Revelation 10
10
Yaquleklu Iimgatlu Igaghhaat
1Taagken esghaghaqa ilanga aghtiigateghllak yaqulek ukilghii qilagmeng. Pilugugngaftuq qilagwaaghmeng, naasqwan qulangani agluk, gginaa siqineghtun kuukgulluni, ighukeklu kumaghulghiistun pillar‑estun ayuqlutek. 2Tugumiiqeftii iimgat igaghhaat qelpalnguut. Aghenqigneghet itegani tuutestii kelliim meghan qaayngakun, saghumigneghetlu itegani tuutestii quutkun. 3Iglagtupiglluni akilghuuguq lion‑em uwighhniillghatun. Akilghuughllagyan maaraghvinlegyaget kalluget tengngaagtaghtut. 4Maaghraghvinlegyaget kalluget tengngaagtaghyata igaqnaqsaghanka sameng pillghit. Iwernga nagaqughaqa ma qilagmeng pilghii, “Aksaqiki maaghraghvinlegyaget kalluget sameng pillghit, igaqegpenaki!”
5Taagken esghaghaqa yaqulek nekevghalghii kelliikunllu quutkunllu. Qilagmun nengugutii aghenqigneghet iiggeni, 6akeqiiq Kiyaghneghem aatghakun kiyaghlleghhii quunperugllak kenlengunaan. Ellngangulghii ulimaghikaq qilagameng, nunameng, kelliineng, samengllu tamaghhaaneng taakunilngughneng. Yaqulek piiq, “Pilleghqaq kaatuq. 7Iwernga maaghraghvinliitangita yaqulgem qalghighhnaqegkumigu qalghightaatni, taawa Kiyaghneghem apeghiighlleqaa uspeqilleni qayvighsimangilkenni sivunghani. Uspeqillgha ataasiiguq aapqaa qepghaghteminun uuknaliqistenun.”
8Taagken nagaquqama mem qilagmeng aleghqughlaataghaanga, “Aglaghluten tuguki qelpalnguut iimgat igat iigganilnguut yaqulgem nekevghalghiim kelliikunllu quutkunllu.”
9Yaqulegmun aglaghlunga tungsighanka imegngalghiit igaghhaat. Piinga, “Tuguluki neghiki; aqsaqughpeni qugaagllequt iwernga qaneghpeni muugallequt honey‑stun.”
10Yaqulgem iigganeng tuguluki iimgat igaghhaat neghanka, imani qanemni muugatut honey‑stun. Iwernga tuufsaqenka aqsaquqa quwaagtaa.
11Taagken piitnga, “Allameng uuknaliqutkepestaaghyaghqaqaten yulghutet, nunatalghutet, alaaghhiinaat ululghutet, umiilelghutetlu.”
Currently Selected:
Revelation 10: ess
Highlight
Share
Compare
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
