Popular Bible Verses from 1 Corintio 13

Share

Chi waapẽarã k'ɨ̃ria uru bɨpa jõma choa bɨma, waapẽarã k'ĩra chupuriaparima, abaɨpa uru bɨt'a uru bai k'ɨ̃riak'ama, waapẽarã k'aepẽra atepe pia bɨade ak'ama mãɨnepa mãɨya bɨ jĩra k'ɨ̃risiak'ama. Chi waapẽarã k'ɨ̃ria uru bɨpa waapẽarã paara pia bai bɨma ẽpẽerãpa mãɨya pia oopataɨ jĩra, mãɨ ichi paepuru k'ɨ̃risiak'ama, ichi k'ɨ̃ria k'ĩruuk'ama, waapẽarãpa ichi piawẽa ooda k'ɨ̃risia atuaparima.

Chi waapẽarã k'ɨ̃ria uru bɨpa waapẽarãpa piawẽa oodada jõma choaparima, ne ãarea pia ĩjãaparima, chi abaɨpa nejõma pia oomẽrá nɨparima, mãɨnepa ne ãareaɨne choa baparima.

Ne k'achia k'orea arapaak'ama, mãɨpari piarãpẽa k'orea arapaaparima.

Nãɨ ũpea p'anɨ jõk'ama: nejõma pia ĩjãa bai, jõma pia pamẽrá nɨ bai mãɨnepa waapẽarã k'ɨ̃ria bai. Mãɨ ũpeadepema waapẽarã k'ɨ̃ria bai chi atepe piipará bɨma.

Tachi ẽpẽerã k'ɨ̃ria ua bai k'orea ewari jõ bak'ama. Maamina ewari aba chi Tachi Ak'õre pari pedeapataɨrãpa waa pedeadaiwẽma, tachia ũrinak'apɨ́ pedeade pedeapataɨrãpa waa pedeadaiwẽma, Tachi Ak'õre Jaoredepa k'awadada jarateapataɨrãpa waa jarateadaiwẽma.

Mɨ nãɨ ĩjũanepemarã pedeade pedeaipɨra mãɨnepa Tachi Ak'õrepa ɨt'aripa peeda pedeade pedeaipɨra, mãɨne waapẽarã ẽpẽrarã k'ɨ̃riak'apɨra, mɨ jiorro ooda jĩk'uapari jĩra wa k'ãp'ãna jĩk'uapari jĩra bɨma.

Mɨ Tachi Ak'õre pari pedeaipɨra, Tachi Ak'õrepa k'ɨ̃risia k'awapiwẽa bada jõma k'awa bɨpɨra, Tachi Ak'õre k'ɨ̃risia jõma k'awa bɨpɨra, mãɨnepa sõnepa piarã ĩjãa bɨdepa eya p'ue ãyá bɨipɨra, mãɨnepa waapẽarã k'ɨ̃riawẽa bɨpɨra, mãɨyara mɨ piawẽa bɨma.

Nejõma mɨa uru bɨ chi nenea k'edea teaipɨra mãɨnepa Tachi Ak'õre k'orea ara mɨ k'ak'ua t'ɨpɨde paateapiipɨra, maamina waapẽarã k'ɨ̃riawẽa bɨpɨra, mãɨyara mɨ piawẽa bɨma.

Mɨ wapida k'aepe k'arasieda, warra chak'e jĩra pedeapachima mãɨnepa warra chak'e jĩra k'ɨ̃risiapachima. Maamina chõa beek'ari warra chak'e jĩra bada itu bɨsima.