1 John 1
1
Akuzin Unguvalleq
1Taana piinlighyuwhaalleghmeng ayuqelghii: nagaquqaghput, esghaqaghput whangkuta katam iyemnneng, esghapakaghput, saaftekaghput iiggemnneng, taananguuq Akuzin unguvalleq. 2Taana unguvalleq esghaghyaghqaaghtestaqngan esghaqaqaghput; enkaam whaa aapghaghputlu ungipaqaghputlu elpesinun taana kenlengilnguq unguvalleq Atamesalghii, esghaghtestekaq whangkunnun. 3Aapghaghput elpesinun sangwaa esghaqaghputlu nagatkaghputlu ilatesqellusi whangkunnun, ilatngallemnnunllu Atamun, Ighneghanunllu Jesus Christ‑amun. 4Latatkaput tamaakut quyalleghput iighwiisqelluku.
Kiyaghneq Nighuguuq
5Una ungipaq nagaquqaghput Ighneghaneng Kiyaghneghem apeghnaqaghput elpesinun, Kiyaghneghnguq nighuguuq, mamlelleqraggiituq. 6Iwernga ilatnganikumta ellnganun naqam paninang mamlegmi kiyaghtengnguluta, iqlengiqnguukut, atuqigataghputlu ipapighqelleq. 7Iwernga nighugmi kiyaghtekumta ellngan nighugmetellghatun taawa ilatngaakut ilamnnun, aawanllu Jesus‑em, Kiyaghneghem Ighneghan, ukmangiiwiinkut tamaghhaaneng seghleghqellemnneng.
8Seghleghqellghinnikumta puughtengnguukut whangkunneng katam, ipapighqellghitukutlu. 9Iwernga aapqumteki seghleghqelleput Kiyaghneghmun, seghevusaghqaqiinkut seghleghqellemnneng, ukmangighyaghqaqiinkutlu tamaghhaaneng anaggutaghallemnneng qayughllak ataasiighmetuqlu elqughullunillu ayuqelghiinguuq. 10Seghleghqigannikumta, Kiyaghneq iqlengiqestengughlleqaghput, akuzitangillu atuqngunghitaput.
Currently Selected:
1 John 1: ess
Highlight
Share
Compare
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
