Nikumoona 105
105
Nikumoon CV.
1O Meeyee̔k nunaskoomoowina ka Tipāye̔chekāt, mena mowimoostumwa̔k oo We̔yoowin: we̔tuma̔kook ayiseyinewuk kākwiä ka̔ totu̔k.
2O keyawaw nikumoosta̔k, mena mume̔chimee̔k: mena atotumwa̔k ka̔keyow oo mamuskache isse̔chekāwina.
3Muma̔takooseestumwa̔k oo kunache We̔yoowin: keyam oo’ tā̔ewa̔k kitta muma̔takoosewuk ka nutoonowatchik Tāpāye̔chekāyit.
4Nutoona̔k ka Tipāye̔chekāt mena oo muskowisseewin: nutoonumwa̔k oo’ skesik kakekā.
5Kunoo̔kāk mamuskache kākwiä ka ke̔ totu̔k: oo mamuskache isse̔chekāwina, mena oo kukāskimewāwina oo’ tooni̔k o̔che,
6O keyawaw Abraham oot owasimisa oot utooskāyakuna: keyawaw oot owasimisa Jacob oo nowusoonikuna.
7Weya Tipāye̔chekāo ke Munetoomenow: oo kukāskimewāwina missewā uskee̔k ayayewa.
8Mosuk ke̔ kunoo̔kāo ā ke̔ itwāt mena ā usootumakāt: ka ke̔ itat ke̔che meta̔toometunow tu̔twaw ā aniskā e̔tayit ayiseyinewa;
9Ka ke̔ itat Abrahama: mena ka ke̔ ke̔che itat Isaacwa;
10Mena āwukwāyew kāyapitch ka ke̔ itat Jacoba ā ooyussoowatat: mena Israela kakekā kitta kunoo̔kāyit;
11Keyawaw ke ga meeyitinawaw Canaan: kitta tipeyowāwisseyāk.
12Kāyapitch pitchāyik ā chukowasisitchik: mena ā mantāwitchik ākota uskee̔k;
13Tu̔twaw ā natatchik kotuka ayiseyinewa: ayasoowe otānowa ā natu̔kik petoos ayiseyinewa ā wapumatchik;
14Mitchimināo ayiseyinewa āka kitta wunetotowayit: maka ke̔ kitootāo ke̔che ookemawa weyawaw o̔che;
15Ākaweya saminee̔kook ka Kistukimukik: mena ākaweya nuspach tota̔kook n’ ookiskewāhikāmuk.
16Mena, ke̔ nutootum kitta we̔ mechesoowee̔t ākota uskee̔k: mena ke̔ nissewunache̔taw ka̔keyow mechim.
17Maka oo ke̔ assi nekan itissa̔wa̔ty pāuk napāwa: Josepha ote, ka ke̔ utawakanewu̔k kitta utooskāyakunewit;
18Ka ke̔ wesuka̔watchik oo’ siteyee̔k makwaskwa̔hikuni̔k: pewapisk oot a̔cha̔koo̔k ke̔ ispuyeyew;
19Eyekoo̔k wāche̔chepuyeyik ākwa kitta kiskāye̔takoosit: oot ayumewineyew Munetoowa ke̔ kootāyimik.
20Ke̔che ookemaw nutoomāo, ākose wuyowe̔tahāo: ka ke̔che ookemawekoosisanewit ā tipāyimat ayiseyinewa pukitināo kitta tipāyimissooyit.
21Ke̔ tipāye̔tumoohāo oo waskahikun: mena ka̔keyow oot ayana;
22Kitta we̔tumowayit oo ke̔che ookema̔kāwina ā itāye̔tumeyit: mena kitta kiskino̔humowayit oo’ yussoowāwekemawa kukā̔tawāye̔tumoowin.
23Israel neesta ke̔ pā itoo̔tāo Egypti̔k: ākose Jacob ke̔ mantāwew Ham ka itchekatāk.
24Ākose naspitch ke̔ me̔chātohāo oot eyineema: owusimā kitta soo̔katisseyit ispee̔ch ka pukwatikooyit;
25Peyis oo’ tā̔eyee̔k ka pukwatayit oot eyineema: mena nuspach ka totowayit oot utooskāyakuna.
26Ākose ākwa ka isitissa̔wat Mosesa oot utooskāyakuna: mena Aarona ka ke̔ nowusoonat.
27Ākose āwukwunik okoo ke̔ wapu̔teyewāwuk oo kiskinowachehoowina: mena oo mamuskache totumoowina Hami̔k.
28Ke̔ isitissa̔hum wunetipiskaw, ākose tapwā wunetipiskayew: ākose kāyapitch numma nutoo̔tumwāwuk oot ayumewineyew.
29Mi̔koo̔k ke̔ isse kwāskinumwāo oo nippeemeyew: mena ke̔ nippa̔himāo oo kinoosāmeyewa.
30Uyeekisa ke̔ o̔cheeyewa oot uskeewa̔k: tapwā, a̔po oo ke̔che ookemamewawa w’ eekeeyee̔k.
31Ā itwāt, ākose nunatoo̔k toowe oochāwa mooskeyewa: mena i̔kwa missewā itta ā ayatchik.
32Ke̔ meeyāo sāsākun kimewun o̔che: mena ā kwa̔kootāk iskootāo oot uskeewa̔k.
33Ke̔ nissewunachehimāo mena oo meenisa̔tikoomeyewa: mena nissewunachehimāo mistikwa oot uskeeyee̔k ā e̔tayit.
34Ā itwāt ākose sāmak ookwaskoo̔cheseesuk tukoosinwuk, mena naspitch me̔chāt oomwapukwāsewuk: ākose ke̔ kitawuk ka̔keyow muskooseä oot uskeeyee̔k, mena ke̔ kitawuk tu̔to kākwi ā ne̔tawekee̔k oot uskeewa̔k.
35Ke̔ mā̔chehāo ka̔keyow oo nistumekoosisaneyewa oot uskeeyee̔k: ka̔keyow ā mawutche muskowisseeyit.
36Ke̔ wuyowe̔tahāo keke wape sooneyaw mena oosawe sooneyaw: numma wawach pāuk nāsoowatisseyewa ā tu̔to meenāyuteyit.
37Egypt meywāye̔tum ā sipwā̔tāyit: weya ā koostatchik.
38Ke̔ tuswākinum kuskowunusk kitta ukwuna̔hooyit: mena iskootāo kitta wastānumakootchik mākwach ā tipiskayik.
39Ā nutowāye̔tu̔kik ke̔ pāsewāo pee̔yāwa: mena keespooyāo ke̔che kesikoowe mechim o̔che.
40Ke̔ paske̔tānāo kistapiskwa, ākose nippeä ke̔ wuyowechewun: ākota o̔che sepeeä ke̔ pimitchewunwa pa̔kwu̔tcha̔k.
41Tanā̔kā? ke̔ kunoo̔kāo oo kunache usootumakāwin: mena Abrahama oot utooskāyakuna.
42Ākose ke̔ pāsewāo oot eyineema keke muma̔takoosewin: mena oo nowusoonakuna meywāye̔tumoowin keke;
43Mena ke̔ meeyāo oot uskeeyew āka ka ayumehayit: ākose ke̔ otinumasoowuk ayiseyinewa oot utooskāwineyew;
44Kitta mitchiminu̔kik oot isse̔twawineyew: mena kitta nakutowāye̔tu̔kik oo’ yussoowāwina. Mume̔chimee̔k ka Tipāye̔chekāt.
Currently Selected:
Nikumoona 105: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
