2 Peter 1
1
1Ukut latat Simon Peter‑meng pinguut. Qepghaghtekaangallu, apostle‑kaangallu Jesus Christ‑am. Lataaqamsi qamagllusi allgeghutkani ugpeqilleghmeng whangkutestun ayuqelghiimeng. Allgeghtekaqaghput ugpeqilleghput elqughutngallghakun Jesus Christ‑am, Kiyaghneqegkefutlu Yugulighistekegkefutlu.
2Piniqellghenkuk nekeggmellghenkuk wata nulalik elpesini liisimakelleghpesigun Kiyaghneqlu Jesus‑lu Ataneghput.
Kiyaghtelleghqaq Kiyaghneghem Kiyaghtesqesullghatun
3Jesus aghtughyaghqaanghillelguuq Kiyaghneghmeng. Taaggun aghtughyaghqaanghilleghqun tuunegkaqiinkut sameng tamaghhaaneng aklukegkamnneng kiyaghtesqelluta Kiyaghneghyuneghtuluta. Tamaakut allgeghtekaqaput qayughllak liisimakegkefut Jesus. Tuqlughiinkut ilatesqelluta quulvalleghminunllu pinilleghminunllu. 4Aghtughyaghqaanghilleghmikun, Jesus‑em tuunegkaqiinkut akequsamineng megnunapiglleghhiinengllu pivagnapiglleghhiinengllu. Tamaagun akequsatgun Kiyaghneghem ilatesleqiisi nangaghneghminun. Taagken anagyaqlegughlleqasi seghleghem piyukellghi nunamelnguut naafqiiyaqleget elpesineng. 5Kiyaghneghem nangaghnelitkaqutanganeng elpesi, taakunginaghhaagneng pinaqellghaghsi qamaglluku ilateki ukut ugpeqilleghpesinun: ugpeqilleghpesinun ilateggu pinilleq, pinilleghpesinun ilateggu liisimalleq, 6liisimalleghpesinun ilateggu nuqetutilleq, nuqetutilleghpesinun ilateggu aghuliilkaamalleq, aghuliilkaamelleghpesinun ilateggu Kiyaghneghyuneghtulleq, 7Kiyaghneghyuneghtulleghpesinun ilateggu nangllekututelleq ugpeqaalgutegpesinun, nangllekututelleghpesinun ilateggu piniqelleq. 8Tamaakut atuqngukufsiki, nulastekufsikillu kayusiilleqiisi atughqaalusillu kayutkaghqaalusillu liisimakelleghpesigun Ataneghput Jesus Christ‑a. 9Iwernga kitum alngunak atuqenghilkumiki tamaakut, amugtapigtuq enkaam esghaatepagningituq. Puygukaqaallu Kiyaghneghem ukmangiqaqegkanga seghleghqelleqsaqanganeng.
10Enkaangam ugpeqaalgutemni, nalluneqniighwaaghteggu Kiyaghneghem tuqluqaqiisillu nakmikegkaqiisillu. Tawaten pikufsi taawa iqiteqaghhnaanghitusi Christ‑ameng. 11Enkaam Kiyaghneghem quyakusiqeghllaglusi iteghtesleqiisi kenlengilngughmun Ataneghpagullghanun Atanemtallu Yugulighistemtallu Jesus Christ‑am.
12Qaywa liisimakeghngaaghpesiki taakut ipapillghet, sagiqutngughngaaghpesikillu qaatkennaluki, iiwleng neqangughlleqamsi taakuneng ipapilleghneng elpesinun apeghtuutkamnneng. 13Sumemni itagnaghtuq neqangughtaataqumsi tamaakuneng unguvangulunga. 14Liisimakaqa tuquyaghtughtunga qayughllak Atanemta Jesus Christ‑am ungipaatekestaqaqaanga. 15Pinaqelqa qamaglluku apeghtughamsi tamaaken, enkaam tuqulleghma kingunganeng neqaataqelleqasi.
Esghaatkat Christ‑am Nighughqellghaneng
16Atuqumangitaput peghqiniqutngwaaghluki ungipaghaatengllaqat aapghaqngamtekek elpesinun aghtughyaghqaanghillghallu tagillghallu Atanemta Jesus Christ‑am. Whangkuta katam iyeghlluwaamnneng esghaqaqaghput ellngan aangelleghllaga. 17Jesus‑em allgeghtaqngagu quulvalleqlu nighughqelleqlu Kiyaghneghmeng Atameng, nagaquqaqaa menga Kiyaghneghem, Qulighpigaalghii Nighughqengngaghllak. Atam pikaqaa, “Unanguuq piniqepigtekegka Ighneqa, efquqepigtekegka.” 18Whangkuta whangkunneng katam nagatkaqaghput ma qilagmeng Jesus‑metaqngamta agleghnalghiimi naayghami.
19Tamaaken apalluqluku whangkunni nalluneqnaqraggiitut uuknaliqistet uuknaliqutkegkiit ipangutangi. Elpesinun pinighllequt sumeghtaghaatkengngwaaqufsiki uuknaliqutkegkiit, qayughllak kenelghutam kuukgutellghatun ayuqut mamlegmun. Tawatetekestaghtek kenlanga Christ‑am tagilleghqaan aghneghanun. Taagken nighuga kuukgullequq ilugpesinun, unaangum ighaleqetaaghatun ayuqluni. 20Liigikngwaaghyaghqaqaghsi una: Kitum alngunak ellmineng katam liigikepagningitii sameng pisiitangi uuknaliqellghet Akuzitnilnguut Igaqegkani. 21Uuknaliqistet nakmikumangitiit uuknaliqutkesaghqateng. Itupill Agleghnalghiim Taghnegham uuknaliqistet akuzitelitkaqii akuzisqelluki Kiyaghneghtameng.
Currently Selected:
2 Peter 1: ess
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
2 Peter 1
1
1Ukut latat Simon Peter‑meng pinguut. Qepghaghtekaangallu, apostle‑kaangallu Jesus Christ‑am. Lataaqamsi qamagllusi allgeghutkani ugpeqilleghmeng whangkutestun ayuqelghiimeng. Allgeghtekaqaghput ugpeqilleghput elqughutngallghakun Jesus Christ‑am, Kiyaghneqegkefutlu Yugulighistekegkefutlu.
2Piniqellghenkuk nekeggmellghenkuk wata nulalik elpesini liisimakelleghpesigun Kiyaghneqlu Jesus‑lu Ataneghput.
Kiyaghtelleghqaq Kiyaghneghem Kiyaghtesqesullghatun
3Jesus aghtughyaghqaanghillelguuq Kiyaghneghmeng. Taaggun aghtughyaghqaanghilleghqun tuunegkaqiinkut sameng tamaghhaaneng aklukegkamnneng kiyaghtesqelluta Kiyaghneghyuneghtuluta. Tamaakut allgeghtekaqaput qayughllak liisimakegkefut Jesus. Tuqlughiinkut ilatesqelluta quulvalleghminunllu pinilleghminunllu. 4Aghtughyaghqaanghilleghmikun, Jesus‑em tuunegkaqiinkut akequsamineng megnunapiglleghhiinengllu pivagnapiglleghhiinengllu. Tamaagun akequsatgun Kiyaghneghem ilatesleqiisi nangaghneghminun. Taagken anagyaqlegughlleqasi seghleghem piyukellghi nunamelnguut naafqiiyaqleget elpesineng. 5Kiyaghneghem nangaghnelitkaqutanganeng elpesi, taakunginaghhaagneng pinaqellghaghsi qamaglluku ilateki ukut ugpeqilleghpesinun: ugpeqilleghpesinun ilateggu pinilleq, pinilleghpesinun ilateggu liisimalleq, 6liisimalleghpesinun ilateggu nuqetutilleq, nuqetutilleghpesinun ilateggu aghuliilkaamalleq, aghuliilkaamelleghpesinun ilateggu Kiyaghneghyuneghtulleq, 7Kiyaghneghyuneghtulleghpesinun ilateggu nangllekututelleq ugpeqaalgutegpesinun, nangllekututelleghpesinun ilateggu piniqelleq. 8Tamaakut atuqngukufsiki, nulastekufsikillu kayusiilleqiisi atughqaalusillu kayutkaghqaalusillu liisimakelleghpesigun Ataneghput Jesus Christ‑a. 9Iwernga kitum alngunak atuqenghilkumiki tamaakut, amugtapigtuq enkaam esghaatepagningituq. Puygukaqaallu Kiyaghneghem ukmangiqaqegkanga seghleghqelleqsaqanganeng.
10Enkaangam ugpeqaalgutemni, nalluneqniighwaaghteggu Kiyaghneghem tuqluqaqiisillu nakmikegkaqiisillu. Tawaten pikufsi taawa iqiteqaghhnaanghitusi Christ‑ameng. 11Enkaam Kiyaghneghem quyakusiqeghllaglusi iteghtesleqiisi kenlengilngughmun Ataneghpagullghanun Atanemtallu Yugulighistemtallu Jesus Christ‑am.
12Qaywa liisimakeghngaaghpesiki taakut ipapillghet, sagiqutngughngaaghpesikillu qaatkennaluki, iiwleng neqangughlleqamsi taakuneng ipapilleghneng elpesinun apeghtuutkamnneng. 13Sumemni itagnaghtuq neqangughtaataqumsi tamaakuneng unguvangulunga. 14Liisimakaqa tuquyaghtughtunga qayughllak Atanemta Jesus Christ‑am ungipaatekestaqaqaanga. 15Pinaqelqa qamaglluku apeghtughamsi tamaaken, enkaam tuqulleghma kingunganeng neqaataqelleqasi.
Esghaatkat Christ‑am Nighughqellghaneng
16Atuqumangitaput peghqiniqutngwaaghluki ungipaghaatengllaqat aapghaqngamtekek elpesinun aghtughyaghqaanghillghallu tagillghallu Atanemta Jesus Christ‑am. Whangkuta katam iyeghlluwaamnneng esghaqaqaghput ellngan aangelleghllaga. 17Jesus‑em allgeghtaqngagu quulvalleqlu nighughqelleqlu Kiyaghneghmeng Atameng, nagaquqaqaa menga Kiyaghneghem, Qulighpigaalghii Nighughqengngaghllak. Atam pikaqaa, “Unanguuq piniqepigtekegka Ighneqa, efquqepigtekegka.” 18Whangkuta whangkunneng katam nagatkaqaghput ma qilagmeng Jesus‑metaqngamta agleghnalghiimi naayghami.
19Tamaaken apalluqluku whangkunni nalluneqnaqraggiitut uuknaliqistet uuknaliqutkegkiit ipangutangi. Elpesinun pinighllequt sumeghtaghaatkengngwaaqufsiki uuknaliqutkegkiit, qayughllak kenelghutam kuukgutellghatun ayuqut mamlegmun. Tawatetekestaghtek kenlanga Christ‑am tagilleghqaan aghneghanun. Taagken nighuga kuukgullequq ilugpesinun, unaangum ighaleqetaaghatun ayuqluni. 20Liigikngwaaghyaghqaqaghsi una: Kitum alngunak ellmineng katam liigikepagningitii sameng pisiitangi uuknaliqellghet Akuzitnilnguut Igaqegkani. 21Uuknaliqistet nakmikumangitiit uuknaliqutkesaghqateng. Itupill Agleghnalghiim Taghnegham uuknaliqistet akuzitelitkaqii akuzisqelluki Kiyaghneghtameng.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.