Galatians 2
2
Apostle‑et Tugukliqangat Paul
1Qula estamat siipneqluku ayumiqulleq atughluku uteghnightunga Jerusalem‑emun; Barnabas‑em maligtaanga Titus‑lu kelqaqa. 2Kiyaghneghem liigikestaanga Jerusalem‑etesqellunga. Kaasamta ugpeqat igleghutistenginiit qerngughutaghtesqanka. Tawani ungipamsugutanka naten Gentile‑enun ungipaqillemneng Pinilghiineng Ungipaneng. Tawaten pikaagunga luuraq taakut igleghutistet apeghtughillghenka temnginguninayukatki sivunghanillu maatenllu. 3Liigikanka apeghtughillghenka tuguklighiit qayughllak maligtisteka Titus, Greek‑ngughngaan, circumcise‑esqenghilkangat. 4Iwernga ilangi ugpeqasighwaaghet aksaqluku ilatut whangkunnun riirnginaluku itemngalleghput Christ Jesus‑kun. Qepghaghtelaaghughhneqigtesqelluta piinkut Liilightuusaanun. 5Ellngitnun malighqutaqellghitukut talwa natengiighhaq almesiqesqelluki ipangullghit Pinilghiit Ungipat apeghtuusaqellemtestun elpesinun.
6Taakut ugpeqat igleghutistengita allangughsimangitiit Pinilghiit Ungipat ungipaqaqegkenka. (Igleghutistenguyaghngaata, whangamni allangughutngitut qayughllak Kiyaghneq taniillghituq.) 7Igleghutistet liigikumaat Kiyaghneghmun neghyukusimaniluki whangamnun Pinilghiit Ungipat ungipaqesqelluki Gentile‑enun, katam tawaten neghyukutellghatun Peter‑mun Pinilghiit Ungipat ungipaqesqelluki Jews‑enun. 8Katam Kiyaghneq qepghaqaaguq Peter‑kun apostle‑kennaluku Jews‑enun, whangamkunllu qepghaqaaguq apostle‑kennalunga Gentile‑enun. 9Enkaam taakut igleghutistet, James‑enkut Peter‑enkut John‑enkut, nekevghatilghiit ugpeqanun, liigikaat Kiyaghneghmun tunusalisimanilunga tawaten qepghiisqellunga Gentile‑enun. Tamaaken apalluqluku Barnabas‑lu iiggepung aghulatiit tuguklighniluku qepghaangulleghpung Gentile‑enun, ellngit Jews‑enun. 10Taananginaq puygusnanighaat kayusiitesqelluki aklumalghiit, taanata nagneghusupigtekegka.
Paul‑em Aghyuughmikanga Peter Antioch‑mi
11Tagtalmi taakwani Peter Antioch‑melluni sameng anaggutkaq. Enkaam sivungitni ugpeqat aghyuughmigaqa anaggutellghaneng apalluqluku. 12Peter neghelgusighikayuguyalghii Gentile‑et ugpeqiitneng kenlanga James‑em yuget Antioch‑etestellghitnun. Iwernga kaasata neghelgusighnanighii Gentile‑et, aaftekaqlu ellngitneng. Tawaten pikaalghii qayughllak alingelghii taakut yuget sagiqutngukangit Gentile‑et ugpeqiit circumcise‑eyaghqaaniluki. 13Taagken qamaglluteng Antioch‑eghmiit Jews‑et ugpeqiit maligutkat Peter‑em anaggutellghanun, talwa Barnabas‑lu ilalluni. 14Liigiksamki qaatkunneghitellghit apeghtuusiitnun Pinilghiit Ungipat, sivungitni yuget Peter piiqa, “Elpek qaywa Jew‑ngughngaaghpek kiyaghtengnguuten Gentile‑estun, nakaan Jews‑estun. Sangitangam Gentile‑et Jews‑estun kiyaghtesnaqutkesiki?”
Jews‑etlu Gentile‑etlu Ugpeqilleghqun Yugulillengellghat
15Jews‑nguluta allgeqaagukut, nakaan Gentile‑et seghleghqestet. 16Naqamllu liisimakaghput Kiyaghneghem elqughutngalleghminun nallghusaghnaanghitaa yuuk qaatkutellghakun Liilightuusanun, tawatenginaq nallghusaghlleqaa ugpeqillghakun Jesus Christ‑ameng. Talwa whangkuta Jews‑eni ugpeqegkaqaghput Christ Jesus, Kiyaghneghem elqughutngallghanun nallghusiisqelluta ugpeqellemteggun Christ‑a, nakaan qaatkutellemteggun Liilightuusanun. Kina alngunak qaatkutellghakun Liilightuusanun Kiyaghneghem elqughutngalleghminun nallghusaghyaghqaqenghitaa. 17Jews‑eni whangkuta nallghusaghtesugukumta Christ‑akun, nakaan Liilightuusatgun, ilangita Jews‑et seghleghqestengunilleqiinkut Gentile‑estun. Enkaam Christ‑anguftaa seghleghqestengughtestilghii? Yeghlegillu! 18Liilightuusat pegtekaqanka, atuqenqigsaguskumki taawa Liilightuusanun anaggullequnga. 19Liilightuusatgun tuqukaagunga Liilightuusanun kiyaghsaghqaalunga Kiyaghneghmun. 20Qaquuraatkaagunga Christ‑amun maligullunga, enkaam whangangunaniimaaq kiyaghlleghhii; Christ‑angughsimaaq kiyaghlleghhii ilumni. Kiyaghtengngughngaaghma yugusimni, kiyaghtengnguunga ugpeqillemkun Ighneghaneng Kiyaghneghem. Piniqegkanganga, tuunegkaalghiillu whangamnun. 21Enkaam pakigigataqa Kiyaghneghem tunusaa. Yuuk qaatkutelleghmikun Liilightuusanun nallghusaghyaghqaayaqan Kiyaghneghem elqughutngallghanun, taawa Christ‑am tuqullgha temngingunayaghtuq.
Currently Selected:
Galatians 2: ess
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Galatians 2
2
Apostle‑et Tugukliqangat Paul
1Qula estamat siipneqluku ayumiqulleq atughluku uteghnightunga Jerusalem‑emun; Barnabas‑em maligtaanga Titus‑lu kelqaqa. 2Kiyaghneghem liigikestaanga Jerusalem‑etesqellunga. Kaasamta ugpeqat igleghutistenginiit qerngughutaghtesqanka. Tawani ungipamsugutanka naten Gentile‑enun ungipaqillemneng Pinilghiineng Ungipaneng. Tawaten pikaagunga luuraq taakut igleghutistet apeghtughillghenka temnginguninayukatki sivunghanillu maatenllu. 3Liigikanka apeghtughillghenka tuguklighiit qayughllak maligtisteka Titus, Greek‑ngughngaan, circumcise‑esqenghilkangat. 4Iwernga ilangi ugpeqasighwaaghet aksaqluku ilatut whangkunnun riirnginaluku itemngalleghput Christ Jesus‑kun. Qepghaghtelaaghughhneqigtesqelluta piinkut Liilightuusaanun. 5Ellngitnun malighqutaqellghitukut talwa natengiighhaq almesiqesqelluki ipangullghit Pinilghiit Ungipat apeghtuusaqellemtestun elpesinun.
6Taakut ugpeqat igleghutistengita allangughsimangitiit Pinilghiit Ungipat ungipaqaqegkenka. (Igleghutistenguyaghngaata, whangamni allangughutngitut qayughllak Kiyaghneq taniillghituq.) 7Igleghutistet liigikumaat Kiyaghneghmun neghyukusimaniluki whangamnun Pinilghiit Ungipat ungipaqesqelluki Gentile‑enun, katam tawaten neghyukutellghatun Peter‑mun Pinilghiit Ungipat ungipaqesqelluki Jews‑enun. 8Katam Kiyaghneq qepghaqaaguq Peter‑kun apostle‑kennaluku Jews‑enun, whangamkunllu qepghaqaaguq apostle‑kennalunga Gentile‑enun. 9Enkaam taakut igleghutistet, James‑enkut Peter‑enkut John‑enkut, nekevghatilghiit ugpeqanun, liigikaat Kiyaghneghmun tunusalisimanilunga tawaten qepghiisqellunga Gentile‑enun. Tamaaken apalluqluku Barnabas‑lu iiggepung aghulatiit tuguklighniluku qepghaangulleghpung Gentile‑enun, ellngit Jews‑enun. 10Taananginaq puygusnanighaat kayusiitesqelluki aklumalghiit, taanata nagneghusupigtekegka.
Paul‑em Aghyuughmikanga Peter Antioch‑mi
11Tagtalmi taakwani Peter Antioch‑melluni sameng anaggutkaq. Enkaam sivungitni ugpeqat aghyuughmigaqa anaggutellghaneng apalluqluku. 12Peter neghelgusighikayuguyalghii Gentile‑et ugpeqiitneng kenlanga James‑em yuget Antioch‑etestellghitnun. Iwernga kaasata neghelgusighnanighii Gentile‑et, aaftekaqlu ellngitneng. Tawaten pikaalghii qayughllak alingelghii taakut yuget sagiqutngukangit Gentile‑et ugpeqiit circumcise‑eyaghqaaniluki. 13Taagken qamaglluteng Antioch‑eghmiit Jews‑et ugpeqiit maligutkat Peter‑em anaggutellghanun, talwa Barnabas‑lu ilalluni. 14Liigiksamki qaatkunneghitellghit apeghtuusiitnun Pinilghiit Ungipat, sivungitni yuget Peter piiqa, “Elpek qaywa Jew‑ngughngaaghpek kiyaghtengnguuten Gentile‑estun, nakaan Jews‑estun. Sangitangam Gentile‑et Jews‑estun kiyaghtesnaqutkesiki?”
Jews‑etlu Gentile‑etlu Ugpeqilleghqun Yugulillengellghat
15Jews‑nguluta allgeqaagukut, nakaan Gentile‑et seghleghqestet. 16Naqamllu liisimakaghput Kiyaghneghem elqughutngalleghminun nallghusaghnaanghitaa yuuk qaatkutellghakun Liilightuusanun, tawatenginaq nallghusaghlleqaa ugpeqillghakun Jesus Christ‑ameng. Talwa whangkuta Jews‑eni ugpeqegkaqaghput Christ Jesus, Kiyaghneghem elqughutngallghanun nallghusiisqelluta ugpeqellemteggun Christ‑a, nakaan qaatkutellemteggun Liilightuusanun. Kina alngunak qaatkutellghakun Liilightuusanun Kiyaghneghem elqughutngalleghminun nallghusaghyaghqaqenghitaa. 17Jews‑eni whangkuta nallghusaghtesugukumta Christ‑akun, nakaan Liilightuusatgun, ilangita Jews‑et seghleghqestengunilleqiinkut Gentile‑estun. Enkaam Christ‑anguftaa seghleghqestengughtestilghii? Yeghlegillu! 18Liilightuusat pegtekaqanka, atuqenqigsaguskumki taawa Liilightuusanun anaggullequnga. 19Liilightuusatgun tuqukaagunga Liilightuusanun kiyaghsaghqaalunga Kiyaghneghmun. 20Qaquuraatkaagunga Christ‑amun maligullunga, enkaam whangangunaniimaaq kiyaghlleghhii; Christ‑angughsimaaq kiyaghlleghhii ilumni. Kiyaghtengngughngaaghma yugusimni, kiyaghtengnguunga ugpeqillemkun Ighneghaneng Kiyaghneghem. Piniqegkanganga, tuunegkaalghiillu whangamnun. 21Enkaam pakigigataqa Kiyaghneghem tunusaa. Yuuk qaatkutelleghmikun Liilightuusanun nallghusaghyaghqaayaqan Kiyaghneghem elqughutngallghanun, taawa Christ‑am tuqullgha temngingunayaghtuq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.