Popular Bible Verses from 1 Corintio 11

Share

Ara mãɨ jĩra nek'odak'ari chi pasu juade jitak'ari jarasima: «Nãɨ pasude eda bɨt'a mɨ oapɨ. Mɨ oadepa Tachi Ak'õrepa mãra ome pedea chiwidi bɨruma. Nãɨ toutacha mɨ k'ɨ̃risiadai k'orea to p'anapariet'ɨ». Tachi Chipari Jesú cherumisa mãɨ p'ana k'outacha mãɨnepa mãɨ pasude eda bɨ toutacha mãrapa ichi piuda k'orea jara p'anɨma.

Mɨa mãrá jarateada Tachi Chipari Jesudepa k'awasima. Mãɨ nãɨya bɨma: teamasi Tachi Chipari Jesú jitapii naena ichi juade p'ana atasima. Tachi Ak'õrea sõpia bɨade ak'ari t'oet'aarude jarasima: «Jitadak'ari k'ot'ɨ. Nãɨ mɨ k'ak'uapɨ, mãra k'orea tearuma. Mɨ k'ɨ̃risiadai k'orea ara nãɨ jĩra oo p'anapariet'ɨ».

Mãɨ p'ana k'oi naena, mãɨ pasude eda bɨ toi naena tachicha minachia ak'ɨi bɨma piarã Tachi Chipari wap'ea bɨ k'awai k'orea. Chi Tachi Chipari Jesú k'ak'ua wap'eawẽa bɨpa mãɨ p'ana k'oipɨra, mãɨ pasude eda bɨt'a toipɨra, Tachi Ak'õrepa nepɨra pará bɨade aipɨ.

Mãɨ k'orea parituapa Tachi Chipari wap'eawẽa mãɨ p'ana k'oipɨra, mãɨ pasude bɨ toipɨra, nemietá oo bɨma. Tachi Chipari k'ak'ua mãɨnepa oa piawẽa bɨade a k'ɨ̃risia bɨma.

Mɨ Cristo nipada jĩra nipapari pẽra mɨ jĩra nipat'ɨ.