Malaki Kuma foloo
Kuma foloo
Annabilayi Malaki la baluwo keta waati le la, waatoo meŋ Yahuudoolu muruta naŋ ka bo mutoo kono Babiloni. Bituŋ ì ye Alla Batudulaa Buŋo* lookuu, meŋ be Yerusalaamu. Bari ì niŋ ñiŋ jikoo le mu ko, Alla be ì la bankoo la kuwo sikandi la le ka tambi banku koteŋolu la, ko annabiyomu koteŋolu mennu tambita ye a bankee ñaameŋ.
Bari biriŋ wo maŋ ke, ì ye a je ko hani saayiŋ Banisirayila maŋ kummaayaa, aduŋ a maŋ a faŋ soto ka bo Perisiya bankoo bulu, bituŋ ì jikilateyita. Ì ye hakili fula soto Alla la kanoo niŋ a la tiliŋo to. Ñiŋ naata ì duŋ junube kuwolu kono komeŋ jeenoo, ka Alla batu horomantaŋyaa kono, aniŋ ka tara ì la diina kuwolu ke kaŋ faŋ yitandoo kono. Annabilayi Malaki ye ñiŋ maañaalu bayi le.
Ñiŋ kitaaboo kono, Alla too meŋ mu Yaawe* Alihawaa Maariyo* ti, fota le siiñaa muwaŋ. A ye a yitandi le ko Alla le marata daafeŋolu bee ma. A la kiitiiluŋo be naa le, luŋo meŋ a be moo kuruŋolu jarabi la, a ye lannamoolu kiisa. A te ke la Yahuudoolu doroŋ ti, bari duniyaa bee kewu. Malaki tarata a kata kaŋ ne ka moolu kalamutandi Alla la kanoo la, aniŋ ka a kata fo ì si tuubiseyi. Ñiŋ kitaaboo meŋ mu kitaabu labaŋo ti Kambeŋ Kotoo kono, labanta ñiŋ kankulaaroo le la ko, Annabilayi Eliya be naa le ka moolu parendi Alla la naa ye. Ñiŋ laahidoo timmata ka bo niŋ Yaayaa Batiseerilaa le la, meŋ ye siloo parendi Yeesu Alimasiihu* ye, Eliya la semboo niŋ a nooroo kaŋ. Matiyu 11:10 juubee.
Kuma sutuŋolu
Banisirayila la junuboo, Hijibu 1:1–2:16
Alla la kiitindiroo niŋ a la balafaa 2:17–4:6
Currently Selected:
Malaki Kuma foloo: MNKBI
Highlight
Copy
Compare
Share
Want to have your highlights saved across all your devices? Sign up or sign in
Mandinka Bible © Bible Society in The Gambia, 2011.