Galatians 3
3
Apallii Liilightuusat
1Nallughhaghmeng elpesi Galatia‑ghmiini! Kitum puughtisi? Puygustegguu aapghwaaqaqsaqegka Jesus Christ‑am tuqullgha qaquurakun? 2Aaptaghllamsi: naten allgeghtekaqestekek Agleghnalghiik Taghneghak, qaatkutelleghpesigun Liilightuusanun nalighmeng ugpeqelleghpesigun nagatkaghsi? 3Nalluupigetsii? Agleghnalghiignekun Taghneghagnekun piinlighluku nutaghaq unguvalleghsi, apeghiighnaqestegguu‑u elpesineng katam? 4Ikfiqelleghsi temnginguftaa? Ugpeqepestaaghaqa temngingunghituq. 5Kiyaghneghem tuunegkaqisii‑i Taghneghagmineng, allaaghlluwhaghtikaawalluu akulegpesini qayughllak qaatkegkesi Liilightuusat, nalighmeng ugpeqegkesi nagaquqaghsi?
6Akuzitet Igaqegkat aapqaqaat Abraham‑em ugpeqegkaqaa Kiyaghneq, enkaam Kiyaghneghem nallghusaqaqaa elqughutngalleghminun. 7Enkaam elpesi liisimakelleqasi tamaakut ugpeqillelget Kiyaghneghqun Abraham‑em kinguneghpigaqii. 8Akuzitet Igaqegkat aapqestaqaqaat Kiyaghneghmun nallghusaghnaqniluki Gentile‑et elqughutngalleghminun ugpeqillghitgun. Neghighluku Kiyaghneghem aapqaqaa taana Pinilghii Ungipaq Abraham‑emun, whaten piiqngami, “Qamagtengngwaaghluteng nunam ramkengi quyastellengnaqnguut elpegun.” 9Abraham‑em ugpeqegkaqaa enkaam quyastellengegkaq. Tawateghpigaq tamaghhaghmi ugpeqilghii quyastellengyaghqaaguq ellngatun.
10Iwernga Kiyaghneghem aghyuughyaghqaqii tamaakut sighimalghiit qaatkutelleghmegteggun Liilightuusanun nallghusaghlleqniluteng elqughutngallghanun. Qayughllak igaqngaaq Akuzitni Igaqegkani whaten, “Kitum alngunak qaatkenghilkaki tamaghhiita igaqngalghiit igiitgun Liilightuusat nanqigtellengellequq aghyuughyaghqaaluni.” 11Whateghlluwaaq liigiknaghtuq, kina alngunak nallghusaghyaghqaanghituq Kiyaghneghem elqughutngallghanun qaatkutelleghmikun Liilightuusanun. Qayughllak Akuzitet Igaqegkat pikaagut, “Taana Kiyaghneghem nallghusaqaa elqughutngalleghminun kiyaghllequq ugpelleghmikun.” 12Iwernga qaatkullghii Liilightuusanun sighimangunghituq ugpelleghqun, qayughllak Akuzitet Igaqegkat pikaagut, “Sighimalghii Liilightuusatgun kiyaghllequq qaatkelluki.”
13Enkaam Kiyaghneghem nanqigtekaqiinkut aghyuughnaluta apalluqluki Liilightuusat, iwernga Christ‑am naveghqellikaqiinkut nanqiglleghqamnneng tugulleghmikun aghyuulleghqaghput. Qayughllak Akuzitet Igaqegkat pikaagut, “Nanqigtekaaguq aghyuughyaghqaaluni tamaghhaghmi agaghtekaq uqfigkun.” 14Christ Jesus‑em naveghqellikaqiinkut enkaam ellngakun Kiyaghneghem quyastekaqii Gentile‑et taagken ataasimeng quyastelleghmeng akequsaqegkaminun Abraham‑emun. Enkaam ugpelleghqun allgeghtagput Taghneghak Kiyaghneghem akequsaqegkakek.
Liilightuusatlu Akequsaqlu
15Ugpeqaalgutemni, ungipaataghllamsi usputaghqameng aghhutanga tamaghhaan piiqelghiineng: yugek akequskumek sameng, igaqluku igakun, ateteklu igaqlukek, kitum alngunak aghuliighsaghqaqenghitaa akeqututellghak nalighmeng ilayaghqaqenghitaa. 16Kiyaghneq akequsangllaghteqaaguq Abraham‑emunllu kingunghanunllu. Kiyaghneghem akequsangllaamangitii, “Kingunghi,” Akequsangllaghteqaaguq ataasiinaghmun kinguneghmun, taana Christ‑anguuq. 17Taana liigikesugaqsaghaqa: Kiyaghneq akequsangllaqaaguq Abraham‑emun enkaam akequsani pinaqnikaqaa. 430 ayumiqullghet kingungitneng akeqilleghmi, Kiyaghneghem tuunegkii Liilightuusat. Taakut Liilightuusat taana akequsaq satngunanighqennaanghitaa nalighmeng naafqennaanghitaa. 18Liilightuusatgun allgeghhnaqngukumteggu Kiyaghneghem tunusaa, taawa akequsaakun allgeghhnaanghitaghput. Iwernga akeqilleghmikun Kiyaghneghem tunusani tuunegkaqaa Abraham‑emun.
19Sangameng Liilightuusat tuunegkaawat? Tuunegkaagut yugnun liigikesqelluki anaggutellghit seghleghqellghuniluki. Taakut Liilightuusat tawatetkaagut kenlanga kinguneq tagillghanun. Ellnganguuq Kiyaghneghem akequsangllaqaa. Taakut Liilightuusat Kiyaghneghem yaqulegteggun tuunegkaqii Moses‑mun. Taagken Moses‑em uygukutistem tuunegkaqii yugnun. 20Iwernga uygukutistesughniituq ataasiq akeqikumi. Kiyaghneq ataasighhaatmineng uygukutistesughniituq.
Apallii Liilightuusat
21Liilightuusaat tengvimun ayuqatkii Kiyaghneghem akequsii? Nakaa, yeghlegillu! Liilightuusam unguvallengesaghqaqsaqumikut, taawa Kiyaghneghem nallghusaghnayaghiinkut elqughutngalleghminun taaggun Liilightuusakun. 22Iwernga Akuzitet Igaqegkat pikaagut qamaglluki nunam yugi seghleghqellghem anusimingllaghaqii. Enkaangam Kiyaghneghem akequsaqegkani tuunelleqaa ugpeqikaghhiinaghnun Jesus Christ‑ameng.
23Salin ugpellghilluku anusimingllaghaayaghtukut Liilightuusanun. Liilightuusat aaghqutaqnguyaghiinkut kenlanga Kiyaghneghem whangkunnun liitestellghanun ugpelleq. 24Liilightuusat apaqutisteksaghaput kenlanga Christ‑am tagillghanun. Enkaam maaten ugpeqillemteggun Christ‑akun, Kiyaghneghem nallghusaghyaghqaaghtiinkut elqughutngalleghminun. 25Ugpelleq tagitanganeng Christ‑akun Liilightuusat apaqutisteknanighaput.
26Ugpeqilleghpesigun Christ Jesus‑kun, qamagllusi Kiyaghneghem avaqutaqiisi. 27Paaptaayaaqngafsi Christ‑amun, aallghiistun Christ‑a pikaqaghsi tawaten pilugugaqelleghpesistun. 28Allangughutngitut Jews‑etlu Gentile‑etlu; allangughutngitut qepghaghtelaaghetlu qepghaghtelaaghunghilnguutlu; allangughutngitut yugetlu aghnatlu, qayughllak qamagllusi atunem ayuqusi Christ Jesus‑kun. 29Christ‑am pikngukangisi taawa Abraham‑em kingunqiisi. Enkaam elpesillu piliilleqaghsi Kiyaghneghem akequsaa Abraham‑emun.
Currently Selected:
Galatians 3: ess
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Galatians 3
3
Apallii Liilightuusat
1Nallughhaghmeng elpesi Galatia‑ghmiini! Kitum puughtisi? Puygustegguu aapghwaaqaqsaqegka Jesus Christ‑am tuqullgha qaquurakun? 2Aaptaghllamsi: naten allgeghtekaqestekek Agleghnalghiik Taghneghak, qaatkutelleghpesigun Liilightuusanun nalighmeng ugpeqelleghpesigun nagatkaghsi? 3Nalluupigetsii? Agleghnalghiignekun Taghneghagnekun piinlighluku nutaghaq unguvalleghsi, apeghiighnaqestegguu‑u elpesineng katam? 4Ikfiqelleghsi temnginguftaa? Ugpeqepestaaghaqa temngingunghituq. 5Kiyaghneghem tuunegkaqisii‑i Taghneghagmineng, allaaghlluwhaghtikaawalluu akulegpesini qayughllak qaatkegkesi Liilightuusat, nalighmeng ugpeqegkesi nagaquqaghsi?
6Akuzitet Igaqegkat aapqaqaat Abraham‑em ugpeqegkaqaa Kiyaghneq, enkaam Kiyaghneghem nallghusaqaqaa elqughutngalleghminun. 7Enkaam elpesi liisimakelleqasi tamaakut ugpeqillelget Kiyaghneghqun Abraham‑em kinguneghpigaqii. 8Akuzitet Igaqegkat aapqestaqaqaat Kiyaghneghmun nallghusaghnaqniluki Gentile‑et elqughutngalleghminun ugpeqillghitgun. Neghighluku Kiyaghneghem aapqaqaa taana Pinilghii Ungipaq Abraham‑emun, whaten piiqngami, “Qamagtengngwaaghluteng nunam ramkengi quyastellengnaqnguut elpegun.” 9Abraham‑em ugpeqegkaqaa enkaam quyastellengegkaq. Tawateghpigaq tamaghhaghmi ugpeqilghii quyastellengyaghqaaguq ellngatun.
10Iwernga Kiyaghneghem aghyuughyaghqaqii tamaakut sighimalghiit qaatkutelleghmegteggun Liilightuusanun nallghusaghlleqniluteng elqughutngallghanun. Qayughllak igaqngaaq Akuzitni Igaqegkani whaten, “Kitum alngunak qaatkenghilkaki tamaghhiita igaqngalghiit igiitgun Liilightuusat nanqigtellengellequq aghyuughyaghqaaluni.” 11Whateghlluwaaq liigiknaghtuq, kina alngunak nallghusaghyaghqaanghituq Kiyaghneghem elqughutngallghanun qaatkutelleghmikun Liilightuusanun. Qayughllak Akuzitet Igaqegkat pikaagut, “Taana Kiyaghneghem nallghusaqaa elqughutngalleghminun kiyaghllequq ugpelleghmikun.” 12Iwernga qaatkullghii Liilightuusanun sighimangunghituq ugpelleghqun, qayughllak Akuzitet Igaqegkat pikaagut, “Sighimalghii Liilightuusatgun kiyaghllequq qaatkelluki.”
13Enkaam Kiyaghneghem nanqigtekaqiinkut aghyuughnaluta apalluqluki Liilightuusat, iwernga Christ‑am naveghqellikaqiinkut nanqiglleghqamnneng tugulleghmikun aghyuulleghqaghput. Qayughllak Akuzitet Igaqegkat pikaagut, “Nanqigtekaaguq aghyuughyaghqaaluni tamaghhaghmi agaghtekaq uqfigkun.” 14Christ Jesus‑em naveghqellikaqiinkut enkaam ellngakun Kiyaghneghem quyastekaqii Gentile‑et taagken ataasimeng quyastelleghmeng akequsaqegkaminun Abraham‑emun. Enkaam ugpelleghqun allgeghtagput Taghneghak Kiyaghneghem akequsaqegkakek.
Liilightuusatlu Akequsaqlu
15Ugpeqaalgutemni, ungipaataghllamsi usputaghqameng aghhutanga tamaghhaan piiqelghiineng: yugek akequskumek sameng, igaqluku igakun, ateteklu igaqlukek, kitum alngunak aghuliighsaghqaqenghitaa akeqututellghak nalighmeng ilayaghqaqenghitaa. 16Kiyaghneq akequsangllaghteqaaguq Abraham‑emunllu kingunghanunllu. Kiyaghneghem akequsangllaamangitii, “Kingunghi,” Akequsangllaghteqaaguq ataasiinaghmun kinguneghmun, taana Christ‑anguuq. 17Taana liigikesugaqsaghaqa: Kiyaghneq akequsangllaqaaguq Abraham‑emun enkaam akequsani pinaqnikaqaa. 430 ayumiqullghet kingungitneng akeqilleghmi, Kiyaghneghem tuunegkii Liilightuusat. Taakut Liilightuusat taana akequsaq satngunanighqennaanghitaa nalighmeng naafqennaanghitaa. 18Liilightuusatgun allgeghhnaqngukumteggu Kiyaghneghem tunusaa, taawa akequsaakun allgeghhnaanghitaghput. Iwernga akeqilleghmikun Kiyaghneghem tunusani tuunegkaqaa Abraham‑emun.
19Sangameng Liilightuusat tuunegkaawat? Tuunegkaagut yugnun liigikesqelluki anaggutellghit seghleghqellghuniluki. Taakut Liilightuusat tawatetkaagut kenlanga kinguneq tagillghanun. Ellnganguuq Kiyaghneghem akequsangllaqaa. Taakut Liilightuusat Kiyaghneghem yaqulegteggun tuunegkaqii Moses‑mun. Taagken Moses‑em uygukutistem tuunegkaqii yugnun. 20Iwernga uygukutistesughniituq ataasiq akeqikumi. Kiyaghneq ataasighhaatmineng uygukutistesughniituq.
Apallii Liilightuusat
21Liilightuusaat tengvimun ayuqatkii Kiyaghneghem akequsii? Nakaa, yeghlegillu! Liilightuusam unguvallengesaghqaqsaqumikut, taawa Kiyaghneghem nallghusaghnayaghiinkut elqughutngalleghminun taaggun Liilightuusakun. 22Iwernga Akuzitet Igaqegkat pikaagut qamaglluki nunam yugi seghleghqellghem anusimingllaghaqii. Enkaangam Kiyaghneghem akequsaqegkani tuunelleqaa ugpeqikaghhiinaghnun Jesus Christ‑ameng.
23Salin ugpellghilluku anusimingllaghaayaghtukut Liilightuusanun. Liilightuusat aaghqutaqnguyaghiinkut kenlanga Kiyaghneghem whangkunnun liitestellghanun ugpelleq. 24Liilightuusat apaqutisteksaghaput kenlanga Christ‑am tagillghanun. Enkaam maaten ugpeqillemteggun Christ‑akun, Kiyaghneghem nallghusaghyaghqaaghtiinkut elqughutngalleghminun. 25Ugpelleq tagitanganeng Christ‑akun Liilightuusat apaqutisteknanighaput.
26Ugpeqilleghpesigun Christ Jesus‑kun, qamagllusi Kiyaghneghem avaqutaqiisi. 27Paaptaayaaqngafsi Christ‑amun, aallghiistun Christ‑a pikaqaghsi tawaten pilugugaqelleghpesistun. 28Allangughutngitut Jews‑etlu Gentile‑etlu; allangughutngitut qepghaghtelaaghetlu qepghaghtelaaghunghilnguutlu; allangughutngitut yugetlu aghnatlu, qayughllak qamagllusi atunem ayuqusi Christ Jesus‑kun. 29Christ‑am pikngukangisi taawa Abraham‑em kingunqiisi. Enkaam elpesillu piliilleqaghsi Kiyaghneghem akequsaa Abraham‑emun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.