1 Corintio 13
13
Chi waapẽarã k'ɨ̃ria p'ananai p'anɨ bɨda
1Mɨ nãɨ ĩjũanepemarã pedeade pedeaipɨra mãɨnepa Tachi Ak'õrepa ɨt'aripa peeda pedeade pedeaipɨra, mãɨne waapẽarã ẽpẽrarã k'ɨ̃riak'apɨra, mɨ jiorro ooda jĩk'uapari jĩra wa k'ãp'ãna jĩk'uapari jĩra bɨma.#13:1 Mɨ jiorro ooda jĩk'uapari jĩra. Pablopa jara k'ɨ̃ria bɨma chi ẽpẽrarã minachia pedeapataɨt'a jiorro jĩk'uaparí jĩra p'anɨma. Mãɨ minachia jĩk'uarumina, ne jara k'ɨ̃riawẽa bɨma. 2Mɨ Tachi Ak'õre pari pedeaipɨra, Tachi Ak'õrepa k'ɨ̃risia k'awapiwẽa bada jõma k'awa bɨpɨra, Tachi Ak'õre k'ɨ̃risia jõma k'awa bɨpɨra, mãɨnepa sõnepa piarã ĩjãa bɨdepa eya p'ue ãyá bɨipɨra, mãɨnepa waapẽarã k'ɨ̃riawẽa bɨpɨra, mãɨyara mɨ piawẽa bɨma. 3Nejõma mɨa uru bɨ chi nenea k'edea teaipɨra mãɨnepa Tachi Ak'õre k'orea ara mɨ k'ak'ua t'ɨpɨde paateapiipɨra, maamina waapẽarã k'ɨ̃riawẽa bɨpɨra, mãɨyara mɨ piawẽa bɨma.
4Chi waapẽarã k'ɨ̃ria uru bɨpa jõma choa bɨma, waapẽarã k'ĩra chupuriaparima, abaɨpa uru bɨt'a uru bai k'ɨ̃riak'ama, waapẽarã k'aepẽra atepe pia bɨade ak'ama mãɨnepa mãɨya bɨ jĩra k'ɨ̃risiak'ama. 5Chi waapẽarã k'ɨ̃ria uru bɨpa waapẽarã paara pia bai bɨma ẽpẽerãpa mãɨya pia oopataɨ jĩra, mãɨ ichi paepuru k'ɨ̃risiak'ama, ichi k'ɨ̃ria k'ĩruuk'ama, waapẽarãpa ichi piawẽa ooda k'ɨ̃risia atuaparima. 6Ne k'achia k'orea arapaak'ama, mãɨpari piarãpẽa k'orea arapaaparima. 7Chi waapẽarã k'ɨ̃ria uru bɨpa waapẽarãpa piawẽa oodada jõma choaparima, ne ãarea pia ĩjãaparima, chi abaɨpa nejõma pia oomẽrá nɨparima, mãɨnepa ne ãareaɨne choa baparima.
8Tachi ẽpẽerã k'ɨ̃ria ua bai k'orea ewari jõ bak'ama. Maamina ewari aba chi Tachi Ak'õre pari pedeapataɨrãpa waa pedeadaiwẽma, tachia ũrinak'apɨ́ pedeade pedeapataɨrãpa waa pedeadaiwẽma, Tachi Ak'õre Jaoredepa k'awadada jarateapataɨrãpa waa jarateadaiwẽma. 9Mãɨpuru idiapae tachia ãpia puru k'awa p'anɨma mãɨnepa Tachi Ak'õre pari ãpia puru pedeapatama. 10Maamina chi piipará bɨ cherude mãɨ ãpia bɨ jõipɨ. Mãɨne nejõma k'awadaipɨ. 11Mɨ wapida k'aepe k'arasieda, warra chak'e jĩra pedeapachima mãɨnepa warra chak'e jĩra k'ɨ̃risiapachima. Maamina chõa beek'ari warra chak'e jĩra bada itu bɨsima. 12Ara nãɨena tachia Tachi Ak'õre k'orea tau t'aua bɨ jĩra unu p'anɨma chi k'ĩra ak'ɨpataɨde. Maamina ewariaba tachia jõma sãmaasã́ bɨt'a pia ununaipɨ. Ara nãɨena mɨa ãpia k'awa bɨma, maamina ewariaba ne ãarea k'awaipɨ Tachi Ak'õrepa mɨ k'awa bɨ jĩra. 13Nãɨ ũpea p'anɨ jõk'ama: nejõma pia ĩjãa bai, jõma pia pamẽrá nɨ bai mãɨnepa waapẽarã k'ɨ̃ria bai. Mãɨ ũpeadepema waapẽarã k'ɨ̃ria bai chi atepe piipará bɨma.
Currently Selected:
1 Corintio 13: tdc
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
