Nikumoona 68
68
Nikumoon LXVIII.
1Keyam Muneto kitta pussikoo, mena keyam ka pukwatikoot kitta wuswātissa̔hoomawa: unehee mena ka pukwatikoot kitta oosimoostak.
2Tapiskooch pustāo ka mā̔che āka e̔tukwu̔k, ākose kā isse sipwātissa̔wutchik: mena tapiskooch pikew ka ti̔kesoot iskootā̔k, ākose oomuchatissewuk kitta nissewunatissewuk ā kunowapumikootchik Munetoowa.
3Maka keyam kwiusk ootitatissewuk kitta muma̔takooseestowāwuk Munetoowa: mena kitta meywatumwuk mena kitta muma̔takoosewuk.
4O nikumoosta̔k Muneto, mena nikumoostumwa̔k oo We̔yoowin: mume̔chimee̔k ka tā̔tuppit kesikoo̔k, tapiskooch mistutimwa; mume̔chimee̔k oo We̔yoowini̔k JAH, mena muma̔takooseesta̔k.
5Weya O̔tawemik āka ka o̔taweyit, mena natumowāo oonuputāpewa: Muneto ote oo kunache e̔tawini̔k.
6Weya Muneto ka issehat ayiseyinewa kitta pāukoo̔tayit ā itāye̔tumeyit, mena ka wuyowe̔tahat kipa̔wakuna kipa̔hootoowinik o̔che: maka eyinumowāo oomuchatissewa kitta kweetumayit.
7O Muneto, ispe ā nekanoo̔towutchik ayiseyinewuk: ispe ā utte sapooskāyun pukwutuskee̔k.
8Uske ke̔ nunumepuyew, mena kesikwa ke̔ pu̔kekowinwa ā kunowapu̔tu̔k Muneto: tapiskooch Sinai ka ke̔ nunumepuyik ā kunowapu̔tu̔k Muneto, oo Munetooma Israel.
9Keya, O Muneto, ke ke̔ isitissa̔hān kissāwatisseewe kimewunapoë ket ayani̔k: mena ke ke̔ sāsawe̔tan ā ayāskoosemuku̔k.
10Ket ayiseyineemuk kitta ayawuk ākota: weya keya, O Muneto, ke kissāwatisseewini̔k o̔che ke ke̔ kwyache̔tumowawuk ookitimakissewuk.
11Ka Tipāye̔chekāt ke̔ mākew ayumewin: ākose ke̔ me̔chātewuk weye̔tumakātchik.
12Ke̔che Ookemawuk ussitche ooskeneekeemewawa ke̔ oosimoowuk, mena ke sakoohawuk: ākose weyawaw oot owasimisewawa ke̔ matinumatooyewa oot ayaneyewa.
13Ā ata mākwach uski̔koo̔k ke̔ pupimis sināk, kāyapitch tapiskooch oome̔meew oo’ tu̔tu̔kwun ke ga isse ayanawaw: sooneyawe tu̔tu̔kwuna ka ukwunahookoot, mena oo’ peewuya tapiskooch mawutche ke̔che sooneyaw.
14Ispe ka Soo̔katissit ā wuswātissa̔wat ke̔che Ookemawa weyawaw o̔che: ākose ke̔ wapiskissewuk tapiskooch koona Salmoni̔k.
15Ā isse ayak wutchee Basani̔k, ākose ā isse ayayik Muneto oo wutcheem: ā ispamutinak wutchee, tapiskooch wutchee Basani̔k.
16Tanā̔kā wā̔che isse kwaskoo̔teyāk, keyawaw wutcheeä? āwuko oma Muneto oo wutcheem, ka meywāye̔tu̔k itta ā ayat: tapwā, ka Tipāye̔chekāt ākota kitta ayaw kakekā.
17Oo tapanaskooma Muneto nesitunow ke̔che meta̔toometunow i̔tusseyewa, ke̔che meta̔toometunow ke̔che utooskāyakuna: ākose ka Tipāye̔chekāt ā wechāwat, tapiskooch ka kunatu̔k Sinai.
18Ke ke̔ itoo̔tan ispimi̔k, ke ke̔ sakoo̔twan, mena ke ke̔ ayan kā meeyutchik ayiseyinewuk: tapwā, ka pukwatiskik wawach o̔che, ka Tipāye̔chekāt Muneto kitta wechāwat.
19Kitta mume̔chimaw ka Tipāye̔chekāt tu̔to kesikaw: Muneto ka wechehikooyu̔k, mena ka meeyikooyu̔k oo meyo totakāwina.
20Weya ke Munetoomenow, Muneto ka oo̔cheestumakooyu̔k pimachehoowin: Muneto Tipāye̔chekāo, weya ka o̔che puspeyu̔k nippoowini̔k.
21Muneto kitta miswakuni̔katāo oo’stikwaneyee̔k ka pukwatikoot: mena oo’stikwaneyewa tu̔to a̔chiko ka pimitissa̔humeyit oo muche̔tewineyew.
22Ka Tipāye̔chekāt ke̔ itwāo, mena ko̔ke ne ga pāsewawuk net ayiseyineemuk, Basani̔k o̔che ka ke̔ isse pāsewukik: neya net ayanuk mena ne ga pāsewawuk, ka ke̔ totuman kuyu̔tā, ke̔che wenepākoo̔k o̔che.
23Ke’ sit kitta ke̔ ke̔tanikatāk oo mi̔koowa̔k ka pukwatiskik: mena kitta mi̔koowuneyikee oo’ tāyunewawuk ke’tāmuk āwukwāyew o̔che.
24Metoone wapu̔chekatāo, O Muneto, ā isse itoo̔tāyun: keya ne Munetoom ne Ke̔che Ookemam, ā isse itoo̔tāyun ayumehāwekumikoo̔k.
25Ka nikumootchik nekanoo̔tāwuk, ka kitoo̔chekātchik oota̔k ayawuk: mākwach ākota wechehewāwuk ooskeneekiskwāwuk ā kitoo̔tatchik kitoo̔chekuna.
26Meeyee̔k nunaskoomoowin, O Israel, Muneto ka Tipāye̔chekāt itta ā mawutchehitoo̔k: ke’ tā̔ewa̔k o̔che.
27E̔tayewa upistche Benjamina ka tipāyimikootchik, mena wākemaweyit Judah ka ooyussoowāyit: ka ookemaweyit Zabulon, mena ka ookemaweyit Nephthali.
28Ke Munetoom ke ke̔ isitissa̔humak muskowisseewin: ayeeche̔ta kākwi, O Muneto, ka ke̔ isseheya̔k.
29Ke ke̔che ayumehāwekumikoom Jerusalemi̔k ka ayak o̔che: ākose ke̔che ookemawuk ke ga pātwakwuk oo mākewinewawa.
30Ispe oke ka tu̔ku̔tchekātchik, mena ka me̔chātitchik ā soo̔katissitchik missewā nunanis ayatwawe, ākose pāsewatwawe sooneyawapiskoosa: mena ke̔ nunanis isitissa̔watche ayiseyinewa ka sake̔tayit nutoopuyewin;
31Ākose Egypt kitta o̔cheewuk ookemawuk: Morianuk oot uskeewaw weputch kitta soowiniskāstak Muneto.
32Nikumoosta̔k Muneto, O keyawaw tāpāye̔tumāk uske: O nikumoosta̔k ka Tipāye̔chekāt;
33Ka uppit kesikoo̔k ka̔keyow oweya ā tipāyimat mitchimach o̔che: cheest, pā isitissa̔hum oot itwāwin, tapwā, ākose naspitch ā soo̔ke̔takoosit.
34Pukitinuma̔k Muneto soo̔katissewin ā tipāyimat Israel: oo putuppeestakoowin, mena oo muskowisseewin ayayew wuskoo̔k.
35O Muneto, ke mama̔tawissin ke kunache e̔tawini̔k: Israel oo Munetooma; kitta meeyāo muskowisseewin mena soo̔katissewin oot eyineema; kitta mume̔chimaw Muneto.
Currently Selected:
Nikumoona 68: CSW
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society 1876-1877.
