Matiyu Kuma foloo
Kuma foloo
Ñiŋ kitaaboo safeelaa maŋ yitandi a kono, bari lonnaalu ye a yitandi le ko, wo mu Matiyu le ti, meŋ be nuŋ Yeesu la saayiboolu kono. Matiyu meŋ too doo mu Lewi ti, mu nuŋ duwaañoo le ti, meŋ na kiliroo yitandita hijibu konontonjaŋo kono.
Ñiŋ “Kibaari Betoo Yeesu Kiristu* la kuwo to,” si kumandi noo “Linjiiloo” fanaa la le. Matiyu ye ñiŋ kitaaboo safee Yahuudoolu le ye ka a yitandi ko, Yeesu mu Alimasiihu* le ti, meŋ ye Kambeŋ Kotoo la kiilaariyaa kumoolu timmandi. Ñiŋ daliiloo le ye a tinna, a ka moolu hakiloo bulandi kuma jamaa la, mennu be Kambeŋ Kotoo kono.
Ñiŋ kitaaboo safeeta kawandi kummaa baa luulu le kaŋ, Yeesu ye mennu ke.
1. Yeesu la konko kaŋ kawandoo, meŋ ye a yitandi, saayibe tooñaa si baluu ñaameŋ (hijibu 5–7).
2. Yaamaroolu saayiboolu ye, Yeesu ye mennu kii (hijibu 10).
3. Mansaaloolu ka Arijana mansabaayaa taamanseeri (hijibu 13).
4. Yaamaroolu Yeesu noomalankoolu ye, ka baluu a la kafoo kono (hijibu 18).
5. Karandiroo duniyaa labaŋo la kuwo to (hijibu 24–25).
Alla la waroo kaŋ, Yahuudoolu buka haañi a too faŋo kumandi la. Wo le ye a tinna ñiŋ kitaaboo safeelaa ka Alla la mansabaayaa kumandi Arijana mansabaayaa la. Karandiroo Arijana mansabaayaa la kuwo to seyinkanta ñiŋ kitaaboo kono baake le. Wo le ye a yitandi ko, Yeesu mu Yahuudoolu la mansakewo le ti, meŋ ñanta naa la (Matiyu 2:2), aniŋ meŋ be duniyaa mara la tiliŋo kono.
Yeesu ye a kibaari le ko, “Arijana mansabaayaa sutiyaata naŋ ne!” (Matiyu 4:17) A ye a yitandi ko, moolu ñanta i tuubiseyi la le, aduŋ ì ye i fammajii ka jiki Alla doroŋ na (Matiyu 5:1-10). Yeesu ye kaawakuwolu ke ka moolu kendeyandi, ka doolu wulindi saayaa kono, aniŋ ka moo wuliwuloolu domorindi (hijibu 8, 9, 12, 14-15). Hani wo, moolu balanta a ma, aduŋ ì naata a faa ko a faŋo ye a fo nuŋ ñaameŋ siiñaa jamaa, a la kawandoo kono. Yahuudoolu mennu ye mansakewo kaniŋ, ì maŋ a fahaamu ko, Yeesu le mu wo mansakewo ti, meŋ ñanta bataa la ka faa.
Yeesu la mutoo kono, Payileti ye a ñininkaa ko, “Fo ite le mu Yahuudoolu la mansakewo ti baŋ?” Yeesu ye a jaabi ko, “Ite le ye a fo de.” (Matiyu 27:11) Yeesu wulindiri koolaa saayaa kono, a ye moolu kalamutandi ko, ate le mu mansakewo ti, bari a maŋ ke Yahuudoolu dammaa la mansakewo ti. A naata a fo ko, “Kaŋo bee diita nte le la, duniyaa niŋ Arijana,” aduŋ a ye yaamari baa dii a la saayiboolu la ko, “Wo kamma la ali taa duniyaa bankoolu bee kaŋ ka ì ke n na saayiboolu ti.” (Matiyu 28:18-19)
Kuma sutuŋolu
Yeesu bonsuŋ saataroo niŋ a la wuluwo, Hijibu 1–2
Yaayaa Batiseerilaa la kawandoo 3:1-12
Yeesu la batisewo niŋ a la marisaroo 3:13–4:11
Yeesu la kawandoo jamaa kono Kalilee niŋ a dandaŋo la 4:12–18:35
Yeesu la konko kaŋ kawandoo 5–7
Ka bo Kalilee ka taa Yerusalaamu 19–20
Yeesu la lookuŋ labaŋo Yerusalaamu niŋ a dandaŋo la 21–27
Duniyaa labaŋo taamanseeroolu 24–25
Maariyo la siimaŋo 26:17-30
A kiitindoo niŋ a la saayaa 26:45–27:66
Yeesu la wuloo saayaa kono 28
Currently Selected:
Matiyu Kuma foloo: MNKBI
Highlight
Share
Copy
Want to have your highlights saved across all your devices? Sign up or sign in
Mandinka Bible © Bible Society in The Gambia, 2011.