Jakariya Kuma foloo
Kuma foloo
Jakariya maŋ ke annabiyomoo doroŋ ti, piriisoo* le mu a ti fanaa. Jakariya too kotoo mu ñiŋ ne ti, Yaawe* hakiloo ka bula le.
Jakariya keta annabiyomoo ti Yerusalaamu, biriŋ Hakayi ye annabiyomuyaa dati kari fula koolaa. Ñiŋ annabiyomoolu ye dookuwo ke ñoo kaŋ Yahuudoolu kono, mennu bota naŋ mutoo kono. Yerusalaamunkoolu ye a dati le nuŋ ka Alla Batudulaa Buŋo* lookuu, bari ì jikilateyita, ì ye i dahaa, kaatu mutamoolu jamaa maŋ muru naŋ foloo, mennu muruta naŋ be fuwaareyaariŋ. Ñiŋ waatoo ye a tara le, ì la kuwolu be looriŋ Perisiya mansamarali bankoo le kaŋ. Ì dandanna bankoolu fanaa ye a kata le kendeke ka ì bali Alla Batudulaa Buŋo seyinkaŋ loo la. Ñiŋ annabiyomoolu naata ì wakiilindi ka tenteŋ ka Yerusalaamu saatewo niŋ Alla Batudulaa Buŋo lookuu (Esira 5:1 aniŋ 6:14 juubee).
Ñiŋ kitaaboo ye fannaa saba le soto:
Fannaa foloo be dendiŋ lankenemayaa le la jeroo kono. Alla ye a la feeroo lankenemayandi Jakariya ye le, a ye meŋ soto a la moolu ye aniŋ Yerusalaamu. Annabiyomoo faŋo maŋ wo jeroo ñiŋ fahaamu noo. Bituŋ Alla la malaayikoo naata a bo a ye ñoo to. Kiliri keta Yahuudoolu la le ka muru Alla kaŋ, aniŋ ka i paree Alla la laahidoo timmandoo la. Annabilayi Jakariya la kibaaroolu niŋ taamanseeroolu be le ko annabiyomu koteŋolu taa, mennu naata a ñaa.
Fannaa fulanjaŋo fanaa keta kiliri le ti Yahuudoolu ye ka muru Yaawe kaŋ. Ñiŋ hijiboolu keta moolu la ñininkaaroolu jaabiroo le ti. Biriŋ ì be mutoo kono, ì ye suŋ luŋolu le londi, ì ye i fammajii Alla ñaatiliŋo la. Fo ì ñanta tenteŋ na wo le la ñiŋ luŋolu la baŋ? Alla lafita sondome faliŋo le la diina ka i faŋ ke diina moo ti.
Fannaa sabanjaŋo naata safee sanji jamaa koolaa. A be dendiŋ kuwolu le la, mennu be ke la siniŋ saama. Bantala bankoolu moolu be Yerusalaamu toorandi la le kendeke, wo be a tinna la le, Alla la moolu ye i tuubiseyi a ma. Labandulaa, ì be naa ì jawoolu noo la le. Alla be a la moolu jankundi la le. A be yamfa la ì la junuboolu la le, Noora Kuliŋo ye ì daajikoolu faliŋ.
Alimasiihu* la naa kankulaata, Kayira Mansa. Kiisoo be siloo kaŋ naŋ ne. Luŋ labaŋolu la, Alla faŋo be sii la Mansa ti Yerusalaamu le, a ye duniyaa bee mara.
Kuma sutuŋolu
Jeri seyoo, Hijibu 1–6
Dandalaaroo niŋ jikoo 7–8
Yiriwaa niŋ kayiroo meŋ be naa la 9–14
Currently Selected:
Jakariya Kuma foloo: MNKBI
Highlight
Copy
Compare
Share
Want to have your highlights saved across all your devices? Sign up or sign in
Mandinka Bible © Bible Society in The Gambia, 2011.