1 Tesalonicenses 1

Pabloba nau kartad̶e naa b̶ʉd̶a

1Mʉ Pablobʉ. Nau karta b̶ʉmaa b̶uu chi ãbarã Tesalónica puurud̶ebenarã baita. Machi Dachi Bajãad̶ebena Akõred̶ebʉ maud̶e Dachi Mechiu Jesucristod̶ebʉ.#1:1 Dachi Bajãad̶ebena Akõred̶ebʉ. Kajuma bed̶ead̶e b̶ʉ kub̶uu: Dios el Padre. Mʉ ãba Silvano maud̶e Timoteo mʉ baara panuu. Daiba kʉ̃ria panuu Dachi Akõreba maud̶e Dachi Mechiu Jesucristo bid̶a maarã sõbiad̶eeba machi kariba panad̶amera maud̶e jirukaraayuwãe panabiad̶amera.

Ãbarãba biꞌia wauped̶aad̶a

2Daiba ewaricha Dachi Akõremaa ʉtaa id̶iiduud̶e machi baita ichíturu kid̶ibai abadau. 3Daiba Dachi Akõre daad̶e ewaricha kĩraba panuu machiba Dachi Akõred̶e ijãa panuud̶eeba biꞌia wau panuu, kʉ̃riad̶eeba waabenarã kariba panuu maud̶e Dachi Mechiu Jesucristoba machi karibai ida b̶ud̶awẽa esed̶au panuu.

4Ãbarã, Dachi Akõreba machi ãrea kʉ̃ria b̶uu. Daiba kuitaa panuu ichiba machi jʉrʉ adausii. 5Daiba chi bed̶ea bia Cristo ʉ̃rʉbena machimaa jaradeasid̶aud̶e bed̶eáturu berread̶aabasii. Maumaarã mau bed̶ea biawãra arakʉd̶e b̶uu kuitaa panuud̶eeba Dachi Akõre Jauri poyaabariid̶eeba berreasid̶au. Machiba kuitaa panuu dai saka machi tãed̶e nibaped̶aad̶a, machi biꞌia panad̶amera. 6Arab̶aud̶e machiba dai panabachid̶au kĩra wau kopaneesid̶au. Maud̶e Dachi Mechiu nibad̶a kĩra wau kopaneesid̶au. Machi ãrea biꞌiwãe panumina Dachi Akõre Jauriba kĩrajʉʉbiasiid̶e chi bed̶ea bia ijãasid̶au.#Hechos 17:1-10. 7Maka joma Cristod̶e ijãabadaurã Macedonia druad̶ebenarãba maud̶e Acaya druad̶ebenarãba machi ʉ̃rʉbena ũrisid̶au saka nibad̶ai panuu. 8Maarãburu Dachi Mechiu ʉ̃rʉbena bed̶ea machid̶ebena ũriped̶aad̶awãe basii; maumaarã druacha ẽbẽrarãba kuitaasid̶au machiba Dachi Akõred̶e ijãa panuu. Maud̶eeba ¿daiba machi ʉ̃rʉbena kãare maucha jarad̶aima? 9Ara ãchiba jara panuu saka machiba dai deed̶aa urúbad̶e aped̶aad̶a, maud̶e Dachi Akõre kuenda juaba ne kaped̶aad̶arã ida b̶usid̶au Dachi Akõre biawãra chokae nii ijãad̶ai baita. 10Ãchiba jara panuu saka machiba Dachi Akõre Warr Jesús bajãad̶ebena neei esed̶au panuu. Ara mau Jesús Dachi Akõreba biud̶ad̶ebena chokae jiradubisii. Mauba Dachi Akõreba dachi kastikai bad̶a karibasii.

Currently Selected:

1 Tesalonicenses 1: cmi

Highlight

Copy

Compare