2 Pita Kuma foloo
Kuma foloo
Kiilaa* Pita ye a la ñiŋ leetari fulanjaŋo safee Rooma kundaa baa le to. Ñiŋ ne keta a la leetari labaŋo ti. A la ñiŋ safeeriŋ koolaa le, ì naata a faa tooroo waatoo la, Mansa Nero ye meŋ laa Yeesu noomalankoolu kaŋ. Pita ye baadiŋolu* kalamutandi a la saayaa la sutiyaa la le (2 Pita 1:14-15).
Ñiŋ leetaroo safeeta Yeesu la kafu jamaa le ye ko a la leetari foloo safeeta ñaameŋ. A daliiloo mu ka baadiŋolu dandalaa faniyaa karandirilaalu la kuwo la, mennu ka feeretoo duŋ ì la kafoolu kono taariŋ. Pita ye yaamaroo ke le ko, moolu si fata ì la karandiroo la, aniŋ kuu nooriŋolu ì ka mennu ke.
Ñiŋ leetaroo ye a yitandi le, Yeesu noomalankoolu ñanta baluu la ñaameŋ. Pita ye ñiŋ fo le ko, itolu kiilaalu ñaalu ye Yeesu la kuwolu mennu seedeyaa, wo niŋ annabiyomoolu ye kiilaariyaa kumoolu mennu fo nuŋ a la kuwo to, ì taata ñoo la le, aduŋ a la kuwo bee jarita lannoo la le.
A ye Yeesu la murunaŋo fanaa yitandi le, fo karannaalu si londi koyoo soto a kuwo to. Wo faniyaa karandirilaalu ye ñaawali kumoolu fo wo kuwo to le, fo baadiŋolu mennu be a batu kaŋ, wolu si jikilateyi ka itolu nooma. Pita ye daliiloo yitandi le, meŋ ye a tinna Yeesu maŋ naa foloo:
“A maŋ ke ko, Maariyo naafata a la laahidoo timmandoo la le, ko moo doolu ka a miira ñaameŋ. Wo noo to, a ka muña alitolu ye le, kaatu a maŋ lafi, moo-wo-moo le ye kasaara, bari moolu bee ye tuubi ka ì koo dii ì la junuboolu la.” (2 Pita 3:9)
Kuma sutuŋolu
Kontondiroo, Hijibu 1:1-2
Kumandiroo, Yeesu noomalankayaa to 1:3-21
Faniyaa karammoolu 2:1-22
Kiristu la murunaŋo 3:1-18
Currently Selected:
2 Pita Kuma foloo: MNKBI
Highlight
Copy
Compare
Share
Want to have your highlights saved across all your devices? Sign up or sign in
Mandinka Bible © Bible Society in The Gambia, 2011.