Romans 7
7
Ugpeqatlu Liilightuusatlu
1Ugpeqaalgutemni, lataamsi liisimakilghiini Liilightuusaneng. Enkaam liigikasi Liilightuusat qelghaqiit yuget kiyaghtengnguluki. 2Ugiiqaq aghnaq usputaaguq. Liilightuusam qelellghani aghnaq ugiminisaghqaaguq tagtalngatun ugimi kiyaghtellghan. Iwernga tuqukan ugini, taawa itemellequq Liilightuusaaneng nengughtellghem. 3Iwernga, ugini unguvaluku allami yugmi kiyaghtekumi gelgaghniightenguluni atighyaghqaaguq. Iwernga uginga tuqumakan, itemellequq taagken Liilightuusameng. Gelgaghniighunghituq ugiinqigtekumi. 4Ugpeqaalgutemni, elpesillu itemumaasi Liilightuusaneng qayughllak tuqukaagusi Christ‑ami. Tamaaken apalluqluku Christ‑am pikiisi. Ellnganguuq Kiyaghneghem unguvaghtekaa tuqulleghmeng, whangkunnun qepghaatesqelluku Kiyaghneq. 5Sivunghani qaatkaqaput seghleghqengngalghiit piyukellghi yugusimta. Liilightuusat atuqistesugaqiinkut tamaakuneng. Enkaam atuqegkumteki tuqusleqiinkut. 6Sivunghani anusimingllaghastun ayuqsaghtukut Liilightuusanun. Tuqukaatemnneng Christ‑ami, itemutkaagukut qaatkusaghqaallemnneng Liilightuusanun. Enkaam qepghaatngwaaghput Kiyaghneq unguvalleghraghamteggun Taghneghagnekun, nakaan unguvallelumteggun Liilightuusatgun.
7Samengꞌngam pilleqesta? Liilightuusaat seghleghqellghwaat? Yeghlegillu! Taakut Liilightuusat liitestekaqii whangamnun seghleghqellghet sangutangi. Liinnayanghitaqa qiliiqetiqelleq sangutanga Liilightuusaq whaten qelghimangisaqan, “Qiliiqetiqegpenang.” 8Iwernga atuqluku taana qelghusaq, seghleghqellghem allaaghhiinaghneng qiliiqetangllaqaqaanga. Liilightuusangunateng seghleghqellghet tuqungaat. 9Sivunghani kiyaghtengnguyaghtunga Liilightuusangunaan; iwernga liisaqegka taana qelghusaq, seghleghqelleq unguvaghluni enkaam tuquunga. 10Qelghusaq unguvastiyaghqaayalghii whangamnun, yeghlegi tuqustaanga. 11Taaggun qelghusakun, seghleghqellghem puughsaqlegughtaanga. Enkaam atuqluku qelghusaq seghleghqellghem tuqutaanga.
12Iwernga Liilightuusat agleghnalghiinguut, qelghusaqlu agleghnalghiinguuq, elqughutngaaqlu, pinightuqlu. 13Taam qelghusam pinilghiim, tuqustangaa? Yeghlegillu! Seghleghqellghem tuqutaanga atuqluku sangwaa pinilghii. Enkaam liitaghput qelghusakun seghleghqelleq elngaatall seghlepiguuq.
Pingigataqa Piyukelqa
14Liisimakaput Liilightuusat Kiyaghneghem Taghneghaaneng pinguut, iwernga maghyaghquunghitaanga Taghnegham. Maghyaghquungwaanga yugusima piyukellghan, enkaam qepghaghtelaaghuunga seghleghqelleghmun. 15Liigikigataqa saaqutka qayughllak atuqigataqa sangwaa atuqsukaqa. Itupill atuqaqaqa sangwaa ugumikegkaqa. 16Iwernga atuqegkumki ugumikegkanka atuqsunghiteghngaamki, taawa itagnaqaqanka Liilightuusat piniitangi. 17Enkaam whangangunghituq tawaten piiqelghii, itupill seghleghqelleq ilumnilnguq tawaten piiquq. 18Liisimakaqa avangitunga pinilghiimeng ilumni, yugusimni. Pinitun piyugaqsaghngaaghma, pipagningitaqa. 19Pingigataqa pinilghii piyukegkaqa, yeghlegi seghleq piiqaqa piyukenghitkaqa. 20Enkaam piyukenghitkaqa pinemkun, taawa whangangunghituq tawaten pilghii. Itupill seghleghqellghwaaquq ilumnilnguq tawaten piiqelghii.
21Enkaam liitaqa taana: pinitun pinaqeghngaghma, paninang seghleq tawantaquq. 22Qaamkerugllak pinighyuugusiqanka Kiyaghneghem Liilightuusii. 23Iwernga liitaqa taawa ilanga liilightuusaq yugusimnituq. Pilluwaqangi Kiyaghneghem Liilightuusii umyugama itagnaqegkii. Liilightuusam yugusimnilnguum seghleghqestaqaanga, enkaam anusimingllaghastun ayuqunga taamun liilightuusamun. 24Seghleghwaaghuunga! Kitumngam itemulleqanga whaken yugusimeng tuqustiyaghqameng whangamneng? 25Iqamsiqanaghhalek Kiyaghneghmun itemuskanganga Jesus Christ‑akun Atanemteggun!
Enkaangam qaatkanka Kiyaghneghem Liilightuusii umyugamkun, iwernga yugusimkun qaatkaqa liilightuusaq seghleghqestilghii whangamneng.
Currently Selected:
Romans 7: ess
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Romans 7
7
Ugpeqatlu Liilightuusatlu
1Ugpeqaalgutemni, lataamsi liisimakilghiini Liilightuusaneng. Enkaam liigikasi Liilightuusat qelghaqiit yuget kiyaghtengnguluki. 2Ugiiqaq aghnaq usputaaguq. Liilightuusam qelellghani aghnaq ugiminisaghqaaguq tagtalngatun ugimi kiyaghtellghan. Iwernga tuqukan ugini, taawa itemellequq Liilightuusaaneng nengughtellghem. 3Iwernga, ugini unguvaluku allami yugmi kiyaghtekumi gelgaghniightenguluni atighyaghqaaguq. Iwernga uginga tuqumakan, itemellequq taagken Liilightuusameng. Gelgaghniighunghituq ugiinqigtekumi. 4Ugpeqaalgutemni, elpesillu itemumaasi Liilightuusaneng qayughllak tuqukaagusi Christ‑ami. Tamaaken apalluqluku Christ‑am pikiisi. Ellnganguuq Kiyaghneghem unguvaghtekaa tuqulleghmeng, whangkunnun qepghaatesqelluku Kiyaghneq. 5Sivunghani qaatkaqaput seghleghqengngalghiit piyukellghi yugusimta. Liilightuusat atuqistesugaqiinkut tamaakuneng. Enkaam atuqegkumteki tuqusleqiinkut. 6Sivunghani anusimingllaghastun ayuqsaghtukut Liilightuusanun. Tuqukaatemnneng Christ‑ami, itemutkaagukut qaatkusaghqaallemnneng Liilightuusanun. Enkaam qepghaatngwaaghput Kiyaghneq unguvalleghraghamteggun Taghneghagnekun, nakaan unguvallelumteggun Liilightuusatgun.
7Samengꞌngam pilleqesta? Liilightuusaat seghleghqellghwaat? Yeghlegillu! Taakut Liilightuusat liitestekaqii whangamnun seghleghqellghet sangutangi. Liinnayanghitaqa qiliiqetiqelleq sangutanga Liilightuusaq whaten qelghimangisaqan, “Qiliiqetiqegpenang.” 8Iwernga atuqluku taana qelghusaq, seghleghqellghem allaaghhiinaghneng qiliiqetangllaqaqaanga. Liilightuusangunateng seghleghqellghet tuqungaat. 9Sivunghani kiyaghtengnguyaghtunga Liilightuusangunaan; iwernga liisaqegka taana qelghusaq, seghleghqelleq unguvaghluni enkaam tuquunga. 10Qelghusaq unguvastiyaghqaayalghii whangamnun, yeghlegi tuqustaanga. 11Taaggun qelghusakun, seghleghqellghem puughsaqlegughtaanga. Enkaam atuqluku qelghusaq seghleghqellghem tuqutaanga.
12Iwernga Liilightuusat agleghnalghiinguut, qelghusaqlu agleghnalghiinguuq, elqughutngaaqlu, pinightuqlu. 13Taam qelghusam pinilghiim, tuqustangaa? Yeghlegillu! Seghleghqellghem tuqutaanga atuqluku sangwaa pinilghii. Enkaam liitaghput qelghusakun seghleghqelleq elngaatall seghlepiguuq.
Pingigataqa Piyukelqa
14Liisimakaput Liilightuusat Kiyaghneghem Taghneghaaneng pinguut, iwernga maghyaghquunghitaanga Taghnegham. Maghyaghquungwaanga yugusima piyukellghan, enkaam qepghaghtelaaghuunga seghleghqelleghmun. 15Liigikigataqa saaqutka qayughllak atuqigataqa sangwaa atuqsukaqa. Itupill atuqaqaqa sangwaa ugumikegkaqa. 16Iwernga atuqegkumki ugumikegkanka atuqsunghiteghngaamki, taawa itagnaqaqanka Liilightuusat piniitangi. 17Enkaam whangangunghituq tawaten piiqelghii, itupill seghleghqelleq ilumnilnguq tawaten piiquq. 18Liisimakaqa avangitunga pinilghiimeng ilumni, yugusimni. Pinitun piyugaqsaghngaaghma, pipagningitaqa. 19Pingigataqa pinilghii piyukegkaqa, yeghlegi seghleq piiqaqa piyukenghitkaqa. 20Enkaam piyukenghitkaqa pinemkun, taawa whangangunghituq tawaten pilghii. Itupill seghleghqellghwaaquq ilumnilnguq tawaten piiqelghii.
21Enkaam liitaqa taana: pinitun pinaqeghngaghma, paninang seghleq tawantaquq. 22Qaamkerugllak pinighyuugusiqanka Kiyaghneghem Liilightuusii. 23Iwernga liitaqa taawa ilanga liilightuusaq yugusimnituq. Pilluwaqangi Kiyaghneghem Liilightuusii umyugama itagnaqegkii. Liilightuusam yugusimnilnguum seghleghqestaqaanga, enkaam anusimingllaghastun ayuqunga taamun liilightuusamun. 24Seghleghwaaghuunga! Kitumngam itemulleqanga whaken yugusimeng tuqustiyaghqameng whangamneng? 25Iqamsiqanaghhalek Kiyaghneghmun itemuskanganga Jesus Christ‑akun Atanemteggun!
Enkaangam qaatkanka Kiyaghneghem Liilightuusii umyugamkun, iwernga yugusimkun qaatkaqa liilightuusaq seghleghqestilghii whangamneng.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.