Nikumoona 62
62
Nikumoon LXII.
1Net a̔cha̔k pāhāo kāyapitch Munetoowa: weya mana maka ka pimachehit.
2Weya tapwā ne muskowisseewin mena ne pimachehoowin: weya ne natumak, āwuko o̔che numoweya ne ga ke̔che pu̔kissinin.
3Taneyekoo̔k kinwās kā muche mamitoonāyimāk ka̔keyow ayiseyinew: ke ga nippa̔hikowinawaw ā itusseyāk; tapwā, tapiskooch ā we̔ kowepuyik waskahikun ke ga isse ayanawaw, mena tapiskooch ā peekoopuyik mānikun.
4Piko ā isse mitoonāye̔tu̔kik kitta nee̔chewāpinatchik tu̔to Muneto ka kistukimat: sake̔tawuk keyaskewina; meyo ayumewuk oo’toonewa̔k, maka oo’ tā̔ewa̔k muche itwāwuk.
5Āyewā̔k maka, net a̔cha̔k, kāyapitch pā̔ Muneto: weya ā uspāyimoototowuk.
6Weya tapwā ne muskowisseewin mena ne pimachehoowin: weya ne natumak, āwuko o̔che numoweya ne ga pu̔kissinin.
7Weya Muneto ayaw ne meyo mu̔chehoowin, mena ne muma̔takoohikoowin: kistapiska̔k ka isse ayak ne soo̔katissewin, mena Muneto ne mumisseetotowaw.
8O kakekā mumisseetota̔k, keyawaw ayiseyinetik: seeke̔tetwa̔k ke’ tā̔ewawa, weya Muneto ā uspāyimoototowu̔k.
9Maka weya ayiseyinewuk, pukwunuta tapwā: ayiseyinewe koosisanuk pukwunuta kukwācheesehewāwuk tipapāskoochekuni̔k, owusimā ya̔kuchissewuk ispee̔ch pukwunuta kākwi.
10O ākaweya mumisseetotumook muche̔tewin mena musku̔twāwin, ākaweya puketinisook kistāyimisoowini̔k: keespin wāyootissewin mawutchehoomukun, ākaweya ke’ tā̔ewawa itta ustak.
11Muneto ke̔ ayumew pāukwaw, neswaw ne ke̔ pā̔tān āwuko: Muneto ā ootayanit soo̔katissewin;
12Mena keya, Tāpāye̔chekāyun, ā kissāwatisseeyun: weya ā tipa̔humowut ka̔keyow ayiseyinew piko ā isse kuske̔tat.
Currently Selected:
Nikumoona 62: CSW
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society 1876-1877.
