Nikumoona 80
80
Nikumoon LXXX.
1Nutoo̔ta, O keya ka Kunowāyimut Israel, keya ka kiskinoo̔tahut Joseph tapiskooch mayutchi̔k: wapu̔teyooskā keya, keya ka uppeyun tu̔koo̔ch cherubimuk.
2Ā moyā Ephraim, Benjamin, mena Manasses: kiskahik ke muskowisseewin, ākose pāche, wechehinan.
3Kwāskeestowinan mena, O Muneto: wapu̔teyinan ke’ skesik, ākose ne ga pimatissinan.
4O Tāpāye̔chekāyun Muneto: taneyekoo̔k kā poone kissewahiskik ket eyineemuk ka mowimooschekātchik?
5Ke mechesoo̔kowawuk matoowin o̔che: mena ke meeyawuk mistahā matoowinapoë kitta mini̔kwātchik.
6Ke ke̔ issehinan naspitch kitta nayā̔tawāyimikooya̔kik ne weetuppimakunenanuk: ākose ka pukwatikooya̔kik ne pa̔pehikoonanuk.
7Kwāskeestowinan mena, O keya Muneto tāpāyimutchik osamāyutitchik: wapu̔teyinan ke’ skesik, ākose ne ga pimatissinan.
8Ke ke̔ pāsewaw meenisa̔tik Egypti̔k o̔che: ke ke̔ wuyowetissa̔wawuk āka ka ayumehatchik, ākose ke ke̔ chima̔yaw.
9Ke ke̔ towenān itta kitta chimuskesoot: ākose eyekoo̔k ka ne̔tawekit wutuppee̔k ke̔ sakuskinu̔taw uske.
10Wutcheesisa ke̔ akowastāskum: mena wuti̔kwuna tapiskooch ā meyosisitchik masikeesa̔tikwuk.
11Oo wuti̔kwuna wenepākoo̔k ke̔ itumooyewa: mena sepee̔k isse ayayewa.
12Tanā̔kā maka ke peekopitān oo mānikun: ka o̔che munepitu̔kik meenisa tu̔to itta ka pimoo̔tātchik?
13Ā a̔kwatissit pisiskew ke̔ moonepitāo: mena ka a̔kwatissitchik pisiskewuk ke̔ kitumwāwuk.
14Kwāskeestowinan mena, O keya Muneto tāpāyimutchik osamāyutitchik, ke̔che kesikoo̔k o̔che kunowape kunowape, mena meyototow owa meenisa̔tik;
15Mena oma meenisa̔tiko kistekan ke ke̔chenisk ka ke̔ o̔che ose̔tayun: mena wuti̔kwun ka ke̔ ayeeche̔tumasooyun.
16Ke̔ iskwasoo iskootāo o̔che, mena ke̔ kowa̔waw: kitta nissewunatissewuk kissewe kunowapumutwawe.
17Keyam ke’ chee̔chee kitta ayak una napāo ke ke̔cheniski̔k: mena napāwe koosisan, ka ke̔ ayeeche̔twasooyun naspitch.
18Ākose numoweya ke ga nukutitinan: O keyam ne ga pimatissinan, ākose ke We̔yoowin ne ga mowimoostānan.
19Kwāskeestowinan mena, O Tāpāye̔chekāyun Muneto tāpāyimutchik osamāyutitchik: wapu̔teyinan ke’ skesik, ākose ne ga pimatissinan.
Currently Selected:
Nikumoona 80: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
