2 Peter 2
2
Apeghtughistesighwaaghet
1Sivunghani agani uuknaliqistesiighwaaghet akulngitnisaghtut Kiyaghneghem yugitni, katam apeghtughistesighwaaghet akulegpesinillequt. Nalluneghpesini apeghtughlleqiisi iqlengameng naafqennaluki ugpeqillesi. Qaywa Christ‑am Piliitestengita tukfiqaqeghngiisteng itemunnaluki seghleghqellghitneng, paninang piknanighlleqaat. Enkaam nuuskagan ellmeggneng naafqeslequt. 2Yulghutet maligullequt apeghtughistesighwaaghnun kayngunalghinun kiyaghtaallghitnun. Enkaam yuget seghlequughlleqiit apeghtuusapiget atuput. 3Pakigtelleghmegteggun apeghtughistesighwaaghet aklungighiyugllequt elpesineng. Enkaam apeghlleqiit apeghtuusangllaqateng maningnaluteng elpesineng. Ima neghighhaaneng Kiyaghneq Nanqigtistengatlu Naafqiistengatlu qaviigatuq aghyuughyaqlegughllukillu ayuqii.
4Kiyaghneghem aghyuughumanginneghitii yaqulget seghleghqaqngata, iwernga miluutkaqii hell‑mun. Tawani pisaghtiighllagmi qiipraghusighngaat, utaqiilghiit Aghneghanun Nanqigtillghem. 5Neghighluku Noah kiyaghtengnguluku, Kiyaghneghem aghyuughumanginneghitii yuget avelghasingwaaghikat ellmineng, enkaam ulevestekaqaa nuna. Iwernga yugulikaqaa Noah, ilangillu maaghraghvinlek yuget. (Noah ungipaghtengukaaguq elqughutngalghiimun kiyaghtaalleghmun.) 6Kiyaghneghem aghyuuqaqaaklu neghllagek Sodom‑enkuk Gomorrah‑nkuk. Naafqegkaqaak keneghqun kenlanga ashes‑ngughtellghegkenun. Enkaam usputaaghtekaqaak sayaghqaatangi yuget avelghasighwaaghikat Kiyaghneghmeng. 7-8Lot elqughutngalghiinguyaghtuq yuuk kiyaghtekaq akulngitni tamaakut seghleghet yuget. Aghhutanga tamaghhaan seghleliighutkeghllakaqii unguvasigmikun esghapagluki, nagalluki seghletun kiyaghtaallghit, nuqetegpenatengllu sex‑ellghit. Enkaam Atanghem yugulikaqaa. 9Taawa liitaghput, Ataneq liisimakuq naten yugulilleghqameng elqughutngalghiit yuget, nanghiighsaghallengenghata. Kelengakngwiillu seghleghet yuget aghyuullengelleghmelnguut, utaqiimaluki Aghneghanun Nanqigtillghem. 10Taana aghyuulleq kiyang tamaakunun ayuquq maligullghiinun yugusimeng seghletun piyukelleghllagitnun, qaatkusugigalngughnunllu kitumun alngunak.
Tamaakut apeghtughistesighwaaghet tetugigatutlu ellminguyugneghuutlu. Alingegpenateng seghlequughaqiit nighugrakegtat. 11Yaqulget iknaqataghaghtut, aghtughyaghqaanghitaghaghtut taakuneng nighugrakegtaneng, paninang sivungani Atanghem anaggusimaninaanghitiit nighugrakegtat. 12Iwernga tamaakut apeghtughistesighwaaghet seghlequughaqiit sangwaat liigikegpenaki. Teghikusastun sumeghtaghaghpagningilnguugut. Tuqutellengellequt teghikusastun allgeghluteng teghigtughluki tuqutkat. 13Uglalghiit ikfiqestaqiit enkaam Kiyaghneghem ikfiqesleqii. Talwa aghneraaghinaghmi meghuuteghllagaqut, yugusimengllu seghleghet piyukellghit atuqaqiit. Kayngusaghaateghllagaqut neqenghaghqelgusiimalusi, enkaam akulegpesini nukeggnaghqegkastunllu ellmiigutkastunllu ayuqut. 14Esghaneghmegteki aghnat qiliiqaqiit. Seghleghqesuneghtuut iwernga seghleghqellelghutangita kepsughsigatngwaaghiit. Manighaqiit yuget puughhneqegtat seghleghqesugesqelluki, pakignepigtutlu. Tamaaken apalluqluku Kiyaghneghem aghyuughyaghqaqii! 15Tamaakut apeghtughistesighwaaghet ugpeqnaniqaqiit apeghtuusapiget. Enkaam aghulaqegkaagut Balaam‑em pillghatun pinaluteng. (Ighneqsaqanga Beor‑em.) Quyaaquq yuget akileghtunghatni seghletun pisqelluku. 16Iwernga donkey‑m akuzipagningilnguum, yugem mengakun ineghtekaqaa Balaam. Enkaam aghuliightekaqaa uuknaliqista sumeghneghiilliqellghaneng.
17Tamaakut apeghtughistesighwaaghet paatqastun sengngustun ayuqut, qilagwaaghestunllu ayuqut anuqeghllagem tengtekangi. Kiyaghneghem nekaghqangllaatkaqii pisaghtiighllagmi. 18Aghsaaghmikameng aangaayugtaqut temngitwhameng akuzitkelluteng. Piiqut itagnaghniluku malighqutaqelleghqaq seghleghnun yugusim piyukellghanun. Enkaam yuget taaqaqutlu tawaten kiyaghtelleghmeggneng, manighaqiit tawaten pinqigtesqelluki. 19Apeghtughistesighwaaghet ungipaatkaqiit tamaakut yuget itemnganiluki samun alngunak piyukellghitnun, ellngit katam itemngangunghiteghngaaghmeng. Qepghaghtelaaghuut seghleghqelleghmeggnun enkaam seghleghqellghita naafqesaqlegwii. Yuuk qepghaghtelaaghuuq alngunak samun igleqataqilghiimeng ellminun. 20Yuget liitaqngamegteggu Ataneghputlu Yugulighistevutlu Jesus Christ‑a anagyaghqaqaat nukeggnaa nunam. Iwernga uteghninqigtekumeng seghletun kiyaghtaalleghmeggnun aaghqutaqesimakumengllu tamaakunun, taawa kiyaghtaallghit seghleghataghaayaghqaagut piyuwhaalleghmeggneng. 21Tamaakut yuget, liitngwaaghluku agleghnalghii qelghusaq allgeghtekaghteng, tunutkaqaat. Itagnaghataghaghnayaghtut liisimangisaqumegteggu elqughutngalghii kiyaghtaalleq. 22Tawaten aneghtellghita ipangughtestaat yuget pillghat, “Qikmim uteghfikaqaa mighyaqani, kurugaqlu ughvughqegkaq aglanqiglluni ugharramun mingughunneqigtaquq.”
Currently Selected:
2 Peter 2: ess
Highlight
Share
Compare
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
2 Peter 2
2
Apeghtughistesighwaaghet
1Sivunghani agani uuknaliqistesiighwaaghet akulngitnisaghtut Kiyaghneghem yugitni, katam apeghtughistesighwaaghet akulegpesinillequt. Nalluneghpesini apeghtughlleqiisi iqlengameng naafqennaluki ugpeqillesi. Qaywa Christ‑am Piliitestengita tukfiqaqeghngiisteng itemunnaluki seghleghqellghitneng, paninang piknanighlleqaat. Enkaam nuuskagan ellmeggneng naafqeslequt. 2Yulghutet maligullequt apeghtughistesighwaaghnun kayngunalghinun kiyaghtaallghitnun. Enkaam yuget seghlequughlleqiit apeghtuusapiget atuput. 3Pakigtelleghmegteggun apeghtughistesighwaaghet aklungighiyugllequt elpesineng. Enkaam apeghlleqiit apeghtuusangllaqateng maningnaluteng elpesineng. Ima neghighhaaneng Kiyaghneq Nanqigtistengatlu Naafqiistengatlu qaviigatuq aghyuughyaqlegughllukillu ayuqii.
4Kiyaghneghem aghyuughumanginneghitii yaqulget seghleghqaqngata, iwernga miluutkaqii hell‑mun. Tawani pisaghtiighllagmi qiipraghusighngaat, utaqiilghiit Aghneghanun Nanqigtillghem. 5Neghighluku Noah kiyaghtengnguluku, Kiyaghneghem aghyuughumanginneghitii yuget avelghasingwaaghikat ellmineng, enkaam ulevestekaqaa nuna. Iwernga yugulikaqaa Noah, ilangillu maaghraghvinlek yuget. (Noah ungipaghtengukaaguq elqughutngalghiimun kiyaghtaalleghmun.) 6Kiyaghneghem aghyuuqaqaaklu neghllagek Sodom‑enkuk Gomorrah‑nkuk. Naafqegkaqaak keneghqun kenlanga ashes‑ngughtellghegkenun. Enkaam usputaaghtekaqaak sayaghqaatangi yuget avelghasighwaaghikat Kiyaghneghmeng. 7-8Lot elqughutngalghiinguyaghtuq yuuk kiyaghtekaq akulngitni tamaakut seghleghet yuget. Aghhutanga tamaghhaan seghleliighutkeghllakaqii unguvasigmikun esghapagluki, nagalluki seghletun kiyaghtaallghit, nuqetegpenatengllu sex‑ellghit. Enkaam Atanghem yugulikaqaa. 9Taawa liitaghput, Ataneq liisimakuq naten yugulilleghqameng elqughutngalghiit yuget, nanghiighsaghallengenghata. Kelengakngwiillu seghleghet yuget aghyuullengelleghmelnguut, utaqiimaluki Aghneghanun Nanqigtillghem. 10Taana aghyuulleq kiyang tamaakunun ayuquq maligullghiinun yugusimeng seghletun piyukelleghllagitnun, qaatkusugigalngughnunllu kitumun alngunak.
Tamaakut apeghtughistesighwaaghet tetugigatutlu ellminguyugneghuutlu. Alingegpenateng seghlequughaqiit nighugrakegtat. 11Yaqulget iknaqataghaghtut, aghtughyaghqaanghitaghaghtut taakuneng nighugrakegtaneng, paninang sivungani Atanghem anaggusimaninaanghitiit nighugrakegtat. 12Iwernga tamaakut apeghtughistesighwaaghet seghlequughaqiit sangwaat liigikegpenaki. Teghikusastun sumeghtaghaghpagningilnguugut. Tuqutellengellequt teghikusastun allgeghluteng teghigtughluki tuqutkat. 13Uglalghiit ikfiqestaqiit enkaam Kiyaghneghem ikfiqesleqii. Talwa aghneraaghinaghmi meghuuteghllagaqut, yugusimengllu seghleghet piyukellghit atuqaqiit. Kayngusaghaateghllagaqut neqenghaghqelgusiimalusi, enkaam akulegpesini nukeggnaghqegkastunllu ellmiigutkastunllu ayuqut. 14Esghaneghmegteki aghnat qiliiqaqiit. Seghleghqesuneghtuut iwernga seghleghqellelghutangita kepsughsigatngwaaghiit. Manighaqiit yuget puughhneqegtat seghleghqesugesqelluki, pakignepigtutlu. Tamaaken apalluqluku Kiyaghneghem aghyuughyaghqaqii! 15Tamaakut apeghtughistesighwaaghet ugpeqnaniqaqiit apeghtuusapiget. Enkaam aghulaqegkaagut Balaam‑em pillghatun pinaluteng. (Ighneqsaqanga Beor‑em.) Quyaaquq yuget akileghtunghatni seghletun pisqelluku. 16Iwernga donkey‑m akuzipagningilnguum, yugem mengakun ineghtekaqaa Balaam. Enkaam aghuliightekaqaa uuknaliqista sumeghneghiilliqellghaneng.
17Tamaakut apeghtughistesighwaaghet paatqastun sengngustun ayuqut, qilagwaaghestunllu ayuqut anuqeghllagem tengtekangi. Kiyaghneghem nekaghqangllaatkaqii pisaghtiighllagmi. 18Aghsaaghmikameng aangaayugtaqut temngitwhameng akuzitkelluteng. Piiqut itagnaghniluku malighqutaqelleghqaq seghleghnun yugusim piyukellghanun. Enkaam yuget taaqaqutlu tawaten kiyaghtelleghmeggneng, manighaqiit tawaten pinqigtesqelluki. 19Apeghtughistesighwaaghet ungipaatkaqiit tamaakut yuget itemnganiluki samun alngunak piyukellghitnun, ellngit katam itemngangunghiteghngaaghmeng. Qepghaghtelaaghuut seghleghqelleghmeggnun enkaam seghleghqellghita naafqesaqlegwii. Yuuk qepghaghtelaaghuuq alngunak samun igleqataqilghiimeng ellminun. 20Yuget liitaqngamegteggu Ataneghputlu Yugulighistevutlu Jesus Christ‑a anagyaghqaqaat nukeggnaa nunam. Iwernga uteghninqigtekumeng seghletun kiyaghtaalleghmeggnun aaghqutaqesimakumengllu tamaakunun, taawa kiyaghtaallghit seghleghataghaayaghqaagut piyuwhaalleghmeggneng. 21Tamaakut yuget, liitngwaaghluku agleghnalghii qelghusaq allgeghtekaghteng, tunutkaqaat. Itagnaghataghaghnayaghtut liisimangisaqumegteggu elqughutngalghii kiyaghtaalleq. 22Tawaten aneghtellghita ipangughtestaat yuget pillghat, “Qikmim uteghfikaqaa mighyaqani, kurugaqlu ughvughqegkaq aglanqiglluni ugharramun mingughunneqigtaquq.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.