Nikumoona 44
44
Nikumoon XLIV.
1Ne ke̔ pā̔tānan n’ e̔towukana̔k o̔che, O Muneto, n’o̔tawenanuk ne ke̔ we̔tumakoonanuk: ka ke̔ totumun mākwach ā e̔tatchik;
2Ka ke̔ isse wuyowetissa̔wutchik ayiseyinewuk āka ka ayumehatchik ke chee̔chee o̔che, ākose itta ka a̔yutchik: ka ke̔ isse nissewunachehutchik ā me̔chātooskanāmukissitchik ayiseyinewuk, mena wuyowetissa̔wutchik.
3Yukuma weyawaw oo semakuni̔koomanewaw o̔che ka ke̔ ayatchik āwuko uske: mena numoweya weyawaw oo’ spitoonewawa ka wechehikootchik;
4Maka ke ke̔chenisk, mena ke’ spitoon, mena ā meyo kunowapumutchik: chikāma ā kitimakāyimutchik.
5Keya ne ke̔che Ookemam, O Muneto: pāche isitissa̔humow ke wechehewāwin Jacob.
6Keya o̔che kā sakoohukee̔tchik ka pukwatikooya̔kik: mena ke We̔yoowin o̔che kā pa̔tukooskowukee̔tchik, tu̔to ka pussikoostakooya̔kik.
7Numoweya net a̔chapee ne ga mumisseen: yukuma ne semakuni̔kooman kā aputchehikooyan;
8Maka keya ka pimacheheya̔k ka pukwatikooya̔kik o̔che: mena ka wawanāye̔tumehutchik ka pukwatikooya̔kik.
9Ne mume̔chimanan Muneto kupā kesik: mena ne ga mume̔che̔tānan ke We̔yoowin kakekā.
10Maka ākwa wa̔yow ket ayan, mena ke wawanāye̔tumehinan: mena numma ke wechāwinan nutoopuyeya̔ke.
11Ket issehinan kitta oosimoostowukee̔tchik ka pukwatikooya̔kik: mena unekee ka pukwatikooya̔kik nissewunache̔tawuk net ayanenana.
12Ket eyinumakan kitta moowikoweya̔k tapiskooch mayutchi̔kwuk: mena ke ke̔ wuswātissa̔hoonan mākwach itta āka ā ayumehatchik ayiseyinewuk.
13Ket utawakan ket ayiseyineemuk numma kākwi o̔che: mena numma k’otinawuk sooneyawuk weyawaw o̔che.
14Ket issehinan kitta mātowakāyasoomikooya̔kik ne weetuppimakunenanuk: kitta pa̔pehikooya̔kik unekee waska ka ayatchik.
15Ket issehinan kitta ayimoomikooya̔kik āka ka ayumehatchik: mena ayiseyinewuk ne wāwāpiskwāyoostakoonanuk.
16Tu̔to kesikaw ne kunowapu̔tān ne wawanāye̔tumoowin: mena ne nunāpāwissewin ne ke̔ ukwunahookoon;
17Weya tu̔kee ā pā̔takoosit ka muche ayimoomewāt mena ka muche peekiskwāt: weya ā e̔tat ka pukwasewāt, mena ka ayimehewāt.
18Ākose ka̔keyow oma ā ata otee̔tikooya̔k, numoweya ke wunekiskissetotatinan: mena numoweya ke nayā̔tawe nookoo̔twatinan ket isse̔twawini̔k.
19Ne’ tā̔ena̔k numoweya n’o̔che kewanan: mena numoweya n’o̔che wunahumanan ket itatissewin;
20Numma, ā ata ke̔ isitissa̔hooya̔k itta āyatchik wutu̔tu̔kwune kināpikwuk: mena ā ke̔ ukwunahooya̔k ā chikastā̔ti̔k nippoowin.
21Keespin ke wunekiskissetotumwanow oo We̔yoowin ke Munetoomenow, mena keespin ke soowiniskāstowanow pu̔kan muneto: numma na Muneto kitta miskum? weya ā kiskāye̔tu̔k wunemooch ā itustāyik me’tā̔.
22Keya o̔che wawach ne nippa̔hikowinan kupā kesik: mena mayutchi̔kwuk wa̔ nippa̔hee̔twawee ā itukimikoweya̔k.
23Pussikoo, Tāpāye̔chekāyun, tanā̔kā ke nipan: kooskooska, mena ākaweya nukusinan kakekā.
24Tanā̔kā ke katan ke’skesik: ākose ā wunekiskissetotumun ne nunā̔katāyimoowinenan mena net ayimissewinenan?
25Weya, net a̔cha̔koonan nee̔chepuyew, peyis uskee̔k isse: ne’yowenan mena mitchiminumomukun uske.
26Pussikoo, ākose wechehinan: mena natumowinan ke kissāwatisseewin o̔che.
Currently Selected:
Nikumoona 44: CSW
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society 1876-1877.
