1 Tesalonicense 4
4
Sãmaasã́ nipadai p'anɨ Tachi Ak'õrepa pia unumẽrá
1Mãɨ awara ũpẽarã, taipa mãrá jarateasidama sãmaasã́ Tachi Ak'õre k'ĩrari nipadai p'anɨ ichia pia unumẽrá. Tachi Chipari Jesú t'ɨ̃ne taipa mãrá chichupuria idi p'anɨma ara mãɨ jĩra nipadamẽrá. Piarã mãrapa mãɨya oomaa p'anɨma, maamina pia oot'ɨ.
2Tachi Chipari Jesudepa taipa jarateadada mãrapa k'awa p'anɨma. 3Tachi Ak'õrepa k'ɨ̃ria bɨma mãra ichi pae pia p'ananamẽrá. Mãɨpuru mãra k'ak'uapa nemietá ooyá bɨ oorãt'ɨ. 4Mãra k'ak'ua jĩp'a k'awa uru p'anat'ɨ nemietá oopidaemaapa Tachi Ak'õre k'ĩrari mãɨnepa ẽpẽrarã k'ĩrari pia p'ananamẽrá.#4:4 Mãra k'ak'ua. Griego pedeade nãɨya bɨ bɨma: mãra chok'o. Waapẽarãmá mãɨ pedeapa jara bɨma «mãra k'ima». 5Nãɨ k'ak'uapa nemietá ooyá bɨ oorãt'ɨ Tachi Ak'õrene ĩjãanak'apɨɨrãpa oopata jĩra. 6Mãɨneepuru tachi ũpẽarã nemietá oorãt'ɨ, mãɨnepa mãɨya searãt'ɨ. Jõma makɨɨ Tachi Chiparipa ɨtɨaipɨ taipa mãrá jaradada jĩra. 7Tachi Ak'õrepa tachi jɨrɨ ataé pasima k'achiade p'ananamẽrá, mãɨpari jɨrɨ atasima ichi pae jĩp'a p'ananamẽrá. 8Chi mãɨ mɨa jarateada itu bɨrupa, ẽpẽrapa jarada itu bɨwẽma, mãɨpari Tachi Ak'õrepa jara bɨt'u itu bɨruma. Ara mãɨ Tachi Ak'õrepa ichi Jaore mãrá teasima nemietá newẽa p'ananamẽrá.
9Mãɨ awara mãra sãmaasã́ ũpẽarã ome chi k'ɨ̃ria p'ananai p'anɨ k'orea, mɨa nãɨ k'art'ade ¿k'ãre bɨima? Ara Tachi Ak'õrepa mãrá mãɨ jarateasima. 10Mãrapa jõma ũpẽarã Macedonia ĩjũanepema mãɨya k'ɨ̃ria p'anɨma. Maamina ũpẽarã, taipa mãrá chichupuria idi p'anɨma atepe chi k'ɨ̃ria p'ananamẽrá. 11Mãɨnepa jɨrɨt'ɨ jõmãɨrã paara ne k'ɨ̃risiadawẽa tuananai k'orea. Waapẽarã nepɨrade barirãt'ɨ. Mãra juapa mimiat'ɨ taipa jaradada jĩra. 12Mãɨya p'anɨpɨra, mãrapa nɨnaiwẽa p'ananaipɨ awaraɨrãpa mãrá ne teadait'a. Ichiaba Jesude ĩjãanak'apɨɨrãpa mãra pia ununaipɨ.
Jesú mãicha chei k'orea bɨda
13Ũpẽarã, taipa k'ɨ̃ria p'anɨma mãrapa chi Jesude ĩjãapataɨrã piudaadarã k'orea k'awadamẽrá. Mãɨya mãra sõp'ua p'ananaiwẽma Tachi Ak'õrene ĩjãanak'apɨɨrã sõp'ua p'anapata jĩra. Ãchi sõp'ua p'anapatama chi piuda sãmaasã́ bai k'awadawẽ pẽra.#4:13 Piudaadarã. Griego pedeade nãɨya bɨ bɨma: k'ãi p'anɨma. 14Maamina tachia Jesú piu bada chok'ae p'irabarisit'a ĩjãa p'anɨma. Mãɨpuru k'awa p'anɨma Jesude ĩjãapataɨrã piudaadarã Tachi Ak'õrepa jõma chok'ae p'irabaripik'ari ichi ome ateewãipɨ.
15Mãɨ k'orea Tachi Chiparipa jarada taipa mãrá jarautama: Tachi Chipari cherude tachi, chi wapida chok'ae berã chi piudaadarã naa ichimá wãnaiwẽma. 16Mãɨ k'aepẽra Tachi Chipari pajãnepa cheipɨ. Tachi Chipari pedearu jĩk'ua ũrinaipɨ mãɨnepa chi Tachi Ak'õrepa ɨt'aripa peeda chi minachia k'awa bɨ pedearu ũrinaipɨ. Ichiaba chi Tachi Ak'õre ãnimara k'achu chaaru jĩk'ua ũrinaipɨ. Mãɨne chi Cristode ĩjãapataɨrã piudaadarã naa chok'ae p'irabaridaipɨ. 17Ara mãɨne tachi, chi chok'ae berã, ãchi ome ará ɨt'aa wãnaipɨ Tachi Chipari ome jɨ̃arane chi ununai k'orea. Mãɨya Tachi Chipari ome ewaricha tuananaipɨ. 18Mãɨ pedeapa ara machi paara sõpia p'aneepit'ɨ.
Currently Selected:
1 Tesalonicense 4: tdc
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
