Efesios 5

Dachi Akõre warrarã saka nuread̶ai panuu

1Dachi Akõreba ichi warrarã ãrea kʉ̃ria b̶uu. Maud̶eeba machi ichi kĩra nureásturu. 2Jomaurã kʉ̃riásturu Cristoba dachi kʉ̃ria b̶uu unubid̶a kĩra. Kʉ̃riad̶eeba dachi kakua ara ichi beabisii Dachi Akõremaa ãnimara baa dearuu kĩra. Dachi Akõreba mau biꞌia unusii.

3Machi ẽbẽrarã Dachi Akõred̶erãd̶eeba machi kakuaba barikiu kachirua waud̶aabai panuu, kĩra nejasia waud̶aabai panuu maud̶e waabenarãba uru b̶ee kʉ̃riad̶aabai panuu. Mau ʉ̃rʉbena ab̶au bid̶a b̶istĩika bid̶a berread̶aabai panuu.#5:3 B̶istĩika bid̶a berread̶aabai panuu. Mau bed̶ea naka b̶ʉ kub̶uu: Nibásturu waabenarãba ab̶a bid̶a poyaa jararãad̶amera machiba kachirua wau panuu. 4Bed̶ea kachirua, nebʉrʉ biꞌiwãe maud̶e bed̶ea miadaa mia ʉibi berrearã́sturu, maka berreai biꞌiwãe b̶uud̶eeba.#5:4 Bed̶ea kachirua. Chi b̶ee kartad̶e naka b̶ʉ kub̶uu: setaa. Maumaarã Dachi Akõremaa biꞌia b̶uu áduru. 5Machiba kuitaa panuu junebena wẽra ome kãibadau, ne kĩra nejasia kachirua wau nibabadau, maud̶e ne joma uru panad̶ai kʉ̃riabadau chi Cristo maud̶e Dachi Akõreba dead̶ai a panuu adaud̶aabai. Ne joma uru b̶uu kʉ̃ria b̶uai Dachi Akõre kuenda juaba ne kaped̶aad̶ad̶e ijãa b̶uu kĩra b̶uu, Dachi Akõre audeara, chi ichiba uru b̶uai kʉ̃ria b̶uu aude ijãa b̶uud̶eeba.

6Ab̶a bid̶a setad̶eeba kachirua waud̶ai panuu aaruubʉrã, ida setaa kũruabirã́sturu. Kachirua wau panuu baita Dachi Akõreba chi ichi bed̶ea ijãawẽa nuree kastikai. 7Maud̶eeba kachirua waubadaurã ome arab̶au waurã́sturu.

8Naed̶e machi pãriud̶ebena basii, maamina id̶ibae Dachi Mechiu ome panuud̶eeba machi ʉ̃d̶aad̶ebenarãbʉ. Maud̶eeba ʉ̃d̶aad̶ebena warrarã kĩra nibásturu. 9Ʉ̃d̶aad̶e nibaaruubʉrã sõbia nuread̶ai, jipa waud̶ai maud̶e biawãrad̶eeba nibad̶ai.#5:9 Ʉ̃d̶aad̶e nibaaruubʉrã. Griego bed̶ead̶e chi b̶ee kartad̶e b̶ʉ kub̶uu: Dachi Akõre Jaurid̶eeba nibaaruubʉrã. 10Dachi Mechiuba biꞌia unu b̶uu kuitaad̶ai baita jʉrʉ́sturu. 11Pãriud̶ebenarãba kachirua waubadaud̶eeba ne bia neekau. Maud̶eeba arab̶au waurã́sturu, maumaarã kuitaabiásturu ãchiba waubadau kachiruabʉ. 12Biawãra dachi kĩra nejasiad̶ai panuu ãchiba kachirua miru waubadau ʉ̃rʉbena berread̶ai baita. 13Maamina ne joma ʉ̃d̶aad̶e b̶uuduud̶e saka b̶uu unubibadau, 14ʉ̃d̶aad̶e ne joma unubadaud̶eeba. Mau baita naka jarabadau:

«Ʉ̃rʉmase bichi kãi b̶uu. Kachiruad̶e biu b̶uad̶a jiraduse. Maabae Cristoba bichi ʉ̃d̶aad̶e b̶ui».

15Maud̶eeba kauwa nibásturu. Adua nuree kĩra nibarã́sturu, maumaarã kʉ̃risia kuitaad̶eeba nibásturu. 16Machiba poyaa wauduucha biꞌia wáusturu, nau ewarid̶e ẽbẽrarãba ne joma kachirua waubadaud̶eeba. 17Kʉ̃risiaswãe nuree kĩra nurearã́sturu, maumaarã ãrea kuitásturu kãare Dachi Mechiuba waubi b̶uu. 18Ituaba biu nibarã́sturu. Mauba kachirua aude waubibarii. Biu nibad̶ai audeara Dachi Akõre Jaurid̶eeba nureásturu. 19Dachi Akõre bed̶ead̶e b̶ʉ kub̶uu karibadau, ãbarãba karibadau maud̶e Dachi Akõre Jauriba karibi b̶uu chiya karibad̶ai baita ãbua karísturu. Dachi Mechiumaa sõd̶eeba karísturu biꞌia berread̶ai baita. 20Dachi Mechiu Jesucristo trʉ̃d̶eeba ewaricha dachi Bajãad̶ebena Akõremaa ne joma baita ichíturu kid̶ibai ásturu.

Dachi kima ome saka nuread̶ai panuu

21Cristo wapea panuud̶eeba arab̶aud̶e chiya ijã́sturu.#5:21 Cristo wapea panuud̶eeba. Griego bed̶ead̶e chi b̶ee kartad̶e naka b̶ʉ kub̶uu: Dachi Akõre wapea panuud̶eeba.

22Wẽrarã kima bara nuree, machi kimarãba jara panuu ijãa panásturu, machiba Dachi Mechiu Cristo bed̶ea ijãa waubadau kĩra. 23Mukĩra ichi wẽra chibaribʉ. Ara mau kĩra Cristo ichi ẽbẽrarã Chibaribʉ maud̶e ichi ẽbẽrarã ichi kakua kĩra nuree. Ichi ãchi Karibabariibʉ. 24Cristo ẽbẽrarãba ichi bed̶ea ijãabadau kĩra wẽraba ichi kima bed̶ea joma ijãa b̶uai b̶uu.

25Mukĩrarã wẽra bara nuree, machi wẽra kʉ̃riásturu, Cristoba dachi kʉ̃ria b̶uu unubid̶a kĩra. Kʉ̃riad̶eeba dachi baita ara ichi ida beabisii. 26Ichiba maka wausii dachi Dachi Akõre baita biꞌia b̶ui baita. Ichi bed̶eaba dachi kachirua jeraasii baniaba jeraad̶a kĩra.#5:26 Griego bed̶ead̶e naka b̶ʉ kub̶uu: dachi kachirua jeraasii baniaba maud̶e ichi bed̶eaba. 27Joma mau wausii dachi ichi baita ãrea biꞌia b̶ui baita, jayoa kachiruaswãe, bibidruaswãe maud̶e barikiu kachiruaswãe. Ichiba kʉ̃ria b̶uasii dachi ichi baita biꞌia nuread̶ai, kachirua jarad̶ai a jaraswãe. 28Ara mau kĩra mukĩraba ichi kima ãrea kʉ̃ria b̶uai b̶uu ara ichi kakua kʉ̃ria b̶uu kĩra. Mukĩraba ichi kima kʉ̃ria b̶uubʉrã, ara ichi kʉ̃ria b̶uu. 29Ab̶au bid̶a ichi kakua kĩramaakau, maumaarã biꞌia ko b̶uud̶eeba ãrea nubarii. Ara mau kĩra Cristoba ichi ẽbẽrarã nubarii, 30ichi kakua kĩra panuud̶eeba.#5:30 Griego bed̶ead̶e chi b̶ee kartad̶e nau sid̶a b̶ʉ kub̶uu: ichi kiuru maud̶e ichi b̶ʉʉrʉ kĩra panuud̶eeba. 31Dachi Akõre bed̶ead̶e naka b̶ʉ kub̶uu:

«Mau baita mukĩraba chi akõre maud̶e chi nawe b̶ʉiped̶a ichi wẽra ome ãbua b̶eei.

Maka kakua ara ab̶a b̶uu kĩra nuread̶ai».#Génesis 2:24.

32Mau bed̶eaba kʉ̃risia mechiu kuitaawẽa panad̶a kuitaabi b̶uu. Mʉʉba jara b̶uu Cristo ichi ẽbẽrarã ome ãbua panuud̶ebena. 33Mau ʉ̃rʉbena kuitaabi b̶umina machicha machi kima kʉ̃ria nuread̶ai panuu ara machi kʉ̃ria panuu kĩra. Maud̶e wẽraba ichi kima wapeadee b̶uai b̶uu.

Currently Selected:

Efesios 5: cmi

Highlight

Copy

Compare