1 Corintio 11
11
1Mɨ Cristo nipada jĩra nipapari pẽra mɨ jĩra nipat'ɨ.
Ũpẽawẽrarã ãchi poro ɨ̃rɨ jɨ̃pataɨ k'orea bɨda
2Ũpẽarã, ewaricha mɨ k'orea k'ɨ̃risia p'anɨ pẽra mãɨnepa mɨa jarateada ũri p'anɨ pẽra mãrá pia jararuma. 3Maamina mɨa k'ɨ̃ria bɨma mãrapa k'awadai Cristo chi ɨmɨk'ĩira ãarea Chiparipɨ, chi ɨmɨk'ĩra chi wẽra chiparipɨ, mãɨnepa Tachi Ak'õre Cristo Chiparipɨ.#11:3 Chipari. Griego pedeade nãɨya bɨ bɨma: poro. 4Ũpẽarã ará jere nɨbeeutade ɨmɨk'ĩra chi porode ne jɨ̃k'ari Tachi Ak'õrea ɨt'aa chiidiipɨra wa Tachi Ak'õre pari pedeaipɨra, ichi Chipari Cristo wap'eawẽa bɨt'a unupi bɨma. 5Maamina wẽrapa Tachi Ak'õrea ɨt'aa chiidi bɨde wa Tachi Ak'õre pari pedea bɨde chi porode jɨ̃parí jɨ̃wẽpɨra, ichi k'ima wap'eawẽa bɨ unupi bɨma. Chi mãɨya oo bɨ poro bisia bɨ jĩra bɨma. 6Wẽra chi porode jɨ̃parí jɨ̃epɨra, poro t'ɨɨi bɨma. Maamina poro bisia t'ɨɨk'ari p'erai bɨpɨra wa porowẽk'ari p'erai bɨpɨra, chi porode jɨ̃parí jɨ̃i bɨma.
7Ɨmɨk'ĩrarã chi porode jɨ̃parí jɨ̃naiwẽa p'anɨma Tachi Ak'õrepa ara ichi jĩra ooda pẽra mãɨnepa chi ɨmɨk'ĩrapa Tachi Ak'õre ichi chiparit'a unupi bɨ pẽra. Maamina wẽerãpa unupi p'anɨma ɨmɨk'ĩra ãchi chiparit'a.#11:7 Chi eda k'ɨ̃risiautapa mãɨ oodai p'anɨma ará jere nɨbeeutade a k'ɨ̃risiapatama. Mãɨpari waapẽarãpa mãɨ awara pida oodai p'anɨane a k'ɨ̃risiapatama. 8Tachi Ak'õrepa ɨmɨk'ĩra wẽranepa ooé pasima, mãɨpari wẽra ɨmɨk'ĩranepa oosima.#Génesi 2:21-22. 9Mãɨnepa ɨmɨk'ĩra ooé pasima wẽra k'aripamẽrá, mãɨpari wẽra oosima ɨmɨk'ĩra k'aripamẽrá. 10Mãɨ k'orea wẽrapa chi porode jɨ̃parí jɨ̃i bɨma unupii k'orea chi k'ima ichi chiparit'a. Mãɨya ooi bɨma Tachi Ak'õrepa ɨt'aripa peedaɨrãpa pia ununamẽrá.
11Maamina Tachi Chiparide ĩjãa p'anɨ pẽra wẽrapa chi ɨmɨk'ĩra k'aripai bɨma mãɨnepa ɨmɨk'ĩrapa chi wẽra k'aripai bɨma. 12Chi naapema wẽra ɨmɨk'ĩranepa chesima. Ichiaba chi ɨmɨk'ĩra wẽranepa cheparima. Maamina piarã ãarea Tachi Ak'õrenepa che p'anɨma.
13Mãramá, ¿pia bɨk'ãra wẽrapa chi porode jɨ̃parí jɨ̃wẽa Tachi Ak'õrea ɨt'aa chiidii? Minachia k'ɨ̃risiat'ɨ pia bɨ k'awadai k'orea. 14Ara tachi ẽpẽrarã sãmaasã́ p'anɨnepa k'awa p'anɨma ɨmɨk'ĩra puda orea ao beesira p'erai bɨt'a. 15Maamina wẽra puda orea ao bɨ pia unupatama. Tachi Ak'õrepa chi wẽrá puda teasima chi porode jɨ̃parí jĩra jɨ̃mẽrá. 16Abaɨpa mãɨ k'orea k'ĩruu pedea beeipɨra, mɨa nãɨ ichiá jararuma: taipa mãɨnepa ẽpẽrarã Tachi Ak'õrenepemarã pida mãɨ awara oodak'ama.
Tachi Chipari k'ɨ̃risiadai k'orea k'opataɨde ũpẽarãpa piawẽa oodada
17Nãɨ bɨrude mɨa mãra k'orea p'ue pia jarawẽma. Mãra ará jere nɨbeeutade k'ĩra jĩp'a oodak'ama. Pia p'ananai k'aepẽra piawẽa p'aneepatama. 18Naa jararuma mɨa ũri bɨ mãra ará jere nɨbeeutade k'ɨ̃risia k'ak'awá k'ɨ̃risia tuanapataɨ. Mãɨ pedea waa ara mɨchia ĩjãarumá ĩjãa bɨma. 19Piarã mãra k'ɨ̃risia awara awará p'anɨnepa unupiipɨ k'airã Tachi Ak'õrepa pia unu bɨ. 20Mãra ará jere nɨbeeutade chi Tachi Chipari k'ɨ̃risiadai k'orea k'opataɨ k'odai k'orea, k'ĩra jĩp'a k'odak'ama. 21Jõmãɨrã chedai naena machicha chi chik'o k'opatama. Mãɨne waapẽarã jarra nɨbeeparima mãɨnepa waapẽarã piu nɨbeeparima.#11:21 Chi eda p'anɨrãpa ãchi chik'o enemeedak'a pasima, mãɨnepa chi waapẽarãpa ãchi chik'o k'opidak'a pasima 22¿Mãra te nea p'anɨk'ãra mãma nek'odai k'orea mãɨnepa netodai k'orea? ¿Mãrapa ẽpẽrarã Tachi Ak'õrenepemarã unuemaa p'anɨwẽk'ãra? ¿Mãɨpa chi nenea k'ede p'erapi p'anɨwẽk'ãra? ¿Mɨa k'ãre jaraima? ¿Mãɨ k'orea mɨa mãra pia jaraik'ãra? Mãɨ k'orea pia jarawẽma.
Chi Tachi Chipari k'ɨ̃risiadai k'orea k'opataɨ
23Mɨa mãrá jarateada Tachi Chipari Jesudepa k'awasima. Mãɨ nãɨya bɨma: teamasi Tachi Chipari Jesú jitapii naena ichi juade p'ana atasima. 24Tachi Ak'õrea sõpia bɨade ak'ari t'oet'aarude jarasima: «Jitadak'ari k'ot'ɨ.#11:24 Jitadak'ari k'ot'ɨ. Griego pedeade chi eda waapẽarã k'art'ade mãɨ newẽma. Nãɨ mɨ k'ak'uapɨ, mãra k'orea tearuma. Mɨ k'ɨ̃risiadai k'orea ara nãɨ jĩra oo p'anapariet'ɨ». 25Ara mãɨ jĩra nek'odak'ari chi pasu juade jitak'ari jarasima: «Nãɨ pasude eda bɨt'a mɨ oapɨ. Mɨ oadepa Tachi Ak'õrepa mãra ome pedea chiwidi bɨruma. Nãɨ toutacha mɨ k'ɨ̃risiadai k'orea to p'anapariet'ɨ».#Jeremia 31:31-34; Éxodo 24:6-8.
26Tachi Chipari Jesú cherumisa mãɨ p'ana k'outacha mãɨnepa mãɨ pasude eda bɨ toutacha mãrapa ichi piuda k'orea jara p'anɨma. 27Mãɨ k'orea parituapa Tachi Chipari wap'eawẽa mãɨ p'ana k'oipɨra, mãɨ pasude bɨ toipɨra, nemietá oo bɨma. Tachi Chipari k'ak'ua mãɨnepa oa piawẽa bɨade a k'ɨ̃risia bɨma. 28Mãɨ p'ana k'oi naena, mãɨ pasude eda bɨ toi naena tachicha minachia ak'ɨi bɨma piarã Tachi Chipari wap'ea bɨ k'awai k'orea. 29Chi Tachi Chipari Jesú k'ak'ua wap'eawẽa bɨpa mãɨ p'ana k'oipɨra, mãɨ pasude eda bɨt'a toipɨra, Tachi Ak'õrepa nepɨra pará bɨade aipɨ.#11:29 Chi eda k'ɨ̃risiautapa k'ɨ̃risiapatama Pablopa «Jesú k'ak'ua wap'eawẽa bɨade» aside jara basi «Ẽpẽrarã Jesuderã wap'eawẽa bɨ». 30Mãɨ k'orea chok'ará mãraneenepema k'ak'ua piawẽa p'aneesidama, k'ɨdade p'aneesidama, mãɨnepa chi eda chi mãɨnepemarã piusidama. 31Maamina ara tachit'u minachia jĩrak'aua ak'ɨdaipara, mãɨyara Tachi Ak'õrepa nepɨra pará bɨade aiwẽ pasima. 32Maamina tachi ak'ɨrude, tachi ɨtɨaparima nãɨ ĩjũanepemarã ome nepɨra pará bɨade apiemaapa.
33Mãɨpuru mɨ ũpẽarã, Tachi Chipari k'ɨ̃risiadai k'orea k'opataɨ ooutade jõmãɨrã nɨt'ɨ ará k'odai k'orea. 34Abaɨ pida jarrapisia bɨpɨra ichi tiida nek'oi bɨma. Mãɨya ará jere nɨbeeutade Tachi Ak'õrepa mãra ɨtɨaiwẽma piawẽa oo p'anɨ k'orea. Mɨa wapida jarateai bɨ machimá wãrune jõma jarateaipɨ.
Currently Selected:
1 Corintio 11: tdc
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.