Nikumoona 73
73
Nikumoon LXXIII.
1Tapwā Muneto sakehāo Israela: tu̔to ka kechistayik oo’ tā̔eyewa.
2Maka, kākach ne’ sita ke̔ sipwāpuyewa: ne tu̔kooskāwina kākach ke̔ sooskoopuyewa.
3Kākwi maka oche? ne ke̔ numma na̔āye̔tumehikwuk oomuchatissewuk: ā wapumukik oomuchatissewuk naspitch ā wāyootissitchik.
4Yukuma ayimissitchik wa̔ nippitwawe: maka metoone muskowisseewuk.
5Numoweya ayimissewin otee̔tikwuk tapiskooch kotukuk ayiseyinewuk: mena numma kākwi mikooskachehikwuk tapiskooch kotukuk ayiseyinewuk.
6Āwuko o̔che maka ka o̔che naspitch kistāyimootchik: mena ka o̔che uyewiskakootchik nuna̔kachehewāwin.
7Pakepuyeyewa oo’ skesikoowawa ā ispee̔che weyinootchik: mena piko ā itāye̔tu̔kik i̔totumwuk.
8Nissewunachehāwuk kotuka, mena ayimootumwuk muche peekiskwāwin: ā ayimoomatchik ka mawutche Kistāye̔takooseyit.
9Kesikoo̔k itustawuk oo’ toonewawa: mena oo’ tāyunewawa missewā uskee̔k pupamepuyeyewa.
10Āwuko o̔che nutoo̔takwuk ayiseyinewa: ākose mistahā ākota o̔tisewuk.
11Tush, tantā oo ga o̔che kiskāye̔tā Muneto itwāwuk: kākwi che kiskāye̔tum ka mawutche ke̔che Ayewit?
12Āwukwunik oke oomuchatissewuk, metoone oke meyo ayawuk uskee̔k, mena ayawuk wāyootissewina: Ākose pukwunuta ne ke̔ kechiste̔tan ne’ tā̔, mena pukwunuta ne ke̔ keseepākinān ne’ chee̔cheeä, ne ke̔ itwan.
13Kupā kesik ne ke̔ ayimehikowin: mena ne kukāskimikowin tu̔to kākesāpayaw.
14Tapwā, kākach neesta ne ke̔ itwan ka itwātchik: maka ne ga nayā̔tawe ita̔tuyuk ket owasimisuk.
15Ākose net ata we̔ nisseto̔tān oma: maka osam net ayimehikoon.
16Patima ātoo̔tāyan oot ayumehāwekumikoo̔k Muneto: ākwa ka nisseto̔tuman ā issenakoo̔chekātchik okoo ayiseyinewuk;
17Ā sooskwayik itta ā a̔yutchik: ākose ā nee̔chewāpinutchik, mena ā nissewunachehutchik.
18Oh, taneyekoo̔k sissekooch nāsewunatissitchik: nissewunachehoowuk, mena otee̔tumwuk ā koostatāye̔takwuneyik nippoowin!
19Tapiskooch powamewin kooskooska̔ke: ākose, O Tāpāye̔chekāyun, kooskooskayune, ke ga atowāye̔tumwan oot issenakoosewinewaw.
20Ākose ne’ tā̔i̔k numma ne ke̔ na̔āye̔tān: mena ke̔ sapoopuyew ne’ yowi̔k.
21Ā ispee̔che kukāpatisseyan, aka kākwi ā kiskāye̔tuman: metoone tapiskooch pisiskew net issenakoo̔chekan.
22Maka, āyewā̔k mosuk ke wechātin: weya ā ke̔ mitchimineyun ke ke̔chenisk o̔che.
23Ke ga kiskinoo̔tahin ket itussoowāwin o̔che: ākose ke ga otinin keke muma̔takoosewin.
24Owāna āyawuk ke̔che kesikoo̔k keya piko: mena numoweya oweyuk e̔taw uskee̔k ayewak kitta itāyimooyan owusimā ispee̔ch keya.
25Ne weyasmena ne’ tā̔ noo̔tāpuyew: maka Muneto ne meeyik muskowisseewin ne’ tā̔i̔k, mena weya n’ootayanin kakekā.
26Weya cheest, tu̔to ka wāpiniskik kitta nissewunatissewuk: ke ke̔ nissewunachehawuk ka̔keyow tu̔to ka wāpiniskik.
27Maka net aputchehoon kitta ayeeche mitchimeyan Muneto, kitta mumisseeyan ka Tipāye̔chekāt Muneto: mena kitta ayimootuman ka̔keyow ket isse̔chekāwina pee̔che Zion oo’ tanisa oot iskwa̔tāmi̔k.
Currently Selected:
Nikumoona 73: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
