Romans 8
8
Kiyaghtelleq Taghneghagnekun
1Enkaangam kinkut alngunak Christ Jesus‑mun ilatkaakata Kiyaghneghem nanqiggnaanghitii aghyuughyaghqaaluki. 2Qayughllak Liilightuusaan Taghnegham unguvallelitilghiim Christ Jesus‑kun itemutkaqaanga liilightuusaaneng seghleghqellghemllu tuqullghemllu. 3Moses‑em Liilightuusii tawaten pipagningitut qayughllak yugusimta piyukellghita kayaaleghqegkaqii Liilightuusat. Iwernga Kiyaghneghem pikaqaa Liilightuusat pipagningitkaat. Kayagtekaqaa ellmi katam Ighneni nunamun seghleghqumalghiitun yugtun ayuqluku. Tuunegkaqaa Ighneni aghqutnguluku seghleghqellemnnun. Tawaten nanqigtekaqaa seghleghqelleq yugusimelluku, 4whangkunnun qaatkesaqlegughtesqelluki Liilightuusat elqughutngalghiit qelghusii. Whangkunguut kiyaghlleghhiit malighqutaqluta Taghnegham piyukellghanun, nakaan yugusimta piyukellghitnun. 5Tamaakut kiyaghlleghhiit malighqutaqluteng yugusimeng piyukellghitnun, sumeghtaghaatkengnginaghaqiit piyukelleteng. Iwernga tamaakut kiyaghlleghhiit malighqutaqluteng Taghneghagnun, sumeghtaghaatkengnginaghaqiit Taghnegham piyukellghi. 6Umyugaput malighqutaqegkata yugusimta piyukellghanun, tuqullequkut. Iwernga umyugaput malighqutaqegkata Taghneghagnun, Kiyaghneghem unguvallelilleqiinkutlu nekeggmellelilleqiinkutlu. 7Umyugaput malighqutaqenghata yugusimta piyukellghanun, anguyagwaaqukut Kiyaghneghmun qayughllak qaatkigalkeput Liilightuusii. Ipa qaatkepagningitaput Kiyaghneghem Liilightuusii. 8Tamaakut malighqutaqngalghiit yugusimeng piyukellghanun efqughtepagningitaat Kiyaghneq.
9Iwernga elpesi igleqataqngunghitiisi yugusighpesi piyukellghan. Igleqataqngwiisi Kiyaghneghem Taghneghagkenka, qayughllak ipa kiyaghtengngulghii ilugpesini. Christ‑am Taghneghakek kiyaghtengngunghilkayek ilungani yugem, pikenghitaa Christ‑am. 10Yugusisi tuqunaqnguut apalluqluki seghleghqellesi. Iwernga Christ‑a kiyaghtengngukan ilugpesini, taawa Taghnegham unguvallelilleqiisi, qayughllak Christ‑am nallghusaghtestekaqiisi Kiyaghneghem elqughutngallghanun. 11Kiyaghneghem Taghneghakek unguvaghtikak Jesus‑meng, kiyaghtengnguuk ilugpesini. Katam Kiyaghneghem unguvaghtestellghatun Christ Jesus, unguvaghtesleqii yugusisi Taghneghagmikun kiyaghlleghhiignekun ilugpesini.
12Enkaangam ugpeqaalgutemni, kiyaghsaghqaagukut Kiyaghneghem Taghneghagkenka kiyaghtesqesullghatun, nakaan yugusimta kiyaghtesqesullghatun. 13Kiyaghtengngukufsi malighqutaqlusi yugusighpesi piyukellghanun, tuqullequsi. Iwernga Taghneghagnekun tuquskufsiki yugusighpesi seghleghqengꞌngalghiit piiqegkangit, taawa kiyaghllequsi. 14Qayughllak tamaakut maghyaghquqii Kiyaghneghem Taghneghagkenka Kiyaghneghem avaqutaqii. 15Taghnegham allgeghtekaghpesi Kiyaghneghmeng qepghaghtelaaghughtesneqiggnaanghitiisi alingelleghmun. Yeghlegi Taghnegham Kiyaghneghmun avaqutaqestiisi. Enkaam ellngakun tuqlughaghaghput Kiyaghneq, “Abba! Ataay!” 16Kiyaghneghem Taghneghakek ellmegneng ilatkaaguk taghneghamnnun ungipaannaluta Kiyaghneghmun avaqutaqniluta. 17Kiyaghneghem avaqutaqutanganeng, Kiyaghneghem pagitistekiinkut, Christ‑amllu pagitistelgutkiinkut. Nighughqellengellequkut Christ‑atun ikfiqegkumta Christ‑am ikfiqellghatun.
Kiyaghneghem Taghneghagkenka Kayusighiinkut
18Sumemni ikfiqelleput unguvallemnni inglutepagningitut nighughqelleghmun Kiyaghneghem aliighsaghqaanun whangkunnun. 19Ulimaaq qamaglluni utaqiinguuq qelanellelighluni Kiyaghneghmun aliightesqelluki kinkungutangi avaqutii. 20Kiyaghneghem nanqigtekaqaa ulimaaq aghyughyaghqaaluku enkaam atuunanightestaa. Ulimaaq nanqigtesunghitkaaguq, iwernga Kiyaghneghem tawaten piyukegkaqaa. Naqamllu paninang sighimallelguuq 21qayughllak ataasimi aghneghmi Kiyaghneghem itemulleqaa ulimaaq aghulleghmeng. Taagken ulimaaq ilallequq itemngalleghllagitnun Kiyaghneghem avaqutiitnun. 22Liisimakaghput whavemun kenlanga iingunaghmi ulimaaq ngillegtengnguuq aqnighqellghatun ighniyulghiim. 23Iwernga ulimaaghhiinaanghituq ngilleglleghhii, whangkutallu ngillegtengnguukut. Whangkunguukut Agleghnalghiigneng Taghneghagneng pilegni Kiyaghneghem tunusaqsugwhaagha whangkunnun. Ngillegtengnguukutlu ilumteggun utaqiimaluta Kiyaghneghmun allughqisqelluta avaqutaaluta ellnganun, itemutesqellukillu yugusiput seghleghqelleghmeng. 24Taaggun sighimalleghqun yugulikaagukut. Iwernga allgeghsimakumteggu sighimakegkaghput, taawa sighimallghunghituq. Yuget sighimangigatut sameng allgeghtengngwaaqameggneng. 25Iwernga sighimamakumta sameng allgeghtekaqenghilkemnneng, utaqalleqaghput qelaneghpenaamta.
26Tawateghpigaq Taghnegham kayusighaqiinkut kayaatellemnni, qayughllak nallukelghiikut naten yughalleghqaqsaqemtestun. Iwernga Taghnegham ellmineng katam yughaataqiinkut Kiyaghneghmun ngillegtelleghllagkun akuzitngunaan. 27Kiyaghneghem liisimakii yuget sumeghtaghallghit. Liisimakiillu sumeghtaghallghi Taghnegham, qayughllak Taghnegham yughaatkaqii yugi Kiyaghneghem piyukellghatun ayuqluki.
28Liisimakaghput Kiyaghneghem sangwaat qamaglluki qepghaghtestaqii qerngiita pinighqelleghqiitnun piniqistemi. Ellnginguut tuqluqii uspeqelleghmitun. 29Tamaakunguut Kiyaghneghem nakmikekestaqii. Aaftekaqiillu Ighneghmitun lliighesqelluki. Tawaten pikaaguq Ighneni allgeghyuwhaaghumasqelluku anglegutelghutanganeng. 30Enkaam Kiyaghneghem aaftekani tuqluqaqii. Tamaakutlu tuqluqani nallghusaqaqii elqughutngalleghminun. Tamaakutlu nallghusaqani elqughutngalleghminun quulvaqaqii.
Kiyaghneghem Piniqellgha Christ Jesus‑kun
31Samengꞌngam pinaqesteggu una? Kiyaghneq whangkunnun ayuqngukan, kitumngam tengvimun pilleqinkut? 32Ighlekumangitaa ellmi katam Ighneni; itupill tuunegkaqaa aghqutnguluku tamaghhamnnun! Kiyaghneghem tuunumakanginkut Ighneghmineng, taawa ellngakun ighlegpenani tuunelleqiinkut sameng tamaghhaaneng. 33Kitumngam anaggunnilleqaki Kiyaghneghem nakmikegkii yuget? Kiyaghneghem ellmineng katam anaggutellghinnikaqii! 34Kinangam pilleqa Kiyaghneghem yugi nanqigsaghqaaniluki aghyuughyaghqaaluteng? Christ Jesus‑em pilleqaguu? Nakaa, qayughllak ellnganguuq tuqumatkikaq whangkunnun, unguvaghtekaaguqlu tuqulleghmeng. Maaten yughaatkaqiinkut aqumluni aghenqigneghani Kiyaghneghem. 35Saamngam iqitesleqinkut piniqellghaneng Christ‑am? Seghleliillghaam, piyaqliillghaam, amyuqetaatkellghaam, paneghniqellghaam, aklumallghaam, yakughnaam, nalighmeng tuqutellghaam? 36Igaqngaaq Akuzitni Igaqegkani whaten,
“Elpek apalluqluten aghhutanga tamaghhaan yuget tuqusugaqiinkut.
Sumeghtaghalleghmeggni penniighestun ayuqniiqiinkut tuqusaghqat.”
37Iwernga tamaakut qamaglluki kayaalqengngwaaqaqaput Christ‑akun piniqistemteggun. 38Liisimakngwaaghaqa saam alngunak iqitesnaanghitiinkut Kiyaghneghem piniqellghaneng: talwa tuqullghem, unguvallghem, yaqulget, nalighmeng tughneghaat. Talwa sangwaa saghngaan aghneghmi nalighmeng sivumi agani, nalighmeng aghtughyaghqaanghillghet. 39Talwa sangwaat qulemnni nalighmeng asimnni. Ulimaaghmi iqitestiyaghqaqraggiituq whangkunneng Kiyaghneghem piniqellghaneng Christ Jesus‑kun Atanemteggun.
Currently Selected:
Romans 8: ess
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Romans 8
8
Kiyaghtelleq Taghneghagnekun
1Enkaangam kinkut alngunak Christ Jesus‑mun ilatkaakata Kiyaghneghem nanqiggnaanghitii aghyuughyaghqaaluki. 2Qayughllak Liilightuusaan Taghnegham unguvallelitilghiim Christ Jesus‑kun itemutkaqaanga liilightuusaaneng seghleghqellghemllu tuqullghemllu. 3Moses‑em Liilightuusii tawaten pipagningitut qayughllak yugusimta piyukellghita kayaaleghqegkaqii Liilightuusat. Iwernga Kiyaghneghem pikaqaa Liilightuusat pipagningitkaat. Kayagtekaqaa ellmi katam Ighneni nunamun seghleghqumalghiitun yugtun ayuqluku. Tuunegkaqaa Ighneni aghqutnguluku seghleghqellemnnun. Tawaten nanqigtekaqaa seghleghqelleq yugusimelluku, 4whangkunnun qaatkesaqlegughtesqelluki Liilightuusat elqughutngalghiit qelghusii. Whangkunguut kiyaghlleghhiit malighqutaqluta Taghnegham piyukellghanun, nakaan yugusimta piyukellghitnun. 5Tamaakut kiyaghlleghhiit malighqutaqluteng yugusimeng piyukellghitnun, sumeghtaghaatkengnginaghaqiit piyukelleteng. Iwernga tamaakut kiyaghlleghhiit malighqutaqluteng Taghneghagnun, sumeghtaghaatkengnginaghaqiit Taghnegham piyukellghi. 6Umyugaput malighqutaqegkata yugusimta piyukellghanun, tuqullequkut. Iwernga umyugaput malighqutaqegkata Taghneghagnun, Kiyaghneghem unguvallelilleqiinkutlu nekeggmellelilleqiinkutlu. 7Umyugaput malighqutaqenghata yugusimta piyukellghanun, anguyagwaaqukut Kiyaghneghmun qayughllak qaatkigalkeput Liilightuusii. Ipa qaatkepagningitaput Kiyaghneghem Liilightuusii. 8Tamaakut malighqutaqngalghiit yugusimeng piyukellghanun efqughtepagningitaat Kiyaghneq.
9Iwernga elpesi igleqataqngunghitiisi yugusighpesi piyukellghan. Igleqataqngwiisi Kiyaghneghem Taghneghagkenka, qayughllak ipa kiyaghtengngulghii ilugpesini. Christ‑am Taghneghakek kiyaghtengngunghilkayek ilungani yugem, pikenghitaa Christ‑am. 10Yugusisi tuqunaqnguut apalluqluki seghleghqellesi. Iwernga Christ‑a kiyaghtengngukan ilugpesini, taawa Taghnegham unguvallelilleqiisi, qayughllak Christ‑am nallghusaghtestekaqiisi Kiyaghneghem elqughutngallghanun. 11Kiyaghneghem Taghneghakek unguvaghtikak Jesus‑meng, kiyaghtengnguuk ilugpesini. Katam Kiyaghneghem unguvaghtestellghatun Christ Jesus, unguvaghtesleqii yugusisi Taghneghagmikun kiyaghlleghhiignekun ilugpesini.
12Enkaangam ugpeqaalgutemni, kiyaghsaghqaagukut Kiyaghneghem Taghneghagkenka kiyaghtesqesullghatun, nakaan yugusimta kiyaghtesqesullghatun. 13Kiyaghtengngukufsi malighqutaqlusi yugusighpesi piyukellghanun, tuqullequsi. Iwernga Taghneghagnekun tuquskufsiki yugusighpesi seghleghqengꞌngalghiit piiqegkangit, taawa kiyaghllequsi. 14Qayughllak tamaakut maghyaghquqii Kiyaghneghem Taghneghagkenka Kiyaghneghem avaqutaqii. 15Taghnegham allgeghtekaghpesi Kiyaghneghmeng qepghaghtelaaghughtesneqiggnaanghitiisi alingelleghmun. Yeghlegi Taghnegham Kiyaghneghmun avaqutaqestiisi. Enkaam ellngakun tuqlughaghaghput Kiyaghneq, “Abba! Ataay!” 16Kiyaghneghem Taghneghakek ellmegneng ilatkaaguk taghneghamnnun ungipaannaluta Kiyaghneghmun avaqutaqniluta. 17Kiyaghneghem avaqutaqutanganeng, Kiyaghneghem pagitistekiinkut, Christ‑amllu pagitistelgutkiinkut. Nighughqellengellequkut Christ‑atun ikfiqegkumta Christ‑am ikfiqellghatun.
Kiyaghneghem Taghneghagkenka Kayusighiinkut
18Sumemni ikfiqelleput unguvallemnni inglutepagningitut nighughqelleghmun Kiyaghneghem aliighsaghqaanun whangkunnun. 19Ulimaaq qamaglluni utaqiinguuq qelanellelighluni Kiyaghneghmun aliightesqelluki kinkungutangi avaqutii. 20Kiyaghneghem nanqigtekaqaa ulimaaq aghyughyaghqaaluku enkaam atuunanightestaa. Ulimaaq nanqigtesunghitkaaguq, iwernga Kiyaghneghem tawaten piyukegkaqaa. Naqamllu paninang sighimallelguuq 21qayughllak ataasimi aghneghmi Kiyaghneghem itemulleqaa ulimaaq aghulleghmeng. Taagken ulimaaq ilallequq itemngalleghllagitnun Kiyaghneghem avaqutiitnun. 22Liisimakaghput whavemun kenlanga iingunaghmi ulimaaq ngillegtengnguuq aqnighqellghatun ighniyulghiim. 23Iwernga ulimaaghhiinaanghituq ngilleglleghhii, whangkutallu ngillegtengnguukut. Whangkunguukut Agleghnalghiigneng Taghneghagneng pilegni Kiyaghneghem tunusaqsugwhaagha whangkunnun. Ngillegtengnguukutlu ilumteggun utaqiimaluta Kiyaghneghmun allughqisqelluta avaqutaaluta ellnganun, itemutesqellukillu yugusiput seghleghqelleghmeng. 24Taaggun sighimalleghqun yugulikaagukut. Iwernga allgeghsimakumteggu sighimakegkaghput, taawa sighimallghunghituq. Yuget sighimangigatut sameng allgeghtengngwaaqameggneng. 25Iwernga sighimamakumta sameng allgeghtekaqenghilkemnneng, utaqalleqaghput qelaneghpenaamta.
26Tawateghpigaq Taghnegham kayusighaqiinkut kayaatellemnni, qayughllak nallukelghiikut naten yughalleghqaqsaqemtestun. Iwernga Taghnegham ellmineng katam yughaataqiinkut Kiyaghneghmun ngillegtelleghllagkun akuzitngunaan. 27Kiyaghneghem liisimakii yuget sumeghtaghallghit. Liisimakiillu sumeghtaghallghi Taghnegham, qayughllak Taghnegham yughaatkaqii yugi Kiyaghneghem piyukellghatun ayuqluki.
28Liisimakaghput Kiyaghneghem sangwaat qamaglluki qepghaghtestaqii qerngiita pinighqelleghqiitnun piniqistemi. Ellnginguut tuqluqii uspeqelleghmitun. 29Tamaakunguut Kiyaghneghem nakmikekestaqii. Aaftekaqiillu Ighneghmitun lliighesqelluki. Tawaten pikaaguq Ighneni allgeghyuwhaaghumasqelluku anglegutelghutanganeng. 30Enkaam Kiyaghneghem aaftekani tuqluqaqii. Tamaakutlu tuqluqani nallghusaqaqii elqughutngalleghminun. Tamaakutlu nallghusaqani elqughutngalleghminun quulvaqaqii.
Kiyaghneghem Piniqellgha Christ Jesus‑kun
31Samengꞌngam pinaqesteggu una? Kiyaghneq whangkunnun ayuqngukan, kitumngam tengvimun pilleqinkut? 32Ighlekumangitaa ellmi katam Ighneni; itupill tuunegkaqaa aghqutnguluku tamaghhamnnun! Kiyaghneghem tuunumakanginkut Ighneghmineng, taawa ellngakun ighlegpenani tuunelleqiinkut sameng tamaghhaaneng. 33Kitumngam anaggunnilleqaki Kiyaghneghem nakmikegkii yuget? Kiyaghneghem ellmineng katam anaggutellghinnikaqii! 34Kinangam pilleqa Kiyaghneghem yugi nanqigsaghqaaniluki aghyuughyaghqaaluteng? Christ Jesus‑em pilleqaguu? Nakaa, qayughllak ellnganguuq tuqumatkikaq whangkunnun, unguvaghtekaaguqlu tuqulleghmeng. Maaten yughaatkaqiinkut aqumluni aghenqigneghani Kiyaghneghem. 35Saamngam iqitesleqinkut piniqellghaneng Christ‑am? Seghleliillghaam, piyaqliillghaam, amyuqetaatkellghaam, paneghniqellghaam, aklumallghaam, yakughnaam, nalighmeng tuqutellghaam? 36Igaqngaaq Akuzitni Igaqegkani whaten,
“Elpek apalluqluten aghhutanga tamaghhaan yuget tuqusugaqiinkut.
Sumeghtaghalleghmeggni penniighestun ayuqniiqiinkut tuqusaghqat.”
37Iwernga tamaakut qamaglluki kayaalqengngwaaqaqaput Christ‑akun piniqistemteggun. 38Liisimakngwaaghaqa saam alngunak iqitesnaanghitiinkut Kiyaghneghem piniqellghaneng: talwa tuqullghem, unguvallghem, yaqulget, nalighmeng tughneghaat. Talwa sangwaa saghngaan aghneghmi nalighmeng sivumi agani, nalighmeng aghtughyaghqaanghillghet. 39Talwa sangwaat qulemnni nalighmeng asimnni. Ulimaaghmi iqitestiyaghqaqraggiituq whangkunneng Kiyaghneghem piniqellghaneng Christ Jesus‑kun Atanemteggun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.