Romans 1
1
1Ukut latat Paul‑meng pinguut; qepghaghtekaanga Jesus Christ‑am. Kiyaghneghem tuqluqaqaanga apostle‑ngulunga, nakmikegkaqaangallu ungipaqesqelluki Pinilghiit Ungipani.
2Ayumiq Kiyaghneghem akequsaqegkaqii taakut Pinilghiit Ungipat uuknaliqistemikun. Uuknaliqutkegkaqiit agleghnalghiitgun Akuzitetgun Igaqegkatgun. 3Taakut Pinilghiit Ungipat Kiyaghneghem Ighneghaneng ayuqut. Yuguluni allgeqaaguq Umiilgem David‑em kingunghitgun. 4Agleghnalghiim Taghnegham liigikestiinkut Ataneghput Jesus Christ‑a, Kiyaghneghem aghtughyaghqaanghilnguuguq Ighnegha. Taghnegham ipapighqegkaqaa unguvaghtesluku Jesus tuqulleghmeng. 5Ellngakun nangllekellengumaanga apostle‑ngulunga. Tawaten Kiyaghneghem pikaqaanga tuqliisqelluki nunataghhaan yugi ugpeqesqellukullu, qaatkesqellukullu Christ‑a. Enkaam Christ‑am aatgha quulvallengellequq. 6Elpesillu Rome‑emelngughni, Kiyaghneghem tuqluqaqiisi Jesus Christ‑amun pikesqellusi.
7Qamagllusi elpesi Rome‑emelngughni Kiyaghneghem piniqegkiitni, tuqluqiitnillu yuknalusi:
Kiyaghneghem Atamta, Atanghemllu Jesus Christ‑am kayusiillisi, nekeggmellelisillillu.
Yughii Iqamsiqayullghem
8Sivukluku tamaghhaghpesinun iqamsiqayugvikaqa Kiyaghneqa Jesus Christ‑akun, qayughllak ungipaa ugpeqilleghpesi mingitnguuq yulghutnun tamaghhaani. 9Pinaqelqa qamaglluku qepghaataqaqa Kiyaghneq, ungipaqnaluki Pinilghiit Ungipat Ighneghaneng ayuqelghiit. Kiyaghneq liisimakistekaqa quunpeng yughaatkengngukemsi. 10Yughaghaqungallu Kiyaghneghmun piyukelqegkagu qenwatlu elpesinun piyaghqaalunga. 11Esghaghyupigtaqamsi quyastellelinnalusi Kiyaghneghem Taghneghagkeneng iknaqsuugtesqellusi. 12Whaten pingwaamsi: qerngaamta kayemutunnaluta, elpesi ugpeqillemkun, whanga ugpeqilleghpesigun.
13Ugpeqaalgutemni, liisimakesugamsi awen laalighfiksugaqamsi iwernga saam quunpeng pinghitestaqaanga. Enkaam maaten kayusiisuganka Rome‑eghmiit ugpeghesqelluki Christ‑akun, ilangitnun Gentile‑enun pillemtun. 14Kiyaghneghem nakmikegkaqaanga ungipaqesqelluki Pinilghiit Ungipat. Enkaam ungipaqsaghqaqanka tamaghhaanun, Greek‑enunllu Greek‑ngunghilngughnunllu, peghqineghnunllu nalluuqanunllu. 15Enkaam whaa ungipaqiyugllaguunga Pinilghiineng Ungipaneng elpesinunllu kiyaghlleghhiini Rome‑emi.
Pinilghiit Ungipat Kiyaghneghem Aghtughyaghqaanghilqii Yugulilleghmun
16Kayngukigatanka Pinilghiit Ungipat: Kiyaghneghem aghtughyaghqaanghilqii yugulilleghmun tamaghhaanun ugpeqilghiinun. Sivukluteng ungipaqegkaagut Jews‑enun taagken Gentile‑enun. 17Taakut Pinilghiit Ungipat liigikestiinkut naten Kiyaghneghem nallghusaghaqutangi yuget elqughutngalleghminun. Ugpeqillghiniitgun Kiyaghneq tawaten piiquq. Katam Akuzitni Igaqegkani igaqngaaq, “Nallghughqegkaq Kiyaghneghem elqughutngallghanun kiyaghllequq neghyukluku ellnga.”
Kiyaghneghem Sakritelleghllaga
18Qilagmeng Kiyaghneghem yuget liigikestii sakritutnguniluki, aghyuughlleqnilukillu seghleghqellghitnun, seghletunllu pillghitnun. Seghletun pillghita liigiknanightestiit Kiyaghneghem ipapillghaneng. 19Sangwaa yuget liisimakegkaat Kiyaghneghmeng ayuqelghii whateghlluwaaghuuq ellngitnun qayughllak Kiyaghneghem whateghlluwaaghughtaa ellngitnun. 20Kiyaghneghem ulimatanganeng nuna, yuget liigikngwaaghaqaat aghtughyaghqaanghillgha aghuliighigalnguq, ipallu Kiyaghneghutanga. Qaywa yuget esghaghpagningiteghngaaghmegtekek taakuk, paninang liisimakagket Kiyaghneghem ulimaaghakun. Enkaam yuget apalliitut whaten pilleghqameng, Nallukaghput Kiyaghnelgutanga. 21Liisimakeghngaaghmegteggu Kiyaghneq, quulviigataat Kiyaghneghuluku, iqamsiqayugvikigataatlu. Yeghlegi sumeghtaghallghit Kiyaghneghmeng satngunaniqaagut, umyugiitlu liigiknaniqaagut. 22Peghqinghuniiqut iwernga nalluughtaqut. 23Enkaam manigughpenaan Kiyaghneq tuquyaghqaghhaanghilnguq, yeghlegi manigughaqiit kiyaghnengllaqateng yugsugnilnguut, qawaagsugnilnguut, teghikusaghsugnilnguut, nalighmeng nemeghyaghsugnilnguut.
24Tamaaken apalluqluku Kiyaghneghem pegtii atuqesqelluki nukeggnalghiit sex‑kun seghleghqellghet piyukeghllakiit. Enkaam atuqaqiit yugusiteng anagngaluki, seghleghqaqluteng sex‑kun ilameggnun, 25qayughllak ipapilleq Kiyaghneghmeng ayuqelghii naavghusimaat iqlengamun. Enkaangam manigughaqiitlu, qepghaataqiitlu Kiyaghneghem ulimaaghi, avelghaghluku Ulimaghista ellnga katam. Ellnganguuq usuqsaghqaq quunperugllak kenlengunaan! Amen.
26Tamaaken apalluqluku Kiyaghneghem pegtii atuqesqelluki seghleghqellghet piyukeghllakiit. Aghnat sex‑eyugnanighiit yuget, yeghlegi sex‑eyagutut aghnaalgutmeggneng. 27Tawateghpigaq yugetlu sex‑eyugnanighiit aghnat, yeghlegi sex‑eyaguteghllagtut yulgutmeggneng. Tawaten pikaatangitneng Kiyaghneghem aghyuughii yugusiitgun apalluqluki anaggutelleghllagit.
28Tamaakut yuget sumeghmeggni satngunghinniiqaat liisimakipiilleq Kiyaghneghmeng ayuqelghii. Enkaam Kiyaghneghem pegtii satngunghilngughnun sumeghtaghallghitnun, atughqaqenghisaqangitnunllu. 29Allaaghhinaghmeng seghleghmeng pimanginaghaqut, seghleghqaqut, pakigneghuut, ugumiketaghtutlu. Aqinaketaghtut, yugtaghyuneghtuut, pilluwaghyuneghtuut, puughtiyuneghtuut, sumeghtaghaatkaqiitlu ilateng seghlepiguluki. Yiillgiiqut, 30seghletun akuzitkaqiit ilateng. Ugumikaat Kiyaghneq, yukeghqenghuut, qukaayugneghuutlu. Sumeghtaghaghaqut wata seghletun pinaluteng; qaatkusigatut angayuqameggnun, 31nalluut, akequsateng atuqigatiit, nangllegyugigatut, nafughtiitaqutlu ilameggnun. 32Liisimakiit Kiyaghneghem Liilightuusii pilghiit tawatelnguut yuget allgeghsaghqaqaanꞌnguq tuqulleq. Nagneghutnginaghpenaki tamaakut atuqegkateng, talwa itagnaqaqiit tawaten pilghiit.
Currently Selected:
Romans 1: ess
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Romans 1
1
1Ukut latat Paul‑meng pinguut; qepghaghtekaanga Jesus Christ‑am. Kiyaghneghem tuqluqaqaanga apostle‑ngulunga, nakmikegkaqaangallu ungipaqesqelluki Pinilghiit Ungipani.
2Ayumiq Kiyaghneghem akequsaqegkaqii taakut Pinilghiit Ungipat uuknaliqistemikun. Uuknaliqutkegkaqiit agleghnalghiitgun Akuzitetgun Igaqegkatgun. 3Taakut Pinilghiit Ungipat Kiyaghneghem Ighneghaneng ayuqut. Yuguluni allgeqaaguq Umiilgem David‑em kingunghitgun. 4Agleghnalghiim Taghnegham liigikestiinkut Ataneghput Jesus Christ‑a, Kiyaghneghem aghtughyaghqaanghilnguuguq Ighnegha. Taghnegham ipapighqegkaqaa unguvaghtesluku Jesus tuqulleghmeng. 5Ellngakun nangllekellengumaanga apostle‑ngulunga. Tawaten Kiyaghneghem pikaqaanga tuqliisqelluki nunataghhaan yugi ugpeqesqellukullu, qaatkesqellukullu Christ‑a. Enkaam Christ‑am aatgha quulvallengellequq. 6Elpesillu Rome‑emelngughni, Kiyaghneghem tuqluqaqiisi Jesus Christ‑amun pikesqellusi.
7Qamagllusi elpesi Rome‑emelngughni Kiyaghneghem piniqegkiitni, tuqluqiitnillu yuknalusi:
Kiyaghneghem Atamta, Atanghemllu Jesus Christ‑am kayusiillisi, nekeggmellelisillillu.
Yughii Iqamsiqayullghem
8Sivukluku tamaghhaghpesinun iqamsiqayugvikaqa Kiyaghneqa Jesus Christ‑akun, qayughllak ungipaa ugpeqilleghpesi mingitnguuq yulghutnun tamaghhaani. 9Pinaqelqa qamaglluku qepghaataqaqa Kiyaghneq, ungipaqnaluki Pinilghiit Ungipat Ighneghaneng ayuqelghiit. Kiyaghneq liisimakistekaqa quunpeng yughaatkengngukemsi. 10Yughaghaqungallu Kiyaghneghmun piyukelqegkagu qenwatlu elpesinun piyaghqaalunga. 11Esghaghyupigtaqamsi quyastellelinnalusi Kiyaghneghem Taghneghagkeneng iknaqsuugtesqellusi. 12Whaten pingwaamsi: qerngaamta kayemutunnaluta, elpesi ugpeqillemkun, whanga ugpeqilleghpesigun.
13Ugpeqaalgutemni, liisimakesugamsi awen laalighfiksugaqamsi iwernga saam quunpeng pinghitestaqaanga. Enkaam maaten kayusiisuganka Rome‑eghmiit ugpeghesqelluki Christ‑akun, ilangitnun Gentile‑enun pillemtun. 14Kiyaghneghem nakmikegkaqaanga ungipaqesqelluki Pinilghiit Ungipat. Enkaam ungipaqsaghqaqanka tamaghhaanun, Greek‑enunllu Greek‑ngunghilngughnunllu, peghqineghnunllu nalluuqanunllu. 15Enkaam whaa ungipaqiyugllaguunga Pinilghiineng Ungipaneng elpesinunllu kiyaghlleghhiini Rome‑emi.
Pinilghiit Ungipat Kiyaghneghem Aghtughyaghqaanghilqii Yugulilleghmun
16Kayngukigatanka Pinilghiit Ungipat: Kiyaghneghem aghtughyaghqaanghilqii yugulilleghmun tamaghhaanun ugpeqilghiinun. Sivukluteng ungipaqegkaagut Jews‑enun taagken Gentile‑enun. 17Taakut Pinilghiit Ungipat liigikestiinkut naten Kiyaghneghem nallghusaghaqutangi yuget elqughutngalleghminun. Ugpeqillghiniitgun Kiyaghneq tawaten piiquq. Katam Akuzitni Igaqegkani igaqngaaq, “Nallghughqegkaq Kiyaghneghem elqughutngallghanun kiyaghllequq neghyukluku ellnga.”
Kiyaghneghem Sakritelleghllaga
18Qilagmeng Kiyaghneghem yuget liigikestii sakritutnguniluki, aghyuughlleqnilukillu seghleghqellghitnun, seghletunllu pillghitnun. Seghletun pillghita liigiknanightestiit Kiyaghneghem ipapillghaneng. 19Sangwaa yuget liisimakegkaat Kiyaghneghmeng ayuqelghii whateghlluwaaghuuq ellngitnun qayughllak Kiyaghneghem whateghlluwaaghughtaa ellngitnun. 20Kiyaghneghem ulimatanganeng nuna, yuget liigikngwaaghaqaat aghtughyaghqaanghillgha aghuliighigalnguq, ipallu Kiyaghneghutanga. Qaywa yuget esghaghpagningiteghngaaghmegtekek taakuk, paninang liisimakagket Kiyaghneghem ulimaaghakun. Enkaam yuget apalliitut whaten pilleghqameng, Nallukaghput Kiyaghnelgutanga. 21Liisimakeghngaaghmegteggu Kiyaghneq, quulviigataat Kiyaghneghuluku, iqamsiqayugvikigataatlu. Yeghlegi sumeghtaghallghit Kiyaghneghmeng satngunaniqaagut, umyugiitlu liigiknaniqaagut. 22Peghqinghuniiqut iwernga nalluughtaqut. 23Enkaam manigughpenaan Kiyaghneq tuquyaghqaghhaanghilnguq, yeghlegi manigughaqiit kiyaghnengllaqateng yugsugnilnguut, qawaagsugnilnguut, teghikusaghsugnilnguut, nalighmeng nemeghyaghsugnilnguut.
24Tamaaken apalluqluku Kiyaghneghem pegtii atuqesqelluki nukeggnalghiit sex‑kun seghleghqellghet piyukeghllakiit. Enkaam atuqaqiit yugusiteng anagngaluki, seghleghqaqluteng sex‑kun ilameggnun, 25qayughllak ipapilleq Kiyaghneghmeng ayuqelghii naavghusimaat iqlengamun. Enkaangam manigughaqiitlu, qepghaataqiitlu Kiyaghneghem ulimaaghi, avelghaghluku Ulimaghista ellnga katam. Ellnganguuq usuqsaghqaq quunperugllak kenlengunaan! Amen.
26Tamaaken apalluqluku Kiyaghneghem pegtii atuqesqelluki seghleghqellghet piyukeghllakiit. Aghnat sex‑eyugnanighiit yuget, yeghlegi sex‑eyagutut aghnaalgutmeggneng. 27Tawateghpigaq yugetlu sex‑eyugnanighiit aghnat, yeghlegi sex‑eyaguteghllagtut yulgutmeggneng. Tawaten pikaatangitneng Kiyaghneghem aghyuughii yugusiitgun apalluqluki anaggutelleghllagit.
28Tamaakut yuget sumeghmeggni satngunghinniiqaat liisimakipiilleq Kiyaghneghmeng ayuqelghii. Enkaam Kiyaghneghem pegtii satngunghilngughnun sumeghtaghallghitnun, atughqaqenghisaqangitnunllu. 29Allaaghhinaghmeng seghleghmeng pimanginaghaqut, seghleghqaqut, pakigneghuut, ugumiketaghtutlu. Aqinaketaghtut, yugtaghyuneghtuut, pilluwaghyuneghtuut, puughtiyuneghtuut, sumeghtaghaatkaqiitlu ilateng seghlepiguluki. Yiillgiiqut, 30seghletun akuzitkaqiit ilateng. Ugumikaat Kiyaghneq, yukeghqenghuut, qukaayugneghuutlu. Sumeghtaghaghaqut wata seghletun pinaluteng; qaatkusigatut angayuqameggnun, 31nalluut, akequsateng atuqigatiit, nangllegyugigatut, nafughtiitaqutlu ilameggnun. 32Liisimakiit Kiyaghneghem Liilightuusii pilghiit tawatelnguut yuget allgeghsaghqaqaanꞌnguq tuqulleq. Nagneghutnginaghpenaki tamaakut atuqegkateng, talwa itagnaqaqiit tawaten pilghiit.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.