɨt'a, 11mãɨnepa mɨ ẽp'ẽ p'anɨt'a minachia mĩapidai k'orea. Antioquiade, Iconio p'uurude mãɨnepa Listrade mɨ piawẽa oodai k'orea ẽp'ẽnana pɨa minachia k'awa bɨma.#Hecho 13:44—14:21. Mɨ minachia mĩasima. Maamina Tachi Chiparipa jõma mãɨnepema k'aripasima. 12Piarã jõma Jesucristode ĩjãapataɨrã, Tachi Ak'õre k'ĩrari pia nipadai k'ɨ̃riapataɨrã, ẽpẽrarãpa piawẽa oodai k'orea ẽp'ẽnaipɨ. 13Mãɨnepa ẽpẽra k'achiarãpa mãɨnepa awara seapataɨrãpa atepe nemietá oo p'ananaipɨ. Waapẽarã sea p'ananaipɨ mãɨnepa waapẽarãpa ãchi seadaipɨ.
14Maamina pɨá jarateadada k'awada chi piarãt'a k'ɨ̃risia bɨ pẽra mãɨne nipase. Pɨa k'awa bɨma pɨá jarateadaadapa jĩp'a jarateasidaɨt'a. 15Warra basiedapema Tachi Ak'õre Pedea k'awasima. Mãɨ Pedeapa pɨá k'awapi bɨma abaɨpa Cristode ĩjãasira Tachi Ak'õrepa mãɨ k'aripait'a. 16Tachi Ak'õrepa jõma Ichi Pedea bɨpisima. Jõma mãɨ pia bɨma jarateai k'orea, nemietá oo berã ɨtɨai k'orea, piawẽa oo berã jĩp'a oo k'awapii k'orea, mãɨnepa sãmaasã́ k'ĩra jĩp'a nipadai k'awapii k'orea. 17Mãɨya ẽpẽrarã Tachi Ak'õrenerãpa nejõma pia be oo k'awadak'ari p'ue oo p'ananaipɨ.
Currently Selected:
2 Timoteo 3: tdc
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
2 Timoteo 3
3
K'aadeapema ewaride ẽpẽrarã mietá p'ananaipɨ
1Chi k'aadeapema ewaride ne k'achia baei bɨt'a, pɨa mãɨ k'awa bai bɨma. 2Ẽpẽrarãpa ne ãarea ara ãchi pae k'ɨ̃rianaipɨ, erreara awaa p'ananaipɨ, ãchi pia beade adaipɨ, chi atepe bɨ jĩra k'ɨ̃risiadaipɨ, chĩara k'orea k'achia pedeadaipɨ, ãchi ak'õre mãɨnepa nae pedea ĩjãanak'á p'ananaipɨ, ãchi k'ariparu ẽpẽrá sõpia bɨade adak'á p'ananaipɨ, mãɨnepa Tachi Ak'õre wap'eadak'á p'ananaipɨ. 3Waapẽarã k'ɨ̃rianak'á p'ananaipɨ, k'ĩra chupuriadak'á p'ananaipɨ, waapẽarã ẽk'arra ãpɨte pedea k'achia jara p'ananaipɨ, nemietá oodai k'orea p'ue itu bɨdak'á p'ananaipɨ, ãnimara jĩra k'ĩruu p'ananaipɨ, mãɨnepa nejõma pia be itu bɨdaipɨ. 4Ãchi k'õp'ãero ichi nek'ĩramá juade bɨdaipɨ nemietá oomẽrá. Ne k'ɨ̃risiadawẽa ne paritua oo p'ananaipɨ. Jõmãɨrã k'aepẽra chi ne k'awa atepe beadayade adaipɨ. Ãchit'u arapá chi k'ɨ̃ria p'ananaipɨ Tachi Ak'õre k'ɨ̃ria p'anɨ k'aepẽra. 5Tachi Ak'õrene ĩjãapataɨrã jĩra p'ananaipɨ maamina itu bɨdaiwẽma Tachi Ak'õrepa ichi jua chaareadepa ãchi jĩp'a bɨmẽrá. Makɨɨrã ome ará barãse.
6Mãɨ ẽpẽrarã techa sea jara wãpatama chi wẽerã t'ajuwẽa be mãɨnepa nemietá minachia oopataɨ be p'uedai k'orea. Mãɨ wẽerãpa ãarea nemietá oo k'ɨ̃ria bɨdepa paritua ĩjãapatama. 7Mãɨ wẽerã ewaricha ne k'awapodo p'anɨma, maamina chi piarã pedea p'ue k'awadak'ama. 8Jãɨrã ẽpẽrarãpa chi piarã pedea itu bɨpatama. Jane apataɨ mãɨnepa Jambre apataɨ jĩra oopatama, chi Moisé pedea itu bɨsidaɨt'a.#3:8 Jane mãɨnepa Jambre Egitodepema ne k'awapataɨrã pasima. Éxodo 7:10-12. Ãchi k'ɨ̃risia k'achia k'ɨ̃risiapatama mãɨnepa Cristode piarã ĩjãanak'ama. 9Maamina ãchia oo p'anɨ pia baiwẽma. Jõmãɨrãpa ãchi k'ɨ̃risiawẽa be ãarea k'awadaipɨ Moisé ewaride Jane mãɨnepa Jambre mãɨyanana jĩra.#3:9 Janepa mãɨnepa Jambre pida jõma p'ue oodaé pasima Moisepa Tachi Ak'õrenepa ooda jĩra. Mãɨya jõmãɨrãpa k'awasidama ãchi seapataɨrãpɨ. Éxodo 8:16-19.
Pablopa Timoteoa ũraana
10Maamina pɨa nãɨ ãarea jõma minachia k'awa bɨma: mɨa jaratea bɨt'a, mɨ nipaparit'a, mɨa oo k'ɨ̃ria bɨt'a, mɨa Cristode ĩjãa bɨt'a, mɨa jõmãɨrã ome choa bɨt'a, mɨa waapẽarã k'ɨ̃ria uru bɨt'a, mɨ ne ãareane sẽwẽa choa bɨt'a, 11mãɨnepa mɨ ẽp'ẽ p'anɨt'a minachia mĩapidai k'orea. Antioquiade, Iconio p'uurude mãɨnepa Listrade mɨ piawẽa oodai k'orea ẽp'ẽnana pɨa minachia k'awa bɨma.#Hecho 13:44—14:21. Mɨ minachia mĩasima. Maamina Tachi Chiparipa jõma mãɨnepema k'aripasima. 12Piarã jõma Jesucristode ĩjãapataɨrã, Tachi Ak'õre k'ĩrari pia nipadai k'ɨ̃riapataɨrã, ẽpẽrarãpa piawẽa oodai k'orea ẽp'ẽnaipɨ. 13Mãɨnepa ẽpẽra k'achiarãpa mãɨnepa awara seapataɨrãpa atepe nemietá oo p'ananaipɨ. Waapẽarã sea p'ananaipɨ mãɨnepa waapẽarãpa ãchi seadaipɨ.
14Maamina pɨá jarateadada k'awada chi piarãt'a k'ɨ̃risia bɨ pẽra mãɨne nipase. Pɨa k'awa bɨma pɨá jarateadaadapa jĩp'a jarateasidaɨt'a. 15Warra basiedapema Tachi Ak'õre Pedea k'awasima. Mãɨ Pedeapa pɨá k'awapi bɨma abaɨpa Cristode ĩjãasira Tachi Ak'õrepa mãɨ k'aripait'a. 16Tachi Ak'õrepa jõma Ichi Pedea bɨpisima. Jõma mãɨ pia bɨma jarateai k'orea, nemietá oo berã ɨtɨai k'orea, piawẽa oo berã jĩp'a oo k'awapii k'orea, mãɨnepa sãmaasã́ k'ĩra jĩp'a nipadai k'awapii k'orea. 17Mãɨya ẽpẽrarã Tachi Ak'õrenerãpa nejõma pia be oo k'awadak'ari p'ue oo p'ananaipɨ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.