ၽီႉလိပ်ႉပီႉ ၵႂၢမ်းၼမ်း
ၵႂၢမ်းၼမ်း
လိၵ်ႈတြႃးပုၼ်ႈၵူၼ်းဝဵင်းၽီႉလိပ်ႉပီႉဢၼ်တမၢၼ်ႇၸဝ်ႈပေႃးလူႉတႅမ်ႈမိူဝ်ႈပီႊၸဝ်ႈၶရိၸ်ႈ၊62 (A.D. 62) ၽွင်းယၢမ်းဢၼ်မၼ်းလႆႈတူၵ်းထွင်ႇယူႇၵႃႈၼႂ်းဝဵင်းရူဝ်းမႃႉၼၼ်ႉလႄႈပဵၼ်လိၵ်ႈတြႃးဢၼ်ၼိုင်ႈဢၼ်ၵႃႈၼႂ်းလိၵ်ႈတြႃးသီႇဢၼ်ၼၼ်ႉ၊ဢၼ်လႆႈတႅမ်ႈၵႃႈၼႂ်းထွင်ႇၼၼ်ႉသေလႄႈပၼ်ၵႂႃႇတီႈၸိူဝ်းၸဝ်ႈဢၼ်တမၢၼ်ႇၸဝ်ႈပေႃးလူႉတႄႇတင်ႈဝႆႉဢွၼ်တၢင်းသေပိူၼ်ႈၵႃႈၼႂ်းမိူင်းမႃႇၵေႇတေႃးၼီႉဢၼ်ၶုၼ်ရူဝ်းမႃႉၶဝ်ဢုပ်ႉပိူင်ႇၼၼ်ႉဢေႃႈ။ ပဵၼ်ယၢမ်းမိူဝ်ႈဢၼ်ၵူၼ်းလူင်ၶရိၸ်ႈယၢၼ်ႇၵမ်ႈၽွင်ႈသၢၼ်ၶတ်းမၼ်းယူႇလႄႈဢဝ်တင်းတြႃးဢၼ်ၽိတ်းဢၼ်ပိူင်ႈယႃႉယူၵ်ႉၸိူဝ်းၸဝ်ႈဝဵင်းၽီႉလိပ်ႉပီႉယူႇၼၼ်ႉဢေႃႈ။ ၼႂ်းဝႃႈၼၼ်သေၵေႃႈ၊ၼႂ်းၽိုၼ်လိၵ်ႈၼႆႉတမၢၼ်ႇၸဝ်ႈပေႃးလူႉၽုၺ်ႇလၢတ်ႈၼႄလွင်ႈၸႂ်ဢၼ်ၸူမ်းသိူဝ်း၊ဢိၵ်ႇတင်းတၢင်းဢၼ်ယုမ်ႇယမ်တမ်းၸႂ်ၵွပ်ႈပိူဝ်ႈတၢင်းဢၼ်မၼ်းယုမ်ႇမၢတ်ႈမၼ်ႈၶိူင်ႇၼႃႇၼႂ်းၸဝ်ႈယေႇသူႉၶရိၸ်ႈၵူၺ်းၼၼ်ႉဢေႃႈ။
လွင်ႈလူင်မၼ်းဢၼ်မၼ်းလႆႈတႅမ်ႈလိၵ်ႈႁႂ်ႈလႆႈတၢင်ႇၵျေးၸူးၶရိၸ်ႈယၢၼ်ႇဝဵင်းၽီႉလိပ်ႉပီႉၶဝ်သူင်ႇပၼ်ငိုၼ်းလူႇတီႈမၼ်းယၢမ်းမိူဝ်ႈဢၼ်မၼ်းလူဝ်ႇၸႂ်ႉၸၢႆႇၼၼ်ႉဢေႃႈ။ မၼ်းဢဝ်ဢၶႂၢင်ႉဢယေးၼၼ်ႉသေလႄႈတိုၵ်းယူင်းႁႂ်ႈၶဝ်ၸႂ်ႁႅင်းယႂ်ႇယူႇ၊ယုမ်ႇယမ်တမ်းၸႂ်ယူႇလႄႈ၊ၼင်ႇႁိုဝ်ၶဝ်ၸႂ်ဢမ်ႇလူႉ ၵွပ်ႈပိူဝ်ႈတုၵ်ႉၶႃႉတၢင်းၽၢၼ်ဢၼ်မၼ်းတင်းၶဝ်လႆႈၶၢမ်ႇယူႇၸိူဝ်းၼၼ်ႉဢေႃႈ။ မၼ်းတိုၵ်းယူင်းႁႂ်ႈၶဝ်မီးၸႂ်ၶျႃးတႅမ်ႇမိူၼ်ၸဝ်ႈယေႇသူႉၼၼ်ႉလႄႈ၊ဢမ်ႇႁႂ်ႈၶဝ်မီးၸႂ်ဢၼ်တူၺ်းထိုင်ပုၼ်ႈတူဝ်ၸဝ်ႈၵဝ်ႇလူၺ်ႈတင်းၸႂ်ဢၼ်ၽႅၼ်သုင်ၼၼ်ႉဢေႃႈ။ မၼ်းပၼ်သတီႉတီႈၶဝ်လွင်ႈဢၼ်ဢသၢၵ်ႈလိပ်းၼႂ်းၸဝ်ႈၶရိၸ်ႈ၊ၼႆႉ၊ပဵၼ်သူႉၵျေးၸူးၽြႃးပဵၼ်ၸဝ်ႈပၼ်ၵွပ်ႈပိူဝ်ႈၵမ်ၵျၢင်ႉၸွမ်းထုင်းတြႃးယူႉတႃႉၶဝ်ၼၼ်ႉဢမ်ႇၸႂ်ႈ။ မၼ်းပဵၼ်ၵွပ်ႈပိူဝ်ႈတၢင်းယုမ်ႇမၢတ်ႈၼၼ်ႉဢေႃႈ။
ႁူဝ်ႁုပ်ႈၽိုၼ်လိၵ်ႈၸမ်ႉ၊ပဵၼ်လွင်ႈတၢင်းဢၼ်သိူဝ်ႈပျေႃႇ၊လွင်ႈတၢင်းဢၼ်ယုမ်ႇယမ်တမ်းၸႂ်၊လွင်ႈတၢင်းဢၼ်ၽွမ်ႉၸႂ်ၵၼ်၊တင်းလွင်ႈတၢင်းယုမ်ႇမၢတ်ႈဢိၵ်ႇတင်းတၢင်းၵမ်တၢင်းၵျၢင်ႉၶရိၸ်ႈယၢၼ်ႇဢေႃႈ။
ႁူဝ်ၶေႃႈဢၼ်ၶဝ်ႈပႃးၸမ်ႉ
ၵႂၢမ်းတူင်ႉတၵ်ႉ 1:1-11
လွင်ႈတၢင်းယူႇသဝ်းတမၢၼ်ႇၸဝ်ႈပေႃးလူႉ 1:12-26
တၢင်းဢၼ်ဢသၢၵ်ႈလိပ်းၼႂ်းၸဝ်ႈၶရိၸ်ႈ 1:27-2:18
တၢင်းဢၼ်ၶိုင်ပွင်ဝႆႉပုၼ်ႈတမၢၼ်ႇၸဝ်ႈတီႉမေႃးသေႇတင်းဢေးပႃႉၽရေႃးတိတ်ႉ 2:19-30
ၵႂၢမ်းပၼ်သတီႉလူၺ်ႈလွင်ႈရၢၼ်ႇသူႇတင်းၽေးဢၼ်ႇတရႄႇ 3:1-4:9
တမၢၼ်ႇၸဝ်ႈပေႃးလူႉတင်းၵေႃႉသေႈမၼ်းၵူၼ်းဝဵင်းၽီႉလိပ်ႉပီႉ 4:10-20
ၵႂၢမ်းတူင်ႉတၵ်ႉၵမ်းလိုၼ်းသုတ်း 4:21-23
Currently Selected:
ၽီႉလိပ်ႉပီႉ ၵႂၢမ်းၼမ်း: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship